ਨਵੀਂ ਦਿੱਲੀ- ਕੋਲਕਾਤਾ ਨਾਈਟ ਰਾਈਡਰਜ਼ ਤੇ ਰਾਜਸਥਾਨ ਰਾਇਲਜ਼ ਵਿਚਾਲੇ ਖੇਡੇ ਜਾ ਰਹੇ ਮੈਚ 'ਚ ਰੌਬਿਨ ਉਥੱਪਾ ਨਵੇਂ ਵਿਵਾਦ 'ਚ ਫਸਦੇ ਨਜ਼ਰ ਆ ਰਹੇ ਹਨ। ਦਰਅਸਲ, ਮੈਚ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਉਹ ਗੇਂਦ 'ਤੇ ਲਾਰ ਲਗਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ। ਇਹ ਘਟਨਾ ਕੋਲਕਾਤਾ ਦੀ ਪਾਰੀ ਦੀ ਤੀਜੇ ਓਵਰ ਦੀ ਹੈ। ਉਨਾਦਕਟ ਉਦੋਂ ਗੇਂਦਬਾਜ਼ੀ ਕਰ ਰਿਹਾ ਸੀ। ਸਾਹਮਣੇ ਸੀ ਸੁਨੀਲ ਨਾਰਾਇਣਨ। ਨਾਰਾਇਣਨ ਦੀ ਇਕ ਸ਼ਾਟ ਸਿੱਧੇ ਰੌਬਿਨ ਦੇ ਕੋਲ ਗਈ ਸੀ। ਫੀਲਡਿੰਗ ਦੌਰਾਨ ਉਨ੍ਹਾਂ ਨੇ ਗੇਂਦ ਚੁੱਕੀ ਅਤੇ ਉਸ 'ਤੇ ਲਾਰ ਲਗਾਉਣ ਲੱਗ ਪਏ।
ਇਹ ਹੋ ਸਕਦੀ ਹੈ ਸਜ਼ਾ
ਕੋਵਿਡ-19 ਦੇ ਕਾਰਨ ਬਦਲੇ ਮਾਹੌਲ 'ਚ ਕ੍ਰਿਕਟ ਨੂੰ ਲੈ ਕੇ ਕੁਝ ਨਵੇਂ ਨਿਯਮ ਆਏ ਹਨ। ਇਨ੍ਹਾਂ 'ਚ ਇਕ ਨਿਯਮ ਕਿਸੇ ਵੀ ਕ੍ਰਿਕਟਰ ਨੂੰ ਗੇਂਦ 'ਤੇ ਲਾਰ ਲਗਾਉਣ ਤੋਂ ਰੋਕਣਾ ਵੀ ਹੈ। ਜੇਕਰ ਕੋਈ ਕ੍ਰਿਕਟਰ ਅਜਿਹਾ ਕਰਦਾ ਹੈ, ਉਸ 'ਤੇ 50 ਫੀਸਦੀ ਜੁਰਮਾਨੇ ਦੇ ਨਾਲ 1-2 ਮੈਚਾਂ ਤੋਂ ਮੁਅੱਤਲ ਕੀਤਾ ਜਾ ਸਕਦਾ ਹੈ।
ਮੈਗਨਸ ਕਾਰਲਸਨ ਨੇ ਜਿੱਤਿਆ ਬੇਂਟਰ ਬਲਿਟਜ਼ ਕੱਪ
NEXT STORY 
