ਨਵੀਂ ਦਿੱਲੀ—ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੂੰ ਟੀ-2 'ਚੋਂ ਬਾਹਰ ਕੀਤੇ ਜਾਣ ਤੋਂ ਬਾਅਦ ਫੈਨਜ਼ ਅਤੇ ਤਜ਼ਰਬੇਕਾਰ ਪ੍ਰਤੀਕਿਰਿਆ ਦੇ ਰਹੇ ਹਨ। ਸਾਬਕਾ ਕ੍ਰਿਕਟਰ ਅਜੀਤ ਅਗਰਕਰ ਨੇ ਟੀ-20 'ਚੋਂ ਧੋਨੀ ਨੂੰ ਬਾਹਰ ਕੀਤੇ ਜਾਣ ਦੇ ਫੈਸਲੇ ਨੂੰ ਸਹੀ ਠਹਿਰਾਇਆ ਹੈ। ਇਸ ਸਾਲ ਮਾਹੀ ਦਾ ਫਾਰਮ ਕੁਝ ਖਾਸ ਨਹੀਂ ਰਿਹਾ ਹੈ ਅਤੇ ਵੈਸਟਇੰਡੀਜ਼ ਨਾਲ ਹੁਣ ਤੱਕ 4 ਵਨ-ਡੇ ਮੈਚਾਂ 'ਚ ਉਹ ਕੁਝ ਖਾਸ ਨਹੀਂ ਕਰ ਸਕੇ ਹਨ। ਅਜੀਤ ਅਗਰਕਰ ਨੇ ਇਕ ਕ੍ਰਿਕਟ ਵੈੱਬਸਾਈਟ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ, 'ਭਾਰਤੀ ਟੀਮ ਦੇ ਭਵਿੱਖ ਨੂੰ ਦੇਖਦੇ ਹੋਏ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੂੰ ਟੀਮ 'ਚੋਂ ਬਾਹਰ ਕੀਤੇ ਜਾਣ ਦਾ ਫੈਸਲਾ ਬਿਲਕੁਲ ਸਹੀ ਹੈ। ਇਸ ਲਈ ਮੁੱਖ ਚੋਣਕਾਰਾਂ ਨੂੰ ਨਿਸ਼ਾਨਾ ਬਣਾਇਆ ਜਾਣਾ ਨਿਰਾਸ਼ਾਜਨਕ ਹੈ। ਟੀਮ ਦੇ ਭਵਿੱਖ ਅਤੇ ਅਗਲੇ ਟੀ-20 ਮੈਚ ਨੂੰ ਦੇਖਦੇ ਹੋਏ ਇਹ ਫੈਸਲਾ ਸਹੀ ਸਮੇਂ 'ਤੇ ਲਿਆ ਗਿਆ ਹੈ।
ਅਗਰਕਰ ਨੇ ਕਿਹਾ, 2020'ਚ ਟੀ-20 ਵਿਸ਼ਵ ਕੱਪ ਖੇਡਣਾ ਹੈ ਤਾਂ ਉਸ ਤੋਂ ਪਹਿਲਾਂ ਰਿਸ਼ਭ ਪੰਤ ਨੂੰ ਮੌਕੇ ਦਿੱਤੇ ਜਾਣੇ ਚਾਹੀਦੇ ਹਨ। ਪੰਤ ਧੋਨੀ ਦਾ ਵਿਕਲਪ ਮੰਨੇ ਜਾ ਰਹੇ ਹਨ, ਇਸ ਲਈ ਉਨ੍ਹਾਂ ਨੇ ਟੀਮ ਨਾਲ ਪਰਿਸਥਿਤੀ 'ਚ ਤਾਲਮੇਲ ਲਈ ਸਮਾਂ ਚਾਹੀਦਾ ਹੈ। ਪਰ ਟੀਮ ਚੋਣ ਦਾ ਪੈਮਾਨਾ ਸਿਰਫ ਪ੍ਰਦਰਸ਼ਨ ਹੀ ਹੈ ਤਾਂ ਉਸ ਆਧਾਰ 'ਤੇ ਵੀ ਡਰੋਪ ਕਰਨ ਦੇ ਫੈਸਲੇ ਨੂੰ ਗਲਤ ਨਹੀਂ ਕਹਿ ਸਕਦੇ। ਟੀ-20 'ਚ ਧੋਨੀ ਦਾ ਮੌਜੂਦਾ ਫਾਰਮ ਕੋਈ ਪ੍ਰਭਾਵੀ ਨਹੀਂ ਰਿਹਾ ਹੈ ਅਤੇ ਸਿਰਫ ਉਨ੍ਹਾਂ ਦੇ ਰਿਕਾਰਡ ਅਤੇ ਨਾਂ ਨੂੰ ਦੇਖਦੇ ਹੋਏ ਉਨ੍ਹਾਂ ਨੂੰ ਟੀਮ ਦਾ ਹਿੱਸਾ ਨਹੀਂ ਬਣਾਇਆ ਜਾਂ ਸਕਦਾ ਹੈ।
ਫਿਲਹਾਲ ਧੋਨੀ ਦੀ ਜਗ੍ਹਾ 2019 ਵਿਸ਼ਵ ਕੱਪ 'ਚ ਪੱਕੀ ਮੰਨੀ ਜਾਂ ਰਹੀ ਹੈ। ਵਿਕਟਕੀਪਿੰਗ ਅਤੇ ਡੀ.ਆਰ.ਐੱਸ. ਦੇ ਮਾਮਲੇ 'ਚ ਮਾਹੀ ਕਪਤਾਨ ਵਿਰਾਟ ਕੋਹਲੀ ਦੀ ਕਾਫੀ ਮਦਦ ਕਰਦੇ ਹਨ। ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੂੰ ਇਸ ਸਮੇਂ ਆਪਣੇ ਪ੍ਰਦਰਸ਼ਨ 'ਤੇ ਗੌਰ ਕਰਨ ਦੀ ਜ਼ਰੂਰਤ ਹੈ ਅਤੇ ਉਨ੍ਹਾਂ ਨੂੰ ਜਲਦ ਹੀ ਫਾਰਮ 'ਚ ਵਾਪਸੀ ਕਰਨੀ ਹੋਵੇਗੀ। ਉਮੀਦ ਹੈ ਕਿ ਆਸਟ੍ਰੇਲੀਆ ਦੌਰੇ 'ਤੇ ਉਹ ਫਾਰਮ 'ਚ ਵਾਪਸ ਆਉਣਗੇ।
ਸਟੇਡੀਅਮ ਨੂੰ ਹਾਊਸ ਫੁੱਲ ਕਰਨ ਲਈ ਕੇ. ਸੀ. ਏ. ਨੇ ਅਪਨਾਇਆ ਇਹ ਤਰੀਕਾ
NEXT STORY 
