ਨਵੀਂ ਦਿੱਲੀ : ਕ੍ਰਿਕਟ ਮੈਚ ਦੌਰਾਨ ਦੌਰਾਨ ਕਈ ਵਾਰ ਅਜਿਹੇ ਪਲ ਵੀ ਦੇਖਣ ਨੂੰ ਮਿਲ ਜਾਂਦੇ ਹਨ ਜੋ ਦਰਸ਼ਕਾਂ ਨੂੰ ਹੈਰਾਨ ਕਰ ਦਿੰਦੇ ਹਨ। ਕਈ ਵਾਰ ਬੱਲੇਬਾਜ਼ ਅਜੀਬ ਤਰੀਕੇ ਨਾਲ ਵਿਕਟ ਗੁਆ ਦਿੰਦੇ ਹਨ ਜੋ ਬਾਅਦ ਵਿਚ ਚਰਚਾ ਦਾ ਵਿਸ਼ਾ ਬਣ ਜਾਂਦੇ ਹਨ। ਜੇ. ਐੱਲ. ਟੀ. ਸ਼ੇਫੀਲਡ ਵਿਚ ਪੱਛਮੀ ਆਸਟਰੇਲੀਆ ਅਤੇ ਨਿਊ ਸਾਊਥ ਵੇਲਸ ਵਿਚਾਲੇ ਮੈਚ ਦੇ ਚੌਥੇ ਦਿਨ ਵੀ ਅਜਿਹਾ ਹੀ ਕੁਝ ਦੇਖਣ ਨੂੰ ਮਿਲਿਆ ਜਿੱਥੇ ਇਕ ਬੱਲੇਬਾਜ਼ ਅਜੀਬ ਤਰੀਕੇ ਨਾਲ ਆਊਟ ਹੋਇਆ ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋਇਆ।
ਸ਼ਾਟ ਮਾਰਨ ਤੋਂ ਬਾਅਦ ਹੈਲਮੈਟ 'ਤੇ ਲੱਗੀ ਗੇਂਦ
ਪੱਛਮੀ ਆਸਟਰੇਲੀਆ ਦੇ ਬੱਲੇਬਾਜ਼ ਹਿਲਟਨ ਕਾਰਟਰਾਈਟ ਕਾਫੀ ਸਲੋਅ ਖੇਡ ਰਹੇ ਸੀ। 45 ਗੇਂਦਾਂ ਖੇਡ ਕੇ ਉਸ ਨੇ ਸਿਰਫ 3 ਦੌੜਾਂ ਲਈਆਂ ਸੀ। ਜੈਸ਼ਨ ਸੰਗਾ ਦੀ ਲੈਗ ਸਪਿਨ ਗੇਂਦ 'ਤੇ ਉਸ ਨੇ ਸ਼ਾਟ ਖੇਡਣ ਦਾ ਸੋਚਿਆ ਪਰ ਉਹ ਆਊਟ ਹੋ ਗਏ। ਬੱਲੇਬਾਜ਼ ਹਿਲਟਨ ਕਾਰਟਰਾਈਟ ਨੇ ਤੇਜ਼ ਬੱਲਾ ਘੁਮਾਉਂਦਿਆਂ ਆਨ ਸਾਈਡ ਵੱਲ ਸ਼ਾਟ ਖੇਡਿਆ। ਉੱਥੇ ਫੀਲਡਰ ਲਾਰਕਿਨ ਖੜੇ ਸੀ ਜਿਸ ਦੇ ਹੈਲਮੈਟ 'ਤੇ ਜ਼ੋਰ ਨਾਲ ਗੇਂਦ ਲੱਗੀ। ਗੇਂਦ ਹੈਲਮੈਟ 'ਤੇ ਲੱਗਣ ਤੋਂ ਬਾਅਦ ਉੱਛਲ ਗਈ ਅਤੇ ਗੇਂਦਬਾਜ਼ ਨੇ ਕੈਚ ਕਰ ਹਿਲਟਨ ਨੂੰ ਪਵੇਲੀਅਨ ਭੇਜ ਦਿੱਤਾ।
ਹੈਲਮੈਟ ਨੇ ਕੀਤਾ ਬਚਾਅ
ਉੱਥੇ ਹੀ ਇਸ ਮੈਚ ਵਿਚ ਨਿਊ ਸਾਊਥ ਵੇਲਸ ਨੂੰ ਭਾਂਵੇ ਹਿਲਟਨ ਦਾ ਵਿਕਟ ਮਿਲ ਗਿਆ ਪਰ ਫੀਲਡਰ ਦੇ ਹੈਲਮੈਟ 'ਤੇ ਗੇਂਦ ਲੱਗਣ ਤੋਂ ਬਾਅਦ ਸਾਰੇ ਡਰ ਗਏ ਸੀ। ਲਾਰਕਿਨ ਥੋੜੀ ਦੇਰ ਲਈ ਘਬਰਾਏ ਲੱਗ ਰਹੇ ਸੀ ਜਿਸ ਤੋਂ ਬਾਅਦ ਮੈਡੀਕਲ ਸਟਾਫ ਮੈਦਾਨ 'ਤੇ ਆ ਗਿਆ। ਬਾਅਦ ਵਿਚ ਲਾਰਕਿਨ ਦਾ ਹੈਲਮੈਟ ਬਦਲਿਆ ਗਿਆ। ਦੱਸਣਯੋਗ ਹੈ ਕਿ ਜੇਕਰ 2017 ਤੋਂ ਪਹਿਲਾਂ ਅਜਿਹੀ ਘਟਨਾ ਹੁੰਦੀ ਤਾਂ ਬੱਲੇਬਾਜ਼ ਆਊਟ ਨਹੀਂ ਸਗੋਂ ਗੇਂਦ ਨੂੰ ਡੈਡ ਕਰਾਰ ਦਿੱਤਾ ਜਾਂਦਾ ਪਰ ਫਿਲਿਪ ਹਿਊਜ਼ ਦੀ ਮੌਤ ਤੋਂ ਬਾਅਦ ਇਸ ਨਿਯਮ 'ਚ ਬਦਲਾਅ ਕੀਤਾ ਗਿਆ। ਆਸਟਰੇਲੀਆਈ ਕ੍ਰਿਕਟ ਨੇ 2016-17 ਵਿਚ ਇਹ ਨਿਯਮ ਬਦਲਿਆ ਜਿਸ ਤੋਂ ਬਾਅਦ ਕੌਮਾਂਤਰੀ ਕ੍ਰਿਕਟ ਨੇ ਵੀ ਇਸ ਨੂੰ ਪਾਸ ਕਰ ਦਿੱਤਾ।
ਕੀ ਧੋਨੀ ਅੱਜ ਭਾਰਤ ਲਈ ਖੇਡਣ ਵਾਲੇ ਹਨ ਆਪਣਾ ਆਖ਼ਰੀ ਟੀ-20 ਮੈਚ, ਜਾਣੋ ਕਾਰਨ
NEXT STORY 
