ਬਿਜ਼ਨਸ ਡੈਸਕ : ਭਾਰਤੀ ਰਿਜ਼ਰਵ ਬੈਂਕ (RBI) ਦੀ ਹਾਲੀਆ ਸਾਲਾਨਾ ਰਿਪੋਰਟ ਅਨੁਸਾਰ, ਵਿੱਤੀ ਸਾਲ 2024-25 ਵਿੱਚ ਬੈਂਕ ਨੋਟਾਂ ਦੀ ਛਪਾਈ 'ਤੇ ਖਰਚਾ ਸਾਲ-ਦਰ-ਸਾਲ ਲਗਭਗ 25% ਵਧ ਕੇ 6,372.8 ਕਰੋੜ ਰੁਪਏ ਹੋ ਗਿਆ, ਜਿਹੜਾ ਕਿ ਪਿਛਲੇ ਸਾਲ 5,101.4 ਕਰੋੜ ਸੀ।
ਇਹ ਵੀ ਪੜ੍ਹੋ : ਪੈਨਸ਼ਨ ਧਾਰਕਾਂ ਲਈ ਵੱਡੀ ਖ਼ਬਰ, ਕੇਂਦਰ ਸਰਕਾਰ ਨੇ ਨਿਯਮਾਂ 'ਚ ਕੀਤੇ ਅਹਿਮ ਬਦਲਾਅ
ਰਿਪੋਰਟ ਅਨੁਸਾਰ, ਇਸ ਸਮੇਂ ਦੌਰਾਨ ਸਰਕੂਲੇਸ਼ਨ ਵਿੱਚ ਬੈਂਕ ਨੋਟਾਂ ਦੀ ਕੀਮਤ 6% ਅਤੇ ਮਾਤਰਾ ਵਿੱਚ 5.6% ਦਾ ਵਾਧਾ ਹੋਇਆ। ਮੁੱਲ ਦੇ ਮਾਮਲੇ ਵਿੱਚ 500 ਦੇ ਨੋਟ ਦਾ ਹਿੱਸਾ ਸਭ ਤੋਂ ਵੱਧ 86% ਸੀ, ਹਾਲਾਂਕਿ ਇਸ ਵਿੱਚ ਥੋੜ੍ਹੀ ਜਿਹੀ ਗਿਰਾਵਟ ਦਰਜ ਕੀਤੀ ਗਈ। ਉਸੇ ਸਮੇਂ, ਮਾਤਰਾ ਦੇ ਮਾਮਲੇ ਵਿੱਚ, 500 ਦੇ ਨੋਟ ਦਾ ਹਿੱਸਾ 40.9% ਸੀ ਅਤੇ 10 ਦੇ ਨੋਟ ਦਾ ਹਿੱਸਾ 16.4% ਸੀ।
ਘੱਟ ਮੁੱਲ ਦੇ ਨੋਟ ਅਤੇ ਸਿੱਕੇ
ਘੱਟ ਮੁੱਲ ਦੇ ਨੋਟ - 10 ਰੁਪਏ, 20 ਰੁਪਏ ਅਤੇ 50 ਰੁਪਏ - ਦਾ ਕੁੱਲ ਹਿੱਸਾ 31.7% ਸੀ। ਇਸ ਦੇ ਨਾਲ ਹੀ, ਸਿੱਕਿਆਂ ਨੇ ਮਾਤਰਾ ਚ 3.6% ਅਤੇ ਮੁੱਲ ਵਿੱਚ 9.6% ਦਾ ਵਾਧਾ ਦਰਜ ਕੀਤਾ ਗਿਆ।
ਇਹ ਵੀ ਪੜ੍ਹੋ : ਲੱਖਾਂ ਕਿਸਾਨਾਂ ਲਈ ਖੁਸ਼ਖਬਰੀ! ਕੈਬਨਿਟ ਨੇ ਸਾਉਣੀ ਦੀਆਂ 14 ਫਸਲਾਂ 'ਤੇ MSP ਵਧਾਇਆ
2000 ਦੇ ਨੋਟਾਂ ਦੀ ਵਾਪਸੀ ਲਗਭਗ ਪੂਰੀ
ਮਈ 2023 ਵਿੱਚ ਸ਼ੁਰੂ ਕੀਤੀ ਗਈ 2000 ਦੇ ਨੋਟਾਂ ਦੀ ਵਾਪਸੀ ਦੀ ਮੁਹਿੰਮ ਦੇ ਤਹਿਤ, 31 ਮਾਰਚ 2025 ਤੱਕ 98.2% ਨੋਟ ਬੈਂਕਿੰਗ ਪ੍ਰਣਾਲੀ ਵਿੱਚ ਵਾਪਸ ਆ ਗਏ ਹਨ, ਜਿਨ੍ਹਾਂ ਦੀ ਕੀਮਤ ਪਹਿਲਾਂ 3.56 ਲੱਖ ਕਰੋੜ ਰੁਪਏ ਸੀ।
ਈ-ਰੁਪਏ ਵਿੱਚ ਤੇਜ਼ੀ, 334% ਵਾਧਾ
ਵਿੱਤੀ ਸਾਲ 2024-25 ਵਿੱਚ ਸਰਕੂਲੇਸ਼ਨ ਵਿੱਚ ਈ-ਰੁਪਏ (CBDC) ਦੀ ਵਰਤੋਂ ਵਿੱਚ 334% ਦਾ ਵਾਧਾ ਦਰਜ ਕੀਤਾ ਗਿਆ, ਜੋ ਕਿ ਡਿਜੀਟਲ ਮੁਦਰਾ ਨੂੰ ਤੇਜ਼ੀ ਨਾਲ ਅਪਣਾਉਣ ਦਾ ਸੰਕੇਤ ਹੈ।
ਇਹ ਵੀ ਪੜ੍ਹੋ : ਕਿਸਾਨਾਂ ਲਈ ਵੱਡੀ ਰਾਹਤ, ਕੈਬਨਿਟ ਨੇ MISS ਸਕੀਮ ਜਾਰੀ ਰੱਖਣ ਦੀ ਦਿੱਤੀ ਮਨਜ਼ੂਰੀ
ਨਕਲੀ ਨੋਟਾਂ ਦਾ ਵਿਸ਼ਲੇਸ਼ਣ
ਬੈਂਕਿੰਗ ਪ੍ਰਣਾਲੀ ਵਿੱਚ ਫੜੇ ਗਏ ਨਕਲੀ ਨੋਟਾਂ ਵਿੱਚ 10,20,50,100 ਅਤੇ 2000 ਰੁਪਏ ਦੇ ਨੋਟਾਂ ਵਿੱਚ ਗਿਰਾਵਟ ਆਈ। ਹਾਲਾਂਕਿ, 200 ਅਤੇ 500 ਦੇ ਨਕਲੀ ਨੋਟਾਂ ਵਿੱਚ ਕ੍ਰਮਵਾਰ 13.9% ਅਤੇ 37.3% ਦਾ ਵਾਧਾ ਹੋਇਆ। ਕੁੱਲ ਜ਼ਬਤ ਕੀਤੇ ਗਏ ਨਕਲੀ ਨੋਟਾਂ ਵਿੱਚੋਂ, 4.7% RBI ਵਿੱਚ ਫੜੇ ਗਏ ਸਨ।
ਸਵਦੇਸ਼ੀਕਰਨ ਵੱਲ ਵੱਡਾ ਕਦਮ
RBI ਨੇ ਇਹ ਵੀ ਦੱਸਿਆ ਕਿ ਉਹ ਨੋਟ ਛਾਪਣ ਲਈ ਦੇਸੀ ਸਰੋਤਾਂ 'ਤੇ ਆਪਣੀ ਨਿਰਭਰਤਾ ਵਧਾ ਰਿਹਾ ਹੈ। ਹੁਣ ਬੈਂਕ ਨੋਟ ਕਾਗਜ਼, ਵੱਖ-ਵੱਖ ਸਿਆਹੀ ਅਤੇ ਸੁਰੱਖਿਆ ਵਿਸ਼ੇਸ਼ਤਾਵਾਂ ਦਾ ਉਤਪਾਦਨ ਘਰੇਲੂ ਤੌਰ 'ਤੇ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ, ਨਵੀਆਂ ਅਤੇ ਉੱਨਤ ਸੁਰੱਖਿਆ ਵਿਸ਼ੇਸ਼ਤਾਵਾਂ ਵੱਲ ਵੀ ਕੰਮ ਚੱਲ ਰਿਹਾ ਹੈ।
ਇਹ ਵੀ ਪੜ੍ਹੋ : ਵਿਦੇਸ਼ਾਂ ਤੋਂ ਫੰਡ ਹਾਸਲ ਕਰਨ ਵਾਲੇ NGO ਹੋ ਜਾਣ ਸਾਵਧਾਨ! ਗ੍ਰਹਿ ਮੰਤਰਾਲੇ ਵਲੋਂ ਜਾਰੀ ਹੋਏ ਨਿਰਦੇਸ਼
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਇੱਕ ਫੀਚਰ ਲਈ 2568 ਕਰੋੜ! ਕੀ Elon Musk ਕਰਨਗੇ Telegram ਨਾਲ ਡੀਲ?
NEXT STORY 
