ਥੁਥੀਪੇਟ (ਪੁਡੂਚੇਰੀ), (ਭਾਸ਼ਾ)- ਖੱਬੇ ਹੱਥ ਦੇ ਸਪਿਨਰ ਵੰਸ਼ਜ ਸ਼ਰਮਾ ਨੇ ਆਪਣੇ ਡੈਬਿਊ ਮੈਚ ਵਿਚ 10 ਵਿਕਟਾਂ ਲੈਣ ਦਾ ਕਾਰਨਾਮਾ ਦਿਖਾਇਆ, ਜਿਸ ਨਾਲ ਰਣਜੀ ਟਰਾਫੀ ਗਰੁੱਪ ਡੀ ਦੇ ਮੈਚ ਵਿਚ ਜੰਮੂ-ਕਸ਼ਮੀਰ ਐਤਵਾਰ ਨੂੰ ਇੱਥੇ ਪੁਡੂਚੇਰੀ ਖਿਲਾਫ 19 ਦੌੜਾਂ ਨਾਲ ਜਿੱਤ ਦਰਜ ਕਰਨ 'ਚ ਸਫਲ ਰਹੀ। ਪੁਡੂਚੇਰੀ ਨੇ ਸਵੇਰੇ ਆਪਣੀ ਦੂਜੀ ਪਾਰੀ ਸੱਤ ਵਿਕਟਾਂ 'ਤੇ 35 ਦੌੜਾਂ 'ਤੇ ਅੱਗੇ ਵਧਾਈ ਪਰ ਉਸਦੀ ਪੂਰੀ ਟੀਮ 35.3 ਓਵਰਾਂ ਵਿੱਚ 67 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਵੰਸ਼ਜ ਨੇ ਪੁਡੂਚੇਰੀ ਦੀਆਂ ਬਾਕੀ ਤਿੰਨ ਵਿਕਟਾਂ ਲਈਆਂ।
ਵੰਸ਼ਜ ਨੇ ਪਹਿਲੀ ਪਾਰੀ 'ਚ 74 ਦੌੜਾਂ 'ਤੇ ਪੰਜ ਵਿਕਟਾਂ ਲਈਆਂ ਜਦਕਿ ਦੂਜੀ ਪਾਰੀ 'ਚ 16 ਦੌੜਾਂ 'ਤੇ ਪੰਜ ਵਿਕਟਾਂ ਲਈਆਂ। ਜੰਮੂ-ਕਸ਼ਮੀਰ ਦੇ ਇੱਕ ਹੋਰ ਖੱਬੇ ਹੱਥ ਦੇ ਸਪਿਨਰ ਆਬਿਦ ਮੁਸ਼ਤਾਕ ਨੇ ਵੀ ਮੈਚ ਵਿੱਚ 10 ਵਿਕਟਾਂ ਲਈਆਂ। ਪਹਿਲੀ ਪਾਰੀ ਵਿੱਚ 64 ਦੌੜਾਂ ਦੇ ਕੇ ਪੰਜ ਵਿਕਟਾਂ ਲੈਣ ਵਾਲੇ ਮੁਸ਼ਤਾਕ ਨੇ ਦੂਜੀ ਪਾਰੀ ਵਿੱਚ 28 ਦੌੜਾਂ ਦੇ ਕੇ ਪੰਜ ਵਿਕਟਾਂ ਲਈਆਂ। ਜੰਮੂ-ਕਸ਼ਮੀਰ ਨੇ ਇਸ ਤਰ੍ਹਾਂ ਆਪਣੀ ਅਜੇਤੂ ਮੁਹਿੰਮ ਜਾਰੀ ਰੱਖੀ। ਇਸ ਦੇ ਹੁਣ 18 ਅੰਕ ਹੋ ਗਏ ਹਨ ਅਤੇ ਬੜੌਦਾ ਅਤੇ ਮੱਧ ਪ੍ਰਦੇਸ਼ ਤੋਂ ਬਾਅਦ ਤੀਜੇ ਸਥਾਨ 'ਤੇ ਪਹੁੰਚ ਗਿਆ ਹੈ। ਪੁਡੂਚੇਰੀ ਦੇ 15 ਅੰਕ ਹਨ ਅਤੇ ਉਸ ਦੇ ਨਾਕਆਊਟ 'ਚ ਪਹੁੰਚਣ ਦੀਆਂ ਉਮੀਦਾਂ ਲਗਭਗ ਖਤਮ ਹੋ ਗਈਆਂ ਹਨ।
ਹਾਈ ਜੰਪਰ ਤੇਜਸਵਿਨ ਸ਼ੰਕਰ ਨੇ ਜਿੱਤਿਆ ਸੋਨਾ
NEXT STORY 
