ਨਵੀਂ ਦਿੱਲੀ - ਮਾਨਸੂਨ 'ਤੇ ਅਲ ਨੀਨੋ ਦੇ ਪ੍ਰਭਾਵ ਕਾਰਨ ਆਉਣ ਵਾਲੇ ਦਿਨਾਂ 'ਚ ਮਹਿੰਗਾਈ ਵਧਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਇਸ ਦੌਰਾਨ ਗੁਆਂਢੀ ਦੇਸ਼ ਚੀਨ ਤੋਂ ਭਾਰਤ ਲਈ ਚੰਗੀ ਖ਼ਬਰ ਇਹ ਸਾਹਮਣੇ ਆਈ ਹੈ ਕਿ ਚੀਨ ਦੀ ਅਰਥਵਿਵਸਥਾ ਅਜੇ ਵੀ ਸੰਘਰਸ਼ ਕਰ ਰਹੀ ਹੈ ਅਤੇ ਉਥੋਂ ਦੀ ਕਰੰਸੀ ਯੂਆਨ ਦੇ ਮੁਕਾਬਲੇ ਰੁਪਿਆ ਕਾਫ਼ੀ ਮਜ਼ਬੂਤ ਹੋ ਗਿਆ ਹੈ। ਇਸ ਕਾਰਨ ਚੀਨ ਤੋਂ ਦਰਾਮਦ ਸਸਤੀ ਹੋ ਗਈ ਹੈ।
ਦੱਸ ਦੇਈਏ ਕਿ 31 ਮਾਰਚ ਤੋਂ 30 ਜੂਨ ਦੇ ਵਿਚਕਾਰ ਰੁਪਿਆ ਯੂਆਨ ਦੇ ਮੁਕਾਬਲੇ 6 ਫ਼ੀਸਦੀ ਵਧਿਆ ਹੈ। ਚੀਨ ਦੀ ਅਰਥਵਿਵਸਥਾ ਕੋਰੋਨਾ ਦੇ ਦੌਰ ਤੋਂ ਬਾਅਦ ਆਪਣੀ ਰਫ਼ਤਾਰ ਤੇਜ਼ ਕਰਨ ਵਿੱਚ ਅਸਫ਼ਲ ਹੋ ਰਹੀ ਹੈ, ਜਿਸ ਕਾਰਨ ਵਿਸ਼ਵ ਅਰਥਵਿਵਸਥਾ ਦੀਆਂ ਸੰਭਾਵਨਾਵਾਂ ਵੀ ਘੱਟ ਗਈਆਂ ਹਨ। ਚੀਨ ਦੀ ਇਸ ਸਥਿਤੀ ਨਾਲ ਭਾਰਤ ਨੂੰ ਸਭ ਤੋਂ ਵੱਧ ਫ਼ਾਇਦਾ ਹੋਣ ਦੀ ਉਮੀਦ ਜਤਾਈ ਜਾ ਰਹੀ ਹੈ। ਚੀਨ ਦੇ ਨਾਲ ਭਾਰਤ ਦਾ ਵਪਾਰ ਅੰਤਰ ਪਿਛਲੇ ਵਿੱਤੀ ਸਾਲ ਵਿੱਚ 83.2 ਅਰਬ ਡਾਲਰ ਤੱਕ ਪਹੁੰਚ ਗਿਆ ਸੀ, ਜੋ ਵਿੱਤੀ ਸਾਲ 2022 ਵਿੱਚ 72.91 ਅਰਬ ਡਾਲਰ ਸੀ।
ਦੇਸ਼ ਵਿੱਚ ਮਹਿੰਗਾਈ ਕਾਫ਼ੀ ਹੱਦ ਤੱਕ ਮਾਨਸੂਨ ਦੀ ਸਥਿਤੀ ਉੱਤੇ ਨਿਰਭਰ ਕਰਦੀ ਹੈ। ਜੇਕਰ ਮਾਨਸੂਨ ਐਲ ਨੀਨੋ ਕਾਰਨ ਜ਼ਿਆਦਾ ਪ੍ਰਭਾਵਿਤ ਨਹੀਂ ਹੁੰਦਾ ਤਾਂ ਯੂਆਨ ਦੀ ਕਮਜ਼ੋਰੀ ਭਾਰਤ ਲਈ ਕਾਫ਼ੀ ਫ਼ਾਇਦੇਮੰਦ ਸਾਬਿਤ ਹੋ ਸਕਦੀ ਹੈ। ਚੀਨ ਦੀ ਆਰਥਿਕਤਾ ਕਮਜ਼ੋਰ ਹੋ ਰਹੀ ਹੈ ਅਤੇ ਇਸਦੀ ਮੁਦਰਾ ਯੂਆਨ ਘਟ ਰਹੀ ਹੈ। ਇਹ ਭਾਰਤ ਲਈ ਜਿੱਤ ਦੀ ਸਥਿਤੀ ਹੈ। ਚੀਨ ਭਾਰਤ ਦਾ ਦੂਜਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਹੈ ਪਰ ਇਸ ਨਾਲ ਬਹੁਤ ਵੱਡਾ ਵਪਾਰਕ ਪਾੜਾ ਵੀ ਹੈ।
ਪਿਛਲੇ ਸਾਲ ਭਾਰਤ ਤੋਂ ਚੀਨ ਨੂੰ ਨਿਰਯਾਤ ਵਿੱਚ 28 ਫ਼ੀਸਦੀ ਤੱਕ ਦੀ ਗਿਰਾਵਟ ਆਈ ਸੀ, ਜਿਸ ਨਾਲ ਇਹ ਘੱਟ ਕੇ 15.32 ਅਰਬ ਡਾਲਰ ਰਹਿ ਗਿਆ ਸੀ। ਹੁਣ ਇਸ ਦੀ ਦਰਾਮਦ 4.16 ਫ਼ੀਸਦੀ ਵਧ ਕੇ 98.51 ਅਰਬ ਡਾਲਰ ਤੱਕ ਪਹੁੰਚ ਗਈ ਹੈ। ਵਿੱਤੀ ਸਾਲ 2023 'ਚ ਚੀਨ ਤੋਂ ਦਰਾਮਦ ਲਗਾਤਾਰ ਵੱਧਦੀ ਜਾ ਰਹੀ ਹੈ। ਜਨਵਰੀ ਤੋਂ ਅਪ੍ਰੈਲ ਦੌਰਾਨ ਇਹ 4.6 ਫ਼ੀਸਦੀ ਵਧ ਕੇ 37.86 ਅਰਬ ਡਾਲਰ 'ਤੇ ਪਹੁੰਚ ਗਈ ਹੈ। ਇਸ ਨਾਲ ਅਮਰੀਕਾ ਤੋਂ ਬਾਅਦ ਚੀਨ ਭਾਰਤ ਦਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਬਣ ਗਿਆ ਹੈ।
ਭਾਰਤ ਦੇ ਸੇਵਾ ਖੇਤਰ ਦੀ ਵਾਧਾ ਦਰ ਜੂਨ ’ਚ ਸੁਸਤ ਹੋ 3 ਮਹੀਨਿਆਂ ਦੇ ਹੇਠਲੇ ਪੱਧਰ ’ਤੇ ਪੁੱਜੀ : PMI
NEXT STORY 
