ਰਾਂਚੀ, (ਭਾਸ਼ਾ) - ਏਸ਼ੀਆਈ ਖੇਡਾਂ ਦੀ ਸਾਬਕਾ ਚੈਂਪੀਅਨ ਜਾਪਾਨ ਨੂੰ ਸ਼ਨੀਵਾਰ ਨੂੰ ਇੱਥੇ ਐਫਆਈਐਚ ਮਹਿਲਾ ਓਲੰਪਿਕ ਕੁਆਲੀਫਾਇਰ ਦੇ ਪੂਲ ਏ ਦੇ ਸ਼ੁਰੂਆਤੀ ਮੈਚ ਵਿਚ ਹੇਠਲੇ ਦਰਜੇ ਦੇ ਚੈੱਕ ਗਣਰਾਜ ਨੂੰ 2-0 ਨਾਲ ਹਰਾਉਣ ਲਈ ਸਖ਼ਤ ਮਿਹਨਤ ਕਰਨੀ ਪਈ। ਜਕਾਰਤਾ ਏਸ਼ੀਆਡ 2018 ਜਿੱਤਣ ਵਾਲੀ ਜਾਪਾਨ ਦੀ ਟੀਮ ਨੇ ਜ਼ਿਆਦਾਤਰ ਮੈਚਾਂ 'ਤੇ ਕੰਟਰੋਲ ਬਰਕਰਾਰ ਰੱਖਿਆ ਪਰ ਉਹ ਸਿਰਫ ਦੋ ਗੋਲ ਹੀ ਕਰ ਸਕੀ।
ਮਿਯੂ ਸੁਜ਼ੂਕੀ ਨੇ ਦੂਜੇ ਪੈਨਲਟੀ ਕਾਰਨਰ ਤੋਂ ਰਿਬਾਊਂਡ 'ਤੇ ਚੌਥੇ ਮਿੰਟ 'ਚ ਜਾਪਾਨ ਲਈ ਪਹਿਲਾ ਗੋਲ ਕੀਤਾ। ਇਸ ਤੋਂ ਬਾਅਦ ਸ਼ਿਹੋਰੀ ਓਇਕਾਵਾ ਨੇ 40ਵੇਂ ਮਿੰਟ ਵਿੱਚ ਦੂਜਾ ਗੋਲ ਕੀਤਾ। ਇਸ ਦਾ ਸਿਹਰਾ ਚੈੱਕ ਗਣਰਾਜ ਦੀ ਗੋਲਕੀਪਰ ਬਾਰਬੋਰਾ ਚੇਚਾਕੋਵਾ ਨੂੰ ਦਿੱਤਾ ਜਾਣਾ ਚਾਹੀਦਾ ਹੈ ਜਿਸ ਨੇ ਮੈਚ ਦੌਰਾਨ ਕਈ ਬਚਾਅ ਕੀਤੇ। ਜਾਪਾਨ ਨੇ ਮੈਚ ਵਿੱਚ ਅੱਠ ਪੈਨਲਟੀ ਕਾਰਨਰ ਜਿੱਤੇ ਜਦਕਿ ਵਿਰੋਧੀ ਟੀਮ ਨੂੰ ਸਿਰਫ਼ ਇੱਕ ਹੀ ਮਿਲਿਆ।
15ਵੇਂ ਸਥਾਨ 'ਤੇ ਕਾਬਜ਼ ਜਾਪਾਨ ਤੋਂ 31ਵੀਂ ਰੈਂਕਿੰਗ ਵਾਲੀ ਟੀਮ ਖਿਲਾਫ ਆਸਾਨ ਜਿੱਤ ਦਰਜ ਕਰਨ ਦੀ ਉਮੀਦ ਸੀ। ਪਰ ਜਾਪਾਨ ਦੇ ਦਬਦਬੇ ਦੇ ਬਾਵਜੂਦ ਅਜਿਹਾ ਨਹੀਂ ਹੋ ਸਕਿਆ। ਚੈੱਕ ਗਣਰਾਜ ਨੇ ਵੀ ਸਰਕਲ ਵਿੱਚ ਸੰਨ੍ਹ ਲਾਈ ਪਰ ਉਸ ਵਿੱਚ ਮੁਕੰਮਲ ਹੋਣ ਦੀ ਘਾਟ ਸੀ। ਐਤਵਾਰ ਨੂੰ ਜਾਪਾਨ ਦਾ ਸਾਹਮਣਾ ਜਰਮਨੀ ਨਾਲ ਹੋਵੇਗਾ ਜਦਕਿ ਚੈੱਕ ਗਣਰਾਜ ਚਿਲੀ ਨਾਲ ਭਿੜੇਗਾ।
ਨਿਸ਼ਾਨੇਬਾਜ਼ ਵਿਜੇਵੀਰ ਸਿੱਧੂ ਨੇ ਜਿੱਤਿਆ ਚਾਂਦੀ ਦਾ ਤਮਗਾ, ਭਾਰਤ ਨੂੰ ਦਿਵਾਇਆ ਪੈਰਿਸ ਓਲੰਪਿਕ ਲਈ 17ਵਾਂ ਕੋਟਾ
NEXT STORY 
