ਨਵੀਂ ਦਿੱਲੀ : ਟੀਮ ਇੰਡੀਆ ਦੇ ਖਿਡਾਰੀਆਂ ਨੇ ਬੰਗਲਾਦੇਸ਼ ਖ਼ਿਲਾਫ਼ 19 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੀ 2 ਮੈਚਾਂ ਦੀ ਟੈਸਟ ਸੀਰੀਜ਼ ਲਈ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਸ ਸੀਰੀਜ਼ ਦਾ ਪਹਿਲਾ ਮੈਚ ਚੇਨਈ 'ਚ ਹੋਵੇਗਾ ਅਤੇ ਭਾਰਤੀ ਟੀਮ ਦੇ ਖਿਡਾਰੀ ਚੇਪੌਕ ਮੈਦਾਨ 'ਤੇ ਅਭਿਆਸ ਕਰ ਰਹੇ ਹਨ। ਭਾਰਤੀ ਕ੍ਰਿਕਟ ਟੀਮ ਲਈ ਇਹ ਸੀਰੀਜ਼ ਬਹੁਤ ਮਹੱਤਵਪੂਰਨ ਹੈ, ਕਿਉਂਕਿ ਉਨ੍ਹਾਂ ਕੋਲ ਬੰਗਲਾਦੇਸ਼ ਨੂੰ ਹਰਾ ਕੇ ਇਕ ਅਨੋਖਾ ਰਿਕਾਰਡ ਆਪਣੇ ਨਾਂ ਕਰਨ ਦਾ ਸੁਨਹਿਰੀ ਮੌਕਾ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਗਲੋਬਲ ਸਟਾਰ ਦਿਲਜੀਤ ਦੋਸਾਂਝ ਨੇ ਇੱਕ ਵਾਰ ਫਿਰ ਰਚਿਆ ਇਤਿਹਾਸ
ਭਾਰਤੀ ਟੀਮ ਕੋਲ ਇਤਿਹਾਸ ਰਚਣ ਦਾ ਮੌਕਾ
ਜੇਕਰ ਭਾਰਤ ਬੰਗਲਾਦੇਸ਼ ਖਿਲਾਫ ਪਹਿਲਾ ਟੈਸਟ ਮੈਚ ਜਿੱਤਦਾ ਹੈ ਤਾਂ ਇਹ ਵੱਡਾ ਰਿਕਾਰਡ ਬਣ ਜਾਵੇਗਾ। ਭਾਰਤ ਨੇ 1932 'ਚ ਟੈਸਟ ਕ੍ਰਿਕਟ 'ਚ ਆਪਣੀ ਸ਼ੁਰੂਆਤ ਤੋਂ ਬਾਅਦ ਕੁੱਲ 579 ਮੈਚ ਖੇਡੇ ਹਨ। ਇਸ 'ਚ 178 ਮੈਚ ਜਿੱਤੇ ਅਤੇ 178 ਮੈਚ ਹਾਰੇ। ਬਾਕੀ ਬਚੇ 223 ਮੈਚਾਂ 'ਚੋਂ 222 ਮੈਚ ਡਰਾਅ ਰਹੇ ਅਤੇ ਇੱਕ ਮੈਚ ਰੱਦ ਹੋ ਗਿਆ।
ਇਹ ਖ਼ਬਰ ਵੀ ਪੜ੍ਹੋ - ਫ਼ਿਲਮ 'ਅਰਦਾਸ ਸਰਬੱਤ ਦੇ ਭਲੇ ਦੀ' ਨੇ ਛੱਡਿਆ ਆਪਣਾ ਰੰਗ, ਜਾਣੋ ਕੀ ਹੈ ਲੋਕਾਂ ਦੇ ਰੀਵਿਊਜ਼
ਜੇਕਰ ਭਾਰਤ ਬੰਗਲਾਦੇਸ਼ ਖ਼ਿਲਾਫ਼ 19 ਸਤੰਬਰ ਤੋਂ ਚੇਨਈ 'ਚ ਹੋਣ ਵਾਲਾ ਪਹਿਲਾ ਟੈਸਟ ਜਿੱਤਦਾ ਹੈ ਤਾਂ ਉਹ ਟੈਸਟ ਕ੍ਰਿਕਟ 'ਚ ਹਾਰ ਤੋਂ ਜ਼ਿਆਦਾ ਜਿੱਤ ਦਰਜ ਕਰਨ ਵਾਲੀ ਪੰਜਵੀਂ ਟੀਮ ਬਣ ਜਾਵੇਗੀ। ਭਾਰਤ ਹੁਣ ਤੱਕ ਇਸ ਰਿਕਾਰਡ ਨੂੰ ਛੂਹ ਨਹੀਂ ਸਕਿਆ ਹੈ। ਜੇਕਰ ਉਹ ਇਸ ਮੀਲ ਪੱਥਰ 'ਤੇ ਪਹੁੰਚ ਜਾਂਦੇ ਹਨ ਤਾਂ 1932 ਤੋਂ ਬਾਅਦ ਯਾਨੀਕਿ 92 ਸਾਲਾਂ ਬਾਅਦ ਇਹ ਪਹਿਲੀ ਵਾਰ ਹੋਵੇਗਾ ਕਿ ਟੀਮ ਟੈਸਟ 'ਚ ਹਾਰ ਤੋਂ ਜ਼ਿਆਦਾ ਜਿੱਤੇਗੀ। ਮੌਜੂਦਾ ਸਮੇਂ 'ਚ ਟੈਸਟ ਕ੍ਰਿਕਟ ਦੇ ਇਤਿਹਾਸ 'ਚ ਸਿਰਫ਼ ਚਾਰ ਟੀਮਾਂ ਨੇ ਹਾਰ ਤੋਂ ਵੱਧ ਜਿੱਤ ਪ੍ਰਾਪਤ ਕੀਤੀ ਹੈ।
ਉਹ ਟੀਮਾਂ ਜੋ ਟੈਸਟ ਵਿੱਚ ਹਾਰ ਤੋਂ ਵੱਧ ਜਿੱਤੀਆਂ ਹਨ
- ਆਸਟਰੇਲੀਆ ਨੇ 866 ਟੈਸਟ ਮੈਚ ਖੇਡੇ ਹਨ, 414 ਜਿੱਤੇ ਹਨ ਅਤੇ 232 ਹਾਰੇ ਹਨ ਅਤੇ ਪਹਿਲੇ ਸਥਾਨ 'ਤੇ ਹੈ।
- ਇੰਗਲੈਂਡ ਨੇ 1077 ਟੈਸਟ ਮੈਚ ਖੇਡੇ ਅਤੇ 397 ਜਿੱਤਾਂ ਅਤੇ 325 ਹਾਰਾਂ ਨਾਲ ਦੂਜੇ ਸਥਾਨ 'ਤੇ ਰਿਹਾ ਹੈ।
- ਦੱਖਣੀ ਅਫਰੀਕਾ ਨੇ 466 ਟੈਸਟ ਖੇਡੇ ਹਨ, ਜਿਸ 'ਚ ਉਸ ਨੇ 179 ਮੈਚ ਜਿੱਤੇ ਹਨ ਅਤੇ 161 ਮੈਚ ਹਾਰੇ ਹਨ ਅਤੇ ਤੀਜੇ ਸਥਾਨ 'ਤੇ ਹੈ।
- ਪਾਕਿਸਤਾਨ ਨੇ 458 ਟੈਸਟ ਮੈਚਾਂ 'ਚੋਂ 148 ਜਿੱਤੇ ਹਨ ਅਤੇ 144 ਹਾਰੇ ਹਨ। ਉਹ ਫਿਲਹਾਲ ਚੌਥੇ ਸਥਾਨ 'ਤੇ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਵਿਰਾਟ ਕੋਹਲੀ ਤੇ ਹਰਭਜਨ ਸਿੰਘ ਨੇ ਗਾਇਆ ਗੁਰਦਾਸ ਮਾਨ ਦਾ ਪ੍ਰਸਿੱਧ ਗੀਤ, ਵੇਖੋ ਵੀਡੀਓ
NEXT STORY 
