ਬਿਜ਼ਨੈੱਸ ਡੈਸਕ : ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਨੇ ਸਾਰੇ ਪੀਐੱਫ ਖਾਤਾ ਧਾਰਕਾਂ ਲਈ ਅਲਰਟ ਜਾਰੀ ਕੀਤਾ ਹੈ। ਇਸ ਅਲਰਟ ਵਿੱਚ EPFO ਨੇ ਸਾਰੇ ਮੈਂਬਰਾਂ ਨੂੰ ਕਿਸੇ ਵੀ ਸੰਭਾਵਿਤ ਧੋਖਾਧੜੀ ਤੋਂ ਬਚਣ ਦਾ ਸੁਝਾਅ ਦਿੱਤਾ ਹੈ। ਇਸ ਦੇ ਨਾਲ ਇਹ ਵੀ ਕਿਹਾ ਗਿਆ ਹੈ ਕਿ EPFO ਵਲੋਂ ਕਦੇ ਵੀ ਕਿਸੇ ਮੈਂਬਰ ਤੋਂ ਫੋਨ ਅਤੇ ਈਮੇਲ 'ਤੇ ਕੋਈ ਨਿੱਜੀ ਜਾਣਕਾਰੀ ਨਹੀਂ ਮੰਗੀ ਜਾਂਦੀ ਹੈ।
ਇਹ ਵੀ ਪੜ੍ਹੋ - 76 ਹਜ਼ਾਰ ਰੁਪਏ 'ਚ ਆਨਲਾਈਨ ਮੰਗਵਾਇਆ ਲੈਪਟਾਪ, ਬਾਕਸ ਖੋਲ੍ਹਿਆ ਤਾਂ ਹੱਕਾ-ਬੱਕਾ ਰਹਿ ਗਿਆ ਪਰਿਵਾਰ
EPFO ਨੇ ਕੀਤਾ ਸਾਵਧਾਨ
ਈਪੀਐੱਫਓ ਦੁਆਰਾ ਆਪਣੇ ਅਧਿਕਾਰਤ 'ਐਕਸ' ਹੈਂਡਲ 'ਤੇ ਦਿੱਤੀ ਗਈ ਜਾਣਕਾਰੀ ਵਿੱਚ ਮੈਂਬਰਾਂ ਨੂੰ ਫਰਜ਼ੀ ਕਾਲਾਂ ਅਤੇ ਸੰਦੇਸ਼ਾਂ ਤੋਂ ਸਾਵਧਾਨ ਰਹਿਣ ਲਈ ਕਿਹਾ ਗਿਆ ਸੀ। EPFO ਕਦੇ ਵੀ ਕਿਸੇ ਮੈਂਬਰ ਤੋਂ ਫ਼ੋਨ, ਈ-ਮੇਲ ਅਤੇ ਸੋਸ਼ਲ ਮੀਡੀਆ ਰਾਹੀਂ ਨਿੱਜੀ ਜਾਣਕਾਰੀ ਨਹੀਂ ਮੰਗਦਾ ਹੈ। ਇਸ ਸੰਦੇਸ਼ ਨਾਲ EPFO ਵੱਲੋਂ ਇੱਕ ਪੋਸਟਰ ਵੀ ਸਾਂਝਾ ਕੀਤਾ ਗਿਆ ਹੈ, ਜਿਸ ਵਿੱਚ ਲਿਖਿਆ ਹੈ 'ਸਾਵਧਾਨ ਰਹੋ, ਚੌਕਸ ਰਹੋ'। ਕਦੇ ਵੀ ਆਪਣਾ UAN, ਪਾਸਵਰਡ, PAN, Aadhaar, Bank Account Details, OTP ਜਾਂ ਕੋਈ ਹੋਰ ਨਿੱਜੀ ਜਾਂ ਵਿੱਤੀ ਵੇਰਵਿਆਂ ਨੂੰ ਕਿਸੇ ਨਾਲ ਸਾਂਝਾ ਨਾ ਕਰੋ।
ਇਹ ਵੀ ਪੜ੍ਹੋ - ਦੁਰਗਾ ਪੂਜਾ ਦੇ ਖ਼ਾਸ ਮੌਕੇ 'ਤੇ ਏਅਰ ਇੰਡੀਆ ਯਾਤਰੀਆਂ ਨੂੰ ਪਰੋਸੇਗੀ ਵਿਸ਼ੇਸ਼ ਪਕਵਾਨ
ਜਾਅਲੀ ਕਾਲਾਂ ਅਤੇ ਸੰਦੇਸ਼ ਮਿਲਣ 'ਤੇ ਇਥੇ ਕਰੋ ਸ਼ਿਕਾਇਤ
ਈਪੀਐੱਫਓ ਨੇ ਪੋਸਟਰ ਵਿੱਚ ਅੱਗੇ ਕਿਹਾ ਕਿ ਸੰਸਥਾ ਅਤੇ ਇਸਦੇ ਕਰਮਚਾਰੀ ਕਦੇ ਵੀ ਸੰਦੇਸ਼, ਫੋਨ, ਈ-ਮੇਲ, ਵਟਸਐਪ, ਸੋਸ਼ਲ ਮੀਡੀਆ ਰਾਹੀਂ ਨਿੱਜੀ ਵੇਰਵੇ ਨਹੀਂ ਪੁੱਛਦੇ। ਹਾਲਾਂਕਿ, ਜੇਕਰ ਤੁਹਾਨੂੰ ਅਜਿਹੀਆਂ ਜਾਅਲੀ ਕਾਲਾਂ/ਸੁਨੇਹੇ ਪ੍ਰਾਪਤ ਹੁੰਦੇ ਹਨ, ਤਾਂ ਤੁਹਾਨੂੰ ਤੁਰੰਤ ਸਥਾਨਕ ਪੁਲਸ/ਸਾਈਬਰ ਅਪਰਾਧ ਸ਼ਾਖਾ ਨੂੰ ਰਿਪੋਰਟ ਕਰਨੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ - ਸਵਿਗੀ ਦੇ ਇਕ ਫ਼ੈਸਲੇ ਨੇ ਵਰਲਡ ਕੱਪ ’ਚ ਕ੍ਰਿਕਟ ਪ੍ਰੇਮੀਆਂ ਦੀ ਵਧਾਈ ਚਿੰਤਾ
EPFO ਦੀ ਹੈਲਪਲਾਈਨ 'ਤੇ ਕਰੋ ਸਪੰਰਕ
ਜੇਕਰ ਤੁਸੀਂ EPFO ਦੀ ਕਿਸੇ ਹੋਰ ਸੇਵਾ ਬਾਰੇ ਹੋਰ ਜਾਣਕਾਰੀ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ EPFO ਦੀ ਹੈਲਪਲਾਈਨ 14470 'ਤੇ ਕਾਲ ਕਰਕੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ। ਇਹ ਸੇਵਾ ਸਵੇਰੇ 7 ਵਜੇ ਤੋਂ ਰਾਤ 9 ਵਜੇ ਤੱਕ ਉਪਲਬਧ ਹੈ। EPFO ਦੀ ਇਸ ਹੈਲਪਲਾਈਨ 'ਤੇ, ਤੁਸੀਂ ਹਿੰਦੀ, ਗੁਜਰਾਤੀ, ਮਰਾਠੀ, ਕੰਨੜ, ਤਾਮਿਲ, ਤੇਲਗੂ, ਬੰਗਾਲੀ, ਅਸਾਮੀ ਅਤੇ ਅੰਗਰੇਜ਼ੀ ਵਿੱਚ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ - ਪਰਸਨਲ ਲੋਨ ਲੈਣ ਤੋਂ ਪਹਿਲਾਂ ਰੱਖੋ ਇਨ੍ਹਾਂ 6 ਗੱਲਾਂ ਦਾ ਖ਼ਾਸ ਧਿਆਨ, ਕਦੇ ਨਹੀਂ ਹੋਵੋਗੇ ਖੱਜਲ ਖੁਆਰ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਅਦਾਲਤ ਵਲੋਂ ਜਾਂਚ ਦੇ ਹੁਕਮਾਂ ਤੋਂ ਬਾਅਦ NCLAT ਨੇ ਫਿਨੋਲੈਕਸ ਮਾਮਲੇ ਸਬੰਧੀ ਆਪਣੇ ਫੈਸਲੇ ’ਤੇ ਲਾਈ ਰੋਕ
NEXT STORY 
