ਨਵੀਂ ਦਿੱਲੀ—ਬੀਤੇ ਸਾਲ ਪ੍ਰਮੁੱਖ ਦੂਰਸੰਚਾਰ ਕੰਪਨੀ ਭਾਰਤੀ ਏਅਰਟੈੱਲ, ਵੋਡਾਫੋਨ ਅਤੇ ਆਈਡੀਆ ਸੈਲਿਊਲਰ ਦੀ ਬਾਜ਼ਾਰ ਹਿੱਸੇਦਾਰੀ 'ਚ ਕਮੀ ਆਈ ਹੈ ਅਤੇ ਨਵੀਂ ਦੂਰਸੰਚਾਰ ਕੰਪਨੀ ਰਿਲਾਇੰਸ ਜੀਓ ਨੇ ਅਗਰੈਸਿਵ ਰਣਨੀਤੀ ਦੇ ਜਰੀਏ ਤੇਜੀ ਨਾਲ ਆਪਣੀ ਬਾਜ਼ਾਰ ਹਿੱਸੇਦਾਰੀ ਵਧਾਈ ਭਾਰਤੀ ਦੂਰਸੰਚਾਰ ਰੈਗੂਲੇਟਰੀ ਅਥਾਰਟੀ ਦੇ ਅੰਕੜਿਆਂ ਦੇ ਅਨੁਸਾਰ ਸਾਲ 2016 ਦੀ ਸਮਾਪਤੀ 'ਤੇ ਜੀਓ ਦੀ ਬਾਜ਼ਾਰ ਹਿੱਸੇਦਾਰੀ 6.4 ਪ੍ਰਤੀਸ਼ਤ 'ਤੇ ਪਹੁੰਚ ਗਈ।
ਟਰਾਈ ਦੀ ਸਾਲ ਦੂਰਸੰਚਾਰ ਸੇਵਾ ਪ੍ਰਦਰਸ਼ਣ ਸੰਕੇਤਕ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਦਸੰਬਰ 2016 ਦੇ ਅੰਤ ਤੱਕ ਭਾਰਤੀ ਏਅਰਟੈੱਲ ਦੀ ਬਾਜ਼ਾਰ ਹਿੱਸੇਦਾਰੀ ਘਟ ਕੇ 23 58 ਪ੍ਰਤੀਸ਼ਤ ਰਹਿ ਗਈ, ਜੋ ਇੱਕ ਸਾਲ ਪਹਿਲਾਂ 24.07 ਪ੍ਰਤੀਸ਼ਤ 'ਤੇ ਸੀ, ਹਾਲਾਂਕਿ ਇਸ ਦੌਰਾਨ ਏਅਰਟੈੱਲ ਦੇ ਗਾਹਕਾਂ ਦੀ ਸੰਖਿਆ 'ਚ 9.3 ਪ੍ਰਤੀਸ਼ਤ ਦਾ ਵਾਧਾ ਹੋਇਆ। ਕੰਪਨੀ ਨੇ ਸਾਲ ਦੇ ਦੌਰਾਨ 2.25 ਕਰੋੜ ਨਵੇਂ ਗਾਹਕ ਜੋੜੇ। ਵੋਡਾਫੋਨ ਨੇ ਸਾਲ ਦੇ ਦੌਰਾਨ 1.10 ਕਰੋੜ ਨਵੇਂ ਗਾਹਕ ਬਣਾਏ, ਪਰ ਉਸਦੀ ਬਾਜ਼ਾਰ ਹਿੱਸੇਦਾਰੀ 19.15 ਪ੍ਰਤੀਸ਼ਤ ਤੋਂ ਘਟਾ ਕੇ 18.16 ਪ੍ਰਤੀਸ਼ਤ 'ਤੇ ਆ ਗਈ।
ਰਿਲਾਇੰਸ ਜੀਓ ਨੇ ਸਤੰਬਰ, 2016 'ਚ ਵਪਾਰਕ ਸੰਚਾਲਨ ਸ਼ੁਰੂ ਕੀਤਾ ਸੀ। ਉਸਦੇ ਮੁਤਾਬਕ ਵਾਇਸ ਅਤੇ ਡਾਟਾ ਦੀ ਪੇਸ਼ਕਸ਼ ਕੀਤੀ ਸੀ। ਸਾਲ ਦੇ ਅੰਤ ਤਕ ਕੰਪਨੀ ਦੀ ਬਾਜ਼ਾਰ ਹਿੱਸੇਦਾਰੀ 6.4 ਪ੍ਰਤੀਸ਼ਤ ਰਹੀ ਅਤੇ ਉਸਦੇ ਗਾਹਕਾਂ ਦੀ ਸੰਖਿਆ 7.21 ਕਰੋੜ ਸੀ। ਦਸੰਬਰ, 2016 ਦੇ ਅੰਤ ਤੱਕ ਆਈਡੀਆ ਸੈਲਿਊਲਰ ਦੇ ਕਨੇਕਸ਼ਨਾਂ ਦੀ ਸੰਖਿਆ 19.05 ਕਰੋੜ ਸੀ। ਉਸਦੀ ਬਾਜ਼ਾਰ ਹਿੱਸੇਦਾਰੀ ਘਟਾਕੇ 16.9 ਪ੍ਰਤੀਸ਼ਤ ਰਹਿ ਗਈ, ਜੋ ਇੱਕ ਸਾਲ ਪਹਿਲਾਂ 17.01 ਪ੍ਰਤੀਸ਼ਤ ਸੀ।
ਪੀ.ਡੀ.ਐੱਸ ਕੈਰੋਸੀਨ 'ਤੇ ਪ੍ਰਤੀ ਲੀਟਰ 6.82 ਰੁਪਏ ਦਾ ਨੁਕਸਾਨ
NEXT STORY 
