ਨਵੀਂ ਦਿੱਲੀ - ਪੈਟਰੋਲ ਅਤੇ ਡੀਜ਼ਲ ਦੀਆਂ ਅਸਮਾਨ ਛੂੰਹਦੀਆਂ ਕੀਮਤਾਂ ਕਾਰਨ ਦੇਸ਼ ਵਿੱਚ ਵਿਸ਼ੇਸ਼ ਕ੍ਰੈਡਿਟ ਕਾਰਡਾਂ ਜਿਵੇਂ ਕਿ ਈਂਧਨ ਕਾਰਡਾਂ ਦੀ ਮੰਗ ਲਗਭਗ 10 ਗੁਣਾ ਵੱਧ ਗਈ ਹੈ। ਦੇਸ਼ ਵਿੱਚ ਵਰਤੇ ਜਾ ਰਹੇ ਕੁੱਲ ਕ੍ਰੈਡਿਟ ਕਾਰਡਾਂ ਵਿੱਚ ਈਂਧਨ ਕਾਰਡਾਂ ਦੀ ਹਿੱਸੇਦਾਰੀ ਵਧ ਕੇ 13.1 ਫੀਸਦੀ ਹੋ ਗਈ ਹੈ, ਜੋ ਪਿਛਲੇ ਸਾਲ 4.95 ਫੀਸਦੀ ਸੀ। ਹੁਣ ਸਾਰੇ ਦਫ਼ਤਰ ਅਤੇ ਸਕੂਲ-ਕਾਲਜ ਖੁੱਲ੍ਹ ਗਏ ਹਨ, ਇਸ ਲਈ ਆਉਣ ਵਾਲੇ ਸਮੇਂ ਵਿੱਚ ਵੀ ਫਿਊਲ ਕਾਰਡਾਂ ਦੀ ਜ਼ੋਰਦਾਰ ਮੰਗ ਬਣੀ ਰਵੇਗੀ।
ਬੈਂਕਬਾਜ਼ਾਰ ਦੀ ਮਨੀਮੂਡ ਰਿਪੋਰਟ ਅਨੁਸਾਰ, ਇਸ ਸਾਲ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਨ ਵਾਲੀਆਂ ਔਰਤਾਂ ਦੀ ਗਿਣਤੀ ਵਿੱਚ ਲਗਭਗ 50% ਦਾ ਵਾਧਾ ਹੋਇਆ ਹੈ। 2020 ਵਿੱਚ 8.41% ਦੇ ਮੁਕਾਬਲੇ ਦੇਸ਼ ਵਿੱਚ ਕੁੱਲ ਕ੍ਰੈਡਿਟ ਕਾਰਡ ਉਪਭੋਗਤਾਵਾਂ ਵਿੱਚ ਔਰਤਾਂ ਦੀ ਹਿੱਸੇਦਾਰੀ 12% ਸੀ। ਨੌਜਵਾਨ ਲੜਕੀਆਂ ਜ਼ਿਆਦਾ ਕ੍ਰੈਡਿਟ ਕਾਰਡ ਵਰਤ ਰਹੀਆਂ ਹਨ।
ਇਹ ਵੀ ਪੜ੍ਹੋ : LIC ਦੇ IPO 'ਚ ਦੇਰੀ ਦੀਆਂ ਖਬਰਾਂ ਵਿਚਾਲੇ ਕੇਂਦਰ ਸਰਕਾਰ ਦਾ ਬਿਆਨ ਆਇਆ ਸਾਹਮਣੇ
ਪਹਿਲੀ ਤਿਮਾਹੀ ਦੇ ਹੋਮ ਲੋਨ ਦਾ ਔਸਤ ਆਕਾਰ ਵਧਿਆ
ਹੋਮ ਲੋਨ ਦੇ ਮਾਮਲੇ 'ਚ ਵੀ ਇਸ ਸਾਲ ਵੱਡਾ ਬਦਲਾਅ ਆਇਆ ਹੈ। 2021 ਦੀ ਪਹਿਲੀ ਤਿਮਾਹੀ ਵਿੱਚ ਔਸਤ ਹੋਮ ਲੋਨ ਦਾ ਆਕਾਰ 2020 ਦੀ ਚੌਥੀ ਤਿਮਾਹੀ ਵਿੱਚ 27.74 ਲੱਖ ਰੁਪਏ ਤੋਂ ਵੱਧ ਕੇ 28.43 ਲੱਖ ਰੁਪਏ ਹੋ ਗਿਆ। ਇਸ ਤੋਂ ਬਾਅਦ ਕੋਵਿਡ ਮਹਾਮਾਰੀ ਦੀ ਦੂਜੀ ਲਹਿਰ ਦੌਰਾਨ ਇਸ ਮਾਮਲੇ 'ਚ ਥੋੜ੍ਹੀ ਕਮੀ ਆਈ ਪਰ ਸਾਲ ਦੀ ਤੀਜੀ ਤਿਮਾਹੀ ਤੋਂ ਰਿਕਵਰੀ ਸ਼ੁਰੂ ਹੋ ਗਈ। ਹੁਣ ਸਥਿਤੀ ਇਹ ਬਣ ਗਈ ਹੈ ਕਿ ਦੇਸ਼ ਵਿੱਚ ਡੇਢ ਕਰੋੜ ਰੁਪਏ ਤੋਂ ਵੱਧ ਦੇ ਵੱਡੇ ਕਰਜ਼ਿਆਂ ਦੀ ਮੰਗ ਸਾਹਮਣੇ ਆਉਣ ਲੱਗੀ ਹੈ।
ਇਹ ਵੀ ਪੜ੍ਹੋ : Apple ਨੇ ਆਪਣੇ 'ਤੇ ਲੱਗੇ ਦੋਸ਼ਾਂ ਸਬੰਧੀ ਦਿੱਤੀ ਸਫ਼ਾਈ, ਭਾਰਤ ਸਰਕਾਰ ਨੂੰ ਕੀਤੀ ਇਹ ਅਪੀਲ
ਇੱਕ ਮਜ਼ਬੂਤ ਕ੍ਰੈਡਿਟ ਸਕੋਰ ਨੂੰ ਕਾਇਮ ਰੱਖਣ ਵਿੱਚ ਔਰਤਾਂ ਮਰਦਾਂ ਨਾਲੋਂ ਵਧੇਰੇ ਗੰਭੀਰ
ਮਨੀਮੂਡ ਦੀ ਰਿਪੋਰਟ ਦੇ ਅਨੁਸਾਰ, ਵਿੱਤੀ ਆਦਤਾਂ ਦੀ ਗੱਲ ਆਉਂਦੀ ਹੈ ਤਾਂ ਔਰਤਾਂ ਪੁਰਸ਼ਾਂ ਦੇ ਮੁਕਾਬਲੇ ਜ਼ਿਆਦਾ ਸਾਵਧਾਨ ਹੁੰਦੀਆਂ ਹਨ। ਇਸ ਸਾਲ 72 ਪ੍ਰਤੀਸ਼ਤ ਔਰਤਾਂ ਦਾ ਕ੍ਰੈਡਿਟ ਸਕੋਰ 700 ਜਾਂ ਇਸ ਤੋਂ ਵੱਧ ਰਿਹਾ, ਜਦੋਂ ਕਿ ਸਮਾਨ ਕ੍ਰੈਡਿਟ ਸਕੋਰ ਵਾਲੇ ਪੁਰਸ਼ਾਂ ਦੀ ਗਿਣਤੀ 66 ਪ੍ਰਤੀਸ਼ਤ ਹੈ। ਇੰਨਾ ਹੀ ਨਹੀਂ ਜਿੱਥੇ 40 ਫੀਸਦੀ ਔਰਤਾਂ ਦਾ ਕ੍ਰੈਡਿਟ ਸਕੋਰ 800 ਤੋਂ ਉਪਰ ਸੀ, ਉਥੇ ਹੀ ਇਸ ਸਕੋਰ ਵਾਲੇ ਪੁਰਸ਼ਾਂ ਦਾ ਸਿਰਫ 35.6 ਫੀਸਦੀ ਹੀ ਰਿਹਾ।
ਇਹ ਵੀ ਪੜ੍ਹੋ : UPI ਲੈਣ-ਦੇਣ ਕਰਦੇ ਸਮੇਂ ਰਹੋ ਸੁਚੇਤ, ਥੋੜ੍ਹੀ ਜਿਹੀ ਲਾਪਰਵਾਹੀ ਤੁਹਾਡੇ ਬੈਂਕ ਖਾਤੇ ਨੂੰ ਕਰ ਸਕਦੀ ਹੈ ਖਾਲ੍ਹੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਇਨਕਮ ਟੈਕਸ ਵਿਭਾਗ ਦੀ ਗ਼ਲਤੀ ਕਾਰਨ ਦੇਸ਼ ਨੂੰ ਹੋਇਆ 12 ਹਜ਼ਾਰ ਕਰੋੜ ਤੋਂ ਵੱਧ ਦਾ ਨੁਕਸਾਨ
NEXT STORY 
