ਨਵੀਂ ਦਿੱਲੀ : ਸਚਿਨ ਤੇਂਦੁਲਕਰ ਐਡਿਲੇਡ ਓਵਲ ਵਿਚ ਗਲੈਨ ਮੈਕਗ੍ਰਾ ਦੇ ਬਾਊਂਸਰ 'ਤੇ ਐੱਲ. ਬੀ. ਡਬਲਯੂ. ਆਊਟ ਦਿੱਤੇ ਜਾਣ ਤੋਂ ਕਾਫੀ ਨਾਰਾਜ਼ ਸੀ ਅਤੇ ਹੁਣ ਆਸਟਰੇਲੀਆ ਧਾਕੜ ਨੇ ਵੀ ਮੰਨਿਆ ਕਿ ਇਸ ਭਾਰਤੀ ਸਟਾਰ ਨੂੰ ਤਦ ਐੱਲ. ਬੀ. ਡਬਲਯੂ. ਨਹੀਂ ਸਗੋਂ ਐੱਸ. ਬੀ. ਡਬਲਯੂ. ਆਊਟ ਦਿੱਤਾ ਜਾਣਾ ਚਾਹੀਦਾ ਸੀ। ਮੈਕਗ੍ਰਾ ਨੇ ਤੇਂਦੁਲਕਰ ਦੇ ਨਾਲ ਆਪਣੀ ਮੈਦਾਨੀ ਜੰਗ ਦੀਆਂ ਕੁਝ ਘਟਨਾਵਾਂ ਨੂੰ ਯਾਦ ਕਰਦਿਆਂ ਦਸੰਬਰ 1999 ਦੀ ਉਸ ਘਟਨਾ ਨੂੰ ਯਾਦ ਕੀਤਾ ਜਦੋਂ ਉਸ ਦਾ ਹੇਠਾ ਰਹਿੰਦਾ ਹੋਇਆ ਬਾਊਂਸਰ ਸਚਿਨ ਦੇ ਮੋਢੇ 'ਤੇ ਲੱਗਾ ਅਤੇ ਅੰਪਾਇਰ ਡੇਰਲ ਹਾਰਪਰ ਨੇ ਉਸ ਨੂੰ ਐੱਲ. ਬੀ. ਡਬਲਯੂ. ਆਊਟ ਦੇ ਦਿੱਤਾ। ਤੇਂਦੁਲਕਰ ਇਸ ਫੈਸਲੇ ਤੋਂ ਖੁਸ਼ ਨਹੀਂ ਸੀ।
ਮੈਕਗ੍ਰਾ ਨੇ ਕਿਹਾ, ''ਕੀ ਇਹ ਐੱਲ. ਬੀ. ਡਬਲਯੂ. ਸੀ। ਸ਼ਾਇਦ ਉਹ ਐੱਸ. ਬੀ. ਡਬਲਯੂ. (ਸ਼ੋਲਡਰ ਬਿਫੋਰ ਵਿਕਟ) ਹੋਣਾ ਚਾਹੀਦਾ ਸੀ। ਇਸ ਆਸਟਰੇਲੀਆਈ ਧਾਕੜ ਨੇ ਇੱਥੇ ਐੱਚ. ਸੀ. ਐੱਲ. ਸਪੋਰਟਸ ਨਾਈਟ ਵਿਚ ਉਸ ਘਟਨਾ ਬਾਰੇ ਕਿਹਾ, ''ਸਚਿਨ ਬੱਲੇਬਾਜ਼ੀ ਕਰ ਰਿਹਾ ਸੀ ਅਤੇ ਉਸ ਨੇ ਅਜੇ ਕ੍ਰੀਜ਼ 'ਤੇ ਕਦਮ ਰੱਖਿਆ ਹੀ ਸੀ। ਮੈਂ ਉਸ ਨੂੰ ਬਾਊਂਸਰ ਕੀਤਾ ਅਤੇ ਸਚਿਨ ਲੰਬੇ ਕਦ ਦੇ ਖਿਡਾਰੀ ਨਹੀਂ ਹਨ। ਸਚਿਨ ਹੇਠਾਂ ਬੈਠ ਗਏ ਬਦਕਿਸਮਤੀ ਨਾਲ ਗੇਂਦ ਵੀ ਹੇਠਾਂ ਰਹਿ ਗਈ ਅਤੇ ਸਚਿਨ ਦੇ ਮੋਢੇ 'ਤੇ ਜਾ ਲੱਗੀ। ਉਸ ਸਮੇਂ ਸਚਿਨ ਖਾਤਾ ਵੀ ਨਹੀਂ ਖੋਲ ਸਕੇ ਸੀ। ਬਾਊਂਸਰ ਆਮ ਤੌਰ 'ਤੇ ਸਚਿਨ ਦੇ ਸਿਰ ਤੋਂ ਨਿਕਲ ਜਾਂਦਾ ਹੈ ਪਰ ਉਸ ਦਿਨ ਪਿਚ ਵਿਚ ਜ਼ਿਆਦਾ ਉੱਛਾਲ ਨਹੀਂ ਸੀ। ਕਿਉਂਕਿ ਉਹ ਲੰਬੇ ਕਦ ਦਾ ਨਹੀਂ ਹੈ ਇਸ ਲਈ ਜਦੋਂ ਹੇਠਾਂ ਝੁਕਿਆ ਤਾਂ ਮੈਂ ਦੇਖਿਆ ਕਿ ਗੇਂਦ ਸਟੰਪ ਨੂੰ ਹਿੱਟ ਕਰ ਰਹੀ ਸੀ। ਮੈਕਗ੍ਰਾ ਨੇ ਕਿਹਾ, ''ਇਸ ਲਈ ਮੈਂ ਅਪੀਲ ਕੀਤੀ ਅਤੇ ਅੰਪਾਇਰ ਨੇ ਉਸ ਨੂੰ ਆਊਟ ਦੇ ਦਿੱਤਾ। ਸਚਿਨ ਇਸ ਫੈਸਲੇ ਤੋਂ ਖੁਸ਼ ਨਹੀਂ ਸੀ। ਉਹ ਪਵੇਲੀਅਨ ਪਰਤ ਗਿਆ। ਕੀ ਇਹ ਐੱਲ. ਬੀ. ਡਬਲਯੂ. ਸੀ। ਸ਼ਾਇਦ ਇਹ ਐੱਸ. ਬੀ. ਡਬਲਯੂ. ਹੋਣਾ ਚਾਹੀਦਾ ਸੀ।
ਮੈਕਗ੍ਰਾ ਨੇ ਇਸ ਤੋਂ ਇਲਾਵਾ ਵਰਲਡ ਕੱਪ 2003 ਫਾਈਨਲ ਦਾ ਵੀ ਜ਼ਿਕਰ ਕੀਤਾ ਤਦ ਉਸ ਨੇ ਤੇਂਦੁਲਕਰ ਨੂੰ ਸ਼ੁਰੂ ਵਿਚ ਹੀ ਆਊਟ ਕਰ ਦਿੱਤਾ ਸੀ ਅਤੇ ਦਰਸ਼ਕ ਇਸ ਤੋਂ ਖੁਸ਼ ਨਹੀਂ ਸੀ। ਇਸ ਆਸਟਰੇਲੀਆਈ ਸਟਾਰ ਨੇ ਇਸ ਤੋਂ ਇਲਾਵਾ ਖੁਲਾਸਾ ਕੀਤਾ ਕਿ ਤੇਂਦੁਲਕਰ ਨੇ ਕੁਝ ਮੌਕਿਆਂ 'ਤੇ ਉਸ ਦੇ ਖਿਲਾਫ ਸਲੈਜਿੰਗ ਵੀ ਕੀਤੀ ਸੀ। ਮੈਕਗ੍ਰਾ ਨੇ ਕਿਹਾ ਕਿ ਉਸ ਨੂੰ ਬ੍ਰਾਇਨ ਲਾਰਾ ਅਤੇ ਤੇਂਦੁਲਕਰ ਵਰਗੇ ਧਾਕੜ ਬੱਲੇਬਾਜ਼ਾਂ ਨੂੰ ਗੇਂਦਬਾਜ਼ੀ ਕਰਨ 'ਚ ਹਮੇਸ਼ਾ ਮਜ਼ਾ ਆਉਂਦਾ ਸੀ। ਉਸ ਨੇ ਕਿਹਾ ਕਿ ਜਿਵੇਂ ਉਸ ਨੂੰ ਮੈਂ ਕੁਝ ਮੌਕਿਆਂ 'ਤੇ ਆਊਟ ਕੀਤਾ, ਉਸੇ ਤਰ੍ਹਾਂ ਉਸ ਨੇ ਆਸਟਰੇਲੀਆ ਖਿਲਾਫ ਕੁਝ ਚੰਗੇ ਸੈਂਕੜੇ ਵੀ ਲਗਾਏ। ਇਸ ਲਈ ਸਾਡੇ ਵਿਚਕਾਰ ਇਹ 50-50 ਰਿਹਾ।
KL ਰਾਹੁਲ ਦੀ MOM ਦੀ ਚੋਣ 'ਤੇ ਸਹਿਵਾਗ ਨੇ ਚੁੱਕਿਆ ਸਵਾਲ, ਕਿਹਾ...
NEXT STORY 
