ਮੁੰਬਈ : ਰਾਊਂਡਗਲਾਸ ਟੈਨਿਸ ਅਕੈਡਮੀ ਦੇ 23 ਸਾਲਾ ਟੈਨਿਸ ਖਿਡਾਰੀ ਕਰਨ ਸਿੰਘ ਨੇ 30,000 ਅਮਰੀਕੀ ਡਾਲਰ ਇਨਾਮੀ ਰਾਸ਼ੀ ਵਾਲੇ 'ਆਈ.ਟੀ.ਐੱਫ. ਮੈਨਜ਼ ਵਰਲਡ ਟੈਨਿਸ ਟੂਰ ਐੱਮ25' ਟੂਰਨਾਮੈਂਟ ਵਿੱਚ ਪੁਰਸ਼ ਏਕਲ ਦਾ ਖ਼ਿਤਾਬ ਜਿੱਤ ਲਿਆ ਹੈ। ਮੁੰਬਈ ਦੇ ਕੂਪਰੇਜ ਸਥਿਤ ਮਹਾਰਾਸ਼ਟਰ ਸਟੇਟ ਲੌਨ ਟੈਨਿਸ ਐਸੋਸੀਏਸ਼ਨ ਵਿਖੇ ਖੇਡੇ ਗਏ ਫਾਈਨਲ ਮੁਕਾਬਲੇ ਵਿੱਚ ਤੀਜੀ ਵਰੀਅਤਾ ਪ੍ਰਾਪਤ ਕਰਨ ਨੇ ਆਪਣੀ ਹੀ ਅਕੈਡਮੀ ਦੇ ਸਾਥੀ ਖਿਡਾਰੀ ਦਿਗਵਿਜੇ ਪ੍ਰਤਾਪ ਸਿੰਘ ਨੂੰ ਹਰਾਇਆ।
ਮੈਚ ਦੌਰਾਨ ਜਦੋਂ ਕਰਨ 7-5, 3-1 ਨਾਲ ਅੱਗੇ ਚੱਲ ਰਹੇ ਸਨ, ਤਾਂ 1 ਘੰਟਾ 32 ਮਿੰਟ ਦੇ ਖੇਡ ਤੋਂ ਬਾਅਦ ਦਿਗਵਿਜੇ ਨੂੰ ਸੱਟ/ਅਸਮਰੱਥਾ ਕਾਰਨ ਮੈਚ ਤੋਂ ਹਟਣਾ ਪਿਆ। ਕਰਨ ਦਾ ਸਾਲ 2026 ਸੀਜ਼ਨ ਦਾ ਇਹ ਚੌਥਾ ਖ਼ਿਤਾਬ ਹੈ। ਖ਼ਾਸ ਗੱਲ ਇਹ ਰਹੀ ਕਿ ਪੂਰੇ ਟੂਰਨਾਮੈਂਟ ਦੌਰਾਨ ਕਰਨ ਨੇ ਇੱਕ ਵੀ ਸੈੱਟ ਨਹੀਂ ਗੁਆਇਆ।
ਨਿੰਗਬੋ ਓਪਨ: ਏਲੀਨਾ ਰਾਇਬਾਕੀਨਾ ਨੇ ਜਿੱਤ ਨਾਲ ਖ਼ਿਤਾਬ ਰੱਖਿਆ ਬਰਕਰਾਰ
NEXT STORY 
