ਕਰਾਚੀ— ਪਾਕਿਸਤਾਨ ਦੇ ਮੁੱਖ ਚੋਣਕਾਰ ਵਹਾਬ ਰਿਆਜ਼ ਨੇ ਤੇਜ਼ ਗੇਂਦਬਾਜ਼ ਹਾਰਿਸ ਰਾਊਫ ਦੀ ਟੈਸਟ ਸੀਰੀਜ਼ ਲਈ ਆਸਟ੍ਰੇਲੀਆ ਦੌਰੇ 'ਤੇ ਨਾ ਜਾਣ 'ਤੇ ਆਲੋਚਨਾ ਕੀਤੀ ਸੀ ਪਰ ਹੁਣ ਉਨ੍ਹਾਂ ਨੂੰ ਉਥੇ 'ਬਿਗ ਬੈਸ਼ ਲੀਗ' 'ਚ ਖੇਡਣ ਲਈ ਐਨ. ਓ. ਸੀ. ( ਗੈਰ ਇਤਰਾਜ਼ਯੋਗ ਪੱਤਰ) ਦੇਣ ਦੇ ਫੈਸਲੇ ਦਾ ਬਚਾਅ ਕੀਤਾ।
ਇਹ ਵੀ ਪੜ੍ਹੋ : SA vs IND, 1st T20I : ਮੌਸਮ ਕਰ ਸਕਦਾ ਹੈ ਕੰਮ ਖਰਾਬ, ਪਿੱਚ ਰਿਪੋਰਟ ਤੇ ਸੰਭਾਵਿਤ 11 'ਤੇ ਮਾਰੋ ਇਕ ਝਾਤ
ਵਹਾਬ ਨੇ ਪਿਛਲੇ ਮਹੀਨੇ ਪਾਕਿਸਤਾਨ ਦੀ ਟੈਸਟ ਟੀਮ ਦੀ ਘੋਸ਼ਣਾ ਦੇ ਦੌਰਾਨ ਹੈਰਿਸ ਦੀ ਆਲੋਚਨਾ ਕੀਤੀ ਸੀ ਕਿਉਂਕਿ ਉਸਨੇ ਆਸਟਰੇਲੀਆ ਵਿੱਚ ਤਿੰਨ ਮੈਚਾਂ ਲਈ ਚੋਣ ਲਈ ਖੁਦ ਨੂੰ ਉਪਲਬਧ ਨਹੀਂ ਕਰਾਇਆ ਸੀ। ਪਰ ਸ਼ਨੀਵਾਰ ਨੂੰ ਮੀਡੀਆ ਨਾਲ ਗੱਲ ਕਰਦੇ ਹੋਏ ਵਹਾਬ ਨੇ ਕਿਹਾ ਕਿ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ. ਸੀ. ਬੀ.) ਨੇ ਇਸ ਐੱਨ. ਓ. ਸੀ. ਦਾ ਇੰਤਜ਼ਾਮ ਕੀਤਾ ਹੈ ਤਾਂ ਜੋ ਹਾਰਿਸ ਨਿਊਜ਼ੀਲੈਂਡ 'ਚ ਹੋਣ ਵਾਲੀ ਟੀ-20 ਸੀਰੀਜ਼ ਲਈ ਫਾਰਮ 'ਚ ਰਹੇ।
ਇਹ ਵੀ ਪੜ੍ਹੋ : ਆਲੇਫ ਸੁਪਰ ਸਟਾਰ ਸ਼ਤਰੰਜ - ਯੂ ਯਾਂਗਯੀ ਬਣਿਆ ਜੇਤੂ, ਨਿਹਾਲ ਉਪ-ਜੇਤੂ ਰਿਹਾ
ਵਹਾਬ ਨੇ ਕਿਹਾ, 'ਨਿਊਜ਼ੀਲੈਂਡ ਸੀਰੀਜ਼ 'ਚ ਹੁਣ ਤੋਂ ਡੇਢ ਮਹੀਨੇ ਦਾ ਅੰਤਰ ਹੈ ਅਤੇ ਇਸ ਦੌਰਾਨ ਹਾਰਿਸ ਕੋਈ ਕ੍ਰਿਕਟ ਨਹੀਂ ਖੇਡ ਰਹੇ ਹਨ। ਕ੍ਰਿਕਟ ਆਸਟ੍ਰੇਲੀਆ ਨਾਲ ਉਸਦਾ ਬਿਗ ਬੈਸ਼ ਕਰਾਰ ਸਿਰਫ ਪੰਜ ਮੈਚਾਂ ਲਈ ਹੈ। ਉਸ ਨੇ ਕਿਹਾ, 'ਡੇਢ ਮਹੀਨੇ ਤੱਕ ਕੋਈ ਕ੍ਰਿਕਟ ਨਹੀਂ ਹੋਵੇਗੀ ਅਤੇ ਉਹ ਤੇਜ਼ ਗੇਂਦਬਾਜ਼ ਹੈ ਇਸ ਲਈ ਇਹ ਯਕੀਨੀ ਬਣਾਉਣਾ ਹੋਵੇਗਾ ਕਿ ਉਸ ਦੀ ਲੈਅ ਬਣੀ ਰਹੇ, ਇਸ ਲਈ ਅਸੀਂ ਉਸ ਨੂੰ 7 ਤੋਂ 28 ਦਸੰਬਰ ਤੱਕ ਐੱਨ.ਓ.ਸੀ. ਦਿੱਤੀ ਹੈ। ਇਸ ਨਾਲ ਬਿਗ ਬੈਸ਼ ਲੀਗ ਦੇ 5 ਮੈਚਾਂ ਨੂੰ ਕਵਰ ਕੀਤਾ ਜਾਵੇਗਾ ਤਾਂ ਜੋ ਉਹ ਪਾਕਿਸਤਾਨੀ ਟੀਮ ਨਾਲ ਨਿਊਜ਼ੀਲੈਂਡ ਦੌਰੇ ਲਈ ਰਵਾਨਾ ਹੋ ਸਕੇ। ਐਨ. ਓ. ਸੀ. ਦੇਣ ਪਿੱਛੇ ਇਹੀ ਕਾਰਨ ਹੈ। ਵਹਾਬ ਨੇ ਇਸ ਤਰ੍ਹਾਂ ਆਪਣੇ ਪਿਛਲੇ ਬਿਆਨ ਤੋਂ 'ਯੂ-ਟਰਨ' ਲਿਆ ਜਿਸ 'ਚ ਉਸ ਨੇ ਆਸਟ੍ਰੇਲੀਆ ਦੌਰੇ ਤੋਂ ਹਟਣ 'ਤੇ ਹਾਰਿਸ ਦੀ ਆਲੋਚਨਾ ਕੀਤੀ ਸੀ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਆਲੇਫ ਸੁਪਰ ਸਟਾਰ ਸ਼ਤਰੰਜ - ਯੂ ਯਾਂਗਯੀ ਬਣਿਆ ਜੇਤੂ, ਨਿਹਾਲ ਉਪ-ਜੇਤੂ ਰਿਹਾ
NEXT STORY 
