ਨਵੀਂ ਦਿੱਲੀ - ਜੇਕਰ ਤੁਸੀਂ ਹਵਾਈ ਯਾਤਰਾ ਜ਼ਰੀਏ ਕਿਤੇ ਜਾਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਤੁਹਾਡੇ ਲਈ ਇਕ ਚੰਗਾ ਮੌਕਾ ਹੈ। ਤੁਸੀਂ ਘੱਟ ਕੀਮਤ ਨਾਲ ਹਵਾਈ ਯਾਤਰਾ ਕਰ ਸਕੋਗੇ। ਸਰਕਾਰੀ ਏਅਰਲਾਈਨ ਕੰਪਨੀ ਏਅਰ ਇੰਡੀਆ ਦੀ ਖੇਤਰੀ ਸਹਾਇਕ ਕੰਪਨੀ, ਏਲਾਇੰਸ ਏਅਰ ਯਾਤਰੀਆਂ ਲਈ ਬਹੁਤ ਵਧੀਆ ਪੇਸ਼ਕਸ਼ਾਂ ਲੈ ਕੇ ਆਈ ਹੈ। ਇਸ ਪੇਸ਼ਕਸ਼ ਦੇ ਤਹਿਤ ਯਾਤਰੀ ਸਿਰਫ 999 ਰੁਪਏ ਵਿਚ ਹਵਾਈ ਯਾਤਰਾ ਦਾ ਆਨੰਦ ਲੈ ਸਕਦੇ ਹਨ। ਅਲਾਇੰਸ ਏਅਰ ਦੀ ਇਸ ਪੇਸ਼ਕਸ਼ ਦੇ ਤਹਿਤ 60,000 ਸੀਟਾਂ ਬੁੱਕ ਕੀਤੀਆਂ ਜਾਣਗੀਆਂ, ਜਿਸ ਦੀ ਕੀਮਤ 999 ਰੁਪਏ ਹੋਵੇਗੀ।
ਇਨ੍ਹਾਂ ਰੂਟਾਂ ਵਾਲੇ ਲੋਕਾਂ ਨੂੰ ਹੋਵੇਗਾ ਲਾਭ
ਇਹ ਉਡਾਣ ਗੈਰ ਮੈਟਰੋ ਸ਼ਹਿਰਾਂ ਲਈ ਹੈ। ਕੰਪਨੀ ਦੀ ਇਹ ਪੇਸ਼ਕਸ਼ ਦਿੱਲੀ ਅਤੇ ਜੈਪੁਰ / ਪ੍ਰਯਾਗਰਾਜ, ਹੈਦਰਾਬਾਦ ਅਤੇ ਬੈਲਗਮ, ਅਹਿਮਦਾਬਾਦ ਅਤੇ ਕੰਡਲਾ, ਬੰਗਲੁਰੂ ਅਤੇ ਕੋਚੀ / ਕੋਝੀਕੋਡ ਰੂਟਾਂ ਲਈ ਹੈ।
ਇਹ ਵੀ ਪੜ੍ਹੋ : Amazon ਤੇ Flipkart ਦੀ ਛੁੱਟੀ ਕਰੇਗਾ ਭਾਰਤੀ ਈ-ਪੋਰਟਲ, ਕਾਰੋਬਾਰੀਆਂ ਤੇ ਗਾਹਕਾਂ ਦੀਆਂ ਲੱਗਣਗੀਆਂ ਮੌਜਾਂ
ਸੇਲ ਸਿਰਫ਼ ਕੁਝ ਦਿਨਾਂ ਲਈ
ਅਲਾਇੰਸ ਏਅਰ ਦੀ ਇਹ ਸੇਲ ਦੋ ਦਿਨਾਂ ਲਈ ਖੁੱਲ੍ਹੇਗੀ। ਇਹ ਅੱਜ ਭਾਵ 13 ਮਾਰਚ ਤੋਂ ਸ਼ੁਰੂ ਹੋਏਗਾ, ਜੋ 15 ਮਾਰਚ ਤੱਕ ਚੱਲੇਗੀ। 13 ਤੋਂ 15 ਮਾਰਚ ਤੱਕ ਬੁਕਿੰਗ ਕਰਨ ਵਾਲੇ ਯਾਤਰੀ 1 ਅਪ੍ਰੈਲ ਤੋਂ 30 ਸਤੰਬਰ ਦੇ ਵਿਚਕਾਰ ਯਾਤਰਾ ਕਰ ਸਕਣਗੇ।
ਇਹ ਵੀ ਪੜ੍ਹੋ : ਮਹਿੰਗਾਈ ਦੀ ਮਾਰ: ਅਗਲੇ ਮਹੀਨੇ ਤੋਂ ਮਹਿੰਗੀ ਹੋਵੇਗੀ ਇੰਸ਼ੋਰੈਂਸ ਪਾਲਿਸੀ!
ਪਹਿਲਾਂ ਆਓ, ਪਹਿਲਾਂ ਪਾਓ
ਕੰਪਨੀ ਨੇ ਆਪਣੇ ਬਿਆਨ ਵਿਚ ਕਿਹਾ ਕਿ ਅਲਾਇੰਸ ਏਅਰ ਬਜਟ-ਅਨੁਕੂਲ ਹਵਾਈ ਟਿਕਟਾਂ ਪ੍ਰਦਾਨ ਕਰ ਰਹੀ ਹੈ। ਇਹ ਆਮ ਲੋਕਾਂ ਨੂੰ ਲਗਜ਼ਰੀ ਉਡਾਣਾਂ ਵਿਚ ਯਾਤਰਾ ਕਰਨ ਦਾ ਮੌਕਾ ਦੇਵੇਗੀ। ਇਸ ਪੇਸ਼ਕਸ਼ ਵਿਚ ਬੁਕਿੰਗ 'ਪਹਿਲਾਂ ਆਓ ਪਹਿਲੇ ਪਾਓ' ਦੇ ਅਧਾਰ ਤੇ ਕੀਤੀ ਜਾਏਗੀ।
ਇਹ ਵੀ ਪੜ੍ਹੋ : ਭਾਰਤੀ ਖਿਡੌਣਾ ਉਦਯੋਗ 'ਤੇ ਚੀਨ ਦਾ ਕਬਜ਼ਾ, Toy ਵੇਚ ਕੇ ਕਰਦਾ ਹੈ 11 ਹਜ਼ਾਰ ਕਰੋੜ ਦੀ ਕਮਾਈ
ਅਲਾਇੰਸ ਏਅਰ ਦੀਆਂ ਨਵੀਆਂ ਉਡਾਣਾਂ
ਹਾਲ ਹੀ ਵਿਚ ਅਲਾਇੰਸ ਏਅਰ ਅਤੇ ਪ੍ਰਾਈਵੇਟ ਏਅਰਲਾਈਨਜ਼ ਵਿਸਤਾਰਾ (VISTARA) ਨੇ ਨਵੀਂ ਉਡਾਣ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਅਲਾਇੰਸ ਏਅਰ ਨੇ ਦਿੱਲੀ-ਦੇਹਰਾਦੂਨ-ਪੰਤਨਗਰ ਰੂਟ 'ਤੇ ਦੁਬਾਰਾ ਉਡਾਣ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ।
ਇਹ ਵੀ ਪੜ੍ਹੋ : ਸਿਖ਼ਰ 'ਤੇ ਪਹੁੰਚ ਤੇਲ ਦੀਆਂ ਕੀਮਤਾਂ 'ਤੇ ਲੱਗੀ ਬ੍ਰੇਕ, ਫ਼ਿਲਹਾਲ ਨਹੀਂ ਵਧਣਗੇ ਭਾਅ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
GST ਦੇ ਦਾਇਰੇ 'ਚ ਲਿਆਂਦਾ ਜਾ ਸਕਦਾ ਹੈ ਜਹਾਜ਼ ਈਂਧਣ, ਹੋ ਰਿਹੈ ਵਿਚਾਰ
NEXT STORY 
