ਪੈਰਿਸ- ਪੈਰਿਸ ਪੈਰਾਲੰਪਿਕ 2024 ਵਿੱਚ ਭਾਰਤੀ ਖਿਡਾਰੀਆਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਇਸ ਲੜੀ ਵਿੱਚ ਕਪਿਲ ਪਰਮਾਰ ਨੇ ਜੇ1 60 ਕਿਲੋਗ੍ਰਾਮ ਪੁਰਸ਼ ਪੈਰਾ ਜੂਡੋ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ। 5 ਸਤੰਬਰ (ਵੀਰਵਾਰ) ਨੂੰ ਹੋਏ ਕਾਂਸੀ ਦੇ ਤਗਮੇ ਦੇ ਮੁਕਾਬਲੇ ਵਿੱਚ ਕਪਿਲ ਨੇ ਬ੍ਰਾਜ਼ੀਲ ਦੇ ਏਲੀਟਨ ਡੀ ਓਲੀਵੇਰਾ ਨੂੰ ਇੱਕਤਰਫਾ 10-0 ਨਾਲ ਹਰਾਇਆ। ਪੈਰਾਲੰਪਿਕ ਦੇ ਇਤਿਹਾਸ ਵਿੱਚ ਜੂਡੋ ਵਿੱਚ ਭਾਰਤ ਦਾ ਇਹ ਪਹਿਲਾ ਤਗਮਾ ਰਿਹਾ।
ਪੈਰਾ ਜੂਡੋ ਵਿੱਚ J1 ਸ਼੍ਰੇਣੀ ਵਿੱਚ ਉਹ ਖਿਡਾਰੀ ਹਿੱਸਾ ਲੈਂਦੇ ਹਨ ਜੋ ਨੇਤਰਹੀਣ ਹਨ ਜਾਂ ਜਿਨ੍ਹਾਂ ਨੂੰ ਘੱਟ ਨਜ਼ਰ ਆਉਂਦਾ ਹੈ। ਕਪਿਲ ਦੇ ਕਾਂਸੀ ਦੇ ਤਗਮੇ ਨਾਲ ਪੈਰਿਸ ਪੈਰਾਲੰਪਿਕ 'ਚ ਭਾਰਤ ਦੇ ਤਗਮੇ ਦੀ ਗਿਣਤੀ ਹੁਣ 25 ਹੋ ਗਈ ਹੈ। ਭਾਰਤ ਨੇ ਹੁਣ ਤੱਕ 5 ਸੋਨ, 8 ਚਾਂਦੀ ਅਤੇ 12 ਕਾਂਸੀ ਦੇ ਤਗਮੇ ਜਿੱਤੇ ਹਨ। ਪਰਮਾਰ ਨੇ 2022 ਦੀਆਂ ਏਸ਼ਿਆਈ ਖੇਡਾਂ ਵਿੱਚ ਇਸੇ ਵਰਗ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ ਸੀ।
ਖੇਡ ਮੰਤਰੀ ਮੰਡਾਵੀਆ ਨੇ ਪੈਰਾਲੰਪਿਕਸ 'ਚ ਰਿਕਾਰਡ ਤਮਗਾ ਜਿੱਤਣ ਦੀ ਕੀਤੀ ਤਾਰੀਫ
NEXT STORY 
