ਨਿਊਯਾਰਕ (ਭਾਸ਼ਾ)- ਨਿਊਯਾਰਕ ਵਿਚ ਜ਼ਖ਼ਮੀ ਕਰਮਚਾਰੀਆਂ ਦੀ ਡਾਕਟਰੀ ਦੇਖਭਾਲ ਕਰਨ ਵਾਲੇ ਡਾਕਟਰਾਂ ਤੋਂ 10 ਲੱਖ ਡਾਲਰ ਦੀ ਠੱਗੀ ਮਾਰਨ ਦੇ ਇਰਾਦੇ ਨਾਲ ਮੈਡੀਕਲ ਬਿੱਲ ਦੇਣ ਵਾਲੇ ਭਾਰਤੀ ਮੂਲ ਦੇ 61 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਨਿਊਯਾਰਕ ਦੇ ਅਟਾਰਨੀ ਜਨਰਲ ਲੈਟੀਆ ਜੇਮਸ ਨੇ ਘੋਸ਼ਣਾ ਕੀਤੀ ਕਿ ਬੁੱਧਵਾਰ ਨੂੰ ਅਮਰੀਸ਼ ਪਟੇਲ ਅਤੇ ਉਨ੍ਹਾਂ ਦੀਆਂ 2 ਕੰਪਨੀਆਂ - 'ਮੇਡਲਿੰਕ ਸਰਵਿਸਿਜ਼' ਅਤੇ 'ਮੇਡਲਿੰਕ ਪਾਰਟਨਰਜ਼' - ਨੂੰ ਜਨਵਰੀ 2012 ਤੋਂ ਜਨਵਰੀ 2019 ਤੱਕ ਕਥਿਤ ਤੌਰ 'ਤੇ ਚੋਰੀ ਕਰਨ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ।
ਇਹ ਵੀ ਪੜ੍ਹੋ: ਸੋਮਾਲੀਆ ਨੇੜੇ ਹਾਈਜੈਕ ਹੋਇਆ ਕਾਰਗੋ ਜਹਾਜ਼, 15 ਭਾਰਤੀ ਕਰੂ ਮੈਂਬਰ ਹਨ ਸਵਾਰ
ਪਟੇਲ ਅਤੇ ਉਨ੍ਹਾਂ ਦੀਆਂ ਕੰਪਨੀਆਂ 'ਤੇ ਬੀਮਾ ਧੋਖਾਧੜੀ, ਵੱਡੀ ਚੋਰੀ, ਧੋਖਾਧੜੀ, ਕਾਰੋਬਾਰੀ ਰਿਕਾਰਡ ਵਿਚ ਜਾਅਲਸਾਜੀ ਅਤੇ ਕਰਮਚਾਰੀਆਂ ਦੇ ਮੁਆਵਜ਼ੇ ਵਿਚ ਧੋਖਾਧੜੀ ਦੇ ਦੋਸ਼ ਲੱਗੇ ਹਨ। ਨਿਊਯਾਰਕ ਅਟਾਰਨੀ ਜਨਰਲ ਦੇ ਦਫ਼ਤਰ ਦੇ ਅਨੁਸਾਰ 100,000 ਡਾਲਰ ਦਾ ਬਾਂਡ ਭਰਨ ਤੋਂ ਬਾਅਦ ਪਟੇਲ ਨੂੰ ਇਲੈਕਟ੍ਰਾਨਿਕ ਨਿਗਰਾਨੀ ਨਾਲ ਰਿਹਾਅ ਕੀਤਾ ਗਿਆ। ਬਰੁਕਲਿਨ ਦੇ ਆਰਥੋਪੀਡਿਕ ਸਰਜਰੀ ਪ੍ਰੈਕਟਿਸ ਨੂੰ ਬਿੱਲ ਸੇਵਾ ਪ੍ਰਦਾਨ ਕਰਨ ਵਾਲੇ ਪਟੇਲ ਨੇ ਕਰਮਚਾਰੀਆਂ ਦੇ ਮੁਆਵਜ਼ੇ ਦੀ ਅਦਾਇਗੀ ਤੋਂ ਘੱਟੋ-ਘੱਟ 11 ਲੱਖ ਡਾਲਰ ਦੀ ਚੋਰੀ ਕਰਨ ਲਈ ਨਿਊਯਾਰਕ ਸਟੇਟ ਇੰਸ਼ੋਰੈਂਸ ਫੰਡ ਵਿੱਚ ਫਰਜ਼ੀ ਦਾਅਵੇ ਪੇਸ਼ ਕੀਤੇ।
ਇਹ ਵੀ ਪੜ੍ਹੋ: ਇੰਡੋਨੇਸ਼ੀਆ 'ਚ 2 ਟਰੇਨਾਂ ਵਿਚਾਲੇ ਹੋਈ ਭਿਆਨਕ ਟੱਕਰ, 4 ਹਲਾਕ
ਨਿਊਯਾਰਕ ਸਟੇਟ ਇੰਸ਼ੋਰੈਂਸ ਫੰਡ ਦੇ ਕਾਰਜਕਾਰੀ ਨਿਰਦੇਸ਼ਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਗੌਰਵ ਵਸ਼ਿਸ਼ਟ ਨੇ ਕਿਹਾ, "ਕਰਮਚਾਰੀਆਂ ਦੀ ਮੁਆਵਜ਼ਾ ਪ੍ਰਣਾਲੀ ਵਿੱਚ ਧੋਖਾਧੜੀ ਭਰੋਸੇ ਲਈ ਵਿਨਾਸ਼ਕਾਰੀ ਹੈ ਅਤੇ ਮੈਡੀਕਲ ਸਪਲਾਇਰਾਂ, ਕੈਰੀਅਰਾਂ, ਕਾਰੋਬਾਰਾਂ ਅਤੇ ਜ਼ਖ਼ਮੀ ਕਰਮਚਾਰੀਆਂ ਸਮੇਤ ਪੂਰੀ ਪ੍ਰਣਾਲੀ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ।" ਪਟੇਲ ਅਤੇ ਉਸ ਦੀਆਂ ਕੰਪਨੀਆਂ 2011 ਤੋਂ ਬਰੁਕਲਿਨ ਆਰਥੋਪੀਡਿਕ ਸਰਜਰੀ ਪ੍ਰੈਕਟਿਸ ਲਈ ਬਿਲਿੰਗ ਸੇਵਾ ਸੰਭਾਲ ਰਹੀਆਂ ਹਨ। ਪਟੇਲ ਅਤੇ ਉਸਦੀਆਂ ਕੰਪਨੀਆਂ 'ਨਿਊਯਾਰਕ ਸਟੇਟ ਵਰਕਰਜ਼ ਕੰਪਨਸੇਸ਼ਨ ਲਾਅ' ਦੇ ਤਹਿਤ ਕੰਮ ਦੌਰਾਨ ਕਰਮਚਾਰੀਆਂ ਦੇ ਜ਼ਖ਼ਮੀ ਹੋ ਜਾਣ 'ਤੇ ਉਨ੍ਹਾਂ ਦੀ ਸਰਜਰੀ ਲਈ ਬਿੱਲ ਦੇਣ ਲਈ ਜ਼ਿੰਮੇਵਾਰ ਸਨ।
ਇਹ ਵੀ ਪੜ੍ਹੋ: ਸੁਣਵਾਈ ਦੌਰਾਨ ਦੋਸ਼ੀ ਨੇ ਮਹਿਲਾ ਜੱਜ 'ਤੇ ਕੀਤਾ ਹਮਲਾ, ਮਚੀ ਹਫੜਾ-ਦਫੜੀ (ਵੀਡੀਓ)
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Elon Musk ਸਮੇਤ ਕਈ ਅਮਰੀਕੀ ਕਾਰੋਬਾਰੀ ਅਲ-ਕਾਇਦਾ ਦੇ ਨਿਸ਼ਾਨੇ 'ਤੇ? ਜਾਣੋ ਕੀ ਹੈ ਗੁਪਤ ਯੋਜਨਾ
NEXT STORY 
