ਉਦੈਪੁਰ- ਰਾਜਸਥਾਨ ਦੇ ਉਦੈਪੁਰ ਦੀ ਮਹੇਸ਼ਵਰੀ ਚੌਹਾਨ ਨੇ ਪੈਰਿਸ ਓਲੰਪਿਕ 2024 ਲਈ ਕੁਆਲੀਫਾਈ ਕਰ ਲਿਆ ਹੈ। ਆਗਾਮੀ ਪੈਰਿਸ-2024 ਓਲੰਪਿਕ ਖੇਡਾਂ ਲਈ ਭਾਰਤੀ ਸ਼ਾਟਗਨ ਟੀਮ ਦਾ ਐਲਾਨ ਮੰਗਲਵਾਰ ਨੂੰ ਨੈਸ਼ਨਲ ਰਾਈਫਲ ਐਸੋਸੀਏਸ਼ਨ ਆਫ ਇੰਡੀਆ (ਐੱਨ.ਆਰ.ਏ.ਆਈ.) ਦੁਆਰਾ ਆਯੋਜਿਤ ਰਾਸ਼ਟਰੀ ਚੋਣ ਕਮੇਟੀ ਦੀ ਬੈਠਕ ਤੋਂ ਬਾਅਦ ਕੀਤਾ ਗਿਆ।
ਮਹੇਸ਼ਵਰੀ ਅਤੇ ਅਨੰਤਜੀਤ ਸਕੀਟ ਮਿਕਸਡ ਟੀਮ ਈਵੈਂਟ ਵਿਚ ਇਕਲੌਤੀ ਭਾਰਤੀ ਜੋੜੀ ਦੇ ਰੂਪ ਵਿਚ ਦਿਖਾਈ ਦੇਣਗੇ। ਉਨ੍ਹਾਂ ਨੇ ਸਕਿੱਟ ਈਵੈਂਟ ਵਿੱਚ ਰਾਸ਼ਟਰੀ ਰਿਕਾਰਡ ਵੀ ਆਪਣੇ ਨਾਂ ਕੀਤਾ। ਮਹੇਸ਼ਵਰੀ ਪਹਿਲਾਂ ਵੀ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਕਈ ਮੈਡਲ ਜਿੱਤ ਚੁੱਕੀ ਹੈ। ਇਸ ਤੋਂ ਪਹਿਲਾਂ ਮਹੇਸ਼ਵਰੀ ਨੇ ਕਤਰ ਦੀ ਰਾਜਧਾਨੀ ਦੋਹਾ ਵਿੱਚ ਆਈ.ਐੱਸ.ਐੱਸ.ਐੱਫ. ਸ਼ਾਟਗਨ ਓਲੰਪਿਕ ਕੁਆਲੀਫਿਕੇਸ਼ਨ ਚੈਂਪੀਅਨਸ਼ਿਪ ਵਿੱਚ ਮਹਿਲਾਵਾਂ ਦੀ ਸਕੀਟ ਸ਼ੂਟਿੰਗ ਵਿੱਚ ਚਾਂਦੀ ਦਾ ਤਮਗਾ ਜਿੱਤਿਆ ਸੀ। ਮਹੇਸ਼ਵਰੀ ਚੌਹਾਨ ਦਾ ਓਲੰਪਿਕ ਈਵੈਂਟ 3 ਤੋਂ 5 ਅਗਸਤ ਤੱਕ ਪੈਰਿਸ ਓਲੰਪਿਕ 'ਚ ਸ਼ਾਤੇਰੂ 'ਚ ਹੋਵੇਗਾ। ਇਸ ਦੇ ਲਈ ਉਹ ਇਟਲੀ ਵਿਚ ਇਕ ਮਹੀਨੇ ਤੋਂ ਸਖਤ ਅਭਿਆਸ ਕਰ ਰਹੀ ਹੈ। ਉਹ 25 ਜੂਨ ਨੂੰ ਉਦੈਪੁਰ ਆਵੇਗੀ ਅਤੇ ਮੁੜ ਅਭਿਆਸ ਲਈ ਜੁਲਾਈ ਵਿੱਚ ਇਟਲੀ ਰਵਾਨਾ ਹੋਵੇਗੀ ਅਤੇ ਉਥੋਂ ਪੈਰਿਸ ਲਈ ਰਵਾਨਾ ਹੋਵੇਗੀ।
ਬੰਗਲਾਦੇਸ਼ ਦੇ ਤਨਜ਼ੀਮ ਨੇ ਕੀਤਾ ਆਚਾਰ ਸੰਹਿਤਾ ਦਾ ਉਲੰਘਣ, ਲੱਗਾ ਜੁਰਮਾਨਾ
NEXT STORY 
