ਬੈਂਗਲੁਰੂ : ਤਾਮਿਲਨਾਡੂ ਦੀ ਰੋਜ਼ੀ ਮੀਨਾ ਪਾਲਰਾਜ ਨੇ ਸ਼ਨੀਵਾਰ ਨੂੰ ਇੱਥੇ ਰਾਸ਼ਟਰੀ ਓਪਨ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਸੋਨ ਤਮਗਾ ਜਿੱਤ ਕੇ 15 ਦਿਨਾਂ 'ਚ ਦੂਜੀ ਵਾਰ ਮਹਿਲਾ ਪੋਲ ਵਾਲਟ 'ਚ ਰਾਸ਼ਟਰੀ ਰਿਕਾਰਡ ਕਾਇਮ ਕੀਤਾ। 25 ਸਾਲਾ ਰੋਜ਼ੀ ਨੇ ਹਾਲ ਹੀ ਵਿੱਚ ਗਾਂਧੀਨਗਰ ਵਿੱਚ 36ਵੀਆਂ ਰਾਸ਼ਟਰੀ ਖੇਡਾਂ ਵਿੱਚ 4.20 ਮੀਟਰ ਦੀ ਉਚਾਈ ਨਾਲ ਰਾਸ਼ਟਰੀ ਰਿਕਾਰਡ ਬਣਾਇਆ ਸੀ। ਉਸ ਨੇ ਉਦੋਂ 2014 ਵਿੱਚ VS ਸੁਰੇਖਾ ਦਾ 4.15 ਮੀਟਰ ਦਾ ਰਾਸ਼ਟਰੀ ਰਿਕਾਰਡ ਤੋੜਿਆ।
ਇਹ ਵੀ ਪੜ੍ਹੋ : T20 WC : ਸ਼੍ਰੀਲੰਕਾ ਦੀ ਕਰਾਰੀ ਹਾਰ, ਨਾਮੀਬੀਆ ਨੇ 55 ਦੌੜਾਂ ਨਾਲ ਦਰਜ ਕੀਤੀ ਜਿੱਤ
ਰੋਜ਼ੀ ਨੇ ਸ਼ਨੀਵਾਰ ਨੂੰ ਇੱਥੇ 4.21 ਮੀਟਰ ਦੀ ਉਚਾਈ ਹਾਸਲ ਕੀਤੀ। ਰੇਲਵੇ ਦੀ ਰਵੀਨਾ ਨੇ ਪਿਛਲੇ ਕੁਝ ਮੁਕਾਬਲਿਆਂ ਵਿੱਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਤੋਂ ਬਾਅਦ ਇੱਥੇ ਆਪਣੀ ਲੈਅ ਨੂੰ ਮੁੜ ਪ੍ਰਾਪਤ ਕਰਦੇ ਹੋਏ ਇੱਕ ਨਵੇਂ ਮੀਟ ਰਿਕਾਰਡ ਦੇ ਨਾਲ ਮਹਿਲਾਵਾਂ ਦੀ 20 ਕਿਲੋਮੀਟਰ ਪੈਦਲ ਰੇਸ ਨੂੰ ਆਪਣੇ ਨਾਂ ਕੀਤਾ। ਅਮਲਾਨ ਬੋਰਗੋਹੇਨ ਦੀ ਗੈਰ-ਮੌਜੂਦਗੀ ਵਿੱਚ 19 ਸਾਲਾ ਦਿੱਲੀ ਦੇ ਸ਼ਿਵਮ ਵੈਸ਼ਨਵ ਨੇ ਇਹ ਯਕੀਨੀ ਬਣਾਇਆ ਕਿ ਪੁਰਸ਼ਾਂ ਦੀ 100 ਮੀਟਰ ਸਪ੍ਰਿੰਟ ਮੁਕਾਬਲੇਬਾਜ਼ੀ ਬਣੀ ਰਹੇ।
ਇਹ ਵੀ ਪੜ੍ਹੋ : ਖੇਡਾਂ 'ਚ ਨੌਜਵਾਨਾਂ ਨੂੰ ਸਮੇਂ ਦਾ ਹਾਣੀ ਬਣਾਉਣ ਦੀ ਮੁੱਖ ਲੋੜ - ਰੋਹਿਤ ਸ਼ਰਮਾ
ਉਸਨੇ ਪਹਿਲੇ ਗੇੜ ਵਿੱਚ 10.74 ਸਕਿੰਟ ਦਾ ਸਮਾਂ ਕੱਢਿਆ ਪਰ ਬਾਅਦ 'ਚ ਇਸ ਵਿੱਚ ਸੁਧਾਰ ਕਰਦਿਆਂ 10.47 ਸਕਿੰਟ ਦੇ ਸਮੇਂ ਨਾਲ ਸੈਮੀਫਾਈਨਲ ਵਿੱਚ ਸਿਖਰ 'ਤੇ ਰਹਿ ਕੇ ਫਾਈਨਲ ਲਈ ਕੁਆਲੀਫਾਈ ਕੀਤਾ। ਮਹਿਲਾ ਵਰਗ ਵਿੱਚ ਹਿਮਾ ਦਾਸ ਪਹਿਲੇ ਦੋ ਦੌਰ ਵਿੱਚ 11.74 ਸਕਿੰਟ ਅਤੇ 11.78 ਸਕਿੰਟ ਦੇ ਸਮੇਂ ਨਾਲ ਖਿਤਾਬ ਲਈ ਦਾਅਵੇਦਾਰੀ ਵਿੱਚ ਬਣੀ ਹੋਈ ਹੈ, ਜਦੋਂ ਕਿ ਜੋਤੀ ਯਾਰਰਾਜੀ ਸ਼ੁਰੂਆਤੀ ਦੌੜ ਨੂੰ ਪੂਰਾ ਨਹੀਂ ਕਰ ਸਕੀ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਇਗਾ ਸਵੀਆਟੇਕ ਨੇ ਗੌ ਨੂੰ ਸਿੱਧੇ ਸੈੱਟਾਂ ਵਿੱਚ ਹਰਾ ਕੇ ਸੈਮੀਫਾਈਨਲ ਵਿੱਚ ਬਣਾਈ ਜਗ੍ਹਾ
NEXT STORY 
