ਬਿਜ਼ਨੈੱਸ ਡੈਸਕ : 127 ਸਾਲ ਪੁਰਾਣਾ ਗੋਦਰੇਜ ਪਰਿਵਾਰ ਹੁਣ ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ ਹੈ। ਸ਼ੇਅਰ ਬਾਜ਼ਾਰ ਵਿੱਚ ਸੂਚੀਬੱਧ ਗੋਦਰੇਜ ਫਰਮਾਂ ਆਦਿ ਗੋਦਰੇਜ ਅਤੇ ਉਸ ਦੇ ਭਰਾ ਨਾਦਿਰ ਗੋਦਰੇਜ ਦੇ ਹਿੱਸੇ ਆਈਆਂ ਹਨ, ਜਦਕਿ ਗਰੁੱਪ ਦੀਆਂ ਗੈਰ-ਸੂਚੀਬੱਧ ਕੰਪਨੀਆਂ ਚਚੇਰੇ ਭਰਾ ਜਮਸ਼ੇਦ ਅਤੇ ਉਸ ਦੀ ਭੈਣ ਸਮਿਤਾ ਨੂੰ ਮਿਲੀਆਂ ਹਨ। ਸਮੂਹ ਦੀ ਕੁੱਲ ਕੀਮਤ ਲਗਭਗ 2.34 ਲੱਖ ਕਰੋੜ ਰੁਪਏ ਹੈ। ਗੋਦਰੇਜ ਗਰੁੱਪ ਦਾ ਕਾਰੋਬਾਰ ਸਾਬਣ ਅਤੇ ਘਰੇਲੂ ਉਪਕਰਨਾਂ ਤੋਂ ਲੈ ਕੇ ਰੀਅਲ ਅਸਟੇਟ ਤੱਕ ਫੈਲਿਆ ਹੋਇਆ ਹੈ।
ਇਹ ਵੀ ਪੜ੍ਹੋ - Bank Holiday: ਜਲਦੀ ਪੂਰੇ ਕਰ ਲਓ ਜ਼ਰੂਰੀ ਕੰਮ, ਮਈ ਦੇ ਮਹੀਨੇ 14 ਦਿਨ ਬੰਦ ਰਹਿਣਗੇ ਬੈਂਕ
ਇਨ੍ਹਾਂ ਸੂਚੀਬੱਧ ਕੰਪਨੀਆਂ ਦੀ ਕਮਾਨ ਆਦਿ ਗੋਦਰੇਜ ਕੋਲ
Godrej Family 'ਚ ਇਸ ਵੰਡ ਨੂੰ ਲੈ ਕੇ ਇਕ ਸਮਝੌਤੇ 'ਤੇ ਦਸਤਖ਼ਤ ਕਰਨ ਤੋਂ ਬਾਅਦ ਗਰੁੱਪ ਦੇ ਕਾਰੋਬਾਰ ਨੂੰ ਵੰਡਣ ਦਾ ਐਲਾਨ ਕੀਤਾ ਗਿਆ ਹੈ। ਗਰੁੱਪ ਦੀਆਂ ਪੰਜ ਕੰਪਨੀਆਂ ਸ਼ੇਅਰ ਬਾਜ਼ਾਰ ਵਿਚ ਸੂਚੀਬੱਧ ਹਨ। ਇਸ ਵਿਚ ਗੋਦਰੇਜ ਇੰਡਸਟਰੀਜ਼, ਗੋਦਰੇਜ ਕੰਜ਼ਿਊਮਰ ਪ੍ਰੋਡਕਟਸ, ਗੋਦਰੇਜ ਪ੍ਰਾਪਰਟੀਜ਼, ਗੋਦਰੇਜ ਐਗਰੋਵੇਟ ਅਤੇ ਐਸਟੈਕ ਲਾਈਫ ਸਾਇੰਸਜ਼ ਸ਼ਾਮਲ ਹਨ। ਉਨ੍ਹਾਂ ਦੀ ਜ਼ਿੰਮੇਵਾਰੀ 82 ਸਾਲਾ ਆਦਿ ਗੋਦਰੇਜ ਅਤੇ ਉਨ੍ਹਾਂ ਦੇ ਭਰਾ 73 ਸਾਲਾ ਨਾਦਿਰ ਗੋਦਰੇਜ ਨੂੰ ਮਿਲੀ ਹੈ।
ਇਹ ਵੀ ਪੜ੍ਹੋ - LPG ਗੈਸ ਸਿਲੰਡਰ ਤੋਂ ਲੈ ਕੇ ਬੈਂਕ ਖਾਤਿਆਂ ਦੇ ਨਿਯਮਾਂ 'ਚ 1 ਮਈ ਤੋਂ ਹੋਣ ਜਾ ਰਿਹਾ ਬਦਲਾਅ, ਜੇਬ 'ਤੇ ਪਵੇਗਾ ਅਸਰ
ਚਚੇਰਾ ਭਰਾ-ਭੈਣ ਨੂੰ ਵੰਡ ਤੋਂ ਬਾਅਦ ਕੀ ਮਿਲਿਆ
ਆਦਿ ਗੋਦਰੇਜ ਇਸ ਸਮੇਂ ਗੋਦਰੇਜ ਗਰੁੱਪ ਦੇ ਚੇਅਰਮੈਨ ਹਨ ਅਤੇ ਉਨ੍ਹਾਂ ਦੇ ਭਰਾ ਨਾਦਿਰ ਗੋਦਰੇਜ ਇੰਡਸਟਰੀਜ਼ ਅਤੇ ਗੋਦਰੇਜ ਐਗਰੋਵੇਟ ਦੇ ਚੇਅਰਮੈਨ ਹਨ। ਇਸ ਤੋਂ ਇਲਾਵਾ, ਉਸਦਾ ਚਚੇਰਾ ਭਰਾ ਜਮਸ਼ੇਦ ਗੈਰ-ਸੂਚੀਬੱਧ ਗੋਦਰੇਜ ਐਂਡ ਬੋਇਸ ਮੈਨੂਫੈਕਚਰਿੰਗ ਕੰਪਨੀ ਦਾ ਚੇਅਰਮੈਨ ਹੈ, ਜਦੋਂ ਕਿ ਭੈਣਾਂ ਸਮਿਤਾ ਕ੍ਰਿਸ਼ਨਾ ਅਤੇ ਰਿਸ਼ਾਦ ਗੋਦਰੇਜ ਦੀ ਵੀ ਗੋਦਰੇਜ ਐਂਡ ਬੋਇਸ ਵਿਚ ਹਿੱਸੇਦਾਰੀ ਹੈ, ਜਿਹਨਾਂ ਕੋਲ ਵਿਖਰੋਲੀ ਦੀਆਂ ਜ਼ਿਆਦਾਤਰ ਜਾਇਦਾਦਾਂ ਹਨ। ਵੰਡ ਦੇ ਤਹਿਤ ਆਦਿ ਅਤੇ ਨਾਦਿਰ ਗੋਦਰੇਜ ਦੇ ਚਚੇਰੇ ਭਰਾ-ਭੈਣ ਜਮਸ਼ੇਦ ਅਤੇ ਸਮਿਤਾ ਨੂੰ ਗੈਰ-ਸੂਚੀਬੱਧ ਕੰਪਨੀ ਗੋਦਰੇਜ ਐਂਡ ਬੁਆਇਸ ਦੀ ਮਲਕੀਅਤ ਦੇਣ ਲਈ ਸਹਿਮਤੀ ਬਣੀ ਹੈ। ਇਸ ਦੇ ਨਾਲ ਹੀ ਉਹਨਾਂ ਨੂੰ ਮੁੰਬਈ 'ਚ ਗੋਦਰੇਜ ਗਰੁੱਪ ਦੀ ਵੱਡੀ ਜਾਇਦਾਦ ਵੀ ਮਿਲੇਗੀ। ਮੁੰਬਈ ਵਿੱਚ ਇਹ ਲੈਂਡ ਬੈਂਕ 3400 ਏਕੜ ਦਾ ਹੈ।
ਇਹ ਵੀ ਪੜ੍ਹੋ - ਬਾਬਾ ਰਾਮਦੇਵ ਨੂੰ ਵੱਡਾ ਝਟਕਾ, ਉੱਤਰਾਖੰਡ ਸਰਕਾਰ ਨੇ ਪਤੰਜਲੀ ਦੇ 14 ਉਤਪਾਦਾਂ 'ਤੇ ਲਾਈ ਪਾਬੰਦੀ
1897 ਤੋਂ ਦੇਸ਼ ਦੇ ਨਿਰਮਾਣ ਵਿੱਚ ਯੋਗਦਾਨ
ਵੰਡ ਤੋਂ ਬਾਅਦ ਨਾਦਿਰ ਗੋਦਰੇਜ ਨੇ ਕਿਹਾ ਕਿ Godrej ਦੀ ਸਥਾਪਨਾ 1897 ਵਿੱਚ ਭਾਰਤ ਲਈ ਆਰਥਿਕ ਆਜ਼ਾਦੀ ਬਣਾਉਣ ਵਿੱਚ ਮਦਦ ਕਰਨ ਲਈ ਕੀਤੀ ਗਈ ਸੀ। ਅਸੀਂ ਕਾਰੋਬਾਰ ਕਰਨ 'ਤੇ ਧਿਆਨ ਕੇਂਦਰਿਤ ਕਰਕੇ ਇਸ ਵਿਰਾਸਤ ਨੂੰ ਬਣਾਉਣ ਦੀ ਉਮੀਦ ਕਰਦੇ ਹਾਂ। ਚਚੇਰੇ ਭਰਾ ਜਮਸ਼ੇਦ ਗੋਦਰੇਜ ਦਾ ਕਹਿਣਾ ਹੈ ਕਿ ਗੋਦਰੇਜ ਐਂਡ ਬੌਇਸ ਹਮੇਸ਼ਾ ਰਾਸ਼ਟਰ ਨਿਰਮਾਣ ਦੇ ਮਜ਼ਬੂਤ ਉਦੇਸ਼ ਤੋਂ ਪ੍ਰੇਰਿਤ ਰਹੇ ਹਨ। ਹੁਣ ਇਸ ਪਰਿਵਾਰਕ ਸਮਝੌਤੇ ਨਾਲ ਅਸੀਂ ਇਸ ਦੇ ਵਾਧੇ ਨੂੰ ਅੱਗੇ ਵਧਾਉਣ ਲਈ ਕੰਮ ਕਰਾਂਗੇ।
ਇਹ ਵੀ ਪੜ੍ਹੋ - ਅਰਬਪਤੀ ਨੰਬਰ-1 ਬਣਨ ਦੀ ਦੌੜ 'ਚ Elon Musk, ਇਕ ਦਿਨ 'ਚ ਕਮਾਏ 18 ਅਰਬ ਡਾਲਰ
ਗੋਦਰੇਜ ਪਰਿਵਾਰ ਨੇ ਵੰਡ ਦੀ ਪ੍ਰਕਿਰਿਆ ਨੂੰ ਗੋਦਰੇਜ ਕੰਪਨੀਆਂ ਵਿੱਚ ਸ਼ੇਅਰਧਾਰਕਾਂ ਦੇ ਮਾਲਕੀ ਅਧਿਕਾਰਾਂ ਦੇ ਪੁਨਰਗਠਨ ਦੇ ਰੂਪ ਵਿੱਚ ਦੱਸਿਆ ਹੈ। ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਦੋਵੇਂ ਸਮੂਹ ਗੋਦਰੇਜ ਬ੍ਰਾਂਡ ਦੀ ਵਰਤੋਂ ਕਰਨਾ ਜਾਰੀ ਰੱਖਣਗੇ। ਵੰਡ ਦੇ ਬਾਵਜੂਦ, ਦੋਵੇਂ ਧਿਰਾਂ ਆਪਣੀ ਸਾਂਝੀ ਵਿਰਾਸਤ ਨੂੰ ਵਧਾਉਣ ਅਤੇ ਮਜ਼ਬੂਤ ਕਰਨ ਲਈ ਵਚਨਬੱਧ ਹਨ।
ਇਹ ਵੀ ਪੜ੍ਹੋ - ਸੋਨੇ ਦੀਆਂ ਕੀਮਤਾਂ 'ਚ ਗਿਰਾਵਟ, ਚਾਂਦੀ ਵੀ ਹੋਈ ਸਸਤੀ, ਖਰੀਦਦਾਰੀ ਤੋਂ ਪਹਿਲਾਂ ਚੈੱਕ ਕਰੋ ਅੱਜ ਦਾ ਰੇਟ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Google ਕਰਮਚਾਰੀ ਦਾ ਦਾਅਵਾ: ਕੰਪਨੀ ਨੇ ਇਜ਼ਰਾਈਲ ਦੇ ਇਕਰਾਰਨਾਮੇ ਦੇ ਵਿਰੋਧ ਨੂੰ ਦੇਖਦੇ ਹੋਏ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ
NEXT STORY 
