ਮੁੰਬਈ - ਵਣਜ ਮੰਤਰਾਲੇ ਨੇ ਵੀਰਵਾਰ ਨੂੰ ਕਿਹਾ ਕਿ ਪੈਟਰੋਲੀਅਮ ਉਤਪਾਦਾਂ , ਰਤਨ ਅਤੇ ਗਹਿਣੇ, ਰਸਾਇਣ , ਚਮੜਾ ਅਤੇ ਸਮੁੰਦਰੀ ਵਸਤਾਂ ਦੇ ਨਿਰਯਾਤ ਵਿਚ ਵਾਧੇ ਕਾਰਨ ਦੇਸ਼ ਦਾ ਜੂਨ ਮਹੀਨੇ ਲਈ ਨਿਰਯਾਤ 48.34 ਫ਼ੀਸਦੀ ਵਧ ਕੇ 32.5 ਅਰਬ ਡਾਲਰ ਹੋ ਗਿਆ। ਇਸ ਢੰਗ ਨਾਲ ਲਗਾਤਾਰ ਸੱਤਵੇਂ ਮਹੀਨੇ ਨਿਰਯਾਤ ਵਿਚ ਵਾਧਾ ਦਰਜ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਵਪਾਰ ਘਾਟਾ 9.37 ਅਰਬ ਡਾਲਰ ਰਿਹਾ।
ਮੰਤਰਾਲੇ ਵਲੋਂ ਜਾਰੀ ਆਂਕੜਿਆਂ ਮੁਤਾਬਕ ਜੂਨ 2020 ਵਿਚ ਨਿਰਯਾਤ 22 ਅਰਬ ਡਾਲਰ ਜਦੋਂਕਿ ਜੂਨ 2019 ਵਿਚ 25 ਅਰਬ ਡਾਲਰ ਸੀ । ਮਈ 2021 ਵਿਚ ਨਿਰਯਾਤ 32.27 ਅਰਬ ਡਾਲਰ ਸੀ ਜਦੋਂਕਿ ਅਪ੍ਰੈਲ ਵਿਚ ਇਹ 32 ਅਰਬ ਡਾਲਰ ਸੀ। ਇਸ ਸਾਲ ਜੂਨ ਵਿਚ ਆਯਾਤ ਵੀ 98.31 ਫ਼ੀਸਦੀ ਵਧ ਕੇ 41.87 ਅਰਬ ਡਾਲਰ ਹੋ ਗਿਆ। ਇਸ ਦੇ ਨਾਲ ਹੀ ਵਪਾਰ ਘਾਟਾ 9.37 ਅਰਬ ਡਾਲਰ ਰਿਹਾ ਜਦੋਂਕਿ ਪਿਛਲੇ ਸਾਲ ਇਸੇ ਮਹੀਨੇ ਵਪਾਰ 0.79 ਅਰਬ ਡਾਲਰ ਸਰਪਲੱਸ ਵਿਚ ਸੀ।
ਇਹ ਵੀ ਪੜ੍ਹੋ: 7 ਲੱਖ 'ਚ ਵਿਕਿਆ 1 ਰੁਪਏ ਦਾ ਇਹ ਨੋਟ, ਜੇਕਰ ਤੁਹਾਡੇ ਕੋਲ ਵੀ ਹੈ ਅਜਿਹੇ ਨੋਟ ਤਾਂ ਕਮਾ ਸਕਦੇ ਹੋ ਲੱਖਾਂ
ਅਜਿਹੀ ਸਥਿਤੀ ਜਿੱਥੇ ਆਯਾਤ ਵਪਾਰਕ ਨਿਰਯਾਤ ਤੋਂ ਵੱਧ ਹੁੰਦੀ ਹੈ ਉਸਨੂੰ ਵਪਾਰ ਘਾਟੇ ਦੀ ਸਥਿਤੀ ਕਿਹਾ ਜਾਂਦਾ ਹੈ. ਅਪ੍ਰੈਲ-ਜੂਨ 2021 ਦੇ ਦੌਰਾਨ, ਨਿਰਯਾਤ 85.88 ਪ੍ਰਤੀਸ਼ਤ ਵਧ ਕੇ 95.39 ਅਰਬ ਡਾਲਰ ਹੋ ਗਈ. ਅੰਕੜੇ ਦਰਸਾਉਂਦੇ ਹਨ ਕਿ ਵਿੱਤ ਸਾਲ ਦੇ ਪਹਿਲੇ ਤਿੰਨ ਮਹੀਨਿਆਂ ਦੌਰਾਨ ਦਰਾਮਦ ਵਧ ਕੇ 126.15 ਅਰਬ ਡਾਲਰ ਹੋ ਗਈ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ 60.44 ਅਰਬ ਡਾਲਰ ਸੀ।
ਇਹ ਵੀ ਪੜ੍ਹੋ: ਦਰਾਮਦ ਡਿਊਟੀ ਘਟਣ ਤੋਂ ਬਾਅਦ ਵੀ 6 ਫ਼ੀਸਦੀ ਤੱਕ ਮਹਿੰਗਾ ਹੋਇਆ ਪਾਮ ਤੇਲ
ਜੂਨ 2021 ਵਿਚ ਖਣਿਜ ਤੇਲ ਆਯਾਤ 10.68 ਅਰਬ ਡਾਲਰ ਦਾ ਰਿਹਾ ਜੋ 2020 ਦੇ 4.93 ਅਰਬ ਡਾਲਰ ਦੀ ਤੁਲਨਾ ਵਿਚ 116.51 ਫ਼ੀਸਦੀ ਸਰਪਲੱਸ ਸੀ। ਅਪ੍ਰੈਲ-ਜੂਨ 2021 ਦੇ ਦੌਰਾਨ ਤੇਲ ਆਯਾਤ ਪਿਛਲੇ ਵਿੱਤੀ ਸਾਲ ਦੀ ਇਸੇ ਤਿਮਾਹੀ ਦੇ 13.08 ਅਰਬ ਡਾਲਰ ਦੇ ਮੁਕਾਬਲੇ 31 ਡਾਲਰ ਰਿਹਾ। ਆਂਕੜਿਆਂ ਮੁਤਾਬਕ ਅਪ੍ਰੈਲ-ਜੂਨ 2021 ਵਿਚ ਦੇਸ਼ ਦਾ ਕੁੱਲ ਨਿਰਯਾਤ 147.64 ਅਰਬ ਡਾਲਰ ਹੋਣ ਦਾ ਅਨੁਮਾਨ ਹੈ। ਪਿਛਲੇ ਸਾਲ ਦੀ ਇਸੇ ਮਿਆਦ ਦੀ ਤੁਲਨਾ ਵਿਚ ਇਹ 50.24 ਫ਼ੀਸਦੀ ਦੇ ਸਕਾਰਾਤਮਕ ਵਾਧੇ ਨੂੰ ਦਰਸਾਉਂਦੇ ਹਨ। ਜੂਨ 2021 ਵਿਚ ਸੋਨੇ ਦਾ ਆਯਾਤ 60 ਫ਼ੀਸਦੀ ਵਧ ਕੇ ਕਰੀਬ 97 ਅਰਬ ਡਾਲਰ ਹੋ ਗਿਆ।
ਇਹ ਵੀ ਪੜ੍ਹੋ: ਮਾਨਸੂਨ ਦੀ ਵਿਗੜੀ ਚਾਲ ਦਾ ਖੇਤੀ ’ਤੇ ਅਸਰ, ਵਧ ਸਕਦੀ ਹੈ ਮਹਿੰਗਾਈ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
Paytm ਲਿਆਵੇਗੀ ਹੁਣ ਤੱਕ ਦਾ ਸਭ ਤੋਂ ਵੱਡਾ IPO , ਸੇਬੀ 'ਚ ਦਾਖ਼ਲ ਕੀਤੀ ਅਰਜ਼ੀ
NEXT STORY 
