ਸਪੋਰਟਸ ਡੈਸਕ— 22 ਅਗਸਤ ਤੋਂਂ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਟੈਸਟ ਸੀਰੀਜ਼ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ। ਇਸ ਮੁਕਾਬਲੇ ਦੇ ਨਾਲ ਹੀ ਭਾਰਤ ਟੈਸਟ ਚੈਂਪੀਅਨਸ਼ਿਪ 'ਚ ਆਗਾਜ਼ ਕਰਨ ਜਾ ਰਿਹਾ ਹੈ। 2 ਮੈਚਾਂ ਦੀ ਸੀਰੀਜ 'ਚ ਟੀਮ ਇੰਡੀਆ ਦੀ ਜਿੱਤ 'ਤੇ ਪੱਕੀ ਮੋਹਰ ਲਗਾਈ ਜਾ ਰਹੀ ਹੈ। ਪਿਛਲੇ 17 ਸਾਲਾਂ 'ਚ ਭਾਰਤ ਨੇ ਵੈਸਟਇੰਡੀਜ਼ ਖਿਲਾਫ ਇਕ ਵੀ ਟੈਸਟ ਸੀਰੀਜ਼ ਨਹੀਂ ਗੁਵਾਈ ਹੈ। ਇਸ ਦੇ ਨਾਲ ਭਾਰਤੀ ਕ੍ਰਿਕਟ ਟੀਮ ਦੇ ਆਲਰਾਊਂਡਰ ਰਵਿੰਦਰ ਜਡੇਜਾ ਦੀ ਨਜ਼ਰ ਵੈਸਟਇੰਡੀਜ਼ ਖਿਲਾਫ ਹੋਣ ਵਾਲੇ ਟੈਸਟ ਸੀਰੀਜ਼ ਦੇ ਦੌਰਾਨ ਇਕ ਅਹਿਮ ਰਿਕਾਰਡ 'ਤੇ ਰਹੇਗੀ। ਟੈਸਟ ਕ੍ਰਿਕਟ 'ਚ ਜਡੇਜਾ 200 ਵਿਕਟਾਂ ਹਾਸਲ ਕਰ ਕੇ ਇਕ ਨਵਾਂ ਇਤਿਹਾਸ ਰਚ ਸਕਦੇ ਹਨ।
ਇਹ ਕਮਾਲ ਕਰਨ ਤੋਂ 8 ਕਦਮ ਦੂਰ ਜਡੇਜਾ
ਐਂਟੀਗੁਆ 'ਚ ਖੇਡਿਆ ਜਾਣ ਵਾਲਾ ਟੈਸਟ ਮੈਚ ਜਡੇਜਾ ਦੇ ਕਰੀਅਰ ਦਾ 42ਵਾਂ ਮੁਕਾਬਲਾ ਹੋਵੇਗਾ। ਹੁਣ ਤੱਕ ਉਨ੍ਹਾਂ ਨੇ ਕੁਲ 192 ਟੈਸਟ ਵਿਕਟਾਂ ਹਾਸਲ ਕੀਤੀਆਂ ਹਨ। ਇਸ ਮੈਚ 'ਚ ਜੇਕਰ ਉਹ 8 ਵਿਕਟਾਂ ਲੈਣ 'ਚ ਕਾਮਯਾਬ ਹੁੰਦੇ ਹਨ ਤਾਂ ਉਹ ਭਾਰਤ ਵੱਲੋਂ ਸਭ ਤੋਂ ਤੇਜ਼ 200 ਟੈਸਟ ਵਿਕਟਾਂ ਲੈਣ ਵਾਲੇ ਦੂਜੇ ਗੇਂਦਬਾਜ਼ ਬਣ ਜਾਣਗੇ। ਜਡੇਜਾ ਅਜਿਹਾ ਕਰਨ ਵਾਲੇ ਭਾਰਤ ਦੇ 10ਵੇਂ ਗੇਂਦਬਾਜ਼ ਬਣ ਜਾਣਗੇ। ਸਭ ਤੋਂ ਤੇਜ਼ 200 ਵਿਕਟਾਂ ਹਾਸਲ ਕਰਨ ਵਾਲੇ ਭਾਰਤੀ ਗੇਂਦਬਾਜ਼ਾਂ ਦੀ ਲਿਸਟ 'ਚ ਆਰ.ਅਸ਼ਵਿਨ ਸਭ ਤੋਂ ਅੱਗੇ ਹਨ।
ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਪੂਰੀਆਂ ਕੀਤੀਆਂ 400 ਵਿਕਟਾਂ
ਖੱਬੇ ਹੱਥ ਦੇ ਸਪਿਨਰ ਜਡੇਜਾ ਦਾ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਵੀ ਪ੍ਰਦਰਸ਼ਨ ਚੰਗਾ ਰਿਹਾ ਹੈ। ਹਾਲ ਹੀ 'ਚ ਉਹ ਇੰਟਰਨੈਸ਼ਨਲ ਕ੍ਰਿਕਟ 'ਚ ਭਾਰਤ ਵੱਲੋਂ ਸਭ ਤੋਂ ਜ਼ਿਆਦਾ ਵਿਕੇਟਾਂ ਲੈਣ ਵਾਲੇ ਖੱਬੇ ਹੱਥ ਦੇ ਸਪਿਨਰ ਬਣੇ ਹਨ। ਜਡੇਜਾ ਨੇ ਹੁਣ ਅੰਤਰਰਾਸ਼ਟਰੀ ਕ੍ਰਿਕਟ ਦੇ ਤਿਨੋਂ ਫਾਰਮੈਟਾਂ 'ਚ ਕੁੱਲ ਮਿਲਾ ਕੇ 400 ਵਿਕਟਾਂ ਦਾ ਰਿਕਾਰਡ ਆਪਣੇ ਨਾਂ ਦਰਜ ਕੀਤਾ ਹੈ ਜਡੇਜਾ ਨੇ ਇਹ ਮੁਕਾਮ ਵੈਸਟਇੰਡੀਜ਼ ਖਿਲਾਫ ਟੀ 20 ਮੈਚ 'ਚ ਇਕ ਵਿਕਟ ਲੈਣ ਤੋਂ ਬਾਅਦ ਹਾਸਲ ਕੀਤਾ।
ਭਾਰਤ ਕੋਲ ਕਲੀਨ ਸਵੀਪ ਕਰਨ ਦਾ ਮੌਕਾ
ਭਾਰਤ ਨੇ ਇਸ ਦੌਰੇ 'ਤੇ ਸ਼ਾਨਦਾਰ ਖੇਡ ਦਿਖਾਉਂਦੇ ਹੋਏ ਟੀ20 ਅਤੇ ਵਨ-ਡੇ ਸੀਰੀਜ ਆਪਣੇ ਨਾਂ ਕੀਤੀਆਂ ਹਨ। ਟੀ20 'ਚ ਭਾਰਤ ਨੇ 3-0 ਨਾਲ ਜਿੱਤ ਹਾਸਲ ਕੀਤੀ ਸੀ ਜਦ ਕਿ ਵਨ-ਡੇ 'ਚ ਪਹਿਲਾ ਮੈਚ ਮੀਂਹ ਦੀ ਭੇਟ ਚੜਣ ਤੋਂ ਬਾਅਦ ਲਗਾਤਾਰ ਬਾਕੀ ਦੋ ਮੈਚ ਜਿੱਤੇ ਸਨ।
ਆਸਟਰੇਲੀਆ 'ਤੇ 'ਬਾਊਂਸਰਜ਼' ਦਾ ਹਮਲਾ ਜਾਰੀ ਰੱਖਣਗੇ ਆਰਚਰ
NEXT STORY 
