ਗਲਾਸਗੋ— ਸਕਾਟਲੈਂਡ ਅਤੇ ਸਲੋਵੇਨੀਆ ਆਪਣੇ-ਆਪਣੇ ਘਰੇਲੂ ਮੈਚਾਂ ਵਿਚ ਜਿੱਤ ਤੋਂ ਬਾਅਦ ਹੁਣ ਫੁੱਟਬਾਲ ਵਿਸ਼ਵ ਕੱਪ ਕੁਆਲੀਫਾਇੰਗ ਵਿਚ ਇਕ-ਦੂਸਰੇ ਨਾਲ ਭਿੜਨਗੇ, ਜੋ ਹੁਣ ਗਰੁੱਪ 'ਚ ਦੂਸਰੇ ਨੰਬਰ ਦੀ ਸਲੋਵਾਕੀਆ ਤੋਂ ਸਿਰਫ ਇਕ ਅੰਕ ਹੀ ਪਿੱਛੇ ਹੈ। ਸਕਾਟਲੈਂਡ ਨੇ ਆਪਣੇ ਘਰੇਲੂ ਮੈਦਾਨ 'ਤੇ ਮਾਲਟਾ ਖਿਲਾਫ ਹੋਏ ਮੈਚ ਵਿਚ ਕ੍ਰਿਸਟੋਫ ਬੇਰਾ ਅਤੇ ਲੀਹ ਗ੍ਰਿਫਿਥ ਦੇ ਗੋਲ ਨਾਲ 2-0 ਦੀ ਇਕਤਰਫਾ ਜਿੱਤ ਆਪਣੇ ਨਾਂ ਕੀਤੀ। ਹਾਲਾਂਕਿ ਟੀਮ ਘੱਟ ਚੁਣੌਤੀ ਦੇ ਬਾਵਜੂਦ ਜਿੱਤ ਦਾ ਫਰਕ ਵੱਡਾ ਨਹੀਂ ਕਰ ਸਕੀ। ਉਥੇ ਸਲੋਵੇਨੀਆ ਨੇ ਇਕ ਹੋਰ ਗਰੁੱਪ ਐੱਫ. ਮੈਚ ਵਿਚ ਲਿਥੁਆਨੀਆ ਨੂੰ 4-0 ਨਾਲ ਮਾਤ ਦਿੱਤੀ ਅਤੇ ਗੋਲ ਅੰਤਰ ਨਾਲ ਸਕਾਟਲੈਂਡ ਤੋਂ ਅੱਗੇ ਨਿਕਲ ਗਈ। ਜੋਸਿਪ ਇਲੀਸਿਸ ਨੇ ਮੈਚ ਵਿਚ 25ਵੇਂ ਤੇ 61ਵੇਂ ਮਿੰਟ ਵਿਚ ਪੈਨਲਟੀ ਕਾਰਨਰ 'ਤੇ ਗੋਲ ਕੀਤੇ, ਜਦਕਿ ਬੈਂਜਾਮਿਨ ਬੇਰਵਿਕ ਅਤੇ ਬਦਲਵੇਂ ਖਿਡਾਰੀ ਵਾਲਟਰ ਵਿਰਸਾ ਨੇ ਆਖਰੀ 10 ਮਿੰਟਾਂ ਵਿਚ ਦੋ ਹੋਰ ਗੋਲ ਕੀਤੇ। ਸਲੋਵੇਨੀਆ ਅਤੇ ਸਕਾਟਲੈਂਡ ਦੇ ਹੁਣ 14-14 ਅੰਕ ਹੋ ਗਏ ਹਨ ਅਤੇ ਉਹ ਸਲੋਵਾਕੀਆ ਤੋਂ ਸਿਰਫ ਇਕ ਅੰਕ ਹੀ ਪਿੱਛੇ ਹੈ, ਜਿਸ ਨੂੰ ਗਰੁੱਪ ਵਿਚ ਚੋਟੀ ਦੀ ਟੀਮ ਇੰਗਲੈਂਡ ਨੇ 2-1 ਨਾਲ ਹਰਾਇਆ। ਸਕਾਟਲੈਂਡ ਹੁਣ ਸਲੋਵਾਕੀਆ ਦੀ ਮੇਜ਼ਬਾਨੀ ਕਰੇਗਾ ਅਤੇ ਆਪਣੇ ਆਖਰੀ ਦੋ ਮੈਚਾਂ ਲਈ ਸਲੋਵੇਨੀਆ ਦੇ ਦੌਰੇ 'ਤੇ ਜਾਵੇਗਾ, ਜਦਕਿ ਸਲੋਵਾਕੀਆ ਆਪਣਾ ਅਗਲਾ ਮੈਚ ਘਰੇਲੂ ਮੈਦਾਨ 'ਤੇ ਮਾਲਟਾ ਨਾਲ ਖੇਡੇਗਾ।
ਵੀਅਤਨਾਮ ਓਪਨ 'ਚ ਭਾਰਤੀ ਖਿਡਾਰੀਆਂ ਦੀ ਸ਼ਾਨਦਾਰ ਸ਼ੁਰੂਆਤ
NEXT STORY 
