Jagbani

helo

Jagbani.in

ਸਾਨੂੰ ਦੁੱਖ ਹੈ ਕਿ ਤੁਸੀਂ opt-out ਕਰ ਚੁੱਕੇ ਹੋ।

ਪਰ ਜੇ ਤੁਸੀਂ ਗਲਤੀ ਨਾਲ ''Block'' ਸਿਲੈਕਟ ਕੀਤਾ ਸੀ ਜਾਂ ਫਿਰ ਭਵਿੱਖ 'ਚ ਤੁਸੀਂ ਨੋਟਿਫਿਕੇਸ਼ਨ ਪਾਉਣਾ ਚਾਹੁੰਦੇ ਹੋ ਤਾਂ ਥੱਲੇ ਦਿੱਤੇ ਨਿਰਦੇਸ਼ਾਂ ਦਾ ਪਾਲਨ ਕਰੋ।

  • ਇੱਥੇ ਜਾਓ Chrome>Setting>Content Settings
  • ਇੱਥੇ ਕਲਿਕ ਕਰੋ Content Settings> Notification>Manage Exception
  • "https://www.punjabkesri.in:443" ਦੇ ਲਈ Allow ਚੁਣੋ।
  • ਆਪਣੇ ਬ੍ਰਾਉਜ਼ਰ ਦੀ Cookies ਨੂੰ Clear ਕਰੋ।
  • ਪੇਜ ਨੂੰ ਰਿਫ੍ਰੈਸ਼( Refresh) ਕਰੋ।
Got it
  • JagbaniKesari TvJagbani Epaper
  • Top News

    THU, JUN 12, 2025

    6:34:51 PM

  • meteorological department warns in punjab

    ਪੰਜਾਬ 'ਚ ਮੌਸਮ ਵਿਭਾਗ ਦੀ ਚਿਤਾਵਨੀ, ਤਾਪਮਾਨ ਨੇ...

  • ahmedabad air india plane crash

    ਜਹਾਜ਼ ਹਾਦਸਾ: ਕਿਸੇ ਦੇ ਵੀ ਬਚਣ ਦੀ ਨਹੀਂ ਉਮੀਦ,...

  • driver punjab petrol

    ਪੰਜਾਬ ਵਿਚ ਹੁਣ ਇਨ੍ਹਾਂ ਵਾਹਨ ਚਾਲਕਾਂ ਨੂੰ ਨਹੀਂ...

  • indian cricketers express grief over plane crash

    ਹਵਾਈ ਜਹਾਜ਼ ਹਾਦਸੇ 'ਤੇ ਛਲਕਿਆ ਭਾਰਤੀ ਕ੍ਰਿਕਟਰਾਂ...

browse

  • ਪੰਜਾਬ
  • ਦੇਸ਼
    • ਦਿੱਲੀ
    • ਹਰਿਆਣਾ
    • ਜੰਮੂ-ਕਸ਼ਮੀਰ
    • ਹਿਮਾਚਲ ਪ੍ਰਦੇਸ਼
    • ਹੋਰ ਪ੍ਰਦੇਸ਼
  • ਵਿਦੇਸ਼
    • ਕੈਨੇਡਾ
    • ਆਸਟ੍ਰੇਲੀਆ
    • ਪਾਕਿਸਤਾਨ
    • ਅਮਰੀਕਾ
    • ਇਟਲੀ
    • ਇੰਗਲੈਂਡ
    • ਹੋਰ ਵਿਦੇਸ਼ੀ ਖਬਰਾਂ
  • ਦੋਆਬਾ
    • ਜਲੰਧਰ
    • ਹੁਸ਼ਿਆਰਪੁਰ
    • ਕਪੂਰਥਲਾ-ਫਗਵਾੜਾ
    • ਰੂਪਨਗਰ-ਨਵਾਂਸ਼ਹਿਰ
  • ਮਾਝਾ
    • ਅੰਮ੍ਰਿਤਸਰ
    • ਗੁਰਦਾਸਪੁਰ
    • ਤਰਨਤਾਰਨ
  • ਮਾਲਵਾ
    • ਚੰਡੀਗੜ੍ਹ
    • ਲੁਧਿਆਣਾ-ਖੰਨਾ
    • ਪਟਿਆਲਾ
    • ਮੋਗਾ
    • ਸੰਗਰੂਰ-ਬਰਨਾਲਾ
    • ਬਠਿੰਡਾ-ਮਾਨਸਾ
    • ਫਿਰੋਜ਼ਪੁਰ-ਫਾਜ਼ਿਲਕਾ
    • ਫਰੀਦਕੋਟ-ਮੁਕਤਸਰ
  • ਤੜਕਾ ਪੰਜਾਬੀ
    • ਪਾਰਟੀਜ਼
    • ਪਾਲੀਵੁੱਡ
    • ਬਾਲੀਵੁੱਡ
    • ਪੌਪ ਕੌਨ
    • ਟੀਵੀ
    • ਰੂ-ਬ-ਰੂ
    • ਪੁਰਾਣੀਆਂ ਯਾਦਾ
    • ਮੂਵੀ ਟਰੇਲਰਜ਼
  • ਖੇਡ
    • ਕ੍ਰਿਕਟ
    • ਫੁੱਟਬਾਲ
    • ਟੈਨਿਸ
    • ਹੋਰ ਖੇਡ ਖਬਰਾਂ
  • ਵਪਾਰ
    • ਨਿਵੇਸ਼
    • ਅਰਥਵਿਵਸਥਾ
    • ਸ਼ੇਅਰ ਬਾਜ਼ਾਰ
    • ਵਪਾਰ ਗਿਆਨ
  • ਅੱਜ ਦਾ ਹੁਕਮਨਾਮਾ
  • ਗੈਜੇਟ
    • ਆਟੋਮੋਬਾਇਲ
    • ਤਕਨਾਲੋਜੀ
    • ਮੋਬਾਈਲ
    • ਇਲੈਕਟ੍ਰੋਨਿਕਸ
    • ਐੱਪਸ
    • ਟੈਲੀਕਾਮ
  • ਦਰਸ਼ਨ ਟੀ.ਵੀ.
  • ਸਿਹਤ
  • ਅਜਬ ਗਜਬ
  • Home
  • ਤੜਕਾ ਪੰਜਾਬੀ
  • ਦੇਸ਼
  • ਵਿਦੇਸ਼
  • ਖੇਡ
  • ਵਪਾਰ
  • ਧਰਮ
  • Google Play Store
  • Apple Store
  • E-Paper
  • Kesari TV
  • Navodaya Times
  • Jagbani Website
  • JB E-Paper

ਪੰਜਾਬ

  • ਦੋਆਬਾ
  • ਮਾਝਾ
  • ਮਾਲਵਾ

ਮਨੋਰੰਜਨ

  • ਬਾਲੀਵੁੱਡ
  • ਪਾਲੀਵੁੱਡ
  • ਟੀਵੀ
  • ਪੁਰਾਣੀਆਂ ਯਾਦਾ
  • ਪਾਰਟੀਜ਼
  • ਪੌਪ ਕੌਨ
  • ਰੂ-ਬ-ਰੂ
  • ਮੂਵੀ ਟਰੇਲਰਜ਼

Photos

  • Home
  • ਮਨੋਰੰਜਨ
  • ਖੇਡ
  • ਦੇਸ਼

Videos

  • Home
  • Latest News 2023
  • Aaj Ka Mudda
  • 22 Districts 22 News
  • Job Junction
  • Most Viewed Videos
  • Janta Di Sath
  • Siasi-te-Siasat
  • Religious
  • Punjabi Stars Interview
  • Home
  • Sports News
  • Jalandhar
  • ਖੇਡ ਰਤਨ ਪੰਜਾਬ ਦੇ : ਮਾਂ ਖੇਡ ਕਬੱਡੀ ਦਾ ਮਾਣ ਆਲਮੀ ਚੈਂਪੀਅਨ ‘ਮਨਪ੍ਰੀਤ ਮਾਨਾ’

SPORTS News Punjabi(ਖੇਡ)

ਖੇਡ ਰਤਨ ਪੰਜਾਬ ਦੇ : ਮਾਂ ਖੇਡ ਕਬੱਡੀ ਦਾ ਮਾਣ ਆਲਮੀ ਚੈਂਪੀਅਨ ‘ਮਨਪ੍ਰੀਤ ਮਾਨਾ’

  • Edited By Rajwinder Kaur,
  • Updated: 12 Oct, 2020 02:50 PM
Jalandhar
khed rattan punjab de kabaddi player manpreet mana
  • Share
    • Facebook
    • Tumblr
    • Linkedin
    • Twitter
  • Comment

ਨਵਦੀਪ ਸਿੰਘ ਗਿੱਲ

ਲੜੀ-24

ਮਨਪ੍ਰੀਤ ਸਿੰਘ ਮਾਨਾ ਪੰਜਾਬੀਆਂ ਦੀ ਮਾਂ ਖੇਡ ਕਬੱਡੀ ਦਾ ਆਲਮੀ ਚੈਂਪੀਅਨ ਹੈ। ਪੰਜਾਬ ਦੀਆਂ ਸਰਹੱਦਾਂ ਤੋਂ ਬਾਹਰ ਕੌਮੀ ਅਤੇ ਕੌਮਾਂਤਰੀ ਮੁਕਾਬਲਿਆਂ ਵਿੱਚ ਖੇਡੀ ਜਾਂਦੀ ਨੈਸ਼ਨਲ ਸਟਾਈਲ ਕਬੱਡੀ ਖੇਡ ਵਿੱਚ ਮਾਨਾ ਇਕ ਵਾਰ ਨਹੀਂ ਸਗੋਂ ਦੋ ਵਾਰ ਆਲਮੀ ਚੈਂਪੀਅਨ ਬਣਿਆ ਹੈ। ਏਸ਼ਿਆਈ ਖੇਡਾਂ ਤੇ ਏਸ਼ੀਆ ਕੱਪ ਵਿੱਚ ਵੀ ਉਹ ਦੋ-ਦੋ ਵਾਰ ਚੈਂਪੀਅਨ ਬਣਿਆ ਹੈ। ਜੇਕਰ ਕਬੱਡੀ ਵੀ ਏਸ਼ਿਆਈ ਖੇਡਾਂ ਦੇ ਨਾਲ ਉਲੰਪਿਕਸ ਦਾ ਹਿੱਸਾ ਹੁੰਦੀ ਤਾਂ ਮਾਨਾ ਵਿਸ਼ਵ ਤੇ ਏਸ਼ੀਅਨ ਚੈਂਪੀਅਨ ਦੇ ਨਾਲ ਓਲੰਪਿਕ ਚੈਂਪੀਅਨ ਵੀ ਹੁੰਦਾ। ਆਪਣੇ ਦਮ 'ਤੇ ਭਾਰਤੀ ਟੀਮ ਨੂੰ ਵੱਡੇ ਮੁਕਾਬਲੇ ਜਿਤਾਉਣ ਵਾਲਾ ਮਾਨਾ ਸੈਫ ਖੇਡਾਂ, ਮਲੇਸ਼ੀਅਨ ਓਪਨ ਚੈਂਪੀਅਨਸ਼ਿਪ, ਭਾਰਤ-ਬੰਗਲਾਦੇਸ਼ ਟੈਸਟ ਲੜੀ ਅਤੇ ਭਾਰਤ-ਪਾਕਿ ਪੰਜਾਬ ਖੇਡਾਂ ਦਾ ਵੀ ਚੈਂਪੀਅਨ ਹੈ। ਕੌਮਾਂਤਰੀ ਪੱਧਰ 'ਤੇ ਉਸ ਨੇ ਕੁੱਲ 10 ਮੁਕਾਬਲੇ ਖੇਡੇ ਹਨ ਅਤੇ ਹਰ ਵਾਰ ਉਸ ਨੇ ਸੋਨ ਤਮਗਾ ਹੀ ਜਿੱਤਿਆ। ਮਾਨਾ ਨੈਸ਼ਨਲ ਸਟਾਈਲ ਕਬੱਡੀ ਖੇਡਦਾ ਹੋਇਆ ਕਈ ਵਾਰ ਸਰਕਲ ਸਟਾਈਲ ਕਬੱਡੀ ਦੇ ਜਾਫੀਆਂ ਨਾਲੋਂ ਵੱਧ ਤਕੜਾ ਜਾਪਦਾ ਹੈ। ਉਸ ਨੇ ਕਈ ਮੌਕਿਆਂ ਉਤੇ ਆਖਰੀ ਖਿਡਾਰੀ ਰਹਿੰਦਿਆਂ ਵਿਰੋਧੀ ਰੇਡਰ ਡੱਕੇ ਹਨ। ਹਾਲਾਂਕਿ ਉਸ ਦੀ ਪਛਾਣ ਰੇਡਰ ਵਜੋਂ ਜ਼ਿਆਦਾ ਹੈ। ਆਪਣੇ ਖੇਡ ਕਰੀਅਰ ਵਿੱਚ ਉਸ ਨੇ ਕਈ ਵਾਰ ਰੇਡ ਪਾਉਂਦਿਆਂ ਪੂਰੀ ਟੀਮ ਨੂੰ ਆਊਟ ਕਰਕੇ ਲੋਨਾ ਦੇ ਦੋ ਅੰਕਾਂ ਸਣੇ ਇਕੋ ਵਾਰ 9 ਅੰਕ ਬਟੋਰੇ ਹਨ। ਮਾਨਾ ਇਕੱਲਾ ਪੂਰੀ ਟੀਮ 'ਤੇ ਭਾਰੂ ਪੈਂਦਾ ਰਿਹਾ ਹੈ।

ਰਾਸ਼ਟਰਪਤੀ ਪਾਸੋਂ ਵਰਚੁਅਲ ਸਮਾਗਮ ਦੌਰਾਨ ਧਿਆਨ ਚੰਦ ਐਵਾਰਡ ਹਾਸਲ ਕਰਦਾ ਹੋਇਆ ਮਨਪ੍ਰੀਤ ਸਿੰਘ ਮਾਨਾ

PunjabKesari

ਕੌਮੀ ਪੱਧਰ 'ਤੇ ਵੀ ਮਾਨੇ ਦਾ ਕੋਈ ਸਾਨੀ ਨਹੀਂ
ਕੌਮੀ ਪੱਧਰ 'ਤੇ ਵੀ ਮਾਨੇ ਦਾ ਕੋਈ ਸਾਨੀ ਨਹੀਂ। ਆਪਣੀ ਢਲਦੀ ਉਮਰੇ ਉਸ ਨੇ ਪ੍ਰੋ.ਕਬੱਡੀ ਲੀਗ ਦਾ ਖਿਤਾਬ ਬਤੌਰ ਖਿਡਾਰੀ ਜਿੱਤਿਆ ਅਤੇ ਉਸ ਤੋਂ ਬਾਅਦ ਕੋਚਿੰਗ ਹੇਠ ਆਪਣੀ ਟੀਮ ਨੂੰ ਤਿੰਨ ਵਾਰ ਉਪ ਜੇਤੂ ਬਣਾਇਆ। ਓ.ਐਨ.ਜੀ.ਸੀ. ਵੱਲੋਂ ਵਿਭਾਗੀ ਪੱਧਰ ਦੀਆਂ ਕੌਮੀ ਚੈਂਪੀਅਨਸ਼ਿਪਾਂ ਵਿੱਚ ਪੰਜ ਸੋਨੇ ਅਤੇ ਦੋ-ਦੋ ਚਾਂਦੀ ਤੇ ਕਾਂਸੀ ਦੇ ਤਮਗੇ ਜਿੱਤੇ ਹਨ। ਆਲ ਇੰਡੀਆ ਏ ਗਰੇਡ ਟੂਰਨਾਮੈਂਟ ਜਿੱਤਣ ਦਾ ਤਾਂ ਕੋਈ ਹਿਸਾਬ ਹੀ ਨਹੀਂ। ਉਸ ਨੇ ਕੁੱਲ 31 ਟੂਰਨਾਮੈਂਟ ਖੇਡੇ ਹਨ, ਜਿਨ੍ਹਾਂ ਵਿੱਚੋਂ 21 ਵਾਰ ਸੋਨੇ, ਪੰਜ ਚਾਂਦੀ ਤੇ ਦੋ ਕਾਂਸੀ ਦੇ ਤਮਗੇ ਜਿੱਤੇ ਹਨ। ਪੰਜਾਬੀਆਂ ਦੀ ਰੁਚੀ ਸਰਕਲ ਸਟਾਈਲ (ਇਕੱਲੇ ਨੂੰ ਇਕੱਲੇ ਵਾਲੀ) ਵਿੱਚ ਹੋਣ ਕਾਰਨ ਨੈਸ਼ਨਲ ਸਟਾਈਲ ਕਬੱਡੀ ਵਿੱਚ ਪੰਜਾਬ ਦੀ ਜ਼ਿਆਦਾ ਚੜ੍ਹਤ ਨਹੀਂ ਰਹੀ ਪਰ ਫੇਰ ਵੀ ਮਾਨੇ ਦੇ ਹੁੰਦਿਆਂ ਕੌਮੀ ਚੈਂਪੀਅਨਸ਼ਿਪ ਵਿੱਚ ਪੰਜਾਬ ਇਕ ਵਾਰ ਚੈਂਪੀਅਨ ਅਤੇ ਇਕ-ਇਕ ਵਾਰ ਚਾਂਦੀ ਤੇ ਕਾਂਸੀ ਦੇ ਤਮਗੇ ਜਿੱਤਣ ਵਿੱਚ ਕਾਮਯਾਬ ਰਿਹਾ। ਮਾਨਾ ਤੋਂ ਪਹਿਲਾਂ ਬਲਵਿੰਦਰ ਫਿੱਡੂ, ਸ਼ਿਵਦੇਵ ਸਿੰਘ, ਹਰਦੀਪ ਸਿੰਘ ਭੁੱਲਰ ਦੇ ਜ਼ਮਾਨੇ ਵਿੱਚ ਪੰਜਾਬ ਦੀ ਚੜ੍ਹਤ ਰਹੀ। ਫੇਰ ਮਾਨਾ ਨੈਸ਼ਨਲ ਸਟਾਈਲ ਕਬੱਡੀ ਵਿੱਚ ਛਾਇਆ ਰਿਹਾ। ਪੰਜਾਬੀਆਂ ਦਾ ਰੁਝਾਨ ਸਰਕਲ ਸਟਾਈਲ ਕਬੱਡੀ ਵੱਲ ਰਿਹਾ ਹੈ।

ਪੰਜਾਬ ਦੇ ਖੇਡ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਕਬੱਡੀ ਖਿਡਾਰੀ ਮਨਪ੍ਰੀਤ ਸਿੰਘ ਨੂੰ ਸਨਮਾਨਤ ਕਰਦੇ ਹੋਏ

PunjabKesari

ਮੁੜ ਸੁਰਖੀਆ ਵਿੱਚ ਆਇਆ ਮਾਨਾ
ਮਾਨਾ ਹੁਣ ਇਕ ਵਾਰ ਫੇਰ ਸੁਰਖੀਆ ਵਿੱਚ ਆਇਆ ਹੈ। ਭਾਰਤ ਸਰਕਾਰ ਵੱਲੋਂ ਉਸ ਨੂੰ ਉਮਰ ਭਰ ਦੀਆਂ ਖੇਡ ਪ੍ਰਾਪਤੀਆਂ ਸਦਕਾ 'ਧਿਆਨ ਚੰਦ ਲਾਈਫ ਟਾਈਮ ਅਚੀਵਮੈਂਟ ਐਵਾਰਡ' ਨਾਲ ਸਨਮਾਨਿਆ ਹੈ। ਹਾਲਾਂਕਿ ਉਹ ਡੇਢ ਦਹਾਕਾ ਪਹਿਲਾ ਹੀ ਅਰਜੁਨਾ ਐਵਾਰਡ ਦਾ ਹੱਕਦਾਰ ਸੀ ਪਰ ਮਾਨੇ ਨੂੰ ਇਸ ਗੱਲ ਦਾ ਰੰਜ ਨਹੀਂ ਕਿਉਂਕਿ ਜਦੋਂ ਉਸ ਨੂੰ ਇਹ ਪੁਰਸਕਾਰ ਨਾਲ ਸਨਮਾਨਤ ਕੀਤਾ ਤਾਂ ਹਾਕੀ ਖਿਡਾਰੀ ਅਜੀਤ ਸਿੰਘ ਨੂੰ 45 ਵਰ੍ਹਿਆਂ ਬਾਅਦ ਖੇਡ ਪ੍ਰਾਪਤੀਆਂ ਬਦਲੇ ਸਨਮਾਨਿਆ ਗਿਆ। ਇਸੇ ਤਰ੍ਹਾਂ ਅਥਲੀਟ ਕੁਲਦੀਪ ਸਿੰਘ ਭੁੱਲਰ ਨੂੰ 40 ਵਰ੍ਹਿਆਂ ਅਤੇ ਮੁੱਕੇਬਾਜ਼ ਲੱਖਾ ਸਿੰਘ ਨੂੰ 25 ਵਰ੍ਹਿਆਂ ਬਾਅਦ ਸਨਮਾਨ ਮਿਲਿਆ। ਮਾਨੇ ਨੂੰ ਆਪਣੇ 15 ਸਾਲ ਛੋਟੇ ਜਾਪਣ ਲੱਗ ਗਏ। ਉਂਝ ਵੀ ਉਸ ਨੂੰ ਰੱਬ ਦੀ ਰਜ਼ਾ ਵਿੱਚ ਰਹਿਣਾ ਆਉਂਦਾ। ਉਸ ਨੇ ਕਦੇ ਕੋਈ ਗਿਲਾ ਸ਼ਿਕਵਾ ਨਹੀਂ ਕੀਤਾ। ਜੇ ਉਸ ਨੂੰ ਕੋਈ ਲਾਲਚ ਹੁੰਦਾ ਤਾਂ ਉਹ ਕਦੋਂ ਦਾ ਪ੍ਰੋ.ਕਬੱਡੀ ਲੀਗ ਵਿੱਚ ਆਪਣੀ ਟੀਮ ਗੁਜਰਾਤ ਜਾਇੰਟਸ ਨੂੰ ਛੱਡ ਕੇ ਹੋਰ ਕੋਈ ਟੀਮ ਦੀ ਕੋਚਿੰਗ ਸਾਂਭ ਲੈਂਦਾ, ਕਿਉਂਕਿ ਉਸ ਨੂੰ ਵੱਡੀਆਂ ਵੱਡੀਆਂ ਟੀਮਾਂ ਵੱਲੋਂ ਕੋਚਿੰਗ ਲਈ 1-1 ਕਰੋੜ ਰੁਪਏ ਤੱਕ ਦੀਆਂ ਆਫਰਾਂ ਮਿਲੀਆਂ ਹਨ।

ਧਿਆਨ ਚੰਦ ਐਵਾਰਡ ਹਾਸਲ ਕਰਨ ਤੋਂ ਬਾਅਦ ਮਨਪ੍ਰੀਤ ਸਿੰਘ ਆਪਣੀ ਪਤਨੀ ਤੇ ਪੁੱਤਰ ਨਾਲ

PunjabKesari

ਮਨਪ੍ਰੀਤ ਮਾਨਾ ਦਾ ਜਨਮ, ਪਰਿਵਾਰ ਅਤੇ ਪਿਛੋਕੜ
ਮਨਪ੍ਰੀਤ ਮਾਨਾ ਦਾ ਜਨਮ ਪੰਜਾਬ-ਹਰਿਆਣਾ ਬਾਰਡਰ ਨੇੜੇ ਲਾਲੜੂ ਨੇੜੇ ਪਿੰਡ ਮੀਰਪੁਰ ਵਿਖੇ ਪਾਖਰ ਸਿੰਘ ਸਿੰਘ ਦੇ ਘਰ ਦਿਲਬਾਰ ਕੌਰ ਦੀ ਕੁੱਖੋਂ 5 ਅਪਰੈਲ 1979 ਨੂੰ ਹੋਇਆ। ਮਾਨੇ ਹੁਰੀਂ ਦੋ ਭਰਾ ਹਨ। ਪਰਿਵਾਰ ਵਿੱਚ ਖੇਡਾਂ ਨਾਲ ਪਿਛੋਕੜ ਸਿਰਫ ਉਸ ਦੇ ਚਾਚਾ ਨਛੱਤਰ ਸਿੰਘ ਦਾ ਸੀ ਜੋ ਵਾਲੀਬਾਲ ਖਿਡਾਰੀ ਸੀ। ਬਚਪਨ ਤੋਂ ਖੁੱਲ੍ਹੀ ਖੁਰਾਕ ਖਾਣ ਅਤੇ ਹੁੰਦੜ ਹੇਲ ਮਾਨਾ ਦਾ ਰੁਝਾਨ ਕਬੱਡੀ ਖੇਡ ਵੱਲ ਸੀ। ਪਿੰਡ ਰਹਿੰਦਿਆਂ ਹੀ ਮਾਸਟਰ ਹਰਬੰਸ ਲਾਲ ਤੇ ਮਾਸਟਰ ਚਰਨ ਸਿੰਘ ਕੋਲੋਂ ਕਬੱਡੀ ਖੇਡਣ ਦੀ ਚੇਟਕ ਲੱਗੀ। ਮਾਨੇ ਦੀ ਖੇਡ ਕਰੀਅਰ ਦੀ ਸ਼ੁਰੂਆਤ 1997 ਵਿੱਚ ਹੋਈ ਜਦੋਂ ਉਸ ਨੇ ਪਟਿਆਲਾ ਦੇ ਮਲਟੀਪਰਪਜ਼ ਸਕੂਲ ਵਿੱਚ ਪੜ੍ਹਦਿਆਂ ਆਪਣੀ ਪਹਿਲੀ ਨੈਸ਼ਨਲ ਖੇਡੀ। ਇਸ ਸਕੂਲ ਵਿੱਚ ਪੜ੍ਹਦਿਆਂ ਕੋਚ ਸ਼ੇਰ ਸਿੰਘ ਨੇ ਮਾਨੇ ਨੂੰ ਖੇਡ ਦੇ ਗੁਰ ਸਿਖਾਏ। 

ਕੌਮਾਂਤਰੀ ਮੁਕਾਬਲੇ ਵਿੱਚ ਪ੍ਰਾਪਤੀ ਕਰਨ ਤੋਂ ਬਾਅਦ ਘਰ ਵਾਪਸੀ ਉਤੇ ਪਰਿਵਾਰਕ ਮੈਂਬਰਾਂ ਨਾਲ ਮਨਪ੍ਰੀਤ ਸਿੰਘ ਮਾਨਾ

PunjabKesari

ਮਾਨੇ ਦੇ ਜੀਵਨ ਵਿੱਚ ਕਦੋ ਆਇਆ ਅਹਿਮ ਮੋੜ 
ਮਾਨੇ ਦੇ ਜੀਵਨ ਵਿੱਚ ਅਹਿਮ ਮੋੜ ਉਸ ਦੀ ਕਾਲਜ ਦੀ ਪੜ੍ਹਾਈ ਵਿੱਚ ਆਇਆ ਜਦੋਂ ਉਸ ਨੇ ਕਬੱਡੀ ਖੇਡ ਦੇ ਗੜ੍ਹ ਮੰਨੇ ਜਾਂਦੇ ਬਠਿੰਡਾ ਦੇ ਡੀ.ਏ.ਵੀ. ਕਾਲਜ ਵਿਖੇ ਦਾਖਲਾ ਲਿਆ। ਕੋਚ ਮਦਨ ਲਾਲ ਨੇ ਮਾਨੇ ਅੰਦਰਲੀ ਪ੍ਰਤਿਭਾ ਪਛਾਣਨ ਨੂੰ ਦੇਰ ਨਾ ਲੱਗੀ। ਉਸ ਵੇਲੇ ਮਾਨਾ ਨੈਸ਼ਨਲ ਸਟਾਈਲ ਤੇ ਸਰਕਲ ਸਟਾਈਲ ਦੋਵਾਂ ਵਿੱਚ ਚੰਗਾ ਖੇਡ ਲੈਂਦਾ ਸੀ। ਮਾਨਾ ਦੱਸਦਾ ਹੈ ਕਿ ਉਸ ਵੇਲੇ ਕੰਪੀਟੀਸ਼ਨ ਬਹੁਤ ਸੀ ਅਤੇ ਬਠਿੰਡਾ ਵਿਖੇ ਖਿਡਾਰੀ ਵੀ ਚੰਗੇ ਸਨ। ਕੋਚ ਨੇ ਉਸ ਨੈਸ਼ਨਲ ਸਟਾਈਲ ਖੇਡ ਵੱਲ ਧਿਆਨ ਕੇਂਦਰਿਤ ਕਰਨ ਲਈ ਕਿਹਾ। ਮਾਨਾ ਨੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਵੱਲੋਂ ਆਲ ਇੰਡੀਆ ਇੰਟਰ 'ਵਰਸਿਟੀ ਚੈਂਪੀਅਨਸ਼ਿਪ ਜਿੱਤ ਕੇ ਖੇਡ ਵਿੱਚ ਆਪਣੀ ਦਸਤਕ ਦੇ ਦਿੱਤੀ। ਚੈਂਪੀਅਨਸ਼ਿਪ ਵਿੱਚ ਮਾਨਾ ਬਤੌਰ ਰੇਡਰ ਬਹੁਤ ਚਮਕਿਆ। ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਖਿਲਾਫ ਫਾਈਨਲ ਖੇਡਦਿਆਂ ਉਹ ਆਪਣੇ ਪਾਲੇ ਵਿੱਚ ਇਕੱਲਾ ਖਿਡਾਰੀ ਰਹਿ ਗਿਆ ਸੀ ਜਦੋਂ ਉਸ ਨੇ ਵਿਰੋਧੀ ਟੀਮ ਦੇ ਰੇਡਰ ਨੂੰ ਇਕੱਲਿਆਂ ਡੱਕ ਕੇ ਮੈਚ ਦਾ ਪਾਸਾ ਪਲਟ ਦਿੱਤਾ। ਨਾ ਸਿਰਫ ਵਿਰੋਧੀ ਟੀਮ ਨੂੰ ਲੋਨਾ ਦੇ 2 ਅੰਕ ਲੈਣ ਦਿੱਤੇ ਸਗੋਂ ਰੇਡਰ ਨੂੰ ਇਕੱਲਿਆ ਡੱਕ ਕੇ ਅਹਿਮ ਅੰਕ ਲਿਆ।

ਪ੍ਰੋ.ਕਬੱਡੀ ਲੀਗ ਦੌਰਾਨ ਕੋਚਿੰਗ ਕਰਦਿਆਂ ਮਨਪ੍ਰੀਤ ਸਿੰਘ ਦੇ ਤੇਵਰ

PunjabKesari

ਸਰਵੋਤਮ ਖਿਡਾਰੀ ਐਲਾਨ ਕਰਨ ਮਗਰੋਂ ਭਾਰਤੀ ਟੀਮ ਵਿੱਚ ਹੋਈ ਚੋਣ
ਸੰਨ੍ਹ 2000 ਵਿੱਚ ਮਾਨਾ ਨੈਸ਼ਨਲ ਚੈਂਪੀਅਨਸ਼ਿਪ ਵਿੱਚ ਸਰਵੋਤਮ ਖਿਡਾਰੀ ਐਲਾਨਿਆ ਗਿਆ, ਜਿਸ ਸਦਕਾ ਉਹ ਭਾਰਤੀ ਟੀਮ ਵਿੱਚ ਚੁਣਿਆ ਗਿਆ। ਇਸੇ ਸਾਲ ਮਾਨਾ ਦੀ ਪ੍ਰਸਿੱਧੀ ਕੌਮਾਂਤਰੀ ਪੱਧਰ 'ਤੇ ਹੋਈ ਜਦੋਂ ਉਸ ਦੀ ਵਧੀਆ ਖੇਡ ਬਦੌਲਤ ਭਾਰਤ ਨੇ ਸ੍ਰੀਲੰਕਾ ਵਿਖੇ ਖੇਡਿਆ ਏਸ਼ੀਆ ਕੱਪ ਜਿੱਤਿਆ। ਉਸ ਤੋਂ ਬਾਅਦ ਚੱਲ ਸੋ ਚੱਲ ਸੀ। ਮਾਨਾ ਹਰ ਵੱਡੇ ਟੂਰਨਾਮੈਂਟ ਵਿੱਚ ਭਾਰਤੀ ਟੀਮ ਲਈ ਜਿੱਤ ਦੀ ਗਾਰੰਟੀ ਹੁੰਦਾ। ਦੋ ਸਾਲ ਬਾਅਦ ਕੁਆਲਾ ਲੰਪਰ ਵਿਖੇ ਹੋਈ ਮਲੇਸ਼ੀਅਨ ਓਪਨ ਚੈਂਪੀਅਨਸ਼ਿਪ ਭਾਰਤੀ ਟੀਮ ਨੇ ਜਿੱਤੀ। ਇਸੇ ਸਾਲ ਬੁਸਾਨ ਵਿਖੇ ਹੋਇਆ ਏਸ਼ਿਆਈ ਖੇਡਾਂ ਵਿੱਚ ਮਾਨਾ ਨੇ ਪਹਿਲੀ ਵਾਰ ਹਿੱਸਾ ਲਿਆ। ਭਾਰਤ ਨੇ ਲਗਾਤਾਰ ਚੌਥੀ ਵਾਰ ਕਬੱਡੀ ਵਿੱਚ ਸੋਨ ਤਮਗਾ ਜਿੱਤਿਆ। ਭਾਰਤ ਦੀ ਇਸ ਸੁਨਹਿਰੀ ਪ੍ਰਾਪਤੀ ਵਿੱਚ ਇਸ ਵਾਰ ਸਭ ਤੋਂ ਵੱਡਾ ਯੋਗਦਾਨ ਮਨਪ੍ਰੀਤ ਦਾ ਸੀ। ਪਾਕਿਸਤਾਨ ਖਿਲਾਫ ਫਾਈਨਲ ਮੁਕਾਬਲੇ ਵਿੱਚ ਭਾਰਤੀ ਟੀਮ ਦੇ ਕੁੱਲ 37 ਅੰਕਾਂ ਵਿੱਚੋਂ 22 ਅੰਕ ਇਕੱਲਿਆ ਮਾਨੇ ਨੇ ਬਟੋਰੇ।

ਧਿਆਨ ਚੰਦ ਐਵਾਰਡ ਹਾਸਲ ਕਰਨ ਤੋਂ ਪਹਿਲਾਂ ਦੀ ਮਨਪ੍ਰੀਤ

PunjabKesari

ਚੜ੍ਹਦੇ ਪੰਜਾਬ ਦੀ ਜਿੱਤ ਵਿੱਚ ਮਾਨਾ ਦਾ ਵੱਡਾ ਯੋਗਦਾਨ
2004 ਵਿੱਚ ਮਾਨਾ ਕਬੱਡੀ ਖੇਡ ਦਾ ਆਲਮੀ ਚੈਂਪੀਅਨ ਬਣ ਗਿਆ, ਜਦੋਂ ਭਾਰਤੀ ਟੀਮ ਨੇ ਮੁੰਬਈ ਵਿਖੇ ਹੋਏ ਪਹਿਲੇ ਵਿਸ਼ਵ ਕੱਪ ਨੂੰ ਜਿੱਤਿਆ। ਕਿਸੇ ਵੀ ਖਿਡਾਰੀ ਲਈ ਵਿਸ਼ਵ ਚੈਂਪੀਅਨ ਬਣਨਾ ਸਭ ਤੋਂ ਵੱਡਾ ਖੁਆਬ ਹੁੰਦਾ, ਜੋ ਮਾਨੇ ਨੇ ਆਪਣੇ ਖੇਡ ਕਰੀਅਰ ਦੇ ਚਾਰ ਸਾਲਾਂ ਅੰਦਰ ਪੂਰਾ ਕਰ ਲਿਆ। ਸੈਮੀ ਫਾਈਨਲ ਵਿੱਚ ਫੱਟੜ ਹੋਣ ਦੇ ਬਾਵਜੂਦ ਮਾਨਾ ਖੇਡਿਆ ਅਤੇ 'ਮੈਨ ਆਫ ਦਿ ਮੈਚ' ਬਣਿਆ। ਇਸ ਮੈਚ ਵਿੱਚ ਭਾਰਤ ਨੇ ਬੰਗਲਾਦੇਸ਼ ਨੂੰ 39-19 ਨਾਲ ਹਰਾਇਆ ਸੀ। ਫਾਈਨਲ ਵਿੱਚ ਭਾਰਤ ਨੇ ਇਰਾਨ ਨੂੰ 55-27 ਨਾਲ ਹਰਾ ਕੇ ਵਿਸ਼ਵ ਖਿਤਾਬ ਆਪਣੀ ਝੋਲੀ ਪਾਇਆ। ਇਸੇ ਸਾਲ ਬੰਗਲਾਦੇਸ਼ ਖਿਲਾਫ ਖੇਡੀ ਟੈਸਟ ਲੜੀ ਵਿੱਚ ਮਾਨਾ ਨੇ ਭਾਰਤੀ ਟੀਮ ਨੂੰ ਜਿੱਤ ਦਿਵਾਈ। ਸਾਲ ਦੇ ਆਖਰੀ ਮਹੀਨੇ ਦਸੰਬਰ ਵਿੱਚ ਪਟਿਆਲਾ ਵਿਖੇ ਪਹਿਲੀ ਵਾਰ ਚੜ੍ਹਦੇ ਤੇ ਲਹਿੰਦੇ ਪੰਜਾਬ ਦੀਆਂ ਖੇਡਾਂ ਹੋਈਆਂ। ਚੜ੍ਹਦੇ ਪੰਜਾਬ ਦੀ ਜਿੱਤ ਵਿੱਚ ਮਾਨਾ ਦਾ ਵੱਡਾ ਯੋਗਦਾਨ ਸੀ।

 ਮਨਪ੍ਰੀਤ ਸਿੰਘ ਮਾਨਾ ਦੀ ਪੁਰਾਣੀ ਤਸਵੀਰ

PunjabKesari

ਖੇਡ ਲਾਇਬ੍ਰੇਰੀ ਦਾ ਸ਼ਿੰਗਾਰ ‘ਝੰਡਾ’
ਸਾਲ 2006 ਵਿੱਚ ਕੋਲੰਬੋ ਵਿਖੇ ਸੈਫ ਖੇਡਾਂ ਹੋਈਆਂ, ਜਿੱਥੇ ਭਾਰਤੀ ਕਬੱਡੀ ਟੀਮ ਨੇ ਸੋਨੇ ਦਾ ਤਮਗਾ ਜਿੱਤਿਆ। ਇਸ ਜਿੱਤ ਵਿੱਚ ਮਾਨੇ ਦਾ ਅਹਿਮ ਯੋਗਦਾਨ ਰਿਹਾ। ਇਸੇ ਸਾਲ ਮਾਨਾ ਨੇ ਦੋਹਾ ਵਿਖੇ ਹੋਈ ਓਪਨ ਏਸ਼ੀਅਨ ਚੈਂਪੀਅਨਸ਼ਿਪ ਜਿੱਤ ਕੇ ਦੂਜੀ ਵਾਰ ਏਸ਼ੀਆ ਕੱਪ ਜਿੱਤਿਆ। ਇਸੇ ਸਾਲ ਦੇ ਅੰਤ ਵਿੱਚ ਦੋਹਾ ਵਿਖੇ ਏਸ਼ਿਆਈ ਖੇਡਾਂ ਵਿੱਚ ਮਾਨਾ ਨੂੰ ਦੂਜੀ ਵਾਰ ਏਸ਼ੀਆਡ ਖੇਡਣ ਦਾ ਮੌਕਾ ਮਿਲਿਆ। ਸਪੋਰਟਸ ਸਿਟੀ ਦੇ ਐਸਪਾਇਰ ਹਾਲ ਵਿਖੇ ਖੇਡੇ ਗਏ ਫਾਈਨਲ ਵਿੱਚ ਪਾਕਿਸਤਾਨ ਨੂੰ 35-23 ਨਾਲ ਹਰਾ ਕੇ ਭਾਰਤ ਨੇ ਲਗਾਤਾਰ 5ਵੀਂ ਵਾਰ ਏਸ਼ਿਆਈ ਖੇਡਾਂ ਵਿੱਚ ਸੋਨੇ ਦਾ ਤਮਗਾ ਜਿੱਤਿਆ। ਉਸ ਵੇਲੇ ਮੈਂ ਵੀ ਏਸ਼ਿਆਈ ਖੇਡਾਂ ਦੀ ਕਵਰੇਜ਼ ਕਰਨ ਲਈ ਦੋਹਾ ਵਿਖੇ ਹੀ ਸੀ, ਜਿੱਥੇ ਮਾਨੇ ਨੂੰ ਏਸ਼ੀਅਨ ਚੈਂਪੀਅਨ ਬਣਦਿਆਂ ਮੈਂ ਅੱਖੀ ਵੇਖਿਆ। ਮੈਚ ਜਿੱਤਣ ਤੋਂ ਬਾਅਦ ਮਾਨੇ ਨਾਲ ਹੋਈ ਮੇਰੀ ਸੰਖੇਪ ਮੁਲਾਕਾਤ ਵਿੱਚ ਜਦੋਂ ਮੈਂ ਉਸ ਕੋਲੋਂ ਜਿੱਤ ਦੀ ਪਾਰਟੀ ਮੰਗੀ ਤਾਂ ਉਸ ਨੇ ਝੱਟ ਤਿਰੰਗਾ ਝੰਡਾ ਫੜ੍ਹਾਉਂਦਿਆਂ ਕਿਹਾ, ''ਇਹ ਜੇਤੂ ਝੰਡਾ ਮੇਰੇ ਵੱਲੋਂ ਤੈਨੂੰ ਗਿਫਟ।'' ਇਹ ਉਹੀ ਝੰਡਾ ਸੀ ਜੋ ਮਾਨਾ ਨੇ ਜਿੱਤਣ ਤੋਂ ਬਾਅਦ ਜੇਤੂ ਚੱਕਰ ਲਗਾਉਂਦਿਆਂ ਹੱਥ ਵਿੱਚ ਫੜਿਆ ਸੀ। ਬਾਅਦ ਵਿੱਚ ਇਹੋ ਝੰਡਾ ਦੋਹਾ ਵਿਖੇ 4 ਗੁਣਾਂ 400 ਮੀਟਰ ਰਿਲੇਅ ਜਿੱਤਣ ਵਾਲੀ ਭਾਰਤੀ ਮਹਿਲਾ ਅਥਲੈਟਿਕਸ ਟੀਮ ਦੇ ਹੱਥ ਵਿੱਚ ਸੀ, ਜਿਸ ਨੂੰ ਲਹਿਰਾਉਂਦਿਆ ਉਨ੍ਹਾਂ ਖਲੀਫਾ ਸਟੇਡੀਅਮ ਦਾ ਚੱਕਰ ਲਗਾਇਆ ਸੀ। ਅਸਲ ਵਿੱਚ ਮਨਜੀਤ ਕੌਰ ਫਿਨਸ਼ਿੰਗ ਲਾਈਨ ਤੋਂ ਬਾਅਦ ਮੇਰੇ ਵੱਲ ਆਈ ਜਦੋਂ ਉਸ ਨੇ ਮੇਰੇ ਹੱਥ ਫੜਿਆ ਤਿਰੰਗਾ ਮੰਗਿਆ। ਇਹ ਝੰਡਾ ਮੇਰੀ ਖੇਡ ਲਾਇਬ੍ਰੇਰੀ ਦਾ ਸ਼ਿੰਗਾਰ ਹੈ, ਜਿਸ ਨੂੰ ਮੈਂ ਆਪਣੇ ਖੇਡ ਪੱਤਰਕਾਰੀ ਦੇ ਦਿਨਾਂ ਦੀ ਸਭ ਤੋਂ ਵੱਡੀ ਯਾਦਗਾਰ ਮੰਨਦਾ ਹੈ।

ਪ੍ਰੋ.ਕਬੱਡੀ ਲੀਗ ਦੌਰਾਨ ਮਨਪ੍ਰੀਤ ਸਿੰਘ ਮਾਨਾ 

PunjabKesari

ਮਾਨਾ ਦਾ ਆਖਰੀ ਕੌਮਾਂਤਰੀ ਟੂਰਨਾਮੈਂਟ 
ਸਾਲ 2007 ਵਿੱਚ ਪਨਵੇਲ (ਮਹਾਂਰਾਸ਼ਟਰ) ਵਿਖੇ ਹੋਏ ਦੂਜੇ ਵਿਸ਼ਵ ਕੱਪ ਵਿੱਚ ਮਾਨਾ ਨੇ ਹਿੱਸਾ ਲਿਆ, ਜੋ ਉਸ ਦਾ ਆਖਰੀ ਕੌਮਾਂਤਰੀ ਟੂਰਨਾਮੈਂਟ ਸੀ। ਮਾਨਾ ਆਪਣੀ ਖੇਡ ਦੇ ਪੂਰੇ ਸ਼ਬਾਬ 'ਤੇ ਸੀ। ਭਾਰਤ ਨੇ ਫਾਈਨਲ ਵਿੱਚ ਇਰਾਨ ਨੂੰ 29-19 ਨਾਲ ਹਰਾ ਕੇ ਦੂਜੀ ਵਾਰ ਵਿਸ਼ਵ ਚੈਂਪੀਅਨਸ਼ਿਪ ਜਿੱਤੀ। ਇਸ ਜਿੱਤ ਦਾ ਸੂਤਰਧਾਰ ਮਾਨਾ ਹੀ ਸੀ, ਜਿਸ ਨੇ ਮੈਚ ਦੇ ਅਹਿਮ ਪੜਾਅ ਉਤੇ ਇਰਾਨ ਦੇ ਰਹਿੰਦੇ 3 ਜਾਫੀਆਂ ਨੂੰ ਇਕੱਠਿਆਂ ਆਊਟ ਕਰਕੇ ਲੋਨਾ ਦੇ 2 ਅੰਕਾਂ ਸਮੇਤ ਇਕੱਠੇ 5 ਅੰਕ ਬਟੋਰੇ। ਉਥੋਂ ਭਾਰਤੀ ਟੀਮ ਨੇ ਜੇਤੂ ਲੀਡ ਬਣਾਉਣੀ ਸ਼ੁਰੂ ਕੀਤੀ। ਭਾਰਤ ਦੇ 29 ਅੰਕਾਂ ਵਿੱਚੋਂ 17 ਅੰਕ ਇਕੱਲੇ ਮਾਨਾ ਨੇ ਬਟੋਰੇ।

PunjabKesari

ਕੌਮੀ ਪੱਧਰ 'ਤੇ ਪੰਜਾਬ ਦੀ ਟੀਮ ਨੂੰ ਜਿਤਾਉਣ ਦਾ ਸੁਫਨਾ
ਕੌਮਾਂਤਰੀ ਪੱਧਰ 'ਤੇ 4 ਵਾਰ ਏਸ਼ੀਆ ਅਤੇ 2 ਵਾਰ ਵਿਸ਼ਵ ਖਿਤਾਬ ਜਿੱਤਣ ਵਾਲੇ ਮਾਨੇ ਨੂੰ ਕੌਮੀ ਚੈਂਪੀਅਨਸ਼ਿਪ ਜਿੱਤਣ ਦੀ ਕਸਕ ਸਦਾ ਮਨ ਵਿੱਚ ਰਹਿੰਦੀ ਸੀ। ਕੌਮੀ ਪੱਧਰ 'ਤੇ ਪੰਜਾਬ ਦੀ ਟੀਮ ਨੂੰ ਜਿਤਾਉਣ ਦਾ ਸੁਫਨਾ ਉਸ ਦਾ 2004 ਵਿੱਚ ਪੂਰਾ ਹੋਇਆ। ਹਰਿਆਣਾ ਦੇ ਸ਼ਹਿਰ ਪੇਹੋਵਾ ਵਿਖੇ ਹੋਈ ਨੈਸ਼ਨਲ ਚੈਂਪੀਅਨਸ਼ਿਪ ਵਿੱਚ ਪੰਜਾਬ ਕਈ ਵਰ੍ਹਿਆਂ ਬਾਅਦ ਕੌਮੀ ਚੈਂਪੀਅਨ ਬਣਿਆ। ਇਸ ਚੈਂਪੀਅਨਸ਼ਿਪ ਦੀ ਕਹਾਣੀ ਦਿਲਚਸਪ ਹੈ। ਮਾਨਾ ਇਕੱਲਾ ਵਿਰੋਧੀ ਟੀਮਾਂ ਦੇ ਭਾਰੀ ਪਿਆ। ਰੇਲਵੇ ਖਿਲਾਫ ਫਾਈਨਲ ਵਿੱਚ ਉਹ ਇਕ ਵਾਰ ਡੱਕਿਆ ਨਹੀਂ ਗਿਆ ਅਤੇ ਆਖਰੀ ਰੇਡ 'ਤੇ ਵਿਰੋਧੀ ਟੀਮ ਦੇ ਬਚਦੇ ਸਾਰੇ ਖਿਡਾਰੀਆਂ ਨੂੰ ਆਊਟ ਕਰਕੇ ਪੰਜਾਬ ਨੂੰ ਜੇਤੂ ਬਣਾਇਆ। ਮਾਨਾ 'ਮੈਨ ਆਫ ਦਿ ਟੂਰਨਾਮੈਂਟ' ਬਣਿਆ। ਨੈਸ਼ਨਲ ਚੈਂਪੀਅਨਸ਼ਿਪ ਵਿੱਚ ਉਸ ਨੇ ਪੰਜਾਬ ਨੂੰ 2005 ਵਿੱਚ ਕਾਂਸੀ ਦਾ ਤਮਗਾ ਅਤੇ 2007 ਵਿੱਚ ਚਾਂਦੀ ਦਾ ਤਮਗਾ ਜਿਤਾਇਆ। ਓ.ਐੱਨ.ਜੀ.ਐਸ. ਨੂੰ ਤਾਂ ਉਸ ਨੇ ਕੌਮੀ ਪੱਧਰ ਦੇ 26 ਵੱਡੇ ਟੂਰਨਾਮੈਂਟ ਜਿਤਾਏ ਹਨ।

ਦੋਹਾ ਏਸ਼ਿਆਈ ਖੇਡਾਂ ਦੇ ਫਾਈਨਲ ਦੌਰਾਨ ਪਾਕਿਸਤਾਨ ਖਿਲਾਫ ਰੇਡ ਪਾ ਕੇ ਅੰਕ ਬਟੋਰਨ ਲਈ ਜੂਝ ਰਿਹਾ ਮਨਪ੍ਰੀਤ ਮਾਨਾ

PunjabKesari

ਕਬੱਡੀ ਲੀਗ ਵੀ ਮਾਨਾ ਦਾ ਰਿਕਾਰਡ 
ਪੇਸ਼ੇਵਾਰ ਕਬੱਡੀ ਲੀਗ ਵੀ ਮਾਨਾ ਦਾ ਰਿਕਾਰਡ ਬਹੁਤ ਵਧੀਆ ਰਿਹਾ ਹੈ। 2011 ਵਿੱਚ ਖੇਡੀ ਗਈ ਕਬੱਡੀ ਲੀਗ (ਕੇ.ਪੀ.ਐਲ.) ਵਿੱਚ ਉਹ ਹੈਦਰਾਬਾਦ ਹਾਵਰਜ਼ ਵੱਲੋਂ ਖੇਡਿਆ ਅਤੇ ਉਸ ਦੀ ਟੀਮ ਚੈਂਪੀਅਨ ਬਣੀ। ਇਹ ਲੀਗ ਥੋੜਾਂ ਸਮਾਂ ਚੱਲੀ ਸੀ। ਉਸ ਤੋਂ ਬਾਅਦ ਹੀ 2014 ਵਿੱਟ ਪ੍ਰੋ. ਕਬੱਡੀ ਲੀਗ ਸ਼ੁਰੂ ਹੋਈ, ਜੋ ਮੌਜੂਦਾ ਸਮੇ ਸਭ ਤੋਂ ਪ੍ਰਚੱਲਿਤ ਅਤੇ ਦੇਸ਼ ਦੇ ਮਕਬੂਲ ਟੂਰਨਾਮੈਂਟਾਂ ਵਿੱਚੋਂ ਇਕ ਹੈ। ਮਾਨਾ ਦੀ ਉਮਰ ਉਸ ਵੇਲੇ 35 ਸਾਲ ਸੀ ਅਤੇ ਬਤੌਰ ਖਿਡਾਰੀ ਉਹ ਆਪਣੇ ਖੇਡ ਜੀਵਨ ਦੇ ਆਖਰੀ ਪੜਾਅ ਉਤੇ ਸੀ। ਪ੍ਰੋ.ਕਬੱਡੀ ਲੀਗ ਲਈ ਖਿਡਾਰੀ ਦਾ ਵਜ਼ਨ 80 ਕਿਲੋ ਤੋਂ ਘੱਟ ਹੋਣਾ ਲਾਜ਼ਮੀ ਸੀ ਜਦੋਂ ਕਿ ਮਾਨਾ ਦਾ ਭਾਰ 125 ਕਿਲੋ ਸੀ। ਮਾਨਾ ਲਈ ਪਹਿਲੀ ਵੱਡੀ ਚੁਣੌਤੀ ਵਜ਼ਨ ਘਟਾਉਣਾ ਸੀ। ਉਸ ਨੇ ਛੇ ਮਹੀਨੇ ਸਾਧ ਬਣ ਕੇ ਪ੍ਰੈਕਟਿਸ ਕੀਤੀ। ਰੋਜ਼ਾਨਾ 9 ਘੰਟੇ ਅਭਿਆਸ ਕਰਦਾ ਅਤੇ ਖੁਰਾਕ ਦਾ ਹਿੱਸਾ ਸਿਰਫ ਤਰਲ ਪਦਾਰਥ ਹੁੰਦੇ। ਭਾਰ ਘਟਾਉਣ ਦੇ ਨਾਲ ਮੁਕਾਬਲੇ ਲਈ ਆਪਣੇ ਸਰੀਰ ਨੂੰ ਤਕੜਾ ਰੱਖਣਾ ਵੀ ਉਸ ਲਈ ਵੱਡੀ ਚੁਣੌਤੀ ਸੀ। ਮਾਨੇ ਨੇ ਕ੍ਰਿਸ਼ਮਾ ਕਰਦਿਆਂ ਛੇ ਮਹੀਨਿਆਂ ਵਿੱਚ 47 ਕਿਲੋ ਭਾਰ ਘਟਾ ਕੇ ਆਪਣੇ ਆਪ ਨੂੰ ਪ੍ਰੋ.ਕਬੱਡੀ ਲੀਗ ਲਈ ਯੋਗ ਕਰ ਲਿਆ। ਪ੍ਰਬੰਧਕਾਂ, ਖੇਡ ਪ੍ਰੇਮੀਆਂ ਦੇ ਨਾਲ ਮਾਨੇ ਦੇ ਜਾਣਕਾਰਾਂ ਲਈ ਇਹ ਅਚੰਭਾ ਸੀ। ਇਸ ਟੀਚੇ ਨੂੰ ਹਾਸਲ ਕਰਨ ਬਾਰੇ ਮਾਨਾ ਕਹਿੰਦਾ ਹੈ ਕਿ ਹੌਸਲਾ ਬੁਲੰਦ ਹੋਣਾ ਚਾਹੀਦਾ, ਜ਼ਿੰਦਗੀ ਵਿੱਚ ਕੁਝ ਅਸੰਭਵ ਨਹੀਂ। ਮਾਨਾ ਲੀਗ ਵਿੱਚ ਪਟਨਾ ਪਾਇਰਟਸ ਵੱਲੋਂ ਖੇਡਿਆ ਜਿਸ ਟੀਮ ਵਿੱਚ ਪਰਦੀਪ ਨਰਵਾਲ, ਰੋਹਿਤ ਛਿੱਲਰ ਜਿਹੇ ਖਿਡਾਰੀ ਸਨ। ਲੀਗ ਦੇ ਤੀਜੇ ਸਾਲ 2016 ਵਿੱਚ ਮਾਨੇ ਦੀ ਟੀਮ ਪਟਨਾ ਚੈਂਪੀਅਨ ਬਣੀ। ਫਾਈਨਲ ਵਿੱਚ ਪਟਨਾ ਪਾਇਰਟਸ ਨੇ ਯੂ ਮੁੰਬਾ ਨੂੰ ਫਸਵੇਂ ਮੁਕਾਬਲੇ ਵਿੱਚ 31-28 ਨਾਲ ਹਰਾਇਆ। 37 ਵਰ੍ਹਿਆਂ ਦੇ ਮਾਨੇ ਦਾ ਤਜ਼ਰਬਾ ਟੀਮ ਦੇ ਕੰਮ ਆਇਆ।

PunjabKesari

ਖਿਡਾਰੀ ਵਜੋਂ ਸੰਨਿਆਸ ਲੈ ਕੇ ਸ਼ਾਂਭਿਆ ਕੋਚਿੰਗ ਦਾ ਜ਼ਿੰਮਾ 
2016 ਤੋਂ ਬਾਅਦ ਮਾਨਾ ਨੇ ਖਿਡਾਰੀ ਵਜੋਂ ਸੰਨਿਆਸ ਲੈ ਕੇ ਕੋਚਿੰਗ ਦਾ ਜ਼ਿੰਮਾ ਸਾਂਭ ਲਿਆ। ਪੰਜਾਬ ਦੀ ਕਬੱਡੀ ਟੀਮ ਦੀ ਕੋਚਿੰਗ ਉਹ 2015 ਤੋਂ ਹੀ ਕਰਦਾ ਆ ਰਿਹਾ ਹੈ। ਪ੍ਰੋ.ਕਬੱਡੀ ਲੀਗ ਵਿੱਚ ਗੁਜਰਾਜ ਫਰਚੂਨ ਜਾਇੰਟਸ ਨੇ ਮਾਨਾ ਦੀ ਕੋਚਿੰਗ ਹੇਠ ਲਗਾਤਾਰ ਦੋ ਸਾਲ 2017 ਤੇ 2018 ਵਿੱਚ ਉਪ ਜੇਤੂ ਦਾ ਖਿਤਾਬ ਜਿੱਤਿਆ। ਟੀਮ ਦੀ ਕੋਚਿੰਗ ਕਰਦਿਆਂ ਬੈਂਚ ਉਤੇ ਬੈਠੇ ਮਾਨਾ ਦਾ ਜੋਸ਼ ਖਿਡਾਰੀਆਂ ਤੋਂ ਘੱਟ ਨਹੀਂ ਆਉਂਦਾ। ਉਹ ਕਈ ਵਾਰ ਉਤੇਜਕ ਹੋ ਕੇ ਖਿਡਾਰੀਆਂ ਨੂੰ ਗੁਰ ਸਿਖਾਉਂਦਾ। ਉਸ ਦੇ ਹਾਵ-ਭਾਵ ਅਤੇ ਸਟਾਈਲ ਨੂੰ ਦੇਖਦਿਆਂ ਲੱਗਦਾ ਹੈ ਜਿਵੇਂ ਕਿ ਹਾਲੇ ਵੀ ਖੇਡ ਹੀ ਰਿਹਾ।

PunjabKesari

ਕਬੱਡੀ ਖਿਡਾਰੀਆਂ ਵਾਂਗ ਮਾਨੇ ਦੀ ਖੁਰਾਕ
ਮਨਪ੍ਰੀਤ ਨੂੰ ਭਾਰਤ ਸਰਕਾਰ ਵੱਲੋਂ ਧਿਆਨ ਚੰਦ ਐਵਾਰਡ ਮਿਲਣ ਤੋਂ ਇਲਾਵਾ ਪੈਟੋਰਲੀਅਮ ਮੰਤਰਾਲੇ ਵੱਲੋਂ ਵੀ ਪੀ.ਐੱਸ.ਪੀ.ਬੀ. ਐਵਾਰਡ ਨਾਲ ਸਨਮਾਨਤ ਕੀਤਾ ਗਿਆ। ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਨੇ ਉਸ ਨੂੰ 'ਬੁਲਟ' ਮੋਟਰ ਸਾਈਕਲ ਨਾਲ ਸਨਮਾਨਤ ਕੀਤਾ। ਹਾਲ ਹੀ ਵਿੱਚ ਜਦੋਂ ਉਸ ਨੂੰ ਭਾਰਤ ਸਰਕਾਰ ਨੇ ਸਨਮਾਨਤ ਕੀਤਾ ਤਾਂ ਪੰਜਾਬ ਦੇ ਖੇਡ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਨੇ ਮਾਨਾ ਸਣੇ ਸਾਰੇ ਐਵਾਰਡ ਜੇਤੂਆਂ ਨੂੰ ਆਪਣੇ ਘਰ ਚਾਹ ਪਾਰਟੀ ਉਤੇ ਬੁਲਾ ਕੇ ਉਚੇਚੇ ਤੌਰ ਉਤੇ ਸਨਮਾਨਤ ਕੀਤਾ। ਕਬੱਡੀ ਖਿਡਾਰੀਆਂ ਵਾਂਗ ਮਾਨੇ ਦੀ ਖੁਰਾਕ ਵੀ ਖੁੱਲ੍ਹੀ ਰਹੀ। ਮਾਨਾ ਜ਼ਿਆਦਾ ਕਰਕੇ ਸ਼ਾਕਾਹਾਰੀ ਭੋਜਨ ਪਸੰਦ ਕਰਦਾ ਹੈ। ਦੇਸੀ ਖੁਰਾਕ ਦੁੱਧ, ਘਿਓ, ਮੱਖਣ ਉਸ ਦੀ ਖੁਰਾਕ ਦਾ ਮੁੱਖ ਹਿੱਸਾ ਰਿਹਾ। ਖੇਡਣ ਦੇ ਦਿਨਾਂ ਵਿੱਚ ਉਹ 4 ਲਿਟਰ ਦੁੱਧ ਪੀ ਜਾਂਦਾ ਸੀ। ਅੱਜ-ਕੱਲ੍ਹ ਵੀ ਉਹ ਇਕੱਲਾ ਦੋ-ਢਾਈ ਲਿਟਰ ਦੁੱਧ ਤਾਂ ਪੀ ਹੀ ਜਾਂਦਾ ਹੈ। ਕਿਲੋ ਬਦਾਮ ਉਹ ਤਿੰਨ ਦਿਨਾਂ ਵਿੱਚ ਮੁਕਾ ਦਿੰਦਾ ਰਿਹਾ। ਫੂਡ ਸਪਲੀਮੈਂਟ ਦਾ ਉਸ ਨੇ ਅੱਜ ਤੱਕ ਸਵਾਦ ਨਹੀਂ ਚਖਿਆ। ਪ੍ਰੈਕਟਿਸ ਉਹ ਛੇ ਤੋਂ ਸੱਤ ਘੰਟੇ ਰੋਜ਼ਾਨਾ ਕਰਦਾ ਸੀ।

ਪ੍ਰੋ.ਕਬੱਡੀ ਲੀਗ ਦਾ ਖਿਤਾਬ ਜਿੱਤਣ ਮੌਕੇ ਮਨਪ੍ਰੀਤ ਸਿੰਘ ਮਾਨਾ

PunjabKesari

ਮਾਨਾ ਦੀ ਖੇਡ ਦਾ ਢੰਗ ਨਿਵੇਕਲਾ ਤੇ ਖਿੱਚ ਭਰਪੂਰ 
ਕਬੱਡੀ ਦੇ ਮੈਦਾਨ ਵਿਚ ਮਾਨਾ ਦੀ ਖੇਡ ਦਾ ਢੰਗ ਨਿਵੇਕਲਾ ਤੇ ਖਿੱਚ ਭਰਪੂਰ ਹੈ। ਉਹ ਜਦੋਂ ਵੀ ਵਿਰੋਧੀ ਪਾਲੇ ਵਿੱਚ ਰੇਡ ਪਾਉਣ ਜਾਂਦਾ ਹੈ ਤਾਂ ਬੜੇ ਆਤਮ ਵਿਸ਼ਵਾਸ ਨਾਲ ਵਿਰੋਧੀ ਜਾਫੀ ਨੂੰ ਛੂਹ ਕੇ ਆਪਣੇ ਪਾਲੇ ਵੱਲ ਮੂੰਹ ਕਰਕੇ ਪੱਟਾਂ ਤੇ ਥਾਪੀ ਮਾਰ ਕੇ ਉੱਪਰ ਹਵਾ ਵਿਚ ਉਂਗਲੀ ਕਰਕੇ ਛਾਲ ਮਾਰਦਾ ਹੈ। ਇਸ ਤਰ੍ਹਾਂ ਜਾਫੀ ਅਤੇ ਰੈਫਰੀ ਆਪਣੇ ਆਪ ਮੰਨ ਜਾਂਦੇ ਹਨ। ਨਹੀਂ ਤਾਂ ਕਬੱਡੀ ਵਿੱਚ ਰੇਡਰ, ਜਾਫੀ ਤੇ ਰੈਫਰੀ ਹੱਥ ਛੂਹਣ ਬਾਰੇ ਬਹਿਸ ਕਰੀ ਜਾਂਦੇ ਰਹਿੰਦੇ ਹਨ। ਇਹ ਢੰਗ ਮਾਨੇ ਨੂੰ ਹੋਰ ਵੀ ਖਿੱਚ ਭਰਪੂਰ ਬਣਾ ਦਿੰਦਾ ਹੈ। ਇਸ ਤੋਂ ਇਲਾਵਾ ਇਕ ਗੱਲ ਤੋਂ ਮਾਨੇ ਦੀ ਹੋਰ ਪ੍ਰਾਪਤੀ ਸਾਹਮਣੇ ਆਉਂਦੀ ਹੈ ਕਿ ਜਦੋਂ ਉਹ ਆਪਣੇ ਪਾਲੇ ਵਿਚ ਆਉਂਦਾ ਹੈ ਤਾਂ ਉਸ ਦੀ ਟੀਮ ਦੇ ਜਾਫੀ ਉੁਸ ਨੂੰ ਪਿੱਛੇ ਰੱਖਦੇ ਹਨ। ਕਿਉਂਕਿ ਵਿਰੋਧੀ ਰੇਡਰ ਦੀ ਨਜ਼ਰ ਮਾਨੇ ਉਪਰ ਹੀ ਹੁੰਦੀ ਹੈ।

PunjabKesari

ਯਾਦਗਾਰੀ ਮੈਚਾਂ ਦੇ ਕਿੱਸੇ ਸੁਣਾਉਂਦਿਆਂ ਚਿਹਰੇ ਉਤੇ ਆਉਂਦਾ ਵੱਖਰਾ ਨੂਰ
ਆਪਣੇ ਯਾਦਗਾਰੀ ਮੈਚਾਂ ਦੇ ਕਿੱਸੇ ਸੁਣਾਉਂਦਿਆਂ ਉਸ ਦੇ ਚਿਹਰੇ ਉਤੇ ਵੱਖਰਾ ਨੂਰ ਆ ਜਾਂਦਾ ਹੈ। ਇਕੇਰਾਂ ਕੌਮੀ ਪੱਧਰ ਦੇ ਮੁਕਾਬਲੇ ਵਿੱਚ ਬਰਾਬਰ ਚੱਲ ਰਹੇ ਮੈਚ ਵਿੱਚ ਉਸ ਨੇ ਆਖਰੀ ਰੇਡ ਉਤੇ ਇਕੱਲਿਆਂ ਵਿਰੋਧੀ ਰੇਡਰ ਨੂੰ ਡੱਕ ਕੇ ਟੀਮ ਨੂੰ ਜਿੱਤ ਦਿਵਾਈ। ਮਾਨਾ ਦੱਸਦਾ ਹੈ ਕਿ ਫੈਡਰੇਸ਼ਨ ਕੱਪ ਦੇ ਸੈਮੀ ਫਾਈਨਲ ਵਿੱਚ ਪੰਜਾਬ ਦੀ ਟੀਮ ਤਾਮਿਲਨਾਡੂ ਕੋਲੋਂ 20-22 ਅੰਕ ਪਿੱਛੇ ਚੱਲ ਰਹੀ ਸੀ। ਅੱਧੇ ਸਮੇਂ ਤੋਂ ਮਾਨੇ ਦੀਆਂ ਰੇਡਾਂ ਨੇ ਸਾਰੀ ਕਹਾਣੀ ਹੀ ਬਦਲ ਦਿੱਤੀ। ਪੰਜਾਬ ਦੀ ਟੀਮ ਨੇ 6 ਵਾਰ ਪੂਰੀ ਟੀਮ ਆਊਟ ਕੀਤਾ ਅਤੇ ਆਖਰ ਵਿੱਚ 25 ਤੋਂ ਵੱਧ ਅੰਕਾਂ ਨਾਲ ਪੰਜਾਬ ਦੀ ਜਿੱਤ ਹੋਈ। ਇਕ ਮੌਕਿਆਂ ਮਾਨਾ ਨੇ ਆਪਣੀ ਰੇਡ ਦੌਰਾਨ ਵਿਰੋਧੀ ਪੂਰੀ ਟੀਮ ਦੇ ਸੱਤੇ ਖਿਡਾਰੀਆਂ ਨੂੰ ਆਊਟ ਕਰਦਿਆਂ ਲੋਨੇ ਦੇ ਦੋ ਅੰਕਾਂ ਸਣੇ ਕੁੱਲ 9 ਅੰਕ ਬਟੋਰੇ। ਵੱਡੇ ਕੌਮੀ ਮੁਕਾਬਲਿਆਂ ਦੌਰਾਨ ਅਜਿਹਾ ਕਾਰਨਾਮਾ ਉਸ ਨੇ ਕੇਰਲਾ ਖਿਲਾਫ ਵੀ ਕੀਤਾ ਸੀ ਜਦੋਂ ਪੂਰੀ ਟੀਮ ਇਕੱਲਿਆ ਆਊਟ ਕਰ ਦਿੱਤੀ ਸੀ। ਨੈਸ਼ਨਲ ਸਟਾਈਲ ਕਬੱਡੀ ਵਿੱਚ ਇਹ ਬਹੁਤ ਵੱਡੀ ਗੱਲ ਹੁੰਦੀ ਹੈ ਜਦੋਂ ਰੇਡਰ ਸਾਰੀ ਟੀਮ ਨੂੰ ਇਕ ਰੇਡ ਵਿੱਚ ਆਊਟ ਕਰ ਦੇਵੇ। 'ਏ' ਗਰੇਡ ਟੂਰਨਾਮੈਂਟ ਵਿੱਚ ਤਾਂ ਇਹ ਕਾਰਨਾਮਾ ਉਹ ਕਈ ਵਾਰ ਕਰ ਚੁੱਕਿਆ ਹੈ। ਮਾਨਾ ਜਿਸ ਵੀ ਟੀਮ ਵੱਲੋਂ ਖੇਡਿਆ, ਚਾਹੇ ਉਹ ਕਾਲਜ, ਯੂਨੀਵਰਸਿਟੀ, ਪੰਜਾਬ, ਭਾਰਤ ਜਾਂ ਫੇਰ ਕਬੱਡੀ ਲੀਗ ਵਿੱਚ ਹੋਵੇ, ਉਹ ਹਮੇਸ਼ਾ ਆਪਣੀ ਟੀਮ ਦਾ ਅਨਮੋਲ ਹੀਰਾ ਰਿਹਾ ਹੈ। ਮਾਨਾ ਆਪਣੇ ਖੇਡ ਜੀਵਨ ਵਿੱਚ ਕਬੱਡੀ ਕੋਚ ਗੁਰਦੀਪ ਸਿੰਘ ਮੱਲ੍ਹੀ ਦੇ ਯੋਗਦਾਨ ਨੂੰ ਕਦੇ ਨਹੀਂ ਭੁਲਾਉਂਦਾ ਜਿਨ੍ਹਾਂ ਦੇ ਮਾਰਗ ਦਰਸ਼ਨ ਸਦਕਾ ਉਹ ਸਿਖਰਾਂ ਛੂਹ ਸਕਿਆ। ਕੌਮੀ ਟੀਮ ਵਿੱਚ ਆਪਣੀਆਂ ਪ੍ਰਾਪਤੀਆਂ ਦਾ ਸਿਹਰਾ ਉਹ ਈ ਪ੍ਰਸ਼ਾਦ ਰਾਓ ਸਿਰ ਬੱਝਦਾ ਹੈ।

ਆਪਣੇ ਮਾਰਗ ਦਰਸ਼ਕ ਗੁਰਦੀਪ ਸਿੰਘ ਮੱਲ੍ਹੀ ਨਾਲ ਮਨਪ੍ਰੀਤ ਸਿੰਘ ਮਾਨਾ

PunjabKesari

ਗਜ਼ਟਿਡ ਅਫਸਰ ਵਜੋਂ ਜੁਆਇਨ

2000 ਵਿਚ ਸੀ.ਆਰ.ਪੀ.ਐਫ. ਵਿੱਚ ਭਰਤੀ ਹੋਣ ਵਾਲੇ ਮਾਨਾ ਨੇ 2004 ਵਿੱਚ ਸੀ.ਆਰ.ਪੀ.ਐਫ. ਵਿੱਚ ਡੀ.ਐਸ.ਪੀ. ਦੀ ਨੌਕਰੀ ਛੱਡ ਕੇ ਓ.ਐਨ.ਜੀ.ਸੀ. ਵਿੱਚ ਗਜ਼ਟਿਡ ਅਫਸਰ ਵਜੋਂ ਜੁਆਇਨ ਕਰ ਲਈ। ਉਸ ਵੇਲੇ ਮਾਨਾ ਤੇ ਕ੍ਰਿਕਟਰ ਵਿਰੇਂਦਰ ਸਹਿਵਾਗ ਇਕੋ ਰੈਂਕ 'ਤੇ ਭਰਤੀ ਹੋਏ ਸਨ। ਸ਼ੁਰੂਆਤ ਵਿੱਚ ਦੋਵਾਂ ਦੀ ਪੋਸਟਿੰਗ ਦੇਹਰਾਦੂਨ ਸੀ। ਦੋਵਾਂ ਵਿਚਾਲੇ ਦੋਸਤੀ ਵੀ ਬਹੁਤ ਹੈ। ਮਾਨਾ ਦੱਸਦਾ ਹੈ ਕਿ ਸਹਿਵਾਗ ਬਹੁਤ ਹੀ ਮਜਾਹੀਆ ਲਹਿਜ਼ੇ ਵਿੱਚ ਗੱਲ ਕਰਨ ਵਾਲਾ ਇਨਸਾਨ ਹੈ। ਸ਼ੁਰੂ ਵਿੱਚ ਰਸਮੀ ਹਾਲਚਾਲ ਪੁੱਛਣ ਤੋਂ ਬਾਅਦ ਉਹ ਆਪਣੇ ਅਸਲੀ ਰੰਗ ਵਿੱਚ ਆ ਜਾਂਦਾ ਹੈ। ਮਾਨਾ ਦੱਸਦਾ ਹੈ ਕਿ ਸਹਿਵਾਗ ਹਮੇਸ਼ਾ ਹੀ ਹਰ ਖਿਡਾਰੀ ਨੂੰ ਸਤਿਕਾਰ ਤੇ ਪਿਆਰ ਨਾਲ ਮਿਲਦਾ ਹੈ। ਖੇਡ ਪ੍ਰੇਮੀ ਬਹੁਤ ਘੱਟ ਜਾਣਦੇ ਹੋਣਗੇ ਕਿ ਕਿੰਗ ਕੋਹਲੀ ਵਜੋਂ ਜਾਣਿਆ ਜਾਂਦਾ ਭਾਰਤੀ ਕ੍ਰਿਕਟ ਦਾ ਕਪਤਾਨ ਵਿਰਾਟ ਕੋਹਲੀ ਵੀ ਓ.ਐਨ.ਜੀ.ਸੀ. ਵਿੱਚ ਨੌਕਰੀ ਕਰਦਾ ਹੈ। ਮਾਨਾ ਦਾ ਰੈਂਕ ਕੋਹਲੀ ਤੋਂ ਉਪਰ ਹੈ। ਮਾਨਾ ਚੀਫ ਮੈਨੇਜਰ ਹੈ ਜਦੋਂ ਕੋਹਲੀ ਮੈਨੇਜਰ। ਕੋਹਲੀ ਨਾਲ ਇਕ ਪੁਰਾਣੀ ਘਟਨਾ ਸਾਂਝੀ ਕਰਦਾ ਹੋਇਆ ਮਾਨਾ ਦੱਸਦਾ ਹੈ ਕਿ ਓ.ਐਨ.ਜੀ.ਸੀ. ਵਿੱਚ ਉਸ (ਮਾਨਾ) ਦੀ ਪੰਜ ਸਾਲ ਦੀ ਸਰਵਿਸ ਹੋਣ ਤੋਂ ਬਾਅਦ ਪੱਕੇ ਹੋਣ ਲਈ ਇੰਟਰਵਿਊ ਅਤੇ ਵਿਰਾਟ ਕੋਹਲੀ ਦੀ ਭਰਤੀ ਹੋਣ ਦੀ ਇੰਟਰਵਿਊ ਇਕੱਠਿਆ ਹੋਈ ਸੀ। ਵਿਰਾਟ ਉਸ ਵੇਲੇ 2008 ਵਿੱਚ ਅੰਡਰ-19 ਵਿਸ਼ਵ ਕੱਪ ਜਿੱਤਣ ਵਾਲੀ ਭਾਰਤੀ ਟੀਮ ਦਾ ਕਪਤਾਨ ਸੀ। ਇੰਟਰਵਿਊ ਪੈਨਲ ਕੋਲ ਜਾਣ ਤੋਂ ਪਹਿਲਾ ਬਾਹਰ ਬੈਠੇ ਕੋਹਲੀ ਨੂੰ ਓ.ਐਨ.ਜੀ.ਸੀ. ਵਿੱਚ ਭਰਤੀ ਹੋਣ ਲਈ ਮਾਨੇ ਦੇ ਬੋਲਾਂ ਨੇ ਹੀ ਪ੍ਰੇਰਿਆ ਸੀ। ਮਾਨੇ ਵੱਲੋਂ ਕੀਤੀਆਂ ਸਿਫਤਾਂ ਨਾਲ ਕੋਹਲੀ ਕੀਲਿਆ ਗਿਆ। ਹੁਣ ਭਾਰਤੀ ਖੇਡਾਂ ਦਾ ਸਭ ਤੋਂ ਵੱਡਾ ਬਰਾਂਡ ਬਣਿਆ ਕੋਹਲੀ ਹਾਲੇ ਤੱਕ ਓ.ਐਨ.ਜੀ.ਸੀ. ਦਾ ਹੀ ਹਿੱਸਾ ਹੈ। ਕੋਹਲੀ ਬਾਰੇ ਇਕ ਗੱਲ ਉਹ ਹੋਰ ਦੱਸਦਾ ਹੈ ਕਿ ਸ਼ੁਰੂ ਵਿੱਚ ਉਹ ਹਿੰਦੀ ਵਿੱਚ ਗੱਲ ਕਰਦਾ ਪਰ ਜਦੋਂ ਮਾਨੇ ਦਾ ਪੰਜਾਬੀ ਲਹਿਜਾ ਸੁਣਨਾ ਤਾਂ ਕੋਹਲੀ ਵੀ ਪੰਜਾਬੀ ਬੋਲਣ ਲੱਗ ਜਾਂਦਾ। ਕੋਹਲੀ ਮਾਨੇ ਨੂੰ ਬੜੇ ਮਾਣ ਨਾਲ ਦੱਸਦਾ ਕਿ ਉਹ ਵੀ ਪੰਜਾਬੀ ਪਰਿਵਾਰ ਵਿੱਚੋਂ ਹੈ।

ਲੇਖਕ ਨਾਲ ਵੱਖ-ਵੱਖ ਮੌਕਿਆਂ 'ਤੇ ਵਿਚਰਦਾ ਮਨਪ੍ਰੀਤ ਸਿੰਘ ਮਾਨਾ

PunjabKesari

ਅੱਜ-ਕੱਲ੍ਹ ਮਨਪ੍ਰੀਤ ਸਿੰਘ ਮਾਨਾ ਦੀ ਪੋਸਟਿੰਗ 
ਮਨਪ੍ਰੀਤ ਸਿੰਘ ਮਾਨਾ ਦੀ ਪੋਸਟਿੰਗ ਅੱਜ-ਕੱਲ੍ਹ ਸੋਨੀਪਤ ਵਿਖੇ ਹੈ ਅਤੇ ਆਪਣੇ ਪਰਿਵਾਰ ਨਾਲ ਉਸ ਨੇ ਪੱਕੀ ਰਿਹਾਇਸ਼ ਸੋਨੀਪਤ ਹੀ ਕੀਤੀ ਹੋਈ ਹੈ। ਮਾਨਾ ਜਿੱਥੇ ਖੇਡਾਂ ਵਿੱਚ ਗੋਲਡ ਮੈਡਲ ਜਿੱਤਦਾ ਰਿਹਾ ਉਥੇ ਉਸ ਦੀ ਪਤਨੀ ਪੜ੍ਹਾਈ ਵਿੱਚ ਗੋਲਡ ਮੈਡਲਿਸਟ ਹੈ। ਕਰਨਾਲ ਦੀ ਰਹਿਣ ਵਾਲੀ ਮਾਨਾ ਦੀ ਪਤਨੀ ਪੂਜਾ ਐਮ.ਬੀ.ਏ. ਦੀ ਗੋਲਡ ਮੈਡਲਿਸਟ ਹੈ। ਇਕ ਵਾਰ ਇੰਟਰਵਿਊ ਕਰਦਿਆਂ ਮੈਂ ਜਦੋਂ ਮਾਨਾ ਨੂੰ ਪੁੱਛਿਆ ਸੀ ਕਿ ਜੀਵਨ ਸਾਥਣ ਵੀ ਕੋਈ ਖਿਡਾਰਨ ਹੈ ਤਾਂ ਉਸ ਦਾ ਜਵਾਬ ਸੀ, ''ਹੈ ਤਾਂ ਉਹ ਵੀ ਚੈਂਪੀਅਨ ਪਰ ਹੈਗੀ ਪੜ੍ਹਾਈ ਵਿੱਚ ਚੈਂਪੀਅਨ।'' ਇਸ ਜੋੜੀ ਦਾ ਇਕ ਬੇਟਾ ਹੈ ਸਮਪ੍ਰੀਤ ਜੋ ਨੌਵੀਂ ਕਲਾਸ ਵਿੱਚ ਪੜ੍ਹਦਾ ਹੈ। ਮਾਨਾ ਨਾਲ ਮੇਰਾ ਵਾਹ ਵੀਹ ਵਰ੍ਹਿਆਂ ਤੋਂ ਪੁਰਾਣਾ ਹੈ ਪਰ ਪਿਛਲੇ ਦਿਨੀਂ ਉਹ 10-12 ਵਰ੍ਹਿਆਂ ਬਾਅਦ ਮਿਲਿਆ ਪਰ ਸੁਭਾਅ ਉਸ ਦਾ ਬਿਲਕੁਲ ਵੀ ਨਹੀਂ ਬਦਲਿਆ। ਮਾਨੇ ਵਿੱਚ ਉਹੀ ਅਪਣੱਤ ਤੇ ਨਿਸ਼ੰਗ ਗੱਲ ਕਹਿਣ ਦਾ ਸਟਾਈਲ ਬਰਕਰਾਰ ਹੈ। ਮੇਰੇ ਨਾਲ ਉਸ ਦੀ ਇਕ ਹੋਰ ਸਾਂਝ ਵੀ ਹੈ। ਮੇਰੇ ਸੀਨੀਅਰ ਰਹੇ ਪੱਤਰਕਾਰ ਗੁਰਦੇਵ ਸਿੰਘ ਭੁੱਲਰ ਦਾ ਉਹ ਭਾਣਜਾ ਹੈ। ਮਾਨੇ ਦੀ ਮਨ ਦੀ ਇਕੋ ਤਮੰਨਾ ਹੈ ਕਿ ਸਰਕਲ ਸਟਾਈਲ ਵਾਂਗ ਨੈਸ਼ਨਲ ਸਟਾਈਲ ਵਿੱਚ ਵੀ ਪੰਜਾਬ ਦੀ ਟੀਮ ਦੀ ਚੜ੍ਹਾਈ ਹੋਵੇ।

PunjabKesari

PunjabKesari

  • Khed Rattan Punjab de
  • Dhyan Chand Awardee World Champion
  • Kabaddi Player
  • Manpreet Mana
  • ਮਨਪ੍ਰੀਤ ਮਾਨਾ
  • ਨਵਦੀਪ ਸਿੰਘ ਗਿੱਲ

150 ਨੰਬਰ ਦੀ ਜਰਸੀ ਪਾ ਮੈਦਾਨ 'ਤੇ ਕਿਉਂ ਉਤਰੇ ਰੋਹਿਤ, ਜਾਣੋ ਖਾਸ ਵਜ੍ਹਾ

NEXT STORY

Stories You May Like

  • modi shares article highlighting expansion of sports infrastructure
    ਮੋਦੀ ਨੇ ਖੇਡ ਬੁਨਿਆਦੀ ਢਾਂਚੇ ਦੇ ਵਿਸਥਾਰ ਨੂੰ ਉਜਾਗਰ ਕਰਨ ਵਾਲਾ ਲੇਖ ਕੀਤਾ ਸਾਂਝਾ
  • the whole game of election theft
    ਚੋਣ ਦੀ ਚੋਰੀ ਦੀ ਪੂਰੀ ਖੇਡ
  • created a new   world record   by playing golf for 35 hours continuously
    ਲਗਾਤਾਰ 35 ਘੰਟੇ ਗੋਲਫ ਖੇਡ ਕੇ ਬਣਾਇਆ ਨਵਾਂ 'ਵਿਸ਼ਵ ਰਿਕਾਰਡ'
  • punjab mother son
    ਪੰਜਾਬ: ਮਾਂ ਦੀ ਗੋਦ 'ਚ ਪਲਣ ਵਾਲੇ ਪੁੱਤ ਨੇ ਹੀ ਚੁੰਨੀ ਨਾਲ ਗਲਾ ਘੁੱਟ ਕੇ ਮਾਰ'ਤੀ ਮਾਂ
  • ronaldo  s eyes welled up with tears
    ਪੁਰਤਗਾਲ ਦੇ ਚੈਂਪੀਅਨ ਬਣਨ ਤੋਂ ਬਾਅਦ ਰੋਨਾਲਡੋ ਦੀਆਂ ਅੱਖਾਂ 'ਚ ਛਲਕੇ ਖੁਸ਼ੀ ਦੇ ਹੰਝੂ
  • pardeep narwal announces retirement
    ਪ੍ਰੋ ਕਬੱਡੀ ਲੀਗ ਦੀ ਨਿਲਾਮੀ ’ਚ ਨਾ ਖਰੀਦੇ ਜਾਣ ’ਤੇ ਪਰਦੀਪ ਨਰਵਾਲ ਨੇ ਕੀਤਾ ਸੰਨਿਆਸ ਦਾ ਐਲਾਨ
  • messi  s brilliant performance helped inter miami defeat columbus
    ਮੇਸੀ ਦੀ ਸ਼ਾਨਦਾਰ ਖੇਡ ਨਾਲ ਇੰਟਰ ਮਿਆਮੀ ਨੇ ਕੋਲੰਬਸ ਕਰੂ ਨੂੰ 5-1 ਨਾਲ ਹਰਾਇਆ
  • djokovic not sure whether he will be able to play in french open again
    ਜੋਕੋਵਿਚ ਨੂੰ ਯਕੀਨ ਨਹੀਂ ਕਿ ਉਹ ਦੁਬਾਰਾ ਫ੍ਰੈਂਚ ਓਪਨ ਵਿੱਚ ਖੇਡ ਸਕੇਗਾ ਜਾਂ ਨਹੀਂ
  • meteorological department warns in punjab
    ਪੰਜਾਬ 'ਚ ਮੌਸਮ ਵਿਭਾਗ ਦੀ ਚਿਤਾਵਨੀ, ਤਾਪਮਾਨ ਨੇ ਪਾਰ ਕੀਤੀਆਂ ਖ਼ਤਰਨਾਕ ਹੱਦਾਂ
  • electrical equipment damaged due to electricity supply issue
    ਬਿਜਲੀ ਘੱਟ-ਵਧ ਆਉਣ ਕਾਰਨ ਘਰਾਂ ਤੇ ਫੈਕਟਰੀ 'ਚ ਬਿਜਲੀ ਉਪਕਰਣ ਹੋਏ ਖ਼ਰਾਬ
  • sukhbir singh badal expresses grief over air india plane crash
    ਏਅਰ ਇੰਡੀਆ ਜਹਾਜ਼ ਹਾਦਸੇ 'ਤੇ ਸੁਖਬੀਰ ਸਿੰਘ ਬਾਦਲ ਨੇ ਜਤਾਇਆ ਦੁੱਖ਼
  • dilkusha market in jalandhar to remain closed from june 19 to 22
    19 ਤੋਂ 22 ਜੂਨ ਤੱਕ ਬੰਦ ਰਹੇਗੀ ਜਲੰਧਰ ਦੀ ਇਹ ਮਸ਼ਹੂਰ ਮਾਰਕੀਟ, ਸਾਮਾਨ ਖ਼ਰੀਦਣ ਲਈ...
  • major police action in case of attack by youth near milap chowk  jalandhar
    ਜਲੰਧਰ ਦੇ ਮਿਲਾਪ ਚੌਂਕ ਨੇੜੇ ਨੌਜਵਾਨਾਂ ਵੱਲੋਂ ਹਮਲਾ ਕਰਨ ਦੇ ਮਾਮਲੇ 'ਚ ਪੁਲਸ ਦੀ...
  • friend attacked friend in jalandhar
    ਜਲੰਧਰ 'ਚ ਦੋਸਤ ਨੇ ਕੀਤੀ ਦਗੇਬਾਜ਼ੀ, ਕਿਸ਼ਤਾਂ ਚੁਕਾਉਣ ਲਈ ਕਿਹਾ ਤਾਂ ਕਰ 'ਤਾ...
  • jalandhar smart city s top officials may face charges
    ਜਲੰਧਰ ਸਮਾਰਟ ਸਿਟੀ ਦੇ ਵੱਡੇ ਅਫ਼ਸਰਾਂ 'ਤੇ ਡਿੱਗ ਸਕਦੀ ਹੈ ਗਾਜ, ਬਣ ਗਈ ਸੂਚੀ,...
  • with creation of a sports hub  cricket and other sports will also get a boost
    ਆਊਟਡੋਰ ਗੇਮਜ਼ ਤੋਂ ਦੂਰ ਹੋ ਰਹੇ ਬੱਚੇ ਤੇ ਨੌਜਵਾਨ, ਹੁਣ ਸਪੋਰਟਸ ਹੱਬ ਬਣਨ ਨਾਲ...
Trending
Ek Nazar
meteorological department warns in punjab

ਪੰਜਾਬ 'ਚ ਮੌਸਮ ਵਿਭਾਗ ਦੀ ਚਿਤਾਵਨੀ, ਤਾਪਮਾਨ ਨੇ ਪਾਰ ਕੀਤੀਆਂ ਖ਼ਤਰਨਾਕ ਹੱਦਾਂ

flash floods wreak havoc

ਹੜ੍ਹ ਨੇ ਮਚਾਈ ਤਬਾਹੀ; ਘਰ, ਖੇਤ ਅਤੇ ਪਸ਼ੂ ਪ੍ਰਭਾਵਿਤ

transgender community continues to face discrimination

ਟਰਾਂਸਜੈਂਡਰ ਭਾਈਚਾਰਾ ਵਿਤਕਰੇ ਦਾ ਸ਼ਿਕਾਰ

punjabi man dies in england

ਇੰਗਲੈਂਡ 'ਚ ਪੰਜਾਬੀ ਵਿਅਕਤੀ ਦੀ ਹੋਈ ਮੌਤ, ਪਿੰਡ ਪੁੱਜੀ ਲਾਸ਼ ਨੂੰ ਵੇਖ ਧਾਹਾਂ...

action on foreigners in pakistan

ਪਾਕਿਸਤਾਨ ਦੀ ਵਿਦੇਸ਼ੀਆਂ 'ਤੇ ਸਖ਼ਤੀ, ਸਾਮਾਨ ਪੈਕ ਕਰਨ ਲਈ ਦਿੱਤੇ 45 ਮਿੰਟ

woman arrested for trafficking students

ਵਿਦਿਆਰਥੀਆਂ ਦੀ ਤਸਕਰੀ ਕਰਨ ਦੇ ਮਾਮਲੇ 'ਚ ਔਰਤ ਗ੍ਰਿਫ਼ਤਾਰ

forest fire in usa

ਅਮਰੀਕਾ 'ਚ ਜੰਗਲ ਦੀ ਅੱਗ ਹੋਈ ਬੇਕਾਬੂ, ਸੈਂਕੜੇ ਘਰਾਂ ਨੂੰ ਖਾਲੀ ਕਰਨ ਦੇ ਹੁਕਮ

us military families evacuated from uae base

UAE ਬੇਸ ਤੋਂ ਅਮਰੀਕੀ ਫੌਜੀ ਪਰਿਵਾਰਾਂ ਨੂੰ ਨਿਕਲਣ ਦੇ ਆਦੇਸ਼

people are starting to feel helpless in the record breaking heat

ਪੰਜਾਬ : ਅੱਤ ਦੀ ਰਿਕਾਰਡਤੋੜ ਗਰਮੀ 'ਚ ਬੇਵੱਸ ਹੋਣ ਲੱਗੇ ਲੋਕ, Ac ਵੀ ਨਹੀਂ ਕਰ...

indian origin man sentenced us

ਅਮਰੀਕਾ : 20 ਲੱਖ ਡਾਲਰ ਦੇ ਕਾਲ ਸੈਂਟਰ ਧੋਖਾਧੜੀ ਮਾਮਲੇ 'ਚ ਭਾਰਤੀ ਮੂਲ ਦੇ...

curfew like situation hoshiarpur district of punjab

ਪੰਜਾਬ ਦੇ ਇਸ ਜ਼ਿਲ੍ਹੇ 'ਚ ਕਰਫ਼ਿਊ ਵਰਗੇ ਹਾਲਾਤ! ਦੁਪਹਿਰ 12 ਤੋਂ 4 ਵਜੇ ਤੱਕ ਲਈ...

deadly heatwave in punjab another death

ਪੰਜਾਬ 'ਚ ਜਾਨਲੇਵਾ ਹੋਈ ਗਰਮੀ, ਇਕ ਹੋਰ ਮੌਤ, ਤਾਪਮਾਨ ਪੁੱਜਾ 47 ਡਿਗਰੀ ਤੋਂ ਪਾਰ

a big threat looms over the farmers of punjab canal breaks for the 5th time

ਪੰਜਾਬ ਦੇ ਕਿਸਾਨਾਂ 'ਤੇ ਮੰਡਰਾਉਣ ਲੱਗਾ ਵੱਡਾ ਖ਼ਤਰਾ! ਇਸ ਪਿੰਡ ਦੀ ਨਹਿਰ 'ਚ ਪੈ...

cm bhagwant mann inaugurates burlton park sports hub in jalandhar

ਜਲੰਧਰ 'ਚ CM ਮਾਨ ਵੱਲੋਂ ਬਰਲਟਨ ਪਾਰਕ ਸਪੋਰਟਸ ਹੱਬ ਦਾ ਉਦਘਾਟਨ, ਅੰਮ੍ਰਿਤਸਰ ਲਈ...

bullets fired in punjab s grain market in sultanpur lodhi

ਪੰਜਾਬ ਦੀ ਦਾਣਾ ਮੰਡੀ 'ਚ ਚੱਲ ਗਈਆਂ ਗੋਲ਼ੀਆਂ, ਆਪਸ 'ਚ ਭਿੜੀਆਂ ਦੋ ਧਿਰਾਂ

son missing meet family

10 ਸਾਲ ਬਾਅਦ ਪਰਿਵਾਰ ਨੂੰ ਮਿਲਿਆ ਅਗਵਾ ਹੋਇਆ ਪੁੱਤ, ਜਿਗਰ ਦੇ ਟੋਟੇ ਨੂੰ ਵੇਖ...

boy dead on road accident in ajnala

ਪੰਜਾਬ 'ਚ ਤੇਜ਼ ਰਫ਼ਤਾਰ ਬੋਲੈਰੋ ਨੇ ਉਜਾੜਿਆ ਘਰ, ਮਾਪਿਆਂ ਦੇ ਸੋਹਣੇ-ਸੁਨੱਖੇ...

referendum related to citizenship failed in italy

ਇਟਲੀ 'ਚ ਨਾਗਰਿਕਤਾ ਅਤੇ 4 ਹੋਰ ਮੰਗਾਂ ਨਾਲ ਸਬੰਧਤ ਰੈਫਰੈਂਡਮ ਹੋਇਆ ਫੇਲ

Daily Horoscope
    Previous Next
    • ਬਹੁਤ-ਚਰਚਿਤ ਖ਼ਬਰਾਂ
    • father also missing searching for missing girl
      ਗੁੰਮ ਹੋਈ ਬੱਚੀ ਨੂੰ ਲੱਭਦੇ-ਲੱਭਦੇ ਪਿਓ ਵੀ ਹੋ ਗਿਆ ਲਾਪਤਾ, ਪਿੰਡ 'ਚ ਦਹਿਸ਼ਤ ਦਾ...
    • australia work visa
      ਆਸਟ੍ਰੇਲੀਆ ਜਾਣ ਦੇ ਚਾਹਵਾਨਾਂ ਲਈ ਚੰਗੀ ਖ਼ਬਰ, ਇੰਝ ਕਰੋ ਅਪਲਾਈ, ਸਿੱਧਾ ਮਿਲੇਗਾ...
    • punjab government s big decision regarding pension
      ਪੈਨਸ਼ਨ ਨੂੰ ਲੈ ਕੇ ਅਹਿਮ ਖ਼ਬਰ, ਪੰਜਾਬ ਸਰਕਾਰ ਨੇ ਦਿੱਤਾ ਵੱਡਾ ਤੋਹਫ਼ਾ
    • fire at housing apartment in delhi s dwarka
      ਅਪਾਰਟਮੈਂਟ 'ਚ ਲੱਗੀ ਭਿਆਨਕ ਅੱਗ ਨੇ ਤਬਾਹ ਕਰ'ਤਾ ਪਰਿਵਾਰ ! ਪਹਿਲਾਂ ਧੀ-ਪੁੱਤ ਨੇ...
    • taking gold loan  customers will get more benefits with easy rules
      Gold Loan ਲੈਣ ਸਮੇਂ ਨਹੀਂ ਹੋਵੇਗੀ ਕੋਈ ਪਰੇਸ਼ਾਨੀ, ਆਸਾਨ ਨਿਯਮਾਂ ਨਾਲ ਗਾਹਕਾਂ...
    • son in law love affair mother in law run away
      ਹਾਏ ਓ ਰੱਬਾ! ਮਾਂ ਵਰਗੀ ਸੱਸ 'ਤੇ ਆਇਆ ਜਵਾਈ ਦਾ ਦਿਲ, ਫਿਰ ਜੋ ਹੋਇਆ...
    • earthquake hits
      ਅੱਧੇ ਘੰਟੇ 'ਚ 2 ਵਾਰ ਕੰਬ ਗਈ ਧਰਤੀ ! ਲੋਕਾਂ ਦੇ ਸੁੱਕ ਗਏ ਸਾਹ
    • 42 university students offered jobs by multinational companies
      GNDU ਦੇ ਵਿਦਿਆਰਥੀਆਂ ਦੀ ਡਿਗਰੀ ਤੋਂ ਪਹਿਲਾਂ ਨੌਕਰੀ ਪੱਕੀ! ਵੱਡੀਆਂ ਕੰਪਨੀਆਂ ਤੋਂ...
    • google maps car stuck half constructed bridge
      Google Map ਦਾ ਇਕ ਹੋਰ ਕਾਰਾ, ਅਧੂਰੇ ਫਲਾਈਓਵਰ 'ਤੇ ਹੇਠਾਂ ਡਿੱਗੀ ਕਾਰ, ਵੀਡੀਓ...
    • sonam raghuwanshi killed raja
      ਪਹਾੜ 'ਤੇ ਚੜ੍ਹਾਈ ਸਮੇਂ ਥੱਕ ਗਏ ਸੁਪਾਰੀ ਕਿੱਲਰ ! ਰਾਜਾ ਰਘੂਵੰਸ਼ੀ ਨੂੰ ਮਾਰਨ ਤੋਂ...
    • sebi announces special settlement scheme
      ਸੇਬੀ ਨੇ ਕੀਤਾ ਸਟਾਕ ਬਰੋਕਰਜ਼ ਲਈ ਵਿਸ਼ੇਸ਼ ਸੈਟਲਮੈਂਟ ਸਕੀਮ ਦਾ ਐਲਾਨ
    • ਖੇਡ ਦੀਆਂ ਖਬਰਾਂ
    • vinicius junior  s goal qualifies brazil for 2026 world cup
      ਵਿਨੀਸ਼ੀਅਸ ਜੂਨੀਅਰ ਦੇ ਗੋਲ ਨਾਲ ਬ੍ਰਾਜ਼ੀਲ ਨੇ ਵਿਸ਼ਵ ਕੱਪ 2026 ਲਈ ਕੀਤਾ ਕੁਆਲੀਫਾਈ
    • australia defeats saudi arabia to qualify for world cup
      ਆਸਟ੍ਰੇਲੀਆ ਨੇ ਸਾਊਦੀ ਅਰਬ ਨੂੰ ਹਰਾ ਕੇ ਵਿਸ਼ਵ ਕੱਪ ਲਈ ਕੁਆਲੀਫਾਈ ਕੀਤਾ
    • more players will retire
      ਅਜੇ ਹੋਰ ਖਿਡਾਰੀ ਲੈਣਗੇ ਸੰਨਿਆਸ... ਦਿੱਗਜ ਦਾ ਹੈਰਾਨ ਕਰਨ ਵਾਲਾ ਦਾਅਵਾ, ਕ੍ਰਿਕਟ...
    • indian men  s hockey team suffers hat trick of defeats
      ਭਾਰਤੀ ਪੁਰਸ਼ ਹਾਕੀ ਟੀਮ ਦੀ ਯੂਰਪੀਅਨ ਪੜਾਅ ’ਚ ਹਾਰ ਦੀ ਹੈਟ੍ਰਿਕ
    • rcb victory parade
      'ਜਿਵੇਂ ਉਨ੍ਹਾਂ ਨੇ ਪੂਰੀ ਦੁਨੀਆ ਨੂੰ ਸੱਦਿਆ ਹੋਵੇ...!', ਸੂਬਾ ਸਰਕਾਰ ਨੇ RCB...
    • ipl and psl dates will clash again next year
      ਅਗਲੇ ਸਾਲ ਫਿਰ ਟਕਰਾਉਣਗੀਆਂ IPL ਤੇ PSL ਦੀਆਂ ਤਰੀਕਾਂ
    • 12th national gatka championship to be held at talkatora stadium
      12 ਤੋਂ 14 ਜੂਨ ਤੱਕ ਤਾਲਕਟੋਰਾ ਸਟੇਡੀਅਮ ‘ਚ ਕਰਵਾਈ ਜਾਵੇਗੀ 12ਵੀਂ ਰਾਸ਼ਟਰੀ...
    • buying rcb is a far cry i don t even drink royal challengers
      'RCB ਖਰੀਦਣਾ ਤਾਂ ਦੂਰ ਦੀ ਗੱਲ, ਮੈਂ ਤਾਂ Royal Challengers ਪੀਂਦਾ ਵੀ ਨਹੀਂ'
    • tilak verma to play for hampshire in county championship
      ਤਿਲਕ ਵਰਮਾ ਕਾਉਂਟੀ ਚੈਂਪੀਅਨਸ਼ਿਪ ਵਿੱਚ ਹੈਂਪਸ਼ਾਇਰ ਲਈ ਖੇਡਣਗੇ
    • today  s top 10 news
      CM ਮਾਨ ਵੱਲੋਂ ਸਪੋਰਟਸ ਹੱਬ ਦਾ ਉਦਘਾਟਨ ਤੇ ਹਿਮਾਚਲ ਦੀਆਂ ਗੱਡੀਆਂ 'ਤੇ ਲੱਗੇਗਾ...
    • google play
    • apple store

    Main Menu

    • ਪੰਜਾਬ
    • ਦੇਸ਼
    • ਵਿਦੇਸ਼
    • ਦੋਆਬਾ
    • ਮਾਝਾ
    • ਮਾਲਵਾ
    • ਤੜਕਾ ਪੰਜਾਬੀ
    • ਖੇਡ
    • ਵਪਾਰ
    • ਅੱਜ ਦਾ ਹੁਕਮਨਾਮਾ
    • ਗੈਜੇਟ

    For Advertisement Query

    Email ID

    advt@punjabkesari.in


    TOLL FREE

    1800 137 6200
    Punjab Kesari Head Office

    Jalandhar

    Address : Civil Lines, Pucca Bagh Jalandhar Punjab

    Ph. : 0181-5067200, 2280104-107

    Email : support@punjabkesari.in

    • Navodaya Times
    • Nari
    • Yum
    • Jugaad
    • Health+
    • Bollywood Tadka
    • Punjab Kesari
    • Hind Samachar
    Offices :
    • New Delhi
    • Chandigarh
    • Ludhiana
    • Bombay
    • Amritsar
    • Jalandhar
    • Contact Us
    • Feedback
    • Advertisement Rate
    • Mobile Website
    • Sitemap
    • Privacy Policy

    Copyright @ 2023 PUNJABKESARI.IN All Rights Reserved.

    SUBSCRIBE NOW!
    • Google Play Store
    • Apple Store

    Subscribe Now!

    • Facebook
    • twitter
    • google +