ਨਵੀਂ ਦਿੱਲੀ — ਫੈੱਡਰੇਸ਼ਨ ਆਫ ਪੇਪਰ ਟਰੇਡਰਜ਼ ਐਸੋਸੀਏਸ਼ਨ ਆਫ ਇੰਡੀਆ (ਐੱਫ. ਪੀ. ਟੀ. ਏ.) ਦੇ ਚੇਅਰਮੈਨ ਸੱਜਣ ਗੋਇਨਕਾ ਨੇ ਕਿਹਾ ਕਿ ਦੇਸ਼ ’ਚ ਵਾਤਾਵਰਣ ਲਈ ਖਤਰਨਾਕ ਸਾਬਤ ਹੋ ਰਹੀ ਨੁਕਸਾਨਦਾਇਕ ਪਲਾਸਟਿਕ ਦਾ ਸਭ ਤੋਂ ਮਜ਼ਬੂਤ ਬਦਲ ਪੇਪਰ ਹੈ ਪਰ ਮੌਜੂਦਾ ਸਮੇਂ ’ਚ ਪੇਪਰ ਪੇਸ਼ਾ ਆਰਥਿਕ ਮੰਦੀ ਦੇ ਦੌਰ ਨਾਲ ਜੂਝ ਰਿਹਾ ਹੈ। ਇਹ ਬੇਹੱਦ ਚਿੰਤਾ ਦਾ ਵਿਸ਼ਾ ਹੈ। ਸਰਕਾਰ ਨੂੰ ਇਸ ਦਿਸ਼ਾ ’ਚ ਗੰਭੀਰਤਾ ਨਾਲ ਸੋਚਣਾ ਹੋਵੇਗਾ।
ਪੇਪਰ ਉਦਯੋਗ ’ਤੇ ਚਰਚਾ ਕਰਨ ਲਈ ਦਿੱਲੀ ’ਚ 3 ਦਿਨਾ ਰਾਸ਼ਟਰੀ ਸੰਮੇਲਨ ਹੋਣ ਜਾ ਰਿਹਾ ਹੈ। ਇਸ ਦਾ ਉਦਘਾਟਨ 21 ਸਤੰਬਰ ਨੂੰ ਦੁਪਹਿਰ 2 ਵਜੇ ਲੋਕ ਸਭਾ ਸਪੀਕਰ ਓਮ ਬਿਰਲਾ ਕਰਨਗੇ। ਸੰਮੇਲਨ ’ਚ ਏਸ਼ੀਆ ਦੀ ਸਭ ਤੋਂ ਵੱਡੀ ਪੇਪਰ ਮਰਚੈਂਟਸ ਐਸੋਸੀਏਸ਼ਨ ਚਾਵੜੀ ਬਾਜ਼ਾਰ ਦਿੱਲੀ ਮੇਜ਼ਬਾਨੀ ਕਰ ਰਹੀ ਹੈ। ਸੰਮੇਲਨ ’ਚ ਦੇਸ਼ ਭਰ ਦੀਆਂ 36 ਪੇਪਰ ਮਰਚੈਂਟਸ ਐਸੋਸੀਏਸ਼ਨਾਂ ਦੇ ਲਗਭਗ 2000 ਪ੍ਰਤੀਨਿਧੀ ਭਾਗ ਲੈ ਰਹੇ ਹਨ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਮੇਟੀ ਦੇ ਚੇਅਰਮੈਨ ਦਲੀਪ ਬਿੰਦਲ ਨੇ ਸਰਕਾਰ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਆਰਥਿਕ ਮੰਦੀ ਦੇ ਦੌਰ ਨਾਲ ਜੂਝ ਰਹੇ ਪੇਪਰ ਪੇਸ਼ੇ ਨੂੰ ਸਹਾਰਾ ਦੇਣ ਲਈ ਪੇਪਰ ’ਤੇ ਜੀ. ਐੱਸ. ਟੀ. 5 ਫੀਸਦੀ ਲਾਇਆ ਜਾਵੇ। ਪੇਪਰ ਮਰਚੈਂਟਸ ਐਸੋਸੀਏਸ਼ਨ ਦਿੱਲੀ ਦੇ ਪ੍ਰਧਾਨ ਪਦਮ ਚੰਦ ਜੈਨ ਨੇ ਕਾਗਜ਼ ਨਾਲ ਬਣੇ ਉਤਪਾਦਾਂ ’ਤੇ ਇਕ ਹੀ ਜੀ. ਐੱਸ. ਟੀ. ਲਾਗੂ ਕਰਨ, ਚੈੱਕ ਵਾਪਸੀ ਕੇਸ ’ਚ ਧਾਰਾ 138 ਤਹਿਤ 3 ਮਹੀਨਿਆਂ ’ਚ ਫੈਸਲਾ ਕੀਤੇ ਜਾਣ ਅਤੇ ਇਨਕਮ ਟੈਕਸ ਦਾ ਘੇਰਾ ਵਧਾਉਣ ਦੀ ਮੰਗ ਕੀਤੀ।
ਇਸ ਮੌਕੇ ਫੈੱਡਰੇਸ਼ਨ ਆਫ ਪੇਪਰ ਟਰੇਡਰਜ਼ ਐਸੋਸੀਏਸ਼ਨਸ ਆਫ ਇੰਡੀਆ ਦੇ ਪ੍ਰਧਾਨ ਮੰਤਰੀ ਹਿਰੇਨ ਕਾਰੀਆ, ਪੇਪਰ ਮਰਚੈਂਟਸ ਐਸੋਸੀਏਸ਼ਨ ਦਿੱਲੀ ਦੇ ਪ੍ਰਧਾਨ ਪਦਮ ਚੰਦ ਜੈਨ, ਪ੍ਰਧਾਨ ਮੰਤਰੀ ਪਿਊਸ਼ ਜੈਨ, ਮੰਤਰੀ ਰਮੇਸ਼ ਗਰਗ ਦੇ ਨਾਮਿਨੀ ਪ੍ਰਧਾਨ ਚੰਦਰਦੇਵ ਚੌਧਰੀ, ਨਵੀਨ ਜੈਨ, ਰਵਿੰਦਰ ਪਸਾਰੀ, ਰਾਜਕੁਮਾਰ ਬਿੰਦਲ, ਵਿਨੇ ਜੈਨ, ਲਕਸ਼ਮੀ ਮਿੱਤਲ, ਦਲੀਪ ਬਿੰਦਲ, ਬਜਰੰਗ ਲਾਲ ਅਗਰਵਾਲ, ਰਾਜੀਵ ਸ਼ਰਮਾ, ਅਤੁਲ ਜੈਨ, ਕਪਿਲ ਚੌਧਰੀ ਸਮੇਤ ਦੇਸ਼ ਦੀਆਂ 36 ਪੇਪਰ ਮਰਚੈਂਟਸ ਐਸੋਸੀਏਸ਼ਨਾਂ ਦੇ ਪ੍ਰਮੁੱਖ ਪ੍ਰਤੀਨਿਧੀ ਮੌਜੂਦ ਰਹੇ।
ਫੈੱਡਰੇਸ਼ਨ ਆਫ ਪੇਪਰ ਟਰੇਡਰਜ਼ ਐਸੋਸੀਏਸ਼ਨ ਆਫ ਇੰਡੀਆ (ਐੱਫ. ਪੀ. ਟੀ. ਏ.) ਦੇ ਮੈਂਬਰ ਆਪਣੀਆਂ ਮੰਗਾਂ ਸਬੰਧੀ ਜਾਣਕਾਰੀ ਦਿੰਦੇ ਹੋਏ।
ਚਾਰ ਸਾਲ ਦੇ ਉੱਚ ਪੱਧਰ 'ਤੇ ਪਹੁੰਚੀਆਂ ਪਿਆਜ਼ ਦੀਆਂ ਕੀਮਤਾਂ
NEXT STORY