ਨਵੀਂ ਦਿੱਲੀ- ਕੇਂਦਰੀ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ 2025 ਦੇ ਅੰਤ ਤੋਂ ਪਹਿਲਾਂ ਸੜਕ ਹਾਦਸਿਆਂ ਨੂੰ 50 ਫ਼ੀਸਦੀ ਤੱਕ ਘਟਾਉਣ ਲਈ ਸਾਰਿਆਂ ਨੂੰ ਯਤਨ ਕਰਨ ਦਾ ਸੱਦਾ ਦਿੱਤਾ ਹੈ। ਸੜਕ ਸੁਰੱਖਿਆ ਹਫ਼ਤੇ ਦੌਰਾਨ 4 ਘੰਟੇ ਦੇ ਟੈਲੀਥੋਨ ਅਤੇ ਆਊਟਰੀਚ ਮੁਹਿੰਮ 'ਸੜਕ ਸੁਰੱਖਿਆ ਅਭਿਆਨ' 'ਚ ਹਿੱਸਾ ਲੈਂਦੇ ਹੋਏ ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਟਰੱਕ ਡਰਾਈਵਰਾਂ ਦੇ ਕੰਮ ਦੇ ਘੰਟੇ ਨਿਰਧਾਰਿਤ ਕਰਨ ਲਈ ਦੇਸ਼ 'ਚ ਜਲਦੀ ਹੀ ਇੱਕ ਕਾਨੂੰਨ ਲਿਆਂਦਾ ਜਾਵੇਗਾ। ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਕਿਹਾ ਕਿ ਉਹ ਸੜਕ ਹਾਦਸਿਆਂ ਨੂੰ ਘੱਟ ਕਰਨ ਲਈ ਵਚਨਬੱਧ ਹੈ ਅਤੇ ਉਨ੍ਹਾਂ ਨੇ ਸੜਕ ਸੁਰੱਖਿਆ ਦੇ ਸਾਰੇ 4ਈ- ਇੰਜੀਨੀਅਰਿੰਗ, ਲਾਗੂ ਕਰਨ, ਸਿੱਖਿਆ ਅਤੇ ਐਮਰਜੈਂਸੀ ਦੇਖਭਾਲ ਲਈ ਕਈ ਪਹਿਲਕਦਮੀਆਂ ਕੀਤੀਆਂ ਹਨ।
ਇਹ ਵੀ ਪੜ੍ਹੋ- ਭਾਰਤ ’ਚ ਇਸ ਸਾਲ 5 ’ਚੋਂ 4 ਪ੍ਰੋਫੈਸ਼ਨਲਸ ਨਵੀਂ ਨੌਕਰੀ ਦੀ ਭਾਲ ’ਚ
ਇਸ ਸਾਲ MoRTH ਨੇ ਸਭ ਲਈ ਸੁਰੱਖਿਅਤ ਸੜਕਾਂ ਦੇ ਕਾਰਨ ਦਾ ਪ੍ਰਚਾਰ ਕਰਨ ਲਈ 'ਸਵੱਛਤਾ ਪਖਵਾੜਾ' ਦੇ ਤਹਿਤ 11-17 ਜਨਵਰੀ ਦਰਮਿਆਨ ਸੜਕ ਸੁਰੱਖਿਆ ਹਫ਼ਤਾ (ਆਰ.ਐੱਸ.ਡਬਲਿਊ) ਮਨਾਇਆ। ਹਫਤੇ ਦੇ ਦੌਰਾਨ, ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਦਿੱਲੀ 'ਚ ਵੱਖ-ਵੱਖ ਸਥਾਨਾਂ ਸਟ੍ਰੀਟ ਸ਼ੋਅ, ਸੰਵੇਦਨਸ਼ੀਲਤਾ ਮੁਹਿੰਮਾਂ, ਸਕੂਲ ਅਤੇ ਕਾਲਜ ਦੇ ਵਿਦਿਆਰਥੀਆਂ ਲਈ ਮੁਕਾਬਲੇ, ਕਾਰਪੋਰੇਟਸ ਦੇ ਸਹਿਯੋਗ ਨਾਲ ਸੜਕ ਸੁਰੱਖਿਆ ਪ੍ਰਦਰਸ਼ਨੀਆਂ, ਵੋਕਥਾਨ, ਟਾਕ ਸ਼ੋਅ ਅਤੇ ਪੈਨਲ ਸਮੇਤ ਵੱਖ-ਵੱਖ ਕਈ ਗਤੀਵਿਧੀਆਂ ਦਾ ਆਯੋਜਨ ਕੀਤਾ। ਸੀਨੀਅਰ ਸਰਕਾਰੀ ਅਧਿਕਾਰੀਆਂ ਅਤੇ ਉਦਯੋਗ ਦੇ ਨੇਤਾਵਾਂ ਨਾਲ ਚਰਚਾ ਕੀਤੀ।
ਇਹ ਵੀ ਪੜ੍ਹੋ-ਉਡਾਣ ਨੇ 1.7 ਅਰਬ ਤੋਂ ਵੱਧ ਉਤਪਾਦ ਗਾਹਕਾਂ ਤੱਕ ਪਹੁੰਚਾਏ
ਇਸ ਤੋਂ ਇਲਾਵਾ ਐੱਨ.ਐੱਚ.ਏ.ਆਈ., ਐੱਨ.ਆਈ.ਆਈ.ਡੀ.ਸੀ.ਐੱਲ. ਆਦਿ ਵਰਗੀਆਂ ਸੜਕਾਂ ਦੀ ਮਾਲਕੀ ਵਾਲੀਆਂ ਏਜੰਸੀਆਂ ਨੇ ਟ੍ਰੈਫਿਕ ਨਿਯਮਾਂ ਅਤੇ ਨਿਯਮਾਂ ਦੀ ਪਾਲਣਾ, ਪੈਦਲ ਚੱਲਣ ਵਾਲਿਆਂ ਦੀ ਸੁਰੱਖਿਆ, ਟੋਲ ਪਲਾਜ਼ਿਆਂ 'ਤੇ ਡਰਾਈਵਰਾਂ ਲਈ ਅੱਖਾਂ ਦੀ ਜਾਂਚ ਕੈਂਪ ਅਤੇ ਸੜਕ ਇੰਜੀਨੀਅਰਿੰਗ ਨਾਲ ਸਬੰਧਤ ਹੋਰ ਪਹਿਲਕਦਮੀਆਂ ਨਾਲ ਸਬੰਧਤ ਵਿਸ਼ੇਸ਼ ਅਭਿਐਨ ਚਲਾਏ।
ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।
ਭਾਰਤ ’ਚ ਇਸ ਸਾਲ 5 ’ਚੋਂ 4 ਪ੍ਰੋਫੈਸ਼ਨਲਸ ਨਵੀਂ ਨੌਕਰੀ ਦੀ ਭਾਲ ’ਚ
NEXT STORY 
