ਕੋਲੰਬੋ : ਸ਼੍ਰੀਲੰਕਾ ਕ੍ਰਿਕਟ ਟੀਮ ਦੇ ਆਲਰਾਊਂਡਰ ਖਿਡਾਰੀ ਥਿਸਾਰਾ ਪਰੇਰਾ ਸ਼੍ਰੀਲੰਕਾ ਆਰਮੀ ਵਿਚ ਸ਼ਾਮਲ ਹੋ ਗਏ ਹਨ। ਪਰੇਰਾ ਨੇ ਮੇਜਰ ਅਹੁਦੇ 'ਤੇ ਗਜਾਬਾ ਰੈਜੀਮੈਂਟ ਜੁਆਈਨ ਕੀਤਾ ਹੈ। 30 ਸਾਲਾ ਪਰੇਰਾ ਨੇ ਟਵਿੱਟਰ 'ਤੇ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ। ਉਸਨੇ ਕਿਹਾ ਕਿ ਆਰਮੀ ਕਮਾਂਡਰ ਲੈਫਟੀਨੈਂਟ ਜਰਨਲ ਸ਼ਿਵੇਂਦਰ ਸਿਲਵਾ ਦੇ ਸੱਦੇ 'ਤੇ ਉਸ ਨੇ ਆਰਮੀ ਜੁਆਈਨ ਕੀਤੀ ਹੈ। ਕੋਲੰਬੋ ਗੈਜੇਟ ਦੀ ਰਿਪੋਰਟ ਮੁਤਾਬਕ ਪਰੇਰਾ ਨੂੰ ਗਜਾਬਾ ਰੈਜੀਮੈਂਟ ਵਿਚ ਮੇਜਰ ਅਹੁਦੇ 'ਤੇ ਨਿਯੁਕਤ ਕੀਤਾ ਗਿਆ ਹੈ। ਉਸ ਨੇ ਰਸਮੀ ਤੌਰ 'ਤੇ ਸ਼੍ਰੀਲੰਕਾ ਆਰਮੀ ਵਾਲਿੰਟੀਅਰ ਫੋਰਸ ਵਿਚ ਸ਼ਾਮਲ ਕਰ ਲਿਆ ਗਿਆ ਹੈ।
ਸਾਬਕਾ ਕਪਤਾਨ ਦਿਨੇਸ਼ ਚੰਡੀਮਲ ਨੇ ਵੀ ਇਸ ਸਾਲ ਦੀ ਸ਼ੁਰੂਆਤ ਵਿਚ ਸ਼੍ਰੀਲੰਕਾ ਆਰਮੀ ਵਾਲਿੰਟੀਅਰ ਫੋਰਸ ਜੁਆਈਨ ਕੀਤੀ ਸੀ। ਉਸ ਨੇ ਆਰਮੀ ਕ੍ਰਿਕਟ ਟੀਮ ਵੱਲੋਂ ਖੇਡਣ ਲਈ ਇਹ ਪ੍ਰਸਤਾਵ ਮੰਜ਼ੂਰ ਕੀਤਾ ਹੈ। 30 ਸਾਲਾ ਪਰੇਰਾ ਨੇ ਸ਼੍ਰੀਲੰਕਾ ਲਈ 6 ਟੈਸਟ, 161 ਵਨ ਡੇ ਅਤੇ 79 ਟੀ-20 ਮੈਚ ਖੇਡੇ ਹਨ। ਟੈਸਟ ਵਿਚ ਉਸ ਨੇ 203, ਵਨ ਡੇ ਵਿਚ 2210 ਅਤੇ ਟੀ-20 ਵਿਚ 1169 ਦੌੜਾਂ ਬਣਾਈਆਂ ਹਨ।
Big Bash League : ਪੀਟਰ ਸਿਡਲ ਨੇ ਬਿਨਾ ਦੇਖੇ ਖਵਾਜਾ ਨੂੰ ਕੀਤਾ ਰਨਆਊਟ, Video ਵਾਇਰਲ
NEXT STORY