ਸਪੋਰਟਸ ਡੈਸਕ : ਸ਼ੁੱਕਰਵਾਰ ਨੂੰ ਟਰੇਂਟਬਰਿਜ਼ 'ਚ ਖੇਡੇ ਗਏ ਚੌਥੇ ਵਨ-ਡੇ ਮੈਚ 'ਚ ਇੰਗਲੈਂਡ ਨੇ ਪਾਕਿਸਤਾਨ ਨੂੰ ਹਰਾ ਕੇ ਸੀਰੀਜ਼ ਆਪਣੇ ਨਾਂ ਕਰ ਲਈ। ਅਜਿਹੇ 'ਚ ਮੈਚ 'ਚ ਪਾਕਿਸਤਾਨ ਦਾ ਨੌਜਵਾਨ ਸਲਾਮੀ ਬੱਲੇਬਾਜ਼ ਇਮਾਮ ਉਲ ਹੱਕ ਜਖਮੀ ਹੋ ਗਿਆ। ਉਨ੍ਹਾਂ ਨੂੰ ਕੂਹਣੀ 'ਚ ਜ਼ਬਰਦਸਤ ਸੱਟ ਲੱਗੀ ਹੈ। ਹਾਲਾਂਕਿ ਪਾਕਿਸਤਾਨ ਦੀਆਂ ਪਰੇਸ਼ਾਨੀਆਂ ਚੌਥੇ ਵਨ-ਡੇ 'ਚ ਵੀ ਖਤਮ ਨਹੀਂ ਹੋਈਆਂ ਸਨ ਤੇ ਵਿਸ਼ਵ ਕੱਪ ਤੋਂ ਪਹਿਲਾਂ ਉਸ ਨੂੰ ਵੱਡਾ ਝਟਕਾ ਲਗਾ ਹੈ।
ਦਰਅਸਲ, ਨਾਟਿੰਘਮ ਦੇ ਟਰੇਂਟਬਰਿਜ਼ 'ਚ ਚੌਥੇ ਵਨ-ਡੇ ਦੇ ਦੌਰਾਨ ਪਾਕਿਸਤਾਨ ਦੇ ਓਪਨਰ ਬੱਲੇਬਾਜ਼ ਇਮਾਮ ਉਲ ਹੱਕ ਨੂੰ ਪਾਰੀ ਦੇ ਚੌਥੇ ਓਵਰ 'ਚ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਮਾਰਕ ਵੁੱਡ ਨੇ ਤੇਜ਼ ਰਫਤਾਰ ਬਾਊਂਸਰ ਸੁੱਟੀ। ਇਸ ਗੇਂਦ 'ਤੇ ਇਮਾਮ ਉਲ ਹੱਕ ਨੇ ਪੁੱਲ ਸ਼ਾਟ ਮਾਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਨਾਕਾਮ ਰਹੇ।
ਮਾਰਕ ਵੁੱਡ ਦੀ ਇਹ ਗੇਂਦ ਇਮਾਮ ਉਲ ਹੱਕ ਦੀ ਕੂਹਣੀ 'ਤੇ ਜਾ ਲੱਗੀ ਤੇ ਜਿਸ ਕਰਕੇ ਉਹ ਜਖਮੀ ਹੋ ਗਏ। ਗੇਂਦ ਲੱਗਦੇ ਹੀ ਇਮਾਮ ਉਲ ਹੱਕ ਦੀਆਂ ਅੱਖਾਂ ਭਰ ਆਈਆਂ, ਉਨ੍ਹਾਂ ਨੇ ਆਪਣਾ ਬੱਲਾ ਸੁੱਟ ਦਿੱਤਾ। ਇਸ ਤੋਂ ਬਾਅਦ ਇਮਾਮ ਜ਼ਮੀਨ 'ਤੇ ਹੀ ਲੇਟ ਗਏ ਤੇ ਦਰਦ ਨਾਲ ਕਹਰਾਨ ਲੱਗੇ। ਇਮਾਮ ਦੀ ਸੱਟ ਗੰਭੀਰ ਲੱਗਦੀ ਹੈ ਕਿਉਂਕਿ ਉਹ ਇਸ ਤੋਂ ਬਾਅਦ ਬੱਲਾ ਤੱਕ ਨਹੀਂ ਚੁੱਕ ਪਾ ਰਹੇ ਸਨ। ਇਮਾਮ ਰਿਟਾਇਰਡ ਹਰਟ ਹੋ ਕੇ ਪਵੇਲੀਅਨ ਵਾਪਸ ਪਰਤ ਗਏ।
ਵਿਸ਼ਵ ਕੱਪ ਦਾ ਅਧਿਕਾਰਤ ਗੀਤ ਜਾਰੀ
NEXT STORY 
