ਸਪੋਰਟਸ ਡੈਸਕ : ਨਿਊਜ਼ੀਲੈਂਡ ਨੇ ਆਪਣੇ ਕ੍ਰਿਕਟ ਵਿਸ਼ਵ ਕੱਪ 2023 ਦੀ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ। ਪਹਿਲੇ ਮੈਚ 'ਚ ਇੰਗਲੈਂਡ ਨੂੰ ਹਰਾਉਣ ਤੋਂ ਬਾਅਦ ਨਿਊਜ਼ੀਲੈਂਡ ਨੇ ਦੂਜੇ ਮੈਚ 'ਚ ਵੀ ਨੀਦਰਲੈਂਡ ਨੂੰ 99 ਦੌੜਾਂ ਨਾਲ ਹਰਾਇਆ। ਨਿਊਜ਼ੀਲੈਂਡ ਲਈ ਉਨ੍ਹਾਂ ਦੇ ਬੱਲੇਬਾਜ਼ਾਂ ਤੋਂ ਬਾਅਦ ਸਪਿਨਰ ਮਿਸ਼ੇਲ ਸੈਂਟਨਰ ਨੇ ਯਾਦਗਾਰ ਗੇਂਦਬਾਜ਼ੀ ਕੀਤੀ। ਸੈਂਟਨਰ ਨੇ 5 ਵਿਕਟਾਂ ਲੈ ਕੇ ਨੀਦਰਲੈਂਡ ਨੂੰ ਟੀਚਾ ਹਾਸਲ ਕਰਨ ਤੋਂ ਰੋਕਿਆ। ਮੈਚ ਦੌਰਾਨ ਸੈਂਟਨਰ ਆਪਣੀ ਬੱਲੇਬਾਜ਼ੀ ਕਰਕੇ ਵੀ ਸੁਰਖੀਆਂ ਵਿੱਚ ਰਹੇ। ਮੱਧਕ੍ਰਮ ਵਿੱਚ ਬੱਲੇਬਾਜ਼ੀ ਕਰਨ ਆਏ ਸੈਂਟਨਰ ਨੇ 17 ਗੇਂਦਾਂ ਵਿੱਚ 36 ਦੌੜਾਂ ਬਣਾਈਆਂ। ਇਸ ਦੌਰਾਨ ਇਕ ਅਜਿਹਾ ਮੌਕਾ ਵੀ ਆਇਆ ਜਦੋਂ ਉਸ ਨੇ ਇਕ ਗੇਂਦ 'ਤੇ 13 ਦੌੜਾਂ ਬਣਾਈਆਂ।
ਇਹ ਵੀ ਪੜ੍ਹੋ : CWC 23 : ਭਾਰਤੀ ਕ੍ਰਿਕਟ ਟੀਮ ਅਫਗਾਨਿਸਤਾਨ ਖਿਲਾਫ ਮੈਚ ਲਈ ਦਿੱਲੀ ਪਹੁੰਚੀ
ਇਸ ਅਨੋਖੇ ਰਿਕਾਰਡ ਨੂੰ ਦਰਸ਼ਕਾਂ ਨੇ 50ਵੇਂ ਓਵਰ 'ਚ ਦੇਖਿਆ। ਨੀਦਰਲੈਂਡ ਦੇ ਬਾਸ ਡੀ ਲੀਡੇ ਗੇਂਦਬਾਜ਼ੀ ਕਰ ਰਹੇ ਸਨ। ਉਸ ਨੇ 50ਵੇਂ ਓਵਰ ਦੀਆਂ ਪਹਿਲੀਆਂ 5 ਗੇਂਦਾਂ 'ਤੇ 8 ਦੌੜਾਂ ਦਿੱਤੀਆਂ। ਪਰ ਸੈਂਟਨਰ ਨੇ ਆਪਣੀ ਪੰਜਵੀਂ ਗੇਂਦ 'ਤੇ ਛੱਕਾ ਲਗਾਇਆ। ਬਾਸ ਡੀ ਲੀਡੇ ਦੇ ਹੱਥੋਂ ਗੇਂਦ ਫਿਸਲ ਗਈ, ਜਿਸ ਦਾ ਫਾਇਦਾ ਉਠਾਉਂਦੇ ਹੋਏ ਸੈਂਟਨਰ ਨੇ ਛੱਕਾ ਮਾਰਿਆ। ਅੰਪਾਇਰ ਨੇ ਇਸ ਗੇਂਦ ਨੂੰ ਨੋ ਬਾਲ ਕਰਾਰ ਦਿੱਤਾ। ਜਦੋਂ ਡੀ ਲੀਡੇ ਨੇ ਦੁਬਾਰਾ ਗੇਂਦ ਸੁੱਟੀ ਤਾਂ ਸੈਂਟਨਰ ਨੇ ਉਸ 'ਤੇ ਵੀ ਛੱਕਾ ਮਾਰਿਆ। ਇਸ ਤਰ੍ਹਾਂ ਸੈਂਟਨਰ ਨੇ ਸਿਰਫ ਇਕ ਗੇਂਦ 'ਤੇ ਟੀਮ ਲਈ 13 ਦੌੜਾਂ ਬਣਾਈਆਂ।
ਇਹ ਵੀ ਪੜ੍ਹੋ : ਸੁਲਤਾਨ ਆਫ ਜੋਹੋਰ ਕੱਪ ਲਈ 20 ਮੈਂਬਰੀ ਭਾਰਤੀ ਜੂਨੀਅਰ ਪੁਰਸ਼ ਹਾਕੀ ਟੀਮ ਦਾ ਐਲਾਨ
ਸੈਂਟਨਰ ਨੇ ਮੈਚ ਦੌਰਾਨ 59 ਦੌੜਾਂ ਦੇ ਕੇ ਪੰਜ ਵਿਕਟਾਂ ਲਈਆਂ। ਇਸ ਨਾਲ ਕ੍ਰਿਕਟ ਪ੍ਰਸ਼ੰਸਕਾਂ ਨੇ ਭਾਰਤੀ ਆਲਰਾਊਂਡਰ ਯੁਵਰਾਜ ਸਿੰਘ ਨੂੰ ਯਾਦ ਕੀਤਾ। ਵਿਸ਼ਵ ਕੱਪ 2011 'ਚ ਖੇਡਦੇ ਹੋਏ ਯੁਵਰਾਜ ਨੇ ਲੈਫਟ ਆਰਮ ਸਪਿਨਰ ਦੇ ਤੌਰ 'ਤੇ ਇਕ ਪਾਰੀ 'ਚ 5 ਵਿਕਟਾਂ ਲੈਣ ਦਾ ਰਿਕਾਰਡ ਬਣਾਇਆ ਸੀ, ਜਿਸ ਦੀ ਹੁਣ ਸੈਂਟਨਰ ਨੇ ਬਰਾਬਰੀ ਕਰ ਲਈ ਹੈ। ਯੁਵਰਾਜ ਅਤੇ ਸੈਂਟਨਰ ਤੋਂ ਇਲਾਵਾ ਇਹ ਰਿਕਾਰਡ ਸ਼ਾਕਿਬ ਅਲ ਹਸਨ ਦੇ ਨਾਂ ਵੀ ਦਰਜ ਹੈ। ਹਾਲਾਂਕਿ ਸੈਂਟਨਰ ਨੇ 17 ਗੇਂਦਾਂ 'ਚ ਅਜੇਤੂ 36 ਦੌੜਾਂ ਬਣਾ ਕੇ ਨਿਊਜ਼ੀਲੈਂਡ ਨੂੰ 323 ਦੌੜਾਂ 'ਤੇ ਪਹੁੰਚਾ ਦਿੱਤਾ। ਜਵਾਬ 'ਚ ਨੀਦਰਲੈਂਡ ਦੀ ਟੀਮ 224 ਦੌੜਾਂ ਹੀ ਬਣਾ ਸਕੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
CWC 23: ਮੇਂਡਿਸ ਤੇ ਸਮਰਵਿਕਰਮਾ ਦੇ ਸੈਂਕੜੇ, ਸ਼੍ਰੀਲੰਕਾ ਨੇ ਪਾਕਿ ਨੂੰ ਦਿੱਤਾ 345 ਦੌੜਾਂ ਦਾ ਟੀਚਾ
NEXT STORY 
