ਬਿਜਨੈੱਸ ਡੈੱਸਕ : ਫਰੰਟਲਾਈਨ ਵਰਕਫੋਰਸ ਮੈਨੇਜਮੈਂਟ ਪਲੇਟਫਾਰਮ ਬੈਟਰਪਲੇਸ ਦੇ ਅੰਕੜਿਆਂ ਮੁਤਾਬਿਕ ਭਾਰਤ ਦੇ ਬਲੂ-ਕਾਲਰ ਨੌਕਰੀਆਂ ਦੇ ਬਾਜ਼ਾਰ ਵਿੱਚ ਵਿੱਤੀ ਸਾਲ 23 ਵਿੱਚ ਰਿਕਾਰਡ 9 ਮਿਲੀਅਨ ਨੌਕਰੀਆਂ ਪੈਦਾ ਹੋਣ ਦੀ ਸੰਭਾਵਨਾ ਹੈ ਜੋ ਕਿ ਵਿੱਤੀ ਸਾਲ 2022 ਵਿੱਚ ਪੈਦਾ ਹੋਈਆਂ 8 ਮਿਲੀਅਨ ਨੌਕਰੀਆਂ ਤੋਂ ਵੱਧ ਹਨ।
ਲੌਜਿਸਟਿਕਸ ਅਤੇ ਗਤੀਸ਼ੀਲਤਾ, ਈ-ਕਾਮਰਸ, ਸੁਵਿਧਾ ਪ੍ਰਬੰਧਨ, ਸੂਚਨਾ ਤਕਨਾਲੋਜੀ, ਪ੍ਰਚੂਨ ਅਤੇ ਤੇਜ਼ ਸੇਵਾ ਰੈਸਟੋਰੈਂਟ, ਨਿਰਮਾਣ ਅਤੇ ਬੈਂਕਿੰਗ ਅਤੇ ਵਿੱਤੀ ਸੇਵਾਵਾਂ ਵਰਗੇ ਖੇਤਰਾਂ ਨੂੰ ਆਉਣ ਵਾਲੇ ਮਹੀਨਿਆਂ ਵਿੱਚ ਫਰੰਟਲਾਈਨ ਨੌਕਰੀਆਂ ਦੇ ਕੁਝ ਪ੍ਰਮੁੱਖ ਚਾਲਕਾਂ ਵਜੋਂ ਦੇਖਿਆ ਜਾ ਰਿਹਾ ਹੈ।
ਕੋਵਿਡ ਤੋਂ ਬਾਅਦ ਕੰਪਨੀਆਂ ਦੀਆਂ ਸੇਵਾਵਾਂ ਦੀ ਗਤੀਵਿਧੀ 'ਚ ਤੇਜ਼ੀ ਆਈ ਹੈ ਅਤੇ ਕਾਰੋਬਾਰ ਤਿਉਹਾਰਾਂ ਦੀ ਮੰਗ ਵਿੱਚ ਅਨੁਮਾਨਤ ਵਾਧੇ ਨੂੰ ਪੂਰਾ ਕਰਨ ਲਈ ਆਪਣੇ ਮੁਲਾਜ਼ਮਾਂ ਨੂੰ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਇਸ ਦੇ ਨਾਲ ਹੀ ਨਿਰਮਾਣ ਖੇਤਰ ਖ਼ਾਸ ਤੌਰ 'ਤੇ ਵੱਖ-ਵੱਖ ਗ੍ਰੀਨਫੀਲਡ ਪ੍ਰੋਜੈਕਟਾਂ, ਬੈਂਕਿੰਗ ਅਤੇ ਫਿਨਟੈਕ ਸੈਕਟਰਾਂ ਵੱਲੋਂ ਵੀ ਮੁਲਾਜ਼ਾਮਾਂ ਦੀ ਮੰਗ ਵਿੱਚ ਮਹੱਤਵਪੂਰਨ ਵਾਧਾ ਹੋਇਆ ਹੈ। ਤਿਉਹਾਰਾਂ ਦੇ ਮਹੀਨਿਆਂ ਤੋਂ ਪਹਿਲਾਂ ਸ਼ਾਪਿੰਗ ਮਾਲਜ਼ ਅਤੇ ਹੋਰ ਘਰੇਲੂ ਸਾਮਾਨ ਦੇ ਸਟੋਰਾਂ ਵਿੱਚ ਵਧ ਰਹੀ ਭੀੜ ਪ੍ਰਚੂਨ ਖੇਤਰ ਤੋਂ ਆਉਣ ਵਾਲੀ ਮੈਨਪਾਵਰ ਦੀ ਮੰਗ ਨੂੰ ਵੀ ਵਧਾ ਰਹੀ ਹੈ।
ਨੌਕਰੀਆਂ ਦੀਆਂ ਪ੍ਰਮੁੱਖ ਪ੍ਰੋਫਾਈਲਾਂ ਵਿੱਚ ਟੈਲੀਸੇਲ ਐਗਜ਼ੀਕਿਊਟਿਵ, ਫੀਲਡ ਸਰਵੇਖਣ ਸਹਿਯੋਗੀ, ਡੇਟਾ ਵਿਸ਼ਲੇਸ਼ਕ, ਗਾਹਕ ਸੇਵਾ, ਵੇਅਰਹਾਊਸ ਅਤੇ ਡਿਲਿਵਰੀ ਮੁਲਾਜ਼ਮ, ਹਾਊਸਕੀਪਿੰਗ ਮੁਲਾਜ਼ਮ ਅਤੇ ਸੁਰੱਖਿਆ ਗਾਰਡ ਸ਼ਾਮਲ ਹਨ। ਬੈਟਰਪਲੇਸ ਦੇ ਗਰੁੱਪ ਸੀ.ਈ.ਓ. ਪ੍ਰਵੀਨ ਅਗਰਵਾਲਾ ਨੇ ਦੱਸਿਆ ਕਿ ਇਸ ਵਿੱਤੀ ਸਾਲ ਵਿੱਚ ਫਰੰਟਲਾਈਨ ਨੌਕਰੀਆਂ ਦੀ ਮੰਗ ਵਧਦੀ ਦਿਖਾਈ ਦੇ ਰਹੀ ਹੈ ਕਿਉਂਕਿ ਕੋਵਿਡ ਤੋਂ ਬਾਅਦ ਕਾਰੋਬਾਰਾਂ 'ਚ ਤੇਜ਼ੀ ਆਈ ਹੈ। ਇਸ ਤਰ੍ਹਾਂ ਜਿਵੇਂ-ਜਿਵੇਂ ਹੋਰ ਦਫ਼ਤਰ ਖੁੱਲ੍ਹਦੇ ਹਨ ਲੋਕਾਂ ਨੂੰ ਪ੍ਰਬੰਧਨ ਮੁਲਾਜ਼ਮਾਂ ਅਤੇ ਨਿੱਜੀ ਸੁਰੱਖਿਆ ਗਾਰਡਾਂ ਦੀ ਮੰਗ ਵੀ ਵਧ ਰਹੀ ਹੈ।
ਅਗਰਵਾਲਾ ਨੇ ਅੱਗੇ ਕਿਹਾ ਕਿ ਪਿਛਲੇ ਛੇ ਮਹੀਨਿਆਂ ਵਿੱਚ ਕੁਸ਼ਲਤਾ ਅਤੇ ਉਤਪਾਦਕਤਾ ਨੂੰ ਵਧਾਉਣ 'ਤੇ ਧਿਆਨ ਕੇਂਦ੍ਰਤ ਕਰਦੇ ਹੋਏ ਤਕਨਾਲੋਜੀ ਦੇ ਜਾਣਕਾਰ ਫਰੰਟਲਾਈਨ ਮੁਲਾਜ਼ਮਾਂ ਦੀ ਮੰਗ ਵਧੇਰੇ ਰੱਖੀ ਗਈ ਹੈ। ਅਗਰਵਾਲਾ ਨੇ ਅੱਗੇ ਕਿਹਾ ਕਿ ਫਰੰਟਲਾਈਨ ਉਦਯੋਗ ਵਿਚ ਪੁਰਸ਼ਾਂ ਦਾ ਦਬਦਬਾ ਬਣਿਆ ਹੋਇਆ ਹੈ ਕਿਉਂਕਿ 97 ਫ਼ੀਸਦੀ ਕਰਮਚਾਰੀਆਂ ਵਿੱਚ ਪੁਰਸ਼ ਸ਼ਾਮਲ ਹਨ ਸਿਰਫ਼ 3 ਫ਼ੀਸਦੀ ਔਰਤਾਂ ਦੀ ਭਾਗੀਦਾਰੀ ਹੈ। ਅਗਰਵਾਲਾ ਨੇ ਕਿਹਾ ਕੁੱਲ ਕਰਮਚਾਰੀਆਂ ਦੀ ਮੰਗ ਵਧ ਰਹੀ ਹੈ ਅਤੇ ਸੰਸਥਾਵਾਂ ਨਾ ਸਿਰਫ਼ ਉਨ੍ਹਾਂ ਦੇ ਲਿੰਗ ਸੰਤੁਲਨ ਨੂੰ ਸੁਧਾਰਨ ਲਈ ਹੋਰ ਔਰਤਾਂ ਨੂੰ ਨੌਕਰੀ 'ਤੇ ਰੱਖਣ 'ਤੇ ਧਿਆਨ ਕੇਂਦਰਤ ਕਰਨਾ ਚਾਹੁੰਦੀਆਂ ਹਨ ਸਗੋਂ ਇਹ ਉਹਨਾਂ ਦੇ ਪ੍ਰਤਿਭਾ ਦੇ ਪੂਲ ਨੂੰ ਵਧਾਉਣ ਅਤੇ ਸਪਲਾਈ ਦੀ ਕਮੀ ਦੇ ਮੁੱਦੇ ਨੂੰ ਹੱਲ ਕਰਨ ਵਿੱਚ ਵੀ ਮਦਦ ਕਰਨਗੀਆਂ।
FDA ਨੇ johnson and johnson ਦੇ ਬੇਬੀ ਪਾਊਡਰ ਦਾ ਲਾਈਸੈਂਸ ਕੀਤਾ ਰੱਦ, ਜਾਣੋ ਪੂਰਾ ਮਾਮਲਾ
NEXT STORY 
