ਆਟੋ ਡੈਸਕ- ਕਾਰ ਮੇਕਰ ਕੰਪਨੀ ਹੁੰਡਈ Hyundai ਨੇ ਆਪਣੀ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕੀਤੀ ਜਾ ਰਹੀ Santro ਨੂੰ ਆਖਰਕਾਰ ਭਾਰਤ 'ਚ ਲਾਂਚ ਕਰ ਦਿੱਤੀ ਹੈ। Hyundai Santro 2018 ਨੂੰ ਪੰਜ ਵੇਰੀਐਂਟ 'ਚ ਲਾਂਚ ਕੀਤੀ ਗਈ ਹੈ, ਜਿਨ੍ਹਾਂ 'ਚ Dlite, Era, Magna, Sportz and Asta ਸ਼ਾਮਲ ਹਨ। ਕੰਪਨੀ ਨੇ ਇਸ ਦੀ ਸ਼ੁਰੂਆਤੀ ਕੀਮਤ 3.89 ਲੱਖ ਰੁਪਏ ਰੱਖੀ ਹੈ, ਜੋ ਕਿ 5.64 ਲੱਖ ਰੁਪਏ (ਐਕਸ ਸ਼ੋਰੂਮ) ਤੱਕ ਜਾਂਦੀ ਹੈ। ਦੱਸ ਦੇਈਏ ਇਹ ਕੀਮਤ ਸਿਰਫ ਪਹਿਲਾਂ 50,000 ਗਾਹਕਾਂ ਲਈ ਹੈ। ਹੁੰਡਈ ਦਾ ਕਹਿਣਾ ਹੈ ਕਿ ਉਸ ਦੀ ਸੈਂਟਰੋ ਦੀਆਂ ਰੀਅਰ ਸੀਟਾਂ ਨੂੰ ਹੋਰੀਜੌਨਟਲ ਰੂਪ ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ ਤਾਂ ਜੋ ਉਹ ਬਿਹਤਰ ਤਰੀਕੇ ਨਾਲ 3 ਮੁਸਾਫਰਾਂ ਲਈ ਸਮਰੱਥ ਜਗ੍ਹਾ ਪ੍ਰਦਾਨ ਕਰ ਸਕਣ।
ਸੱਤ ਕਲਰ ਆਪਸ਼ਨ
ਨਵੀਂ ਸੈਂਟਰੋਂ ਸੱਤ ਕਲਰਸ ਆਪਸ਼ਨ 'ਚ ਪੇਸ਼ ਕੀਤੀ ਗਈ ਹੈ। ਇਨ੍ਹਾਂ 'ਚ ਸਿਲਵਰ, ਪੋਲਰ ਵਾਈਟ, ਸਟਾਰਡਸਟ (ਡਾਰਕ ਗ੍ਰੇ), ਇੰਪੀਰਿਅਲ ਬੇਜ਼, ਮਰੀਨਾ ਬਲੂ, ਫੇਅਰੀ ਰੈੱਡ ਤੇ ਡਾਇਨਾ ਗ੍ਰੀਨ ਸ਼ਾਮਲ ਹਨ।
ਇੰਜਣ ਪਾਵਰ
ਨਵੀਂ ਸੈਂਟਰੋਂ ਨੂੰ ਦੋ ਸੀ. ਐੱਨ. ਜੀ ਵੇਰੀਐਂਟ 'ਚ ਵੀ ਪੇਸ਼ ਕੀਤੀ ਗਈ ਹੈ, ਜਿਨ੍ਹਾਂ 'ਚ ਫੈਕਟਰੀ ਫੀਟੇਜ ਸੀ. ਐੱਨ. ਜੀ ਕਿੱਟ ਹੈ। ਸੀ. ਐੱਨ. ਜੀ ਆਪਸ਼ਨ Magna ਤੇ Sport੍ਰ ਵੇਰੀਐਂਟ 'ਚ ਮਿਲੇਗਾ। ਨਵੀਂ ਹੁੰਡਈ ਸੈਂਟਰੋਂ 'ਚ 1.1 ਲਿਟਰ 4-ਸਿਲੰਡਰ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜੋ 69 PS ਦੀ ਪਾਵਰ ਤੇ 99 Nm ਟਾਰਕ ਜਨਰੇਟ ਕਰਦਾ ਹੈ। ਸੈਂਟਰੋਂ ਦਾ ਸੀ. ਐੱਨ. ਜੀ ਮੋਟਰ 58 bhp ਦੀ ਪਾਵਰ 'ਤੇ 99 nm ਟਾਰਕ ਜਨਰੇਟ ਕਰਦਾ ਹੈ। ਕਾਰ 'ਚ 5-ਸਪੀਡ ਮੈਨੂਅਲ ਗਿਅਰਬਾਕਸ ਸਟੈਂਡਰਡ ਦਿੱਤਾ ਗਿਆ ਹੈ। Magna ਤੇ Sportz ਵੇਰੀਐਂਟ 'ਚ 5-ਸਪੀਡ ਏ. ਐੱਮ. ਟੀ ਗਿਅਰਬਾਕਸ ਦੀ ਆਪਸ਼ਨ ਵੀ ਮਿਲੇਗਾ। ਸੀ. ਐੱਨ. ਜੀ ਵੇਰੀਐਂਟ 'ਚ ਸਿਰਫ ਮੈਨੂਅਲ ਗਿਅਰਬਾਕਸ ਹੈ।
ਐਕਸਟੀਰਿਅਰ
ਨਵੀਂ ਸੈਂਟਰੋ ਨੂੰ K1 ਪਲੇਟਫਾਰਮ 'ਤੇ ਬਣਾਈ ਗਈ ਹੈ। ਕਾਰ ਦੇ ਐਕਸਟੀਰਿਅਰ ਦੀ ਗੱਲ ਕਰੀਏ ਤਾਂ ਨਵੀਂ ਸੈਂਟਰੋ 'ਚ ਜੈੱਡ ਸ਼ੇਪ ਕੈਰੇਕਟਰ ਲਾਈਨਸ ਦਿੱਤੀ ਗਈਆਂ ਹਨ। ਫਰੰਟ 'ਚ ਕ੍ਰੋਮ ਫਿਨੀਸ਼ ਦੇ ਨਾਲ ਕੇਸਕੇਡਿੰਗ ਗਰਿਲ ਤੇ ਰੀਅਰ 'ਚ ਡਿਊਲ ਟੋਨ ਬੰਪਰ ਹੈ। ਖਾਸ ਗੱਲ ਇਹ ਹੈ ਕਿ ਹੁੰਡਈ ਨੇ ਨਵੀਂ ਸੈਂਟਰੋਂ 'ਚ ਡਰਾਈਵਰ ਏਅਰਬੈਗ ਤੇ ਏ. ਬੀ. ਐੱਸ. ਸਟੈਂਡਰਡ ਦਿੱਤਾ ਹੈ।
ਇੰਟੀਰਿਅਰ ਫੀਚਰਸ
ਇਸ ਨਵੀਂ ਕਾਰ 'ਚ 7-ਇੰਚ ਦੀ ਟੱਚ-ਸਕਰੀਨ ਇੰਫੋਟੇਨਮੈਂਟ ਸਿਸਟਮ ਟਾਪ ਵੇਰੀਐਂਟਸ 'ਚ ਦਿੱਤਾ ਗਿਆ ਹੈ, ਜਿਸ 'ਚ ਐਪਲ ਕਾਰ ਪਲੇਅ, ਐਂਡ੍ਰਾਇਡ ਆਟੋ ਤੇ ਮਿਰਰ ਲਿੰਕ ਜਿਹੇ ਫੀਚਰਸ ਹਨ।
ਸੇਫਟੀ ਫੀਚਰਸ
ਸੇਫਟੀ ਦੀ ਗੱਲ ਕਰੀਏ ਤਾਂ ਇਸ 'ਚ ABS ਤੇ ਡਰਾਈਵਰ ਏਅਰ ਬੈਗ ਸਾਰੇ ਵੇਰੀਐਂਟਸ 'ਚ ਸਟੈਂਡਰਡ ਦਿੱਤਾ ਗਿਆ ਹੈ। ਟਾਪ ਮਾਡਲ 'ਚ ਡਰਾਈਵਰ ਦੇ ਨਾਲ ਪੈਸੇਂਜਰ ਏਅਰ ਬੈਗ ਵੀ ਦਿੱਤੇ ਗਏ ਹਨ। ਪਿੱਛਲੀ ਸੀਟਾਂ 'ਤੇ ਬੈਠਣ ਵਾਲਿਆਂ ਲਈ ਰੀਅਰ ਏ. ਸੀ. ਵੇਂਟ ਵੀ ਦਿੱਤਾ ਗਿਆ ਹੈ। ਮਜਬੂਤੀ ਲਈ ਇਸ 'ਚ 63% ਹਾਈ ਸਟਰੈਂਥ ਸਟੀਲ ਦੀ ਵਰਤੋਂ ਕੀਤੀ ਗਈ ਹੈ। ਪਾਰਕਿੰਗ ਦੀ ਅਸਾਨੀ ਲਈ ਰੀਅਰ ਪਾਰਕਿੰਗ ਕੈਮਰਾ ਦਿੱਤਾ ਗਿਆ ਹੈ। ਇਸ 'ਚ ਕੀ-ਲੈੱਸ ਐਂਟਰੀ ਦੀ ਸਹੂਲਤ ਵੀ ਹੈ।
Royal Enfield: 650cc ਵਾਲੀਆਂ ਬਾਈਕਸ ਦੀ ਬੁਕਿੰਗ ਸ਼ੁਰੂ, ਜਲਦੀ ਹੋਣਗੀਆਂ ਲਾਂਚ
NEXT STORY 
