ਵਾਸ਼ਿੰਗਟਨ—ਸੰਘੀ ਖਰਚ ਬਿੱਲ ਪਾਸ ਕੀਤੇ ਬਿਨ੍ਹਾਂ ਅਤੇ ਮੈਕਸਿਕੋ ਸੀਮਾ 'ਤੇ ਦੀਵਾਰ ਦੇ ਨਿਰਮਾਣ ਲਈ ਧਨ ਮੁਹੱਈਆ ਕਰਵਾਉਣ ਦੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਮੰਗ ਦਾ ਹੱਲ ਕੀਤੇ ਬਿਨ੍ਹਾਂ ਅਮਰੀਕੀ ਕਾਂਗਰਸ ਦੀ ਕਾਰਵਾਈ ਸ਼ੁੱਕਰਵਾਰ ਨੂੰ ਮੁਅੱਤਲ ਹੋ ਜਾਣ ਤੋਂ ਬਾਅਦ ਸ਼ਨੀਵਾਰ ਨੂੰ ਅਮਰੀਕਾ 'ਚ ਸਰਕਾਰੀ ਕੰਮਕਾਜ ਅੰਸ਼ਕ ਤੌਰ 'ਤੇ ਠੱਪ ਹੋ ਗਿਆ ਹੈ। ਇਸ ਸਾਲ ਤੀਜੀ ਵਾਰ ਅਮਰੀਕਾ 'ਚ ਸਰਕਾਰੀ ਕੰਮਕਾਜ ਠੱਪ ਹੋਇਆ ਹੈ। ਸ਼ਨੀਵਾਰ ਨੂੰ ਸਵੇਰੇ 12 ਵੱਜ ਕੇ ਇਕ ਮਿੰਟ 'ਤੇ ਕਈ ਮਹੱਤਵਪੂਰਨ ਏਜੰਸੀਆਂ ਦਾ ਕੰਮਕਾਜ ਬੰਦ ਹੋ ਗਿਆ। ਇਸ ਤੋਂ ਪਹਿਲਾਂ ਕੈਪੀਟਲ ਹਿਲ 'ਚ ਵ੍ਹਾਈਟ ਹਾਊਸ ਦੇ ਅਧਿਕਾਰੀਆਂ ਅਤੇ ਅਮਰੀਕੀ ਕਾਂਗਰਸ ਦੇ ਦੋਵਾਂ ਦਲਾਂ ਦੇ ਨੇਤਾਵਾਂ ਦੇ ਵਿਚਕਾਰ ਆਖਰੀ ਪਲ ਤੱਕ ਚੱਲੀ ਗੱਲਬਾਤ 'ਚ ਵਿੱਤਪੋਸ਼ਣ ਨੂੰ ਲੈ ਕੇ ਕੋਈ ਸਹਿਮਤੀ ਨਹੀਂ ਬਣ ਪਾਈ। ਵਰਣਨਯੋਗ ਹੈ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਮੈਕਸਿਕੋ-ਅਮਰੀਕਾ ਸੀਮਾ 'ਤੇ ਦੀਵਾਰ ਦੇ ਨਿਰਮਾਣ ਲਈ 5 ਅਰਬ ਅਮਰੀਕੀ ਡਾਲਰ ਦੀ ਮੰਗ ਕਰ ਰਹੇ ਹਨ ਪਰ ਵਿਰੋਧੀ ਡੈਮੋਕ੍ਰੇਟਿਵ ਪਾਰਟੀ ਦੇ ਨੇਤਾ ਇਸ ਦਾ ਵਿਰੋਧ ਕਰ ਰਹੇ ਹਨ। ਹਾਲਾਂਕਿ ਸੰਸਦ ਦੇ ਹੇਠਲੇ ਸਦਨ ਹਾਊਸ ਆਫ ਰਿਪ੍ਰਜੈਂਟੇਟਿਵਸ 'ਚ ਇਸ ਦੇ ਲਈ 5.7 ਅਰਬ ਡਾਲਰ ਦਾ ਅਨੁਰੋਧ ਸਵੀਕਾਰ ਕਰ ਉਸ ਨੂੰ ਪਾਸ ਕਰ ਦਿੱਤਾ ਪਰ ਉੱਚ ਸਦਨ ਸੀਨੇਟ ਤੋਂ ਇਸ ਦੇ ਰੱਦ ਹੋਣ ਦੀ ਪੂਰੀ ਸੰਭਾਵਨਾ ਹੈ।
ਵ੍ਹਾਈਟ ਹਾਊਸ ਦਾ ਕਹਿਣਾ ਹੈ ਕਿ ਜੇਕਰ ਇਹ ਪ੍ਰਸਤਾਵ ਸੀਨੇਟ 'ਚ ਪਾਸ ਨਹੀਂ ਹੁੰਦਾ ਤਾਂ ਸੰਘੀ ਸਰਕਾਰ ਦੇ 8,00,000 ਤੋਂ ਜ਼ਿਆਦਾ ਕਰਮਚਾਰੀਆਂ ਨੂੰ ਤਨਖਾਹ ਨਹੀਂ ਮਿਲੇਗੀ ਅਤੇ ਉਨ੍ਹਾਂ ਨੂੰ ਬਿਨ੍ਹਾਂ ਤਨਖਾਹ ਦੇ ਹੀ ਕੰਮ ਕਰਨਾ ਹੋਵੇਗਾ। ਉਨ੍ਹਾਂ ਨੂੰ ਜਿਸ ਨਿਧੀ ਨਾਲ ਤਨਖਾਹ ਮਿਲਦੀ ਹੈ ਉਸ ਦੀ ਮਿਆਦ ਸ਼ੁੱਕਰਵਾਰ ਨੂੰ ਖਤਮ ਹੋ ਰਹੀ ਹੈ। ਰਾਸ਼ਟਰਪਤੀ ਟਰੰਪ ਨੇ ਸਪੱਸ਼ਟ ਕੀਤਾ ਸੀ ਕਿ ਜਦੋਂ ਤੱਕ ਦੀਵਾਰ ਬਣਾਉਣ ਲਈ ਧਨ ਨਹੀਂ ਮਿਲ ਜਾਂਦਾ ਹੈ ਉਹ ਕਰਮਚਾਰੀਆਂ ਦੀ ਤਨਖਾਹ ਵਧਾਉਣ ਸੰਬੰਧੀ ਬਿੱਲ 'ਤੇ ਹਸਤਾਖਰ ਨਹੀਂ ਕਰਨਗੇ। ਵਰਣਨਯੋਗ ਹੈ ਕਿ ਕੰਜਰਵੇਟਿਵ ਸਮਰਥਕ ਹਰ ਹਾਲ 'ਚ ਦੀਵਾਰ ਦਾ ਕੰਮ ਪੂਰਾ ਕਰਨਾ ਚਾਹੁੰਦੇ ਹਨ। ਉਨ੍ਹਾਂ ਨੇ ਟਰੰਪ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਦੀਵਾਰ ਬਣਾਉਣ ਦੇ ਵਾਅਦੇ ਤੋਂ ਵਾਰ-ਵਾਰ ਮੁਕਰਨਾ ਨਾ ਸਿਰਫ ਉਨ੍ਹਾਂ ਲਈ ਸਗੋਂ ਕਿਸੇ ਹੋਰ ਰਿਪਬਲਿਕਨ ਉਮੀਦਵਾਰ ਦੇ ਲਈ ਵੀ 2020 'ਚ ਰਾਸ਼ਟਰਪਤੀ ਚੋਣ ਜਿੱਤਣ 'ਚ ਮੁਸ਼ਕਿਲ ਪੈਦਾ ਕਰ ਸਕਦਾ ਹੈ।
ਅਮਰੀਕਾ : 2018 ਦੀ ਚੋਣ ਪ੍ਰਕਿਰਿਆ 'ਚ ਵਿਦੇਸ਼ੀ ਦਖਲ ਦੇ ਨਹੀਂ ਮਿਲੇ ਸਬੂਤ
NEXT STORY 
