ਨਵੀਂ ਦਿੱਲੀ (ਯੂ. ਐੱਨ. ਆਈ.) - ਪੈਰਿਸ ਸਮਝੌਤੇ ਤਹਿਤ ਕਾਰਬਨ ਉਤਸਰਜਨ ਘੱਟ ਕਰਨ ਵਾਲੀਆਂ ਉਦਯੋਗਿਕ ਇਕਾਈਆਂ ਨੂੰ ਮਿਲਣ ਵਾਲੇ ਊਰਜਾ ਬਚਤ ਪ੍ਰਮਾਣ ਪੱਤਰਾਂ ਦੀ ਆਨਲਾਈਨ ਟਰੇਡਿੰਗ ਲਈ ਸਰਕਾਰ ਨੇ ਇਕ ਆਨਲਾਈਨ ਪ੍ਰਣਾਲੀ ਵਿਕਸਿਤ ਕੀਤੀ ਹੈ।
ਬਿਜਲੀ ਮੰਤਰਾਲਾ ਨੇ 349 ਉਦਯੋਗਿਕ ਇਕਾਈਆਂ ਨੂੰ 57 ਲੱਖ ਤੋਂ ਜ਼ਿਆਦਾ ਊਰਜਾ ਬਚਤ ਪ੍ਰਮਾਣ ਪੱਤਰ ਇਕੱਠੇ ਜਾਰੀ ਕੀਤੇ ਹਨ। ਇਨ੍ਹਾਂ ਉਦਯੋਗਾਂ ਨੇ ਟੀਚੇ ਤੋਂ ਜ਼ਿਆਦਾ ਊਰਜਾ ਦੀ ਬਚਤ ਕੀਤੀ ਹੈ। ਇਹ ਇਕਾਈਆਂ ਇਕ ਮਹੀਨੇ ਤੋਂ ਬਾਅਦ ਪਾਵਰ ਐਕਸਚੇਂਜ ਪੋਟਰਲ ਦੇ ਮਾਧਿਅਮ ਨਾਲ ਉਨ੍ਹਾਂ ਇਕਾਈਆਂ ਨੂੰ ਪ੍ਰਮਾਣ ਪੱਤਰਾਂ ਦੀ ਵਿਕਰੀ ਕਰਨ ’ਚ ਸਮਰੱਥ ਹੋਣਗੀਆਂ ਜੋ ਆਪਣੇ ਟੀਚਿਆਂ ਨੂੰ ਪ੍ਰਾਪਤ ਨਹੀਂ ਕਰ ਸਕੇ। ਮੰਤਰਾਲਾ ਦੇ ਅਧਿਕਾਰੀਆਂ ਅਨੁਸਾਰ ਭਾਰਤ ਇਕਮਾਤਰ ਜੀ-20 ਦੇਸ਼ ਹੈ, ਜੋ ਪੈਰਿਸ ਸਮਝੌਤੇ ਅਨੁਸਾਰ 2 ਡਿਗਰੀ ਤੋਂ ਘੱਟ ਤਾਪਮਾਨ ’ਚ ਵਾਧੇ ਦੀ ਰਾਹ ’ਤੇ ਹੈ। ਇਸਪਾਤ, ਸੀਮੈਂਟ, ਰਿਫਾਇਨਰੀ, ਉਰਵਰਕ ਅਤੇ ਹੋਰ ਖੇਤਰਾਂ ਦੇ ਵੱਡੇ ਉਦਯੋਗਾਂ ਨੇ ਇਸ ਦਿਸ਼ਾ ’ਚ ਬਿਹਤਰ ਕੋਸ਼ਿਸ਼ ਕੀਤੀ ਹੈ। ਬਿਜਲੀ ਮੰਤਰਾਲਾ ਨੇ ਪ੍ਰਮੁੱਖ ਉਦਯੋਗਿਕ ਖੇਤਰਾਂ ਦੀ ਊਰਜਾ ਯੋਗਤਾ ਵਧਾਉਣ ਲਈ ਕਈ ਪਹਿਲਾਂ ਕੀਤੀਆਂ ਹਨ। ਇਸ ਦਾ ਉਦੇਸ਼ ਜੈਵਿਕ ਈਂਧਨ, ਕੋਲਾ, ਤੇਲ ਅਤੇ ਗੈਸ ਦੀ ਖਪਤ ਨੂੰ ਘੱਟ ਕਰਨਾ ਹੈ, ਜਿਸ ਨਾਲ ਕਾਰਬਨ ਅਰਥਵਿਵਸਥਾ ਘੱਟ ਹੋ ਸਕੇ। ਇਹ ਨਾ ਸਿਰਫ ਭਾਰਤ ਲਈ ਊਰਜਾ ਸੁਰੱਖਿਆ ਨੂੰ ਵਧਾਏਗਾ ਸਗੋਂ ਪੈਰਿਸ ਸਮਝੌਤੇ ਅਨੁਸਾਰ ਵਾਤਾਵਰਣ ਟੀਚਿਆਂ ਦੀ ਦਿਸ਼ਾ ’ਚ ਵੀ ਯੋਗਦਾਨ ਦੇਵੇਗਾ।
ਪ੍ਰਦਰਸ਼ਨ, ਉਪਲੱਬਧੀ ਅਤੇ ਵਪਾਰ (ਪੀ. ਏ. ਟੀ.) ਦੇ ਰੂਪ ’ਚ ਮੰਨੀਆਂ-ਪ੍ਰਮੰਨੀਆਂ ਪ੍ਰਮੁੱਖ ਪਹਿਲਾਂ ’ਚੋਂ ਇਕ ਨੂੰ ਪੜਾਅ-ਦੋ (2016-19 ਦੌਰਾਨ) ਅਨੁਸਾਰ 11 ਖੇਤਰਾਂ ਦੇ 621 ਵੱਡੇ ਉਦਯੋਗਾਂ ਨੂੰ ਸ਼ਾਮਲ ਕਰਦੇ ਹੋਏ ਲਾਗੂ ਕੀਤਾ ਗਿਆ ਸੀ। ਇਸ ਪਹਿਲ ਦਾ ਸੰਚਾਲਨ ਕਰਨ ਵਾਲੇ ਊਰਜਾ ਯੋਗਤਾ ਬਿਊਰੋ ਨੇ ਇਨ੍ਹਾਂ ਉਦਯੋਗਾਂ ਵੱਲੋਂ ਪ੍ਰਾਪਤ ਊਰਜਾ ਬਚਤ ਦੀ ਤਸਦੀਕ ਪੂਰੀ ਕੀਤੀ, ਜਿਨ੍ਹਾਂ ਨੂੰ ਨਾਮਜ਼ਦ ਖਪਤਕਾਰ (ਡੀ. ਸੀ.) ਕਿਹਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਕੋਰੋਨਾ ਕਾਲ ਦੌਰਾਨ ਨੌਕਰੀ ਗੁਆਉਣ ਵਾਲਿਆਂ ਨੂੰ ਸਰਕਾਰ ਦੇਵੇਗੀ ਵੱਡੀ ਰਾਹਤ, ਮਨਰੇਗਾ ਦੇ ਬਜਟ 'ਚ ਵੀ ਕੀਤਾ ਵਾਧਾ
31,445 ਕਰੋਡ਼ ਰੁਪਏ ਦੀ ਊਰਜਾ ਦੀ ਹੋਈ ਬਚਤ
ਬੀ. ਈ. ਈ. ਵੱਲੋਂ ਪ੍ਰਾਪਤ ਮੁਲਾਂਕਣ ਰਿਪੋਰਟ ਅਨੁਸਾਰ, ਕੁਲ ਊਰਜਾ ਬਚਤ 1.4 ਕਰੋਡ਼ ਟਨ ਤੇਲ ਦੇ ਬਰਾਬਰ (ਐੱਮ. ਟੀ. ਓ. ਈ.) ਤੋਂ ਜ਼ਿਆਦਾ ਸੀ, ਜਿਸ ਨੇ 6.6 ਕਰੋਡ਼ ਟਨ ਕਾਰਬਨ ਡਾਇਆਕਸਾਈਡ ਉਤਸਰਜਨ ਦੀ ਵੀ ਬਚਤ ਕੀਤੀ ਹੈ। ਇਸ ਪਹਿਲ ਦੇ ਨਤੀਜੇ ਵਜੋਂ 31,445 ਕਰੋਡ਼ ਰੁਪਏ ਦੀ ਊਰਜਾ ਦੀ ਬਚਤ ਹੋਈ ਹੈ ਅਤੇ ਉਦਯੋਗਾਂ ਨੇ 43,721 ਕਰੋਡ਼ ਰੁਪਏ ਤੋਂ ਜ਼ਿਆਦਾ ਦਾ ਨਿਵੇਸ਼ ਪ੍ਰਾਪਤ ਕੀਤਾ ਹੈ। ਮਿਸਾਲੀ ਪ੍ਰਦਰਸ਼ਨ ਨੂੰ ਉਤਸ਼ਾਹਿਤ ਕਰਨ ਲਈ, ਬਿਜਲੀ ਮੰਤਰਾਲਾ ਨੇ ਉਨ੍ਹਾਂ ਇਕਾਈਆਂ ਨੂੰ ਊਰਜਾ ਬਚਤ ਪ੍ਰਮਾਣ ਪੱਤਰ ਜਾਰੀ ਕੀਤੇ, ਜਿਨ੍ਹਾਂ ਨੇ ਆਪਣੇ ਟੀਚੇ ਨੂੰ ਪਾਰ ਕੀਤਾ ਹੈ। ਰਾਸ਼ਟਰੀ ਵਿਸਤ੍ਰਿਤ ਊਰਜਾ ਯੋਗਤਾ ਮਿਸ਼ਨ (ਐੱਨ. ਐੱਮ. ਈ. ਈ. ਈ.) ਤਹਿਤ ਬਾਜ਼ਾਰ ਆਧਾਰਿਤ ਪ੍ਰਣਾਲੀ ਦੇ ਰੂਪ ’ਚ ਪੀ. ਏ. ਟੀ. ਯੋਜਨਾ ਊਰਜਾ ਯੋਗਤਾ ਉਦਯੋਗਾਂ ’ਚ ਵਾਧੂ ਊਰਜਾ ਬਚਤ ਦੇ ਪ੍ਰਮਾਣੀਕਰਣ ਦੇ ਮਾਧਿਅਮ ਨਾਲ ਲਾਗਤ ਪ੍ਰਭਾਵਸ਼ੀਲਤਾ ਨੂੰ ਵਧਾਉਣ ਲਈ ਹੈ, ਜਿਸ ਦਾ ਕਾਰੋਬਾਰ ਕੀਤਾ ਜਾ ਸਕਦਾ ਹੈ। ਇਹ ਯੋਜਨਾ ਵਿਸ਼ੇਸ਼ ਊਰਜਾ ਖਪਤ (ਐੱਸ. ਈ. ਸੀ.) ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਕਰਦੀ ਹੈ, ਯਾਨੀ ਊਰਜਾ ਹੁਨਰ ਵੱਡੇ ਉਦਯੋਗਾਂ ’ਚ ਉਤਪਾਦਨ ਦੀ ਪ੍ਰਤੀ ਯੂਨਿਟ ਊਰਜਾ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਯੋਜਨਾ ਤਹਿਤ, ਆਧਾਰਭੂਤ ਡੇਟਾ (ਯੋਗਤਾ ਦਾ ਮੌਜੂਦਾ ਪੱਧਰ) ਨੂੰ ਤਸਦੀਕੀ ਕਰਨ ਲਈ ਇਕ ਊਰਜਾ ਆਡਿਟ ਕੀਤਾ ਜਾਂਦਾ ਹੈ ਅਤੇ ਉਸ ਤੋਂ ਬਾਅਦ ਊਰਜਾ ਬਚਤ ਟੀਚੇ ਦਿੱਤੇ ਜਾਂਦੇ ਹਨ।
ਇਹ ਵੀ ਪੜ੍ਹੋ : ਵਿੱਤ ਮੰਤਰਾਲੇ ਨੇ ਇਨਫੋਸਿਸ ਦੇ MD ਨੂੰ ਭੇਜਿਆ ਸੰਮਨ, ਕੱਲ੍ਹ ਤੱਕ ਦੇਣਾ ਹੋਵੇਗਾ ਜਵਾਬ
ਟੀਚੇ ਤੋਂ ਜ਼ਿਆਦਾ ਊਰਜਾ ਬਚਤ ਹਾਸਲ ਕਰਨ ਵਾਲਿਆਂ ਨੂੰ ਪ੍ਰਮਾਣ ਪੱਤਰ ਜਾਰੀ
ਊਰਜਾ ਬਚਤ ਪ੍ਰਮਾਣ ਪੱਤਰ (ਈ. ਐੱਸ. ਸੀ. ਈ. ਆਰ. ਟੀ. ਐੱਸ.) ਉਨ੍ਹਾਂ ਪਲਾਂਟਾਂ ਨੂੰ ਜਾਰੀ ਕੀਤੇ ਜਾਂਦੇ ਹਨ, ਜਿਨ੍ਹਾਂ ਨੇ ਆਪਣੇ ਟੀਚੇ ਤੋਂ ਜ਼ਿਆਦਾ ਊਰਜਾ ਬਚਤ ਹਾਸਲ ਕੀਤੀ ਹੈ। ਅਜਿਹੀਆਂ ਇਕਾਈਆਂ ਜੋ ਖੁਦ ਦੇ ਕੰਮਾਂ ਦੇ ਮਾਧਿਅਮ ਨਾਲ ਜਾਂ ਈ. ਐੱਸ. ਸੀ. ਈ. ਆਰ. ਟੀ. ਐੱਸ. ਦੀ ਖਰੀਦ ਦੇ ਮਾਧਿਅਮ ਨਾਲ ਟੀਚਿਆਂ ਨੂੰ ਪੂਰਾ ਕਰਨ ’ਚ ਅਸਮਰਥ ਹਨ , ਉਹ ਇਕਾਈਆਂ ਊਰਜਾ ਸੁਰੱਖਿਆ ਐਕਟ, 2001 ਤਹਿਤ ਆਰਥਿਕ ਸਜ਼ਾ ਲਈ ਜ਼ਿੰਮੇਵਾਰ ਹਨ। ਈ. ਐੱਸ. ਸੀ. ਈ. ਆਰ. ਟੀ. ਐੱਸ. ਜਾਰੀ ਕਰਨ ਤੋਂ ਬਾਅਦ ਡੀ. ਸੀ. ਨੂੰ ਈ. ਐੱਸ. ਸੀ. ਈ. ਆਰ. ਟੀ. ਐੱਸ. ਦੀ ਵਿਕਰੀ ਅਤੇ ਈ. ਐੱਸ. ਸੀ. ਈ. ਆਰ. ਟੀ. ਐੱਸ. ਦੇ ਬੁੱਕ ਕੀਪਿੰਗ ਲਈ ਪਾਵਰ ਐਕਸਚੇਂਜਾਂ ਨਾਲ ਰਜਿਸਟਰਡ ਕਰਨ ਤੋਂ ਪਹਿਲਾਂ ਲਾਇਕ ਇਕਾਈ ਦੇ ਰੂਪ ਵਿੱਚ ਰਜਿਸਟਰੀ ਦੇ ਨਾਲ ਪੰਜੀਕਰਣ ਕਰਣਾ ਜ਼ਰੂਰੀ ਹੈ। ਈ. ਐੱਸ. ਸੀ. ਈ. ਆਰ. ਟੀ. ਐੱਸ. ਦੀ ਵਿਕਰੀ ਪਾਵਰ ਐਕਸਚੇਂਜ ਪਲੇਟਫਾਰਮ ’ਤੇ ਹੁੰਦੀ ਹੈ।
ਇਹ ਵੀ ਪੜ੍ਹੋ : ‘ਸੋਸ਼ਲ ਮੀਡੀਆ ’ਤੇ ਅਫਗਾਨਾਂ ਦੀ ਸੁਰੱਖਿਆ : ਫੇਸਬੁੱਕ ਨੇ ਐਪ ’ਤੇ ਕੁਝ ਆਪਸ਼ਨ ਅਸਥਾਈ ਤੌਰ ’ਤੇ ਕੀਤੇ ਬੰਦ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸੈਂਸੈਕਸ ਸ਼ੁਰੂਆਤੀ ਕਾਰੋਬਾਰ 'ਚ 411 ਅੰਕ ਚੜ੍ਹਿਆ, ਨਿਫਟੀ 16,550 ਅੰਕ ਦੇ ਪਾਰ
NEXT STORY 
