ਨਵੀਂ ਦਿੱਲੀ : ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਆਕਾਸ਼ ਚੋਪੜਾ ਅਨੁਸਾਰ, ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਵਿਰੁੱਧ ਪੰਜਾਬ ਕਿੰਗਜ਼ (PBKS) ਦੀ ਹਾਰ ਦਾ ਮੁੱਖ ਕਾਰਨ ਕਪਤਾਨ ਸ਼੍ਰੇਅਸ ਅਈਅਰ ਦਾ ਜਲਦੀ ਆਊਟ ਹੋਣਾ ਰਿਹਾ। ਚੋਪੜਾ ਨੇ ਇਸ ਵਿਕਟ ਨੂੰ ਮੈਚ ਦਾ 'ਟਰਨਿੰਗ ਪੁਆਇੰਟ' ਦੱਸਿਆ ਹੈ, ਜਿਸ ਕਾਰਨ ਮਹਿਮਾਨ ਟੀਮ ਨੂੰ 33 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਕਪਤਾਨ ਦੀ ਜਲਦੀ ਵਿਦਾਈ ਨੇ ਵਿਗਾੜਿਆ ਸਮੀਕਰਨ
ਦੂਜੀ ਪਾਰੀ ਦੇ ਚੌਥੇ ਓਵਰ ਵਿੱਚ ਸ਼੍ਰੇਅਸ ਅਈਅਰ ਤੇਜ਼ ਗੇਂਦਬਾਜ਼ ਈਸ਼ਾਨ ਮਾਲਿੰਗਜ਼ ਦੀ ਗੇਂਦ ਨੂੰ ਠੀਕ ਤਰ੍ਹਾਂ ਨਹੀਂ ਖੇਡ ਸਕੇ ਅਤੇ ਪੈਟ ਕਮਿੰਸ ਹੱਥੋਂ ਕੈਚ ਆਊਟ ਹੋ ਗਏ। ਉਨ੍ਹਾਂ ਨੇ ਸਿਰਫ਼ 5 ਗੇਂਦਾਂ ਵਿੱਚ 5 ਦੌੜਾਂ ਬਣਾਈਆਂ ਸਨ। ਆਕਾਸ਼ ਚੋਪੜਾ ਨੇ ਜੀਓ ਹੌਟਸਟਾਰ 'ਤੇ ਕਿਹਾ ਕਿ ਜੇਕਰ ਕੋਈ ਟੀਮ ਵੱਡੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਪਾਵਰਪਲੇਅ ਵਿੱਚ ਦੋ ਜਾਂ ਇਸ ਤੋਂ ਵੱਧ ਵਿਕਟਾਂ ਗੁਆ ਦਿੰਦੀ ਹੈ, ਤਾਂ ਉਹ 70 ਪ੍ਰਤੀਸ਼ਤ ਮੈਚਾਂ ਵਿੱਚ ਬੈਕਫੁੱਟ 'ਤੇ ਆ ਜਾਂਦੀ ਹੈ। ਅਈਅਰ ਦਾ ਆਊਟ ਹੋਣਾ ਪੰਜਾਬ ਲਈ ਤੀਜਾ ਝਟਕਾ ਸੀ।
ਅਨੁਭਵੀ ਬੱਲੇਬਾਜ਼ਾਂ ਦੀ ਲੋੜ ਅਤੇ ਕੋਨੋਲੀ ਦਾ ਸੰਘਰਸ਼
ਚੋਪੜਾ ਅਨੁਸਾਰ, ਪਿੱਚ ਥੋੜ੍ਹੀ ਧੀਮੀ ਸੀ ਅਤੇ ਅਜਿਹੀ ਸਥਿਤੀ ਵਿੱਚ ਅਨੁਭਵੀ ਭਾਰਤੀ ਬੱਲੇਬਾਜ਼ਾਂ ਤੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਟੀਮ ਨੂੰ ਮੁਸ਼ਕਲ ਵਿੱਚੋਂ ਬਾਹਰ ਕੱਢਣ। ਹਾਲਾਂਕਿ ਕੂਪਰ ਕੋਨੋਲੀ ਨੇ 59 ਗੇਂਦਾਂ ਵਿੱਚ 107 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ, ਪਰ ਪ੍ਰਭਸਿਮਰਨ ਸਿੰਘ ਅਤੇ ਪ੍ਰਿਆਂਸ਼ ਆਰਿਆ ਦੇ ਸਸਤੇ ਵਿੱਚ ਆਊਟ ਹੋ ਜਾਣ ਕਾਰਨ ਪੰਜਾਬ ਕਿੰਗਜ਼ ਦੀ ਟੀਮ 7 ਵਿਕਟਾਂ 'ਤੇ 202 ਦੌੜਾਂ ਹੀ ਬਣਾ ਸਕੀ।
ਪੈਟ ਕਮਿੰਸ ਦੀ ਰਣਨੀਤੀ ਦੀ ਕੀਤੀ ਸ਼ਲਾਘਾ
ਸਾਬਕਾ ਤੇਜ਼ ਗੇਂਦਬਾਜ਼ ਇਰਫਾਨ ਪਠਾਨ ਨੇ ਹੈਦਰਾਬਾਦ ਦੇ ਕਪਤਾਨ ਪੈਟ ਕਮਿੰਸ ਦੀ ਲੀਡਰਸ਼ਿਪ ਦੀ ਤਾਰੀਫ਼ ਕੀਤੀ ਹੈ। ਪਠਾਨ ਅਨੁਸਾਰ, ਕਮਿੰਸ ਨੇ ਪ੍ਰਿਆਂਸ਼ ਆਰਿਆ ਦੀ ਕਮਜ਼ੋਰੀ ਨੂੰ ਭਾਪਦਿਆਂ ਇੱਕ ਖਾਸ ਫੀਲਡਿੰਗ ਸੈੱਟ ਕੀਤੀ ਸੀ। ਉਨ੍ਹਾਂ ਨੇ ਥਰਡ ਮੈਨ ਨੂੰ ਘੇਰੇ ਦੇ ਅੰਦਰ ਬੁਲਾਇਆ ਅਤੇ ਸ਼ਾਰਟ ਪਿੱਚ ਗੇਂਦ ਸੁੱਟ ਕੇ ਪ੍ਰਿਆਂਸ਼ ਨੂੰ ਗਲਤ ਸ਼ਾਟ ਖੇਡਣ ਲਈ ਮਜਬੂਰ ਕੀਤਾ, ਜਿਸ ਨਾਲ ਉਨ੍ਹਾਂ ਦੀ ਇਹ ਚਾਲ ਪੂਰੀ ਤਰ੍ਹਾਂ ਕਾਮਯਾਬ ਰਹੀ।
IPL ਵਿਚਾਲੇ ਦਿੱਗਜ ਭਾਰਤੀ ਕ੍ਰਿਕਟਰ ਦੇ ਘਰ ਗੂੰਜੀਆਂ ਕਿਲਕਾਰੀਆਂ, ਪਤਨੀ ਨੇ ਧੀ ਨੂੰ ਦਿੱਤਾ ਜਨਮ
NEXT STORY 
