ਸਪੋਰਟਸ ਡੈਸਕ— ''22 ਨਾਇਕਾਂ ਦੇ ਨਾਲ ਕ੍ਰਿਕਟ ਵਰਲਡ ਕੱਪ ਦਾ ਫਾਈਨਲ ਅਤੇ ਕੋਈ ਜੇਤੂ ਨਹੀਂ' 'ਨਿਊਜ਼ੀਲੈਂਡ ਦੇ ਇਕ ਅਖ਼ਬਾਰ 'ਚ ਸੋਮਵਾਰ ਨੂੰ ਛੱਪਿਆ ਸਿਰਲੇਖ ਪੂਰੀ ਕਹਾਣੀ ਬਿਆਨ ਕਰਦਾ ਹੈ ਅਤੇ ਇੱਥੇ ਮੀਡੀਆ ਦਾ ਮੰਨਣਾ ਹੈ ਕਿ ਅਜੀਬ ਨਿਯਮ ਦੇ ਕਾਰਨ ਉਨ੍ਹਾਂ ਦੀ ਟੀਮ 'ਠੱਗੀ' ਗਈ ਹੈ। ਐਤਵਾਰ ਨੂੰ ਲਾਰਡਸ 'ਤੇ ਨਾਟਕੀ ਫਾਈਨਲ 'ਚ ਨਿਰਧਾਰਤ ਓਵਰਾਂ ਅਤੇ ਸੁਪਰ ਓਵਰਾਂ 'ਚ ਸਕੋਰ ਬਰਾਬਰ ਰਹਿਣ ਦੇ ਬਾਅਦ ਚੌਕੇ-ਛੱਕਿਆਂ ਦੀ ਗਿਣਤੀ ਦੇ ਆਧਾਰ 'ਤੇ ਜੇਤੂ ਦਾ ਨਿਰਧਾਰਨ ਹੋਇਆ। ਸਟਫ ਡਾਟ ਕਾਮ ਡਾਟ ਨਿਊਜ਼ੀਲੈਂਡ ਨੇ ਲਿਖਿਆ, ''ਕ੍ਰਿਕਟ ਵਰਲਡ ਕੱਪ ਫਾਈਨਲ : ਚੌਕਿਆਂ-ਛੱਕਿਆਂ ਦੀ ਗਿਣਤੀ ਨੇ ਨਿਊਜ਼ੀਲੈਂਡ ਨੂੰ ਜਿੱਤ ਤੋਂ ਵਾਂਝਾ ਕੀਤਾ।''
'ਨਿਊਜ਼ੀਲੈਂਡ ਹੈਰਾਲਡ' ਨੇ ਲਿਖਿਆ, ''ਕ੍ਰਿਕਟ ਵਰਲਡ ਕੱਪ ਫਾਈਨਲ : 22 ਨਾਇਕ ਅਤੇ ਕੋਈ ਜੇਤੂ ਨਹੀਂ।'' ਇਕ ਹੋਰ ਕਾਲਮ 'ਚ ਲਿਖਿਆ, ''ਓਵਰਥ੍ਰੋਅ ਲਈ ਇੰਗਲੈਂਡ ਨੂੰ 6 ਨਹੀਂ, ਪੰਜ ਦੌੜਾਂ ਮਿਲਣੀਆਂ ਚਾਹੀਦੀਆਂ ਸਨ।'' ਨਿਊਜ਼ੀਲੈਂਡ ਦੇ ਸਾਬਕਾ ਕੋਚ ਮਾਈਕ ਹੇਸਨ ਨੇ ਕਿਹਾ ਕਿ ਵਰਲਡ ਕੱਪ ਫਾਈਨਲ ਦਾ ਫੈਸਲਾ ਸੁਪਰ ਓਵਰ ਦੇ ਆਧਾਰ 'ਤੇ ਨਹੀਂ ਕੀਤਾ ਜਾਣਾ ਚਾਹੀਦਾ ਸੀ। ਉਨ੍ਹਾਂ ਨੇ ਆਪਣੇ ਕਾਲਮ 'ਤੇ ਲਿਖਿਆ, ''ਕੇਨ ਵਿਲੀਅਮਸਨ ਅਤੇ ਇਓਨ ਮੋਰਗਨ ਦੋਹਾਂ ਨੂੰ ਕੱਪ ਦਿੱਤਾ ਜਾਣਾ ਚਾਹੀਦਾ ਸੀ। ਇਸ ਤਰ੍ਹਾਂ ਦਾ ਫਾਈਨਲ ਕੋਈ ਵੀ ਟੀਮ ਨਹੀਂ ਹਾਰਨਾ ਚਾਹੇਗੀ। ਨਿਊਜ਼ੀਲੈਂਡ ਦੇ ਕਪਤਾਨ ਵਿਲੀਅਮਸਨ ਦੇ ਹੱਥ 'ਚ ਵੀ ਕੱਪ ਹੋਣਾ ਚਾਹੀਦਾ ਸੀ।'' ਹੇਸਨ ਨੇ ਕਿਹਾ, ''ਨਾਕਆਊਟ ਪੜਾਅ 'ਚ ਫੈਸਲਾ ਸੁਪਰ ਓਵਰ 'ਤੇ ਹੋ ਸਕਦਾ ਹੈ ਪਰ ਫਾਈਨਲ 'ਚ ਨਹੀਂ।''
ICC ਦੇ ਇਸ ਨਿਯਮ 'ਤੇ ਸਾਬਕਾ ਕ੍ਰਿਕਟਰਸ ਨੇ ਕਿਹਾ- 'ਕੀ ਇਹ ਮਜ਼ਾਕ ਹੋ ਰਿਹੈ'
NEXT STORY 
