ਨਵੀਂ ਦਿੱਲੀ- ਮਿਡਫੀਲਡਰ ਸਲੀਮਾ ਟੇਟੇ ਨੂੰ ਤਜਰਬੇਕਾਰ ਗੋਲਕੀਪਰ ਸਵਿਤਾ ਪੂਨੀਆ ਦੀ ਜਗ੍ਹਾ ਇਸ ਮਹੀਨੇ ਦੇ ਅੰਤ ਵਿਚ ਹੋਣ ਵਾਲੀ ਐੱਫਆਈਐੱਚ ਪ੍ਰੋ ਲੀਗ ਦੇ ਬੈਲਜੀਅਮ ਅਤੇ ਇੰਗਲੈਂਡ ਪੜਾਅ ਲਈ ਭਾਰਤ ਦੀ 24 ਮੈਂਬਰੀ ਮਹਿਲਾ ਹਾਕੀ ਟੀਮ ਦਾ ਕਪਤਾਨ ਬਣਾਇਆ ਗਿਆ ਹੈ। ਨਵਨੀਤ ਕੌਰ ਨੂੰ ਉਪ ਕਪਤਾਨ ਬਣਾਇਆ ਗਿਆ ਹੈ।
ਸਲੀਮਾ ਨੇ ਹਾਕੀ ਇੰਡੀਆ ਵੱਲੋਂ ਜਾਰੀ ਬਿਆਨ 'ਚ ਕਿਹਾ, ''ਮੈਨੂੰ ਖੁਸ਼ੀ ਹੈ ਕਿ ਟੀਮ ਦੀ ਕਪਤਾਨੀ ਦਿੱਤੀ ਗਈ ਹੈ। ਇਹ ਇਕ ਵੱਡੀ ਜ਼ਿੰਮੇਵਾਰੀ ਹੈ ਅਤੇ ਮੈਂ ਇਸ ਨੂੰ ਲੈ ਕੇ ਉਤਸ਼ਾਹਿਤ ਹਾਂ। ਸਾਡੇ ਕੋਲ ਇੱਕ ਮਜ਼ਬੂਤ ਟੀਮ ਹੈ ਜਿਸ ਵਿੱਚ ਤਜਰਬੇਕਾਰ ਅਤੇ ਨੌਜਵਾਨ ਖਿਡਾਰੀ ਹਨ।
ਉਨ੍ਹਾਂ ਨੇ ਕਿਹਾ, “ਅਸੀਂ ਐੱਫਆਈਐੱਚ ਪ੍ਰੋ ਲੀਗ ਦੇ ਆਉਣ ਵਾਲੇ ਬੈਲਜੀਅਮ ਅਤੇ ਇੰਗਲੈਂਡ ਪੜਾਅ ਵਿੱਚ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਨਗੇ। ਸਾਨੂੰ ਆਪਣੀਆਂ ਕਮਜ਼ੋਰੀਆਂ ਨੂੰ ਦੂਰ ਕਰਨਾ ਹੋਵੇਗਾ।''
ਸਵਿਤਾ ਓਲੰਪਿਕ ਕੁਆਲੀਫਾਇਰ ਅਤੇ ਉਸ ਤੋਂ ਬਾਅਦ ਦੇ ਪ੍ਰੋ ਲੀਗ ਮੈਚਾਂ ਵਿੱਚ ਭਾਰਤ ਦੀ ਕਪਤਾਨ ਰਹੀ ਸੀ।
ਬੈਲਜੀਅਮ ਵਿੱਚ 22 ਤੋਂ 26 ਮਈ ਤੱਕ ਅਤੇ ਇੰਗਲੈਂਡ ਵਿੱਚ 1 ਤੋਂ 9 ਜੂਨ ਤੱਕ ਮੈਚ ਹੋਣਗੇ। ਭਾਰਤ ਪਹਿਲੇ ਗੇੜ ਵਿੱਚ ਦੋ ਵਾਰ ਅਰਜਨਟੀਨਾ ਅਤੇ ਬੈਲਜੀਅਮ ਦਾ ਸਾਹਮਣਾ ਕਰੇਗਾ। ਟੀਮ ਲੰਡਨ ਪੜਾਅ 'ਚ ਬ੍ਰਿਟੇਨ ਅਤੇ ਜਰਮਨੀ ਨਾਲ ਖੇਡੇਗੀ। ਭਾਰਤ ਇਸ ਸਮੇਂ ਪ੍ਰੋ ਲੀਗ ਟੇਬਲ ਵਿੱਚ ਛੇਵੇਂ ਸਥਾਨ 'ਤੇ ਹੈ।
ਸਲੀਮਾ ਨੂੰ ਹਾਲ ਹੀ ਵਿੱਚ ਹਾਕੀ ਇੰਡੀਆ ਸਲਾਨਾ ਐਵਾਰਡਾਂ ਵਿੱਚ ਬਲਬੀਰ ਸਿੰਘ ਸਾਲ ਦੀ ਸੀਨੀਅਰ ਮਹਿਲਾ ਖਿਡਾਰੀ ਦਾ ਪੁਰਸਕਾਰ ਮਿਲਿਆ ਹੈ।
ਭਾਰਤੀ ਮਹਿਲਾ ਟੀਮ:
ਗੋਲਕੀਪਰ: ਸਵਿਤਾ, ਬਿਛੂ ਦੇਵੀ ਖਾਰੀਬਾਮ
ਡਿਫੈਂਡਰ: ਨਿੱਕੀ ਪ੍ਰਧਾਨ, ਉਦਿਤਾ, ਇਸ਼ਿਕਾ ਚੌਧਰੀ, ਮੋਨਿਕਾ, ਜੋਤੀ ਛੱਤਰੀ, ਮਹਿਮਾ ਚੌਧਰੀ
ਮਿਡਫੀਲਡਰ: ਸਲੀਮਾ ਟੇਟੇ (ਕਪਤਾਨ), ਵੈਸ਼ਨਵੀ ਵਿੱਠਲ ਫਾਲਕੇ, ਨਵਨੀਤ ਕੌਰ, ਨੇਹਾ, ਜੋਤੀ, ਬਲਜੀਤ ਕੌਰ, ਮਨੀਸ਼ਾ ਚੌਹਾਨ, ਲਾਲਰੇਮਸਿਆਮੀ।
ਫਾਰਵਰਡ: ਮੁਮਤਾਜ਼ ਖਾਨ, ਸੰਗੀਤਾ ਕੁਮਾਰੀ, ਦੀਪਿਕਾ, ਸ਼ਰਮੀਲਾ ਦੇਵੀ, ਪ੍ਰੀਤੀ ਦੂਬੇ, ਵੰਦਨਾ ਕਟਾਰੀਆ, ਸੁਨੇਲਿਤਾ ਟੋਪੋ, ਦੀਪਿਕਾ ਸੋਰੇਂਗ।
PBKS vs CSK: ਗੇਂਦਬਾਜ਼ਾਂ ਨੇ ਸਾਨੂੰ ਜਿੱਤ ਦਿਵਾਈ, ਇਹ 160 ਤੋਂ ਵੱਧ ਦੀ ਪਿੱਚ ਸੀ : ਰਿਲੇ ਰੋਸੋਵ
NEXT STORY 
