ਸਪੋਰਟਸ ਡੈਸਕ : ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਕੋਹਲੀ ਤੇ ਉਨ੍ਹਾਂ ਦੀ ਪਤਨੀ ਤੇ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਭਾਰਤ ’ਚ ਸਭ ਤੋਂ ਵੱਡੇ ਸੈਲੀਬ੍ਰਿਟੀ ਕਪਲਜ਼ ’ਚੋਂ ਇਕ ਹਨ। ਹਾਲ ਹੀ ’ਚ ਕੋਹਲੀ ਨੇ ਦੱਸਿਆ ਕਿ ਅਨੁਸ਼ਕਾ ਦੀ ਕਿਹੜੀ ਫਿਲਮ ਉਸ ਦੀ ਫੇਵਰੇਟ ਹੈ। ਕੋਹਲੀ ਨੇ ਦੱਸਿਆ ਕਿ ਅਨੁਸ਼ਕਾ ਸ਼ਰਮਾ ਦੀ ਸਭ ਤੋਂ ਪਸੰਦੀਦਾ ਫਿਲਮ ਉਨ੍ਹਾਂ ਨੂੰ ‘ਐ ਦਿਲ ਏ ਮੁਸ਼ਕਿਲ’ ਲੱਗਦੀ ਹੈ। ਕੋਹਲੀ ਨੇ ਇਹ ਵੀ ਕਿਹਾ ਕਿ ਉਹ ਵੀ ਉਸ ਸਮੇਂ ਅਨੁਸ਼ਕਾ ਵੱਲੋਂ ਅਦਾ ਕੀਤੇ ਗਏ ਰੋਲ ਦੀ ਪ੍ਰਸ਼ੰਸਾ ਕਰਦੇ ਸਨ।
ਕੋਹਲੀ ਨੇ ਅੱਗੇ ਕਿਹਾ ਕਿ ਉਹ ਯੂ-ਟਿਊਬ ਖੋਲ੍ਹਦੇ ਹਨ ਤੇ ਉਹ ਦ੍ਰਿਸ਼ ਦੇਖਦੇ ਹਨ, ਜਿਥੇ ਅਨੁਸ਼ਕਾ ਨੂੰ ਕੈਂਸਰ ਹੈ ਤੇ ਰਣਬੀਰ ਕਪੂਰ ਉਸ ਨੂੰ ਦੇਖਣ ਲਈ ਸਭ ਕੁਝ ਛੱਡ ਕੇ ਵਾਪਸ ਆ ਜਾਂਦੇ ਹਨ। ਉਨ੍ਹਾਂ ਨੇ ਕਹਿੰਦਿਆਂ ਸਿੱਟਾ ਕੱਢਿਆ ਕਿ ਇਹ ਦ੍ਰਿਸ਼ ਹਮੇਸ਼ਾ ਮੇਰੇ ਦਿਲ ’ਤੇ ਉੱਕਰਿਆ ਰਹੇਗਾ।
ਕੋਹਲੀ ਨੇ ਇਕ ਮੀਡੀਆ ਹਾਊਸ ਨਾਲ ਗੱਲਬਾਤ ਦੌਰਾਨ ਕਿਹਾ, ‘ਐ ਦਿਲ ਹੈ ਮੁਸ਼ਕਿਲ’ ਮੇਰੀ ਫੇਵਰੇਟ ਫਿਲਮ ਹੈ। ਮੇਰੇ ਲਈ ਉਹ ਕਿਰਦਾਰ ਹੁਣ ਤਕ ਦਾ ਮੇਰਾ ਸਭ ਤੋਂ ਪਸੰਦੀਦਾ ਕਿਰਦਾਰ ਹੈ। ਮੇਰਾ ਮਤਲਬ ਹੈ ਕਿ ਮੈਂ ਹੁਣ ਵੀ ਉਸ ਦੀ ਇਸ ਰੋਲ ਲਈ ਤਾਰੀਫ਼ ਕਰਦਾ ਹਾਂ। ਕਦੀ-ਕਦੀ ਮੈਂ ਬੈਠ ਕੇ ਯੂ-ਟਿਊਬ ਖੋਲ੍ਹਦਾ ਹਾਂ ਤੇ ਉਸ ਸੀਕਵੈਂਸ ਨੂੰ ਦੇਖਦਾ ਹਾਂ, ਜਦੋਂ ਉਸ ਨੂੰ (ਅਨੁਸ਼ਕਾ) ਕੈਂਸਰ ਹੈ ਤੇ ਰਣਬੀਰ (ਕਪੂਰ) ਵਾਪਸ ਆਉਂਦਾ ਹੈ....। ਉਹ ਗੀਤ ਮੇਰੇ ਦਿਲ ’ਚ ਵਸਿਆ ਹੈ, ਇਹ ਕਦੀ ਵੀ ਦੂਰ ਨਹੀਂ ਹੋਵੇਗਾ।
ਜ਼ਿਕਰਯੋਗ ਹੈ ਕਿ ਭਾਰਤੀ ਕਪਤਾਨ ਇੰਗਲੈਂਡ ਦੌਰੇ ’ਤੇ ਜਾਣ ਲਈ ਤਿਆਰ ਹਨ ਤੇ ਟੀਮ 2 ਜੂਨ ਨੂੰ ਲੰਡਨ ਲਈ ਰਵਾਨਾ ਹੋਵੇਗੀ। ਇੰਗਲੈਂਡ ਦੌਰੇ ’ਤੇ ਪਹਿਲਾਂ 18-22 ਜੂਨ ਤਕ ਨਿਊਜ਼ੀਲੈਂਡ ਨਾਲ ਵਰਲਡ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਤੇ ਫਿਰ ਅਗਸਤ ਤੋਂ ਸਤੰਬਰ ਦੇ ਵਿਚਾਲੇ ਤਕ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡੀ ਜਾਵੇਗੀ।
ਟੀ-20 ਇੰਟਰਨੈਸ਼ਨਲ ਦੇ ਸਭ ਤੋਂ ਵੱਡੇ ਰਿਕਾਰਡ, ਜਾਣੋ ਛੱਕੇ ਲਾਉਣ ’ਚ ਕਿਹੜੀ ਟੀਮ ਹੈ ਨੰਬਰ-1
NEXT STORY 
