ਵੈੱਬ ਡੈਸਕ- ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਅਤੇ ਮਸ਼ਹੂਰ ਸੰਗੀਤਕਾਰ ਪਲਾਸ਼ ਮੁਛੱਲ ਇਨ੍ਹੀਂ ਦਿਨੀਂ ਆਪਣੇ ਵਿਆਹ ਦੀਆਂ ਅਟਕਲਾਂ ਅਤੇ ਰੱਦ ਹੋਣ ਦੀਆਂ ਖਬਰਾਂ ਕਾਰਨ ਲਗਾਤਾਰ ਸੁਰਖੀਆਂ ਵਿੱਚ ਬਣੇ ਹੋਏ ਹਨ। ਜਾਣਕਾਰੀ ਅਨੁਸਾਰ, ਇਸ ਹਾਈ-ਪ੍ਰੋਫਾਈਲ ਜੋੜੇ ਦਾ ਵਿਆਹ ਪਹਿਲਾਂ 23 ਨਵੰਬਰ ਨੂੰ ਹੋਣਾ ਸੀ। ਇਸ ਤੋਂ ਪਹਿਲਾਂ ਹਲਦੀ ਅਤੇ ਸੰਗੀਤ ਸਮੇਤ ਸਾਰੇ ਪ੍ਰੋਗਰਾਮ ਸਫਲਤਾਪੂਰਵਕ ਨੇਪਰੇ ਚੜ੍ਹ ਚੁੱਕੇ ਸਨ, ਅਤੇ ਦੋਵਾਂ ਪਰਿਵਾਰਾਂ ਨੇ ਸੋਸ਼ਲ ਮੀਡੀਆ 'ਤੇ ਤਿਆਰੀਆਂ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਸਨ।
ਵਿਆਹ ਟਲਣ ਦਾ ਕਾਰਨ ਅਤੇ ਚਿੰਤਾ ਪੈਦਾ ਹੋਣਾ
ਵਿਆਹ ਤੋਂ ਐਨ ਪਹਿਲਾਂ, ਅਚਾਨਕ ਸਮ੍ਰਿਤੀ ਮਂਧਾਨਾ ਦੇ ਪਿਤਾ ਦੀ ਤਬੀਅਤ ਬਹੁਤ ਖਰਾਬ ਹੋ ਗਈ। ਇਸ ਤੋਂ ਬਾਅਦ ਦੋਵਾਂ ਪਰਿਵਾਰਾਂ ਨੇ ਵਿਆਹ ਨੂੰ ਅਨਿਸ਼ਚਿਤ ਸਮੇਂ ਲਈ ਪੋਸਟਪੋਨ ਕਰਨ ਫੈਸਲਾ ਕੀਤਾ। ਸਰੋਤਾਂ ਅਨੁਸਾਰ, ਹਾਲਾਤ ਤਣਾਅਪੂਰਨ ਹੋਣ ਕਾਰਨ ਪਲਾਸ਼ ਮੁਛਲ ਨੂੰ ਵੀ ਚਿੰਤਾ ਦੇ ਚਲਦਿਆਂ ਹਸਪਤਾਲ ਵਿੱਚ ਭਰਤੀ ਕਰਵਾਉਣਾ ਪਿਆ ਸੀ, ਹਾਲਾਂਕਿ ਬਾਅਦ ਵਿੱਚ ਉਨ੍ਹਾਂ ਨੂੰ ਡਿਸਚਾਰਜ ਦੇ ਦਿੱਤਾ ਗਿਆ।
ਪਲਾਸ਼ ਮੁਛਲ ਪਹੁੰਚੇ ਪ੍ਰੇਮਾਨੰਦ ਮਹਾਰਾਜ ਦੀ ਸ਼ਰਨ ਵਿੱਚ
ਹਸਪਤਾਲ ਤੋਂ ਛੁੱਟੀ ਮਿਲਣ ਤੋਂ ਬਾਅਦ, ਪਲਾਸ਼ ਮੁਛਲ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਪ੍ਰੇਮਾਨੰਦ ਮਹਾਰਾਜ ਦੇ ਪ੍ਰਵਚਨ ਵਿੱਚ ਬੈਠੇ ਦਿਖਾਈ ਦੇ ਰਹੇ ਹਨ। ਇੱਕ ਰੈਡਿਟ (Reddit) ਯੂਜ਼ਰ ਨੇ ਦਾਅਵਾ ਕੀਤਾ ਹੈ ਕਿ ਮਾਸਕ ਪਹਿਨੇ ਹੋਏ ਇਹ ਵਿਅਕਤੀ ਪਲਾਸ਼ ਮੁਛਲ ਹੀ ਹਨ। ਯੂਜ਼ਰ ਨੇ ਪਛਾਣ ਦਾ ਕਾਰਨ ਦੱਸਦੇ ਹੋਏ ਕਿਹਾ ਕਿ ਉਸ ਵਿਅਕਤੀ ਦੀਆਂ ਮਹਿੰਦੀ ਲੱਗੀਆਂ ਉਂਗਲਾਂ ਅਤੇ ਨਾਮਜਪ ਮਾਲਾ ਦਾ ਬੈਗ ਦੇਖ ਕੇ ਉਨ੍ਹਾਂ ਦੀ ਪਛਾਣ ਕੀਤੀ ਗਈ ਹੈ। ਕਈ ਹੋਰ ਯੂਜ਼ਰਸ ਨੇ ਵੀ ਇਸ ਦਾਅਵੇ 'ਤੇ ਸਹਿਮਤੀ ਜਤਾਈ ਅਤੇ ਕਿਹਾ ਕਿ ਵੀਡੀਓ ਵਿੱਚ ਉਨ੍ਹਾਂ ਦੇ ਬਾਡੀਗਾਰਡ ਅਤੇ ਮਾਂ ਵੀ ਉਨ੍ਹਾਂ ਦੇ ਨਾਲ ਦਿਖਾਈ ਦੇ ਰਹੇ ਹਨ। ਹਾਲਾਂਕਿ, ਇਸ ਤਸਵੀਰ ਜਾਂ ਵੀਡੀਓ ਵਿੱਚ ਦਿਖ ਰਹੇ ਵਿਅਕਤੀ ਦੇ ਪਲਾਸ਼ ਹੋਣ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
7 ਦਸੰਬਰ ਦੀ ਨਵੀਂ ਤਾਰੀਖ਼ ਸਿਰਫ਼ ਅਫਵਾਹ
ਇਸ ਵਿਵਾਦ ਦੇ ਵਿਚਕਾਰ ਸੋਸ਼ਲ ਮੀਡੀਆ 'ਤੇ ਇੱਕ ਹੋਰ ਖ਼ਬਰ ਫੈਲ ਗਈ ਸੀ ਕਿ ਸਮ੍ਰਿਤੀ ਮਂਧਾਨਾ ਅਤੇ ਪਲਾਸ਼ ਮੁਛਲ ਦੀ ਸ਼ਾਦੀ ਹੁਣ 7 ਦਸੰਬਰ ਨੂੰ ਹੋਵੇਗੀ। ਇਨ੍ਹਾਂ ਖਬਰਾਂ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ, ਸਮ੍ਰਿਤੀ ਮੰਧਾਨਾ ਦੇ ਭਰਾ ਸ਼੍ਰਵਣ ਮੰਧਾਨਾ ਨੇ ਸਾਰੀਆਂ ਖ਼ਬਰਾਂ ਨੂੰ ਸਿਰੇ ਤੋਂ ਝੂਠ ਕਰਾਰ ਦਿੱਤਾ। ਉਨ੍ਹਾਂ ਨੇ ਮੀਡੀਆ ਨੂੰ ਦੱਸਿਆ ਕਿ ਵਿਆਹ ਸਿਰਫ਼ ਮੁਲਤਵੀ ਹੋਇਆ ਹੈ ਅਤੇ ਅਜੇ ਤੱਕ ਕੋਈ ਨਵੀਂ ਤਾਰੀਖ਼ ਤੈਅ ਨਹੀਂ ਕੀਤੀ ਗਈ ਹੈ। ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਇੰਟਰਨੈੱਟ 'ਤੇ ਚੱਲ ਰਹੀ 7 ਦਸੰਬਰ ਦੀ ਤਾਰੀਖ਼ ਗਲਤ ਸੂਚਨਾ ਹੈ ਅਤੇ ਦੋਵੇਂ ਪਰਿਵਾਰ ਫਿਲਹਾਲ ਕਿਸੇ ਨਵੀਂ ਤਾਰੀਖ਼ 'ਤੇ ਵਿਚਾਰ ਨਹੀਂ ਕਰ ਰਹੇ।
ਪੰਜਾਬ ਦਾ ਧਾਕੜ ਪਾਵਰਲਿਫਟਰ ਮਨੇਸ਼ ਕੁਮਾਰ, ਮਿਸਟਰ ਵਰਲਡ ਪਾਵਰਲਿਫਟਿੰਗ 'ਚ ਜਿੱਤਿਆ ਗੋਲਡ
NEXT STORY 
