ਨਵੀਂ ਦਿੱਲੀ : ਭਾਰਤ ਦੇ ਚੋਟੀ ਦੀ ਰੈਂਕਿੰਗ ਵਾਲੇ ਸਿੰਗਲਜ਼ ਟੈਨਿਸ ਖਿਡਾਰੀ ਸੁਮਿਤ ਨਾਗਲ DLTA ਵਿਖੇ 16 ਤੋਂ 22 ਫਰਵਰੀ ਤੱਕ ਹੋਣ ਵਾਲੇ ਦਿੱਲੀ ਓਪਨ ਏਟੀਪੀ ਚੈਲੇਂਜਰ ਟੂਰਨਾਮੈਂਟ ਵਿੱਚ ਭਾਰਤੀ ਚੁਣੌਤੀ ਦੀ ਅਗਵਾਈ ਕਰਨਗੇ। ਇਸ ਟੂਰਨਾਮੈਂਟ ਦੇ ਸਿੰਗਲਜ਼ ਮੁੱਖ ਡਰਾਅ ਵਿੱਚ ਸਿੱਧਾ ਪ੍ਰਵੇਸ਼ ਪਾਉਣ ਵਾਲੇ ਨਾਗਲ ਇਕੱਲੇ ਭਾਰਤੀ ਖਿਡਾਰੀ ਹਨ ਅਤੇ ਉਹ ਘਰੇਲੂ ਹਾਲਾਤ ਦਾ ਫਾਇਦਾ ਉਠਾਉਣ ਦੀ ਕੋਸ਼ਿਸ਼ ਕਰਨਗੇ।
ਇਸ ਵੱਕਾਰੀ ਟੂਰਨਾਮੈਂਟ ਵਿੱਚ ਬ੍ਰਿਟੇਨ ਦੇ ਜੇ ਕਲਾਰਕ, ਜਾਪਾਨ ਦੇ ਰੇਈ ਸਾਕਾਮੋਤੋ ਤੇ ਰੀਓ ਨੋਗੁਚੀ ਅਤੇ ਕਜ਼ਾਕਿਸਤਾਨ ਦੇ ਬੇਇਬਿਤ ਝੁਕਾਯੇਵ ਵਰਗੇ ਅੰਤਰਰਾਸ਼ਟਰੀ ਖਿਡਾਰੀ ਵੀ ਆਪਣੀ ਖੇਡ ਦਾ ਪ੍ਰਦਰਸ਼ਨ ਕਰਨਗੇ। ਭਾਰਤ ਦੇ ਹੋਣਹਾਰ ਨੌਜਵਾਨ ਖਿਡਾਰੀ ਮਾਨਸ ਧਾਮਨੇ ਅਤੇ ਕਰਨ ਸਿੰਘ 15 ਫਰਵਰੀ ਨੂੰ ਸਿੰਗਲਜ਼ ਕੁਆਲੀਫਾਇਰ ਮੈਚ ਖੇਡਣਗੇ।
ਡੀਐਲਟੀਏ (DLTA) ਦੇ ਪ੍ਰਧਾਨ ਰੋਹਿਤ ਰਾਜਪਾਲ ਨੇ ਟੂਰਨਾਮੈਂਟ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਦਿੱਲੀ ਓਪਨ ਇਸ ਖੇਤਰ ਦਾ ਸਭ ਤੋਂ ਪ੍ਰਤੀਯੋਗੀ ਅਤੇ ਪੇਸ਼ੇਵਰ ਚੈਲੰਜਰ ਟੂਰਨਾਮੈਂਟ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਟੂਰਨਾਮੈਂਟ ਨੇ ਭਾਰਤ ਨੂੰ ਕਈ ਸ਼ਾਨਦਾਰ ਖਿਡਾਰੀ ਦਿੱਤੇ ਹਨ ਅਤੇ ਇਹ ਡੀਐਲਟੀਏ ਵਿੱਚ ਸਿਖਲਾਈ ਲੈ ਰਹੇ ਨੌਜਵਾਨ ਖਿਡਾਰੀਆਂ ਲਈ ਭਵਿੱਖ ਵਿੱਚ ਇੱਕ ਵੱਡੀ ਪ੍ਰੇਰਨਾ ਸਾਬਤ ਹੋਵੇਗਾ।
ਹੇਟਮਾਇਰ ਨੇ ਤੋੜਿਆ ਗੇਲ ਦਾ 17 ਸਾਲ ਪੁਰਾਣਾ ਰਿਕਾਰਡ, T20 ਵਿਸ਼ਵ ਕੱਪ 'ਚ ਕੀਤਾ ਇਹ ਕਾਰਨਾਮਾ
NEXT STORY 
