ਨਵੀਂ ਦਿੱਲੀ (ਭਾਸ਼ਾ)- ਉਮਰ ਦੇ ਨਾਲ ਪ੍ਰਦਰਸ਼ਨ ਦੇ ਮਾਮਲੇ 'ਚ ਨਿਖਰਦੇ ਜਾ ਰਹੇ ਟੇਬਲ ਟੈਨਿਸ ਖਿਡਾਰੀ ਅਚੰਤਾ ਸ਼ਰਤ ਕਮਲ ਖੇਡ ਨੂੰ ਅਲਵਿਦਾ ਕਹਿਣ ਤੋਂ ਪਹਿਲਾਂ ਓਲੰਪਿਕ ਤਮਗਾ ਜਿੱਤਣਾ ਚਾਹੁੰਦੇ ਹਨ ਤੇ ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ ਵਿਚ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੇ ਉਨ੍ਹਾਂ ਦੇ ਹੌਸਲੇ ਬੁਲੰਦ ਕਰ ਦਿੱਤੇ ਹਨ। ਚਾਲੀ ਸਾਲਾ ਸ਼ਰਤ ਨੇ ਬਰਮਿੰਘਮ ਖੇਡਾਂ ਵਿੱਚ ਚਾਰ ਤਗਮੇ ਜਿੱਤੇ ਸਨ। ਉਨ੍ਹਾਂ ਨੇ ਮਿਕਸਡ ਡਬਲਜ਼ ਵਿੱਚ ਸੋਨ ਤਮਗਾ ਜਿੱਤਿਆ ਅਤੇ 16 ਸਾਲ ਬਾਅਦ ਸਿੰਗਲਜ਼ ਵਿੱਚ ਵੀ ਸੋਨ ਤਮਗਾ ਜਿੱਤਿਆ।
ਪਿਛਲੇ ਦੋ ਦਹਾਕਿਆਂ ਤੋਂ ਖੇਡ ਰਹੇ ਸ਼ਰਤ ਦਾ ਅਜੇ ਸੰਨਿਆਸ ਲੈਣ ਦਾ ਕੋਈ ਇਰਾਦਾ ਨਹੀਂ ਹੈ ਅਤੇ ਉਹ ਓਲੰਪਿਕ ਤਮਗਾ ਜਿੱਤਣ ਲਈ ਦੋ ਸਾਲ ਹੋਰ ਖੇਡਣਾ ਚਾਹੁੰਦਾ ਹੈ। ਉਸ ਨੇ ਕਿਹਾ, "ਰਾਸ਼ਟਰਮੰਡਲ ਖੇਡਾਂ ਵਿੱਚ ਨਿੱਜੀ ਸਰਵੋਤਮ ਪ੍ਰਦਰਸ਼ਨ ਕਰਨਾ ਚੰਗਾ ਲੱਗਿਆ। ਇਸ ਵਾਰ ਮੈਂ ਚਾਰ ਤਗ਼ਮੇ ਜਿੱਤੇ। ਤੰਦਰੁਸਤੀ ਸਫਲਤਾ ਦੀ ਕੁੰਜੀ ਹੈ ਅਤੇ ਮੈਂ ਆਪਣੇ ਆਪ ਨੂੰ ਫਿੱਟ ਰੱਖਣ ਲਈ ਸਖ਼ਤ ਮਿਹਨਤ ਕਰ ਰਿਹਾ ਹਾਂ।" ਸ਼ਰਤ ਨੇ ਕਿਹਾ, ''ਮੈਂ ਹਮੇਸ਼ਾ ਆਪਣੇ ਸਰੀਰ ਅਤੇ ਦਿਮਾਗ ਨੂੰ ਫਿੱਟ ਰੱਖਣਾ ਚਾਹੁੰਦਾ ਹਾਂ ਕਿਉਂਕਿ ਨੌਜਵਾਨ ਬਹੁਤ ਚੁਸਤ-ਦਰੁਸਤ ਹੁੰਦੇ ਹਨ ਅਤੇ ਮੈਨੂੰ ਉਨ੍ਹਾਂ ਨਾਲ ਮੁਕਾਬਲਾ ਕਰਨਾ ਪੈਂਦਾ ਹੈ।'
ਇਹ ਵੀ ਪੜ੍ਹੋ : ਮਾਰਟਿਨ ਗੁਪਟਿਲ ਮੁੜ ਬਣੇ T20I ਦੇ ਲੀਡਿੰਗ ਸਕੋਰਰ, ਰੋਹਿਤ ਨੂੰ ਪਿੱਛੇ ਛੱਡਿਆ
ਰਾਸ਼ਟਰਮੰਡਲ ਖੇਡਾਂ 'ਚ 13 ਤੇ ਏਸ਼ੀਅਨ ਖੇਡਾਂ 2018 ਵਿੱਚ ਦੋ ਕਾਂਸੀ ਦੇ ਤਗਮੇ ਜਿੱਤ ਚੁੱਕੇ ਸ਼ਰਤ ਨੇ ਕਿਹਾ, 'ਤਮਗੇ ਜਿੱਤਣ ਦੀ ਭੁੱਖ ਅਜੇ ਵੀ ਹੈ। ਮੈਂ ਹਮੇਸ਼ਾ ਬਿਹਤਰ ਪ੍ਰਦਰਸ਼ਨ ਕਰਨਾ ਚਾਹੁੰਦਾ ਹਾਂ। ਮੈਂ ਅਜੇ ਦੋ ਸਾਲਾਂ ਬਾਰੇ ਸੋਚ ਰਿਹਾ ਹਾਂ। ਪੈਰਿਸ ਓਲੰਪਿਕ ਵਿੱਚ, ਅਸੀਂ ਟੀਮ ਮੁਕਾਬਲੇ ਲਈ ਕੁਆਲੀਫਾਈ ਕਰਕੇ ਤਮਗਾ ਜਿੱਤ ਸਕਦੇ ਹਾਂ।" ਉਸ ਨੇ ਕਿਹਾ, "ਇਹ ਪ੍ਰਕਿਰਿਆ ਹੈ। ਰਾਸ਼ਟਰਮੰਡਲ ਖੇਡਾਂ ਤੋਂ ਬਾਅਦ ਏਸ਼ੀਆਈ ਖੇਡਾਂ ਅਤੇ ਫਿਰ ਓਲੰਪਿਕ।"
ਭਾਰਤ ਦੇ ਸਭ ਤੋਂ ਸਫਲ ਟੇਬਲ ਟੈਨਿਸ ਖਿਡਾਰੀ ਨੇ ਕਿਹਾ ਕਿ ਭਾਰਤ ਵਿੱਚ ਇਸ ਖੇਡ ਦਾ ਦ੍ਰਿਸ਼ ਬਦਲ ਗਿਆ ਹੈ। ਉਸ ਨੇ ਕਿਹਾ, "ਦੇਸ਼ ਵਿੱਚ ਟੇਬਲ ਟੈਨਿਸ ਦੀ ਲੋਕਪ੍ਰਿਯਤਾ ਵਧੀ ਹੈਅਤੇ ਮੈਨੂੰ ਖੁਸ਼ੀ ਹੈ ਕਿ ਅਸੀਂ ਆਪਣੇ ਪ੍ਰਦਰਸ਼ਨ ਨਾਲ ਅਗਲੀ ਪੀੜ੍ਹੀ ਨੂੰ ਪ੍ਰੇਰਿਤ ਕਰ ਸਕੇ ਹਾਂ।" ਉਨ੍ਹਾਂ ਕਿਹਾ, 'ਪਹਿਲਾਂ ਮੇਰੀ ਰੈਂਕਿੰਗ 130 ਸੀ ਜੋ ਹੁਣ 38 ਹੈ ਤੇ ਸਾਥੀਆਨ ਦੀ ਰੈਂਕਿੰਗ 36 ਹੈ। ਸਾਡੇ ਕੋਲ ਇੰਨੀ ਉੱਚ ਰੈਂਕਿੰਗ ਵਾਲੇ ਖਿਡਾਰੀ ਪਹਿਲਾਂ ਕਦੇ ਨਹੀਂ ਸਨ।'
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਮਾਰਟਿਨ ਗੁਪਟਿਲ ਮੁੜ ਬਣੇ T20I ਦੇ ਲੀਡਿੰਗ ਸਕੋਰਰ, ਰੋਹਿਤ ਨੂੰ ਪਿੱਛੇ ਛੱਡਿਆ
NEXT STORY 
