ਨਵੀਂ ਦਿੱਲੀ : ਈ-ਕਾਮਰਸ ਖੇਤਰ ਦੀ ਦਿੱਗਜ਼ ਕੰਪਨੀ ਐਮਾਜ਼ੋਨ ਨੂੰ ਵੱਡੀ ਰਾਹਤ ਮਿਲੀ ਹੈ। ਸਿੰਗਾਪੁਰ ਇੰਟਰਨੈਸ਼ਨਲ ਆਰਬਿਟਰੇਸ਼ਨ ਸੈਂਟਰ (ਐਸਆਈਏਸੀ) ਨੇ ਰਿਲਾਇੰਸ ਰਿਟੇਲ ਨਾਲ 24713 ਕਰੋੜ ਰੁਪਏ ਦੇ ਸੌਦੇ 'ਤੇ ਅੰਤਰਿਮ ਰੋਕ ਹਟਾਉਣ ਦੀ ਫਿਊਚਰ ਰਿਟੇਲ ਦੀ ਅਪੀਲ ਖਾਰਜ ਕਰ ਦਿੱਤੀ ਹੈ। ਐਮਾਜ਼ੋਨ ਨੇ ਇਸ ਸੌਦੇ ਨੂੰ ਚੁਣੌਤੀ ਦਿੱਤੀ ਹੈ।
ਇਹ ਵੀ ਪੜ੍ਹੋ : ਸਰਕਾਰੀ ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਲਈ ਦੀਵਾਲੀ ਦਾ ਤੋਹਫ਼ਾ, ਮਹਿੰਗਾਈ ਭੱਤੇ 'ਚ ਵਾਧੇ ਨੂੰ ਮਿਲੀ ਪ੍ਰਵਾਨਗੀ
ਇਸ ਤੋਂ ਪਹਿਲਾਂ 21 ਅਕਤੂਬਰ ਨੂੰ ਸਿੰਗਾਪੁਰ ਦੀ ਆਰਬਿਟਰੇਸ਼ਨ ਅਦਾਲਤ ਨੇ ਕਿਹਾ ਸੀ ਕਿ ਰਿਲਾਇੰਸ ਰਿਟੇਲ ਨੂੰ ਫਿਊਚਰ ਗਰੁੱਪ ਦੀ ਸੰਪਤੀਆਂ ਦੀ ਵਿਕਰੀ ਨਾਲ ਜੁੜੇ ਵਿਵਾਦ ਵਿਚ ਐਮਾਜ਼ੋਨ ਅਤੇ ਫਿਊਚਰ ਗਰੁੱਪ ਵਿਚ ਚਲ ਰਹੀ ਵਿਚੋਲਗੀ ਵਿਚ ਫਿਊਚਰ ਰਿਟੇਲ ਵੀ ਇੱਕ ਧਿਰ ਹੈ। ਹਾਲਾਂਕਿ, ਫਿਊਚਰ ਰਿਟੇਲ ਨੇ ਦਲੀਲ ਦਿੱਤੀ ਸੀ ਕਿ ਇਹ ਪ੍ਰਮੋਟਰਸ ਫਿਊਚਰ ਕੂਪਨਜ਼ ਪ੍ਰਾਈਵੇਟ ਲਿਮਟਿਡ ਅਤੇ ਐਮਾਜ਼ੋਨ ਵਿਚਾਲੇ ਚੱਲ ਰਹੇ ਵਿਵਾਦ ਦੀ ਧਿਰ ਨਹੀਂ ਹੈ, ਇਸ ਲਈ ਇਸ ਨੂੰ ਸਾਲਸੀ ਕਾਰਵਾਈ ਤੋਂ ਬਾਹਰ ਰੱਖਿਆ ਜਾਣਾ ਚਾਹੀਦਾ ਹੈ। ਫਿਊਚਰ ਰਿਟੇਲ ਨੇ ਸ਼ੁੱਕਰਵਾਰ ਨੂੰ ਇੱਕ ਰੈਗੂਲੇਟਰੀ ਨੋਟਿਸ ਵਿੱਚ ਕਿਹਾ ਕਿ 25 ਅਕਤੂਬਰ, 2020 ਤੱਕ, ਐਮਰਜੈਂਸੀ ਵਿਚੋਲਗੀ ਦੇ ਅਤਰਿਮ ਫ਼ੈਸਲੇ ਨੂੰ ਰੱਦ ਕਰਨ ਦੀ ਉਸਦੀ ਪਟੀਸ਼ਨ 'ਤੇ 21 ਅਕਤੂਬਰ 2021 ਨੂੰ ਐੱਸ.ਆਈ.ਏ.ਸੀ. ਨੇ ਫੈਸਲਾ ਸੁਣਾਇਆ ਹੈ।
ਰੈਗੂਲੇਟਰੀ ਨੋਟਿਸ ਵਿੱਚ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਟ੍ਰਿਬਿਊਨਲ ਨੇ ਈਏ ਦੇ ਫੈਸਲੇ ਨੂੰ ਸਹੀ ਪਾਇਆ ਅਤੇ ਕਿਸੇ ਵੀ ਅਗਲੀ ਘਟਨਾ ਜਾਂ ਫੈਸਲੇ ਦੀ ਕਾਰਵਾਈ ਦੁਆਰਾ ਪ੍ਰਭਾਵਤ ਨਹੀਂ ਹੋਇਆ, ਜਿਸ ਨੂੰ ਵੱਖਰਾ ਨਹੀਂ ਕੀਤਾ ਜਾ ਸਕਦਾ। ਟ੍ਰਿਬਿਊਨਲ ਅਨੁਸਾਰ ਈਏ ਦੇ ਫੈਸਲੇ ਵਿੱਚ ਕਿਸੇ ਵੀ ਤਬਦੀਲੀ ਨੂੰ ਜਾਇਜ਼ ਠਹਿਰਾਉਣ ਲਈ ਕੇਸ ਵਿੱਚ ਕੁਝ ਵੀ ਪੇਸ਼ ਨਹੀਂ ਕੀਤਾ ਗਿਆ ਸੀ। ਫਿਊਚਰ ਰਿਟੇਲ ਨੇ ਰੈਗੂਲੇਟਰੀ ਫਾਈਲਿੰਗ 'ਚ ਕਿਹਾ ਕਿ ਕੰਪਨੀ ਫਿਲਹਾਲ ਕਾਨੂੰਨੀ ਵਿਕਲਪਾਂ 'ਤੇ ਵਿਚਾਰ ਕਰ ਰਹੀ ਹੈ, ਜਿਸ ਤੋਂ ਬਾਅਦ ਅਗਲੀ ਕਾਰਵਾਈ ਬਾਰੇ ਫੈਸਲਾ ਲਿਆ ਜਾਵੇਗਾ।
ਇਹ ਵੀ ਪੜ੍ਹੋ : FaceBook ਨੂੰ ਝਟਕਾ, ਭੇਦਭਾਵ ਦੇ ਮਾਮਲੇ 'ਚ ਅਮਰੀਕੀ ਸਰਕਾਰ ਨੂੰ ਅਦਾ ਕਰਨੇ ਪੈਣਗੇ 14 ਮਿਲੀਅਨ ਡਾਲਰ
ਇਹ ਹੈ ਸਾਰਾ ਮਾਮਲਾ
- ਫਿਊਚਰ ਨੇ ਆਪਣੀ ਪ੍ਰਚੂਨ, ਥੋਕ, ਲੌਜਿਸਟਿਕਸ ਅਤੇ ਵੇਅਰਹਾਊਸਿੰਗ ਸੰਪਤੀਆਂ ਦੀ ਵਿਕਰੀ ਲਈ ਰਿਲਾਇੰਸ ਇੰਡਸਟਰੀਜ਼ ਦੇ ਨਾਲ 24713 ਕਰੋੜ ਰੁਪਏ ਦਾ ਸੌਦਾ ਕੀਤਾ ਹੈ। ਰਿਲਾਇੰਸ ਰਿਟੇਲ ਨੇ ਪਿਛਲੇ ਸਾਲ ਅਗਸਤ 2020 ਵਿੱਚ ਇਸ ਸੌਦੇ ਬਾਰੇ ਜਾਣਕਾਰੀ ਦਿੱਤੀ ਸੀ।
- ਐਮਾਜ਼ੋਨ ਇਸ ਸੌਦੇ ਦੇ ਵਿਰੁੱਧ ਹੈ। ਐਮਾਜ਼ਾਨ ਦਾ ਕਹਿਣਾ ਹੈ ਕਿ ਇਹ ਸੌਦਾ ਉਸ ਦੇ ਅਤੇ ਕਿਸ਼ੋਰ ਬਿਆਨੀ ਦੀ ਅਗਵਾਈ ਵਾਲੀ ਕੰਪਨੀ ਨਾਲ ਕੀਤੇ ਗਏ ਸੌਦੇ ਦੀ ਉਲੰਘਣਾ ਹੈ। ਐਮਾਜ਼ੋਨ ਦਾ ਐਫਸੀਪੀਐਲ ਵਿੱਚ ਨਿਵੇਸ਼ ਹੈ, ਜਿਸਦੀ ਫਿਊਚਰ ਰਿਟੇਲ ਵਿੱਚ ਹਿੱਸੇਦਾਰੀ ਹੈ। ਅਗਸਤ 2019 ਵਿੱਚ, ਐਮਾਜ਼ੋਨ ਨੇ ਫਿਊਚਰ ਦੀ ਗੈਰ -ਸੂਚੀਬੱਧ ਫਰਮ ਫਿਊਚਰ ਕੂਪਨਾਂ ਵਿੱਚ 49 ਫੀਸਦੀ ਹਿੱਸੇਦਾਰੀ ਖਰੀਦਣ ਲਈ ਸੌਦਾ ਕੀਤਾ, ਜਿਸ ਨਾਲ ਉਸਨੂੰ ਫਿਊਚਰ ਰਿਟੇਲ ਵਿੱਚ ਤਿੰਨ ਤੋਂ 10 ਸਾਲਾਂ ਦੀ ਮਿਆਦ ਵਿੱਚ ਹਿੱਸੇਦਾਰੀ ਖਰੀਦਣ ਦਾ ਅਧਿਕਾਰ ਦਿੱਤਾ ਗਿਆ। ਫਿਊਚਰ ਕੂਪਨਾਂ ਕੋਲ ਫਿਊਚਰ ਰਿਟੇਲ ਵਿੱਚ ਪਰਿਵਰਤਨਯੋਗ ਵਾਰੰਟ ਰਾਹੀਂ 7.3 ਫੀਸਦੀ ਹਿੱਸੇਦਾਰੀ ਹੈ।
- ਰਿਲਾਇੰਸ ਨਾਲ ਸੌਦੇ ਨੂੰ ਲੈ ਕੇ ਐਮਾਜ਼ੋਨ ਨੇ ਫਿਊਚਰ ਨੂੰ ਸਿੰਗਾਪੁਰ ਦੀ ਇੱਕ ਸਾਲਸੀ ਅਦਾਲਤ ਵਿੱਚ ਘਸੀਟਿਆ।
- ਅਕਤੂਬਰ 2020 ਵਿੱਚ, ਐਮਰਜੈਂਸੀ ਆਰਬਿਟਰੇਟਰ (ਈਏ) ਨੇ ਐਮਾਜ਼ੋਨ ਦੇ ਹੱਕ ਵਿੱਚ ਇੱਕ ਅੰਤਰਿਮ ਫੈਸਲਾ ਦਿੱਤਾ, ਜਿਸਨੂੰ ਐਸਆਈਏਸੀ ਨੇ ਰੱਦ ਕਰ ਦਿੱਤਾ।
- ਭਾਰਤ ਵਿੱਚ, ਇਸ ਮੁੱਦੇ ਬਾਰੇ ਸੁਪਰੀਮ ਕੋਰਟ ਸਮੇਤ ਕੁਝ ਅਦਾਲਤਾਂ ਵਿੱਚ ਪਟੀਸ਼ਨਾਂ ਦਾਇਰ ਕੀਤੀਆਂ ਗਈਆਂ ਹਨ। ਸੁਪਰੀਮ ਕੋਰਟ ਨੇ ਈਏ ਦੇ ਫੈਸਲੇ ਨੂੰ ਵੀ ਬਰਕਰਾਰ ਰੱਖਿਆ ਸੀ।
ਇਹ ਵੀ ਪੜ੍ਹੋ : ਹਵਾਈ ਯਾਤਰੀਆਂ ਲਈ ਝਟਕਾ, ਏਅਰਲਾਈਨ ਕੰਪਨੀਆਂ ਨੇ ਵਧਾਏ ਕਿਰਾਏ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸਸਤੇ ਭਾਅ ਖ਼ਰੀਦੇ ਕੱਚੇ ਤੇਲ ਨਾਲ ਭਾਰਤ ਸਰਕਾਰ ਨੇ ਕੀਤੀ ਮੋਟੀ ਕਮਾਈ
NEXT STORY 
