ਮੈਡ੍ਰਿਡ : ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਪੀਵੀ ਸਿੰਧੂ ਨੇ ਸ਼ਨੀਵਾਰ ਨੂੰ ਇੱਥੇ ਮੈਡ੍ਰਿਡ ਸਪੇਨ ਮਾਸਟਰਸ ਸੁਪਰ 300 ਬੈਡਮਿੰਟਨ ਟੂਰਨਾਮੈਂਟ ਵਿੱਚ ਸਿੰਗਾਪੁਰ ਦੀ ਯੇਓ ਜੀਆ ਮਿਨ ਨੂੰ ਸਿੱਧੇ ਗੇਮ ਵਿੱਚ ਹਰਾ ਕੇ ਇਸ ਸਾਲ ਪਹਿਲੀ ਵਾਰ ਕਿਸੇ ਈਵੈਂਟ ਦੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। ਦੂਜਾ ਦਰਜਾ ਪ੍ਰਾਪਤ ਸਿੰਧੂ ਨੇ ਮਹਿਲਾ ਸਿੰਗਲ ਦੇ ਸੈਮੀਫਾਈਨਲ 'ਚ ਆਪਣੀ ਹੇਠਲੇ ਦਰਜੇ ਦੀ ਸਿੰਗਾਪੁਰ ਦੀ ਖਿਡਾਰਨ ਨੂੰ 24-22, 22-20 ਨਾਲ ਹਰਾਇਆ।
ਇਸ ਜਿੱਤ ਨਾਲ ਮਿਨ ਦੇ ਖਿਲਾਫ ਉਸਦਾ ਰਿਕਾਰਡ 4-0 ਕਰ ਦਿੱਤਾ। ਪਹਿਲੀ ਗੇਮ 'ਚ ਸਿੰਧੂ ਇਕ ਸਮੇਂ 'ਤੇ 15-20 ਨਾਲ ਪਿੱਛੇ ਚੱਲ ਰਹੀ ਸੀ ਪਰ ਉਸ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੱਤ ਗੇਮ ਪੁਆਇੰਟ ਬਚਾ ਕੇ ਪਹਿਲੀ ਗੇਮ ਆਪਣੇ ਨਾਂ ਕਰ ਲਈ। ਦੂਜੀ ਗੇਮ ਵਿੱਚ ਸਿੰਧੂ ਸ਼ੁਰੂ ਵਿੱਚ 1-4 ਨਾਲ ਪਛੜ ਰਹੀ ਸੀ ਪਰ ਉਸ ਨੇ ਚੰਗੀ ਵਾਪਸੀ ਕਰਦੇ ਹੋਏ ਅੰਤਰਾਲ ਤੱਕ 11-6 ਦੀ ਬੜ੍ਹਤ ਬਣਾ ਲਈ। ਵਿਸ਼ਵ ਦੀ 33ਵੇਂ ਨੰਬਰ ਦੀ ਖਿਡਾਰਨ ਨੇ ਫਿਰ ਵਾਪਸੀ ਕੀਤੀ ਅਤੇ ਸਕੋਰ 17-17 ਨਾਲ ਬਰਾਬਰ ਕਰ ਦਿੱਤਾ।
ਇਸ ਤੋਂ ਬਾਅਦ ਸਿੰਧੂ ਦੇ ਦੋ ਮੈਚ ਪੁਆਇੰਟ ਸਨ ਪਰ ਮਿਨ ਨੇ ਦੋਵਾਂ ਨੂੰ ਬਚਾ ਲਿਆ। ਇਸ ਤੋਂ ਬਾਅਦ ਜਦੋਂ ਭਾਰਤੀ ਖਿਡਾਰਨ ਨੂੰ ਤੀਜਾ ਮੈਚ ਪੁਆਇੰਟ ਮਿਲਿਆ ਤਾਂ ਉਸ ਨੇ ਇਸ ਨੂੰ ਜਿੱਤਣ ਵਿਚ ਕੋਈ ਗਲਤੀ ਨਹੀਂ ਕੀਤੀ। ਫਾਈਨਲ ਵਿੱਚ ਉਹ ਸਥਾਨਕ ਖਿਡਾਰਨ ਅਤੇ ਚੋਟੀ ਦਾ ਦਰਜਾ ਪ੍ਰਾਪਤ ਕੈਰੋਲੀਨਾ ਮਾਰਿਨ ਅਤੇ ਇੰਡੋਨੇਸ਼ੀਆ ਦੀ ਗ੍ਰੇਗੋਰੀਆ ਤੁਨਜੁੰਗ ਵਿਚਾਲੇ ਹੋਣ ਵਾਲੇ ਦੂਜੇ ਸੈਮੀਫਾਈਨਲ ਮੈਚ ਦੀ ਜੇਤੂ ਨਾਲ ਭਿੜੇਗੀ।
ਗੁਜਰਾਤ ਟਾਈਟਨਸ ਨੂੰ ਲੱਗਾ ਵੱਡਾ ਝਟਕਾ, ਕੇਨ ਵਿਲੀਅਮਸਨ IPL 2023 ਤੋਂ ਬਾਹਰ
NEXT STORY 
