ਬੀਜਿੰਗ—ਚੀਨ ਦੀ ਸਮਾਚਾਰ ਏਜੰਸੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਚੀਨ ਦੇ ਤਿਆਨਜਿਨ ਸ਼ਹਿਰ 'ਚ ਪੁਲਸ ਨੇ ਬਿਟਕੁਆਇਨ ਕ੍ਰਿਪਟੋਕਰੰਸੀ ਦੇ ਇਕ ਵੱਡੇ ਰੈਕੇਟ ਦਾ ਪਰਦਾਫਾਸ਼ ਕਰਕੇ ਇਸ ਕੰਮ 'ਚ ਵਰਤੋਂ ਕੀਤੇ ਜਾ ਰਹੇ 600 ਕੰਪਿਊਟਰਾਂ ਨੂੰ ਜ਼ਬਤ ਕਰ ਲਿਆ ਹੈ। ਪੁਲਸ ਮੁਤਾਬਕ ਸਥਾਨਕ ਪਾਵਰ ਗ੍ਰਿਡ ਆਪਰੇਟਰ ਵਲੋਂ ਆਮ ਬਿਜਲੀ ਦੀ ਵਰਤੋਂ ਦੀ ਸ਼ਿਕਾਇਤ ਤੋਂ ਬਾਅਦ ਪੁਲਸ ਨੇ ਇਹ ਕਾਰਵਾਈ ਕੀਤੀ। ਪੁਲਸ ਨੇ ਕੰਪਿਊਟਰਾਂ ਤੋਂ ਇਲਾਵਾ ਅੱਠ ਉੱਚ ਸਮਰੱਥਾਂ ਵਾਲੇ ਪੱਖਿਆਂ ਨੂੰ ਵੀ ਬਰਾਮਦ ਕੀਤਾ। ਪੁਲਸ ਨੇ ਕਿਹਾ ਕਿ ਚੀਨ 'ਚ ਹਾਲ ਦੇ ਸਾਲਾਂ 'ਚ ਇਹ ਸਭ ਤੋਂ ਵੱਡੀ ਬਿਜਲੀ ਚੋਰੀ ਦਾ ਮਾਮਲਾ ਹੈ। ਤਿਆਨਜਿਨ ਬਿਟਕੁਆਇਨ ਮਾਮਲੇ 'ਚ ਪੁਲਸ ਨੇ ਇਕ ਵਿਅਕਤੀ ਨੂੰ ਹਿਰਾਸਤ 'ਚ ਲਿਆ ਹੈ ਅਤੇ ਪੰਜ ਲੋਕਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਚੀਨ ਕ੍ਰਿਪਟੋਕਰੰਸੀ ਲਈ ਸੁਰੱਖਿਅਤ ਪਨਾਹਗਾਹ ਮੰਨਿਆ ਜਾਂਦਾ ਹੈ ਪਰ ਸਰਕਾਰ ਨੇ ਪਿਛਲੇ ਸਾਲ ਜ਼ੋਰਦਾਰ ਮੁਹਿੰਮਾਂ ਨੂੰ ਚਲਾ ਕੇ ਇਸ ਕ੍ਰਮ 'ਚ ਬਿਟਕੁਆਇਨ ਅਤੇ ਦੂਜੀ ਕ੍ਰਿਪਟੋਕਰੰਸੀ ਦੇ ਮਾਮਲੇ 'ਚ ਸਖਤ ਕਾਰਵਾਈ ਕੀਤੀ। ਬਿਟਕੁਆਇਨ ਦੇ ਗੋਰਖ ਧੰਦੇ 'ਚ ਹਾਈ ਪਾਵਰ ਮਸ਼ੀਨਾਂ ਦੀ ਵਰਤੋਂ ਹੁੰਦੀ ਹੈ ਜਿਸ ਨਾਲ ਵਿਆਪਕ ਕੰਪਿਊਟਿੰਗ ਦੇ ਰਾਹੀਂ ਬਿਟਕੁਆਇਨਸ ਦਾ ਉਤਪਾਦਨ ਕੀਤਾ ਜਾਂਦਾ ਹੈ। ਇਹ ਉਤਪਾਦਨ ਗਣਿਤੀ ਸਮੀਕਰਣਾਂ ਦੇ ਰਾਹੀਂ ਕੀਤੀ ਜਾਂਦੀ ਹੈ। ਇਸ ਕੰਮ 'ਚ ਜ਼ਿਆਦਾ ਬਿਜਲੀ ਦੀ ਲੋੜ ਹੁੰਦੀ ਹੈ। ਇਸ ਲਈ ਇਸ ਗੋਰਖ ਧੰਦੇ ਨਾਲ ਜੁੜੇ ਲੋਕ ਸਸਤੀ ਬਿਜਲੀ ਦੀ ਉਪਲੱਬਧਤਾ ਵਾਲੀ ਥਾਂ ਦੀ ਤਲਾਸ਼ 'ਚ ਰਹਿੰਦੇ ਹਨ।
ਸੋਨਾ-ਚਾਂਦੀ ਫਿਰ ਹੋਏ ਮਹਿੰਗੇ, ਜਾਣੋ ਅੱਜ ਦੇ ਮੁੱਲ
NEXT STORY