ਮੈਲਬੋਰਨ : ਟੈਨਿਸ ਜਗਤ ਦੇ ਦਿੱਗਜ ਖਿਡਾਰੀ ਰੋਜਰ ਫੈਡਰਰ ਛੇ ਸਾਲਾਂ ਦੇ ਲੰਬੇ ਵਕਫ਼ੇ ਤੋਂ ਬਾਅਦ ਇੱਕ ਵਾਰ ਫਿਰ ਮੈਲਬੋਰਨ ਦੇ ਕੋਰਟ 'ਤੇ ਵਾਪਸ ਪਰਤ ਆਏ ਹਨ। ਸ਼ੁੱਕਰਵਾਰ ਨੂੰ ਸਵਿਸ ਸਟਾਰ ਨੇ ਰੌਡ ਲੇਵਰ ਐਰੀਨਾ ਵਿੱਚ ਨਾਰਵੇ ਦੇ ਖਿਡਾਰੀ ਕੈਸਪਰ ਰੂਡ ਨਾਲ ਅਭਿਆਸ ਸੈਸ਼ਨ ਵਿੱਚ ਹਿੱਸਾ ਲਿਆ।
44 ਸਾਲਾ ਫੈਡਰਰ ਨੇ 2020 ਤੋਂ ਬਾਅਦ ਪਹਿਲੀ ਵਾਰ ਰੌਡ ਲੇਵਰ ਐਰੀਨਾ ਵਿੱਚ ਕਦਮ ਰੱਖਿਆ ਹੈ। ਉਨ੍ਹਾਂ ਨੇ ਆਪਣੀ ਆਖਰੀ ਮੈਲਬੋਰਨ ਪੇਸ਼ਕਾਰੀ 2020 ਦੇ ਸੈਮੀਫਾਈਨਲ ਵਿੱਚ ਦਿੱਤੀ ਸੀ, ਜਿੱਥੇ ਉਹ ਨੋਵਾਕ ਜੋਕੋਵਿਚ ਤੋਂ ਹਾਰ ਗਏ ਸਨ। ਫੈਡਰਰ ਨੇ ਆਪਣੇ ਕਰੀਅਰ ਦੇ 20 ਗ੍ਰੈਂਡ ਸਲੈਮ ਖਿਤਾਬਾਂ ਵਿੱਚੋਂ 6 ਆਸਟ੍ਰੇਲੀਅਨ ਓਪਨ ਵਿੱਚ ਜਿੱਤੇ ਹਨ। ਇਸ ਟੂਰਨਾਮੈਂਟ ਵਿੱਚ ਉਨ੍ਹਾਂ ਦਾ ਜਿੱਤ-ਹਾਰ ਦਾ ਰਿਕਾਰਡ 102-15 ਦਾ ਰਿਹਾ ਹੈ।
ਸਾਲ 2022 ਵਿੱਚ ਪੇਸ਼ੇਵਰ ਟੈਨਿਸ ਤੋਂ ਸੰਨਿਆਸ ਲੈਣ ਵਾਲੇ ਫੈਡਰਰ ਅਤੇ ਕੈਸਪਰ ਰੂਡ ਵਿਚਕਾਰ ਕਰੀਅਰ ਵਿੱਚ ਸਿਰਫ ਇੱਕ ਵਾਰ (2019 ਫ੍ਰੈਂਚ ਓਪਨ) ਮੁਕਾਬਲਾ ਹੋਇਆ ਸੀ, ਜਿਸ ਵਿੱਚ ਫੈਡਰਰ ਜੇਤੂ ਰਹੇ ਸਨ।
ਫੈਡਰਰ ਸ਼ਨੀਵਾਰ ਨੂੰ ਰੌਡ ਲੇਵਰ ਐਰੀਨਾ ਵਿੱਚ ਟੂਰਨਾਮੈਂਟ ਦੇ ਪਹਿਲੇ ਉਦਘਾਟਨੀ ਸਮਾਰੋਹ ਦੇ ਹਿੱਸੇ ਵਜੋਂ ਇੱਕ ਪ੍ਰਦਰਸ਼ਨੀ (exhibition) ਮੈਚ ਖੇਡਣਗੇ। ਇਸ ਮੈਚ ਵਿੱਚ ਉਨ੍ਹਾਂ ਦੇ ਨਾਲ ਟੈਨਿਸ ਦੇ ਹੋਰ ਮਹਾਨ ਖਿਡਾਰੀ ਅਤੇ ਸਾਬਕਾ ਏ.ਟੀ.ਪੀ. (ATP) ਨੰਬਰ 1 ਸਿਤਾਰੇ ਆਂਦਰੇ ਅਗਾਸੀ, ਪੈਟ੍ਰਿਕ ਰਾਫਟਰ ਅਤੇ ਲੇਟਨ ਹੇਵਿਟ ਵੀ ਨਜ਼ਰ ਆਉਣਗੇ।
RCB ਨੇ ਚਿੰਨਾਸਵਾਮੀ 'ਚ AI ਨਿਗਰਾਨੀ ਦਾ ਦਿੱਤਾ ਪ੍ਰਸਤਾਵ
NEXT STORY 
