ਭਾਰਤੀ ਲੋਕਤੰਤਰ ਨੇ ਪਿਛਲੇ ਦਹਾਕੇ ਦੌਰਾਨ ਜੋ ਮਜ਼ਬੂਤੀ, ਸਥਿਰਤਾ ਅਤੇ ਵਿਸ਼ਵਵਿਆਪੀ ਸਨਮਾਨ ਹਾਸਲ ਕੀਤਾ ਹੈ, ਉਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਅਤੇ ਜਨਤਾ ਦੇ ਵਿਸ਼ਵਾਸ ਦਾ ਨਤੀਜਾ ਹੈ। ਹਾਲਾਂਕਿ ਦੇਸ਼ ਦੀ ਸਭ ਤੋਂ ਵੱਡੀ ਪਾਰਟੀ ਕਾਂਗਰਸ ਅੱਜ ਲੀਡਰਸ਼ਿਪਹੀਣਤਾ ਅਤੇ ਵਿਚਾਰਹੀਣਤਾ ਦੀ ਸ਼ਿਕਾਰ ਹੈ। ਇਸ ਦਾ ਮੁੱਖ ਕਾਰਨ ਰਾਹੁਲ ਗਾਂਧੀ ਹਨ ਜੋ ਨਾ ਸਿਰਫ਼ ਵਾਰ-ਵਾਰ ਚੋਣਾਂ ’ਚ ਹਾਰਦੇ ਰਹੇ ਹਨ ਸਗੋਂ ਵਿਦੇਸ਼ ਦੀ ਧਰਤੀ ’ਤੇ ਭਾਰਤ ਅਤੇ ਉਸ ਦੀਆਂ ਸੰਸਥਾਵਾਂ ਨੂੰ ਬਦਨਾਮ ਕਰਨ ਦਾ ਕੋਈ ਮੌਕਾ ਵੀ ਨਹੀਂ ਛੱਡਦੇ।
ਅਸਫਲ ਲੀਡਰਸ਼ਿਪ ਅਤੇ ਲੋਕਤੰਤਰ ਤੋਂ ਨਿਰਾਸ਼ਾ : ਜਨਤਾ ਨੇ ਰਾਹੁਲ ਗਾਂਧੀ ਨੂੰ ਤਿੰਨੋਂ ਲੋਕ ਸਭਾ ਚੋਣਾਂ - 2014, 2019 ਅਤੇ 2024 ਵਿਚ ਨਕਾਰ ਦਿੱਤਾ। ਰੇਲਵੇ ਪਲੇਟਫਾਰਮ ’ਤੇ ਚਾਹ ਵੇਚਣ ਵਾਲੇ ਇਕ ਸਾਧਾਰਨ ਕਰਮਚਾਰੀ ਤੋਂ ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣਨ ਤੱਕ ਦਾ ਮੋਦੀ ਦਾ ਸਫ਼ਰ ਜਨਤਕ ਵਿਸ਼ਵਾਸ ਦੁਆਰਾ ਚਲਾਇਆ ਗਿਆ ਸੀ, ਜਦੋਂ ਕਿ ਰਾਹੁਲ ਗਾਂਧੀ ਅਜੇ ਵੀ ਸੱਤਾ ਨੂੰ ਆਪਣੇ ਪਰਿਵਾਰ ਦਾ ਜਨਮ ਸਿੱਧ ਅਧਿਕਾਰ ਮੰਨਦੇ ਹਨ। ਜਦੋਂ ਉਹ ਮਤ ਪੇਟੀ ਨਾਲ ਮੋਦੀ ਜੀ ਨੂੰ ਨਹੀਂ ਹਰਾ ਸਕੇ, ਤਾਂ ਹੁਣ ਵਿਦੇਸ਼ਾਂ ਤੋਂ ਲੋਕਤੰਤਰ ’ਤੇ ਹਮਲਾ ਕਰਦੇ ਹਨ।
ਵਿਦੇਸ਼ਾਂ ਵਿਚ ਭਾਰਤ ਦਾ ਅਪਮਾਨ : ਰਾਹੁਲ ਗਾਂਧੀ ਨੇ ਪਿਛਲੇ ਕੁਝ ਸਾਲਾਂ ਵਿਚ ਹਰ ਵਿਦੇਸ਼ੀ ਯਾਤਰਾ ’ਤੇ ਭਾਰਤ ਦੇ ਅਕਸ ਨੂੰ ਖਰਾਬ ਕਰਨ ਵਾਲੇ ਬਿਆਨ ਦਿੱਤੇ ਹਨ। ਰਾਹੁਲ ਗਾਂਧੀ ਦੇ ਵਿਦੇਸ਼ੀ ਦੌਰੇ ਅਤੇ ਵਿਵਾਦਪੂਰਨ ਬਿਆਨ (ਸਾਲ-ਦਰ-ਸਾਲ)
: -2017 (ਅਮਰੀਕਾ, ਬਰਕਲੇ ਯੂਨੀਵਰਸਿਟੀ), ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਰਤ ਵਿਚ ‘‘ਭਤੀਜਾਵਾਦ ਆਮ ਹੈ’ ਅਤੇ ਆਪਣੀ ਵੰਸ਼ਵਾਦ ਦੀ ਰਾਜਨੀਤੀ ਨੂੰ ਜਾਇਜ਼ ਠਹਿਰਾਇਆ।
-2018 (ਲੰਡਨ, ਇੰਟਰਨੈਸ਼ਨਲ ਇੰਸਟੀਚਿਊਟ ਆਫ਼ ਸਟ੍ਰੈਟੇਜਿਕ ਸਟੱਡੀਜ਼) ਵਿਚ ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਰਤ ਵਿਚ ‘‘ਔਰਤਾਂ ਸੁਰੱਖਿਅਤ ਨਹੀਂ ਹਨ’’ ਅਤੇ ਲੋਕਤੰਤਰ ਖ਼ਤਰੇ ਵਿਚ ਹੈ।
-2019 (ਦੁਬਈ) ਵਿਚ ਉਸ ਨੇ ਭਾਰਤ ਨੂੰ ‘‘ਨਫ਼ਰਤ ਅਤੇ ਵੰਡ ਦੇ ਦੇਸ਼’’ ਵਜੋਂ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ।
–2021 (ਬ੍ਰਾਊਨ ਯੂਨੀਵਰਸਿਟੀ, ਅਮਰੀਕਾ) ਵਿਚ ਰਾਹੁਲ ਗਾਂਧੀ ਨੇ ਕਿਹਾ ਕਿ ‘‘ਭਾਰਤ ਵਿਚ ਪ੍ਰੈੱਸ ਅਤੇ ਪ੍ਰਗਟਾਵੇ ਦੀ ਆਜ਼ਾਦੀ ਖਤਮ ਹੋ ਗਈ ਹੈ।’’
2022 (ਲੰਡਨ, ਕੈਂਬਰਿਜ) ਵਿਚ ਰਾਹੁਲ ਗਾਂਧੀ ਨੇ ਕਿਹਾ ਕਿ ‘‘ਭਾਰਤ ਦੇ ਸੰਸਥਾਨਾਂ ’ਤੇ ਕਬਜ਼ਾ ਕਰ ਲਿਆ ਗਿਆ ਹੈ।’’
ਮਾਰਚ 2023 (ਲੰਡਨ, ਚੈਥਮ ਹਾਊਸ) ਵਿਚ ਲੋਕਤੰਤਰ ’ਤੇ ਹਮਲਾ ਕਰਦੇ ਹੋਏ, ਰਾਹੁਲ ਗਾਂਧੀ ਨੇ ਕਿਹਾ, ‘‘ਲੋਕਤੰਤਰ ਦੇ ਰਖਵਾਲੇ, ਅਮਰੀਕਾ ਅਤੇ ਯੂਰਪ ਚੁੱਪ ਕਿਉਂ ਹਨ?’’
2023 (ਲੰਡਨ, ਇਕ ਸਮਾਗਮ ਦੌਰਾਨ), ਰਾਹੁਲ ਗਾਂਧੀ ਨੇ ਦਾਅਵਾ ਕੀਤਾ ਕਿ ਭਾਰਤ ਵਿਚ ਇਕ ਸਿੱਖ ਮੁੰਡੇ ਨੂੰ ਪੱਗੜੀ ਅਤੇ ਕੜਾ ਪਹਿਨਣ ਲਈ ਪਰੇਸ਼ਾਨ ਕੀਤਾ ਗਿਆ ਸੀ (ਇਕ ਪੂਰੀ ਤਰ੍ਹਾਂ ਝੂਠੀ ਉਦਾਹਰਣ)।
2024 (ਵਾਸ਼ਿੰਗਟਨ, ਅਮਰੀਕਾ) ਵਿਚ ਰਾਹੁਲ ਗਾਂਧੀ ਨੇ ਕਿਹਾ ਕਿ ‘‘ਭਾਰਤ ਹੁਣ ਲੋਕਤੰਤਰ ਨਹੀਂ ਸਗੋਂ ਅਧਿਨਾਇਤਵਾਦ ਹੈ।’’
2025 (ਕੋਲੰਬੀਆ ਯੂਨੀਵਰਸਿਟੀ, ਨਿਊਯਾਰਕ) ਵਿਚ ਰਾਹੁਲ ਗਾਂਧੀ ਨੇ ਭਾਰਤ ਨੂੰ ‘‘ਸਿਰਫ਼ ਯੂਨੀਅਨ ਆਫ ਸਟੇਟਸ’’ ਦੱਸਿਆ ਅਤੇ ਭਾਸ਼ਾਵਾਂ ਦੇ ਆਧਾਰ ’ਤੇ ਦੇਸ਼ ਨੂੰ ਵੰਡਣ ਦਾ ਆਪਣਾ ਇਰਾਦਾ ਪ੍ਰਗਟ ਕੀਤਾ।
ਯੂਨੀਅਨ ਆਫ ਸਟੇਟਸ ਅਤੇ ਖਾਲਿਸਤਾਨੀ ਤਰਕ : ਰਾਹੁਲ ਗਾਂਧੀ ਦਾ ਇਹ ਕਹਿਣਾ ਕਿ ਭਾਰਤ ਸਿਰਫ਼ ਯੂਨੀਅਨ ਆਫ ਸਟੇਟਸ ਹੈ, ਅੰਮ੍ਰਿਤਪਾਲ ਸਿੰਘ ਵਰਗੇ ਖਾਲਿਸਤਾਨੀ ਤੱਤਾਂ ਵਲੋਂ ਵਰਤਿਆ ਜਾਣ ਲੱਗਾ। ਇਹ ਬਿਆਨ ਨਾ ਸਿਰਫ਼ ਗੈਰ-ਜ਼ਿੰਮੇਵਾਰਾਨਾ ਸੀ ਸਗੋਂ ਰਾਸ਼ਟਰੀ ਏਕਤਾ ’ਤੇ ਹਮਲਾ ਵੀ ਸੀ।
ਸਿੱਖ ਮੁੰਡੇ ਦੀ ਝੂਠੀ ਉਦਾਹਰਣ : ਲੰਡਨ ਦੀ ਇਕ ਮੀਟਿੰਗ ਵਿਚ ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਰਤ ਵਿਚ ਇਕ ਸਿੱਖ ਮੁੰਡੇ ਨੂੰ ਪੱਗ ਅਤੇ ਕੜਾ ਪਹਿਨਣ ਕਾਰਨ ਸਕੂਲ ਵਿਚ ਤੰਗ ਕੀਤਾ ਗਿਆ ਸੀ। ਇਹ ਝੂਠ ਸੀ। ਸਿੱਖ ਪਛਾਣ ਨੂੰ ਭਾਰਤ ਵਿਚ ਸੰਵਿਧਾਨਕ ਸੁਰੱਖਿਆ ਅਤੇ ਸਤਿਕਾਰ ਪ੍ਰਾਪਤ ਹੈ। ਇਹ ਬਿਆਨ ਸਿਰਫ਼ ਖਾਲਿਸਤਾਨੀ ਏਜੰਡੇ ਨੂੰ ਅੱਗੇ ਵਧਾਉਣ ਲਈ ਸੀ।
ਭਾਰਤ ਦੀਆਂ ਅਸਲ ਪ੍ਰਾਪਤੀਆਂ ਨੂੰ ਨਜ਼ਰਅੰਦਾਜ਼ ਕਰਨਾ : ਜਦੋਂ ਕਿ ਰਾਹੁਲ ਗਾਂਧੀ ਭਾਰਤ ਦੀ ਆਲੋਚਨਾ ਕਰਦੇ ਹਨ, ਇਸਦੀਆਂ ਪ੍ਰਾਪਤੀਆਂ ਦੀ ਵਿਸ਼ਵ ਪੱਧਰ ’ਤੇ ਸ਼ਲਾਘਾ ਕੀਤੀ ਜਾ ਰਹੀ ਹੈ।
-ਸਟੈਨਫੋਰਡ ਦੀ ਏ.ਆਈ. ਰਿਪੋਰਟ ਨੇ ਭਾਰਤ ਨੂੰ ਏ.ਆਈ. ਹੁਨਰਾਂ ਵਿਚ ਦੁਨੀਆ ਦੇ ਨੰਬਰ ਇਕ ਦੇਸ਼ ਵਜੋਂ ਦਰਜਾ ਦਿੱਤਾ ਹੈ।
– ਵਿਸ਼ਵ ਬੈਂਕ (2025) ਦੇ ਅਨੁਸਾਰ ਭਾਰਤ ਵਿਚ ਅਤਿਅੰਤ ਗਰੀਬੀ ਸਿਰਫ 2.3 ਫੀਸਦੀ ਤੱਕ ਰਹਿ ਗਈ ਹੈ।
- ਆਕਸਫੋਰਡ ਬਿਜ਼ਨੈੱਸ ਸਕੂਲ ਅਤੇ ਕੈਂਬਰਿਜ ਨੇ ਭਾਰਤ ਦੀ ਡਿਜੀਟਲ ਸ਼ਾਸਨ ਦੀ ਪ੍ਰਸ਼ੰਸਾ ਕੀਤੀ।
- ਗਿੰਨੀ ਇੰਡੈਕਸ ਵਿਚ ਭਾਰਤ ਦੀ ਆਰਥਿਕ ਅਸਮਾਨਤਾ ਸੰਯੁਕਤ ਰਾਜ ਅਤੇ ਚੀਨ ਨਾਲੋਂ ਘੱਟ ਪਾਈ ਗਈ।
ਚੋਣਾਂ ਵਿਚ ਹਾਰਾਂ ਤੋਂ ਨਿਰਾਸ਼, ਰਾਹੁਲ ਗਾਂਧੀ ਹੁਣ ਭਾਰਤ ਦੇ ਅਕਸ ਨੂੰ ਖਰਾਬ ਕਰਨ ਲਈ ਵਿਦੇਸ਼ੀ ਧਰਤੀ ਦੀ ਵਰਤੋਂ ਕਰ ਰਹੇ ਹਨ। ਉਨ੍ਹਾਂ ਦੇ ਬਿਆਨ ਭਾਰਤ ਵਿਰੋਧੀ ਤਾਕਤਾਂ ਨੂੰ ਮਜ਼ਬੂਤ ਕਰਦੇ ਹਨ ਅਤੇ ਦੇਸ਼ ਦੀ ਅਖੰਡਤਾ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ।
ਜਨਤਾ ਦਾ ਸੁਨੇਹਾ ਸਪੱਸ਼ਟ ਹੈ ਕਿ ਭਾਰਤ ਇਕ ਵੰਸ਼ਵਾਦੀ ਜਾਗੀਰ ਨਹੀਂ ਹੈ, ਸਗੋਂ 140 ਕਰੋੜ ਨਾਗਰਿਕਾਂ ਦੀ ਲੋਕਤੰਤਰੀ ਸ਼ਕਤੀ ਹੈ। ਪ੍ਰਧਾਨ ਮੰਤਰੀ ਮੋਦੀ ਉਸੇ ਸ਼ਕਤੀ ਦਾ ਪ੍ਰਤੀਕ ਹਨ, ਜਦੋਂ ਕਿ ਰਾਹੁਲ ਗਾਂਧੀ ਅਸਫਲ ਲੀਡਰਸ਼ਿਪ, ਵੰਸ਼ਵਾਦ ਅਤੇ ਭਾਰਤ ਵਿਰੋਧੀ ਮਾਨਸਿਕਤਾ ਰੱਖਦੇ ਹਨ।
- ਆਰ.ਪੀ. ਸਿੰਘ
(ਰਾਸ਼ਟਰੀ ਬੁਲਾਰੇ, ਭਾਜਪਾ)
ਆਰ. ਐੱਸ. ਐੱਸ. ਦਾ ਟੀਚਾ ਸੱਤਾ ਨਹੀਂ ਸਗੋਂ ਹਿੰਦੂ ਸਮਾਜ ਹੈ
NEXT STORY 
