ਨਵੀਂ ਦਿੱਲੀ - ਪਾਵਰ ਗਰਿੱਡ ਕਾਰਪੋਰੇਸ਼ਨ ਆਫ ਇੰਡੀਆ ਦੀ ਮਲਕੀਅਤ ਵਾਲੀ ਪਾਵਰ ਗਰਿੱਡ ਬੁਨਿਆਦੀ ਢਾਂਚਾ ਨਿਵੇਸ਼ ਟਰੱਸਟ(PowerGrid Infrastructure Investment Trust) ਦਾ ਆਈ.ਪੀ.ਓ., 29 ਅਪ੍ਰੈਲ ਨੂੰ ਖੁੱਲ੍ਹ ਰਿਹਾ ਹੈ। ਇਹ ਇਸ਼ੂ 29 ਅਪ੍ਰੈਲ ਨੂੰ ਨਿਵੇਸ਼ ਲਈ ਖੁੱਲ੍ਹੇਗਾ ਅਤੇ 3 ਮਈ, 2021 ਨੂੰ ਬੰਦ ਹੋਵੇਗਾ। ਕੰਪਨੀ ਨੇ ਆਪਣੇ ਆਈ.ਪੀ.ਓ. ਲਈ ਸ਼ੇਅਰ ਦੀ ਕੀਮਤ 99-100 ਨਿਰਧਾਰਤ ਕੀਤੀ ਹੈ। ਆਈ.ਪੀ.ਓ. ਦਾ ਆਕਾਰ 7734 ਕਰੋੜ ਹੈ। ਪਾਵਰਗ੍ਰੀਡ ਇਨਵਾਈਟ ਆਈ.ਪੀ.ਓ. ਵਿਚ 4,993.48 ਕਰੋੜ ਰੁਪਏ ਦਾ ਫਰੈਸ਼ ਇਸ਼ੂ ਅਤੇ ਯੂਨਿਟ ਹੋਲਡਰ ਦੁਆਰਾ ਰੱਖਿਆ ਜਾਣ ਵਾਲਾ 2,741.51 ਕਰੋੜ ਰੁਪਏ ਦਾ ਆਫ਼ਰ ਫਾਰ ਸੇਲ ਸ਼ਾਮਲ ਹੈ।
ਇਹ ਵੀ ਪੜ੍ਹੋ : ਹਵਾਈ ਯਾਤਰੀਆਂ ਲਈ ਖ਼ੁਸ਼ਖ਼ਬਰੀ, ਘਰੇਲੂ ਉਡਾਣਾਂ ਦੇ ਕਿਰਾਏ ਨੂੰ ਲੈ ਕੇ ਮੰਤਰਾਲੇ ਨੇ ਜਾਰੀ ਕੀਤੇ ਆਦੇਸ਼
ਜ਼ਿਕਰਯੋਗ ਹੈ ਕਿ ਪਾਵਰ ਗਰਿੱਡ ਕਾਰਪੋਰੇਸ਼ਨ ਦਾ ਇਹ ਫੈਸਲਾ ਅਜਿਹੇ ਸਮੇਂ ਆਇਆ ਹੈ ਜਦੋਂ ਸਰਕਾਰ ਨੇ ਵਿੱਤੀ ਸਾਲ 2022 ਲਈ ਆਪਣਾ ਵਿਨਿਵੇਸ਼ ਦਾ ਟੀਚਾ 175 ਲੱਖ ਕਰੋੜ ਰੁਪਏ ਨਿਰਧਾਰਤ ਕੀਤਾ ਹੈ। InvIT ਇਕ ਸਮੂਹਕ ਨਿਵੇਸ਼ ਸਕੀਮ ਦੇ ਅਧੀਨ ਹੈ ਜੋ ਮਿਉਚੁਅਲ ਫੰਡ ਦੀ ਤਰ੍ਹਾਂ ਕੰਮ ਕਰਦੀ ਹੈ। ਇਸ ਵਿਚ ਵਿਅਕਤੀਗਤ ਸੰਸਥਾਗਤ ਨਿਵੇਸ਼ਕ ਇੱਕ ਬੁਨਿਆਦੀ ਢਾਂਚੇ ਦੇ ਪ੍ਰੋਜੈਕਟ ਵਿਚ ਸਿੱਧੇ ਨਿਵੇਸ਼ ਕਰ ਸਕਦੇ ਹਨ ਅਤੇ ਉਸ ਪ੍ਰੋਜੈਕਟ ਦੀ ਆਮਦਨੀ ਤੋਂ ਰਿਟਰਨ ਵਜੋਂ ਕਮਾਈ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ : ਕੋਰੋਨਾ ਕਾਲ 'ਚ ਮਰੀਜ਼ਾਂ ਨੂੰ ਲੁੱਟਣ ਵਾਲੇ ਹਸਪਤਾਲਾਂ ਦੀ ਆਈ ਸ਼ਾਮਤ, ਇਰਡਾ ਨੇ ਬੀਮਾ ਕੰਪਨੀਆਂ ਕੋਲੋਂ ਮੰਗੇ ਵੇਰਵੇ
ਜਾਣੋ ਤਾਰੀਖ ਅਤੇ ਹੋਰ ਵੇਰਵੇ
ਆਈ.ਪੀ.ਓ. ਕਦੋਂ ਖੁੱਲੇਗਾ: 29 ਅਪ੍ਰੈਲ, 2021
ਆਈ.ਪੀ.ਓ. ਕਦੋਂ ਬੰਦ ਹੋਵੇਗਾ: 3 ਮਈ, 2021
ਸ਼ੇਅਰ ਅਲਾਟਮੈਂਟ ਦੀ ਮਿਤੀ: 10 ਮਈ, 2021
ਰਿਫੰਡ ਦੀ ਤਾਰੀਖ: 11 ਮਈ, 2021
ਡੀਮੈਟ ਖਾਤੇ ਵਿਚ ਸ਼ੇਅਰ ਕਦੋਂ ਆਉਣਗੇ: 11 ਮਈ, 2021
ਆਈ.ਪੀ.ਓ. ਸੂਚੀਕਰਨ ਦੀ ਤਾਰੀਖ: 17 ਮਈ, 2021
ਇਹ ਵੀ ਪੜ੍ਹੋ : RBI ਨੇ ਬੈਂਕਾਂ ਦੇ CEO ਤੇ MD ਦੇ ਕਾਰਜਕਾਲ ਸੰਬੰਧੀ ਜਾਰੀ ਕੀਤੇ ਨਵੇਂ ਦਿਸ਼ਾ ਨਿਰਦੇਸ਼
ਫੰਡ ਕਿੱਥੇ ਵਰਤੇ ਜਾਣਗੇ
ਆਈ.ਪੀ.ਓ. ਤੋਂ ਪ੍ਰਾਪਤ ਕੀਤੀ ਰਕਮ ਕੰਪਨੀ ਦੁਆਰਾ ਕਰਜ਼ੇ ਦੀ ਮੁੜ ਅਦਾਇਗੀ ਲਈ ਵਰਤੀ ਜਾਏਗੀ, ਇਸ ਤੋਂ ਇਲਾਵਾ ਜਨਰਲ ਕਾਰਪੋਰੇਟ ਕੰਮਾਂ ਲਈ ਵੀ ਰਕਮ ਦਾ ਇਸਤੇਮਾਲ ਕੀਤਾ ਜਾਵੇਗਾ। ਇਸ ਆਈ.ਪੀ.ਓ. ਵਿਚ 75 ਪ੍ਰਤੀਸ਼ਤ ਸੰਸਥਾਗਤ ਨਿਵੇਸ਼ਕਾਂ ਲਈ ਅਤੇ 25 ਪ੍ਰਤੀਸ਼ਤ ਗੈਰ-ਸੰਸਥਾਗਤ ਨਿਵੇਸ਼ਕਾਂ ਲਈ ਰਾਖਵੇਂ ਹਨ।
ਘੱਟੋ ਘੱਟ ਕਿੰਨਾ ਨਿਵੇਸ਼ ਜ਼ਰੂਰੀ ਹੈ
ਆਮ ਨਿਵੇਸ਼ਕ ਇਸ ਆਈ.ਪੀ.ਓ. ਵਿਚ ਘੱਟੋ-ਘੱਟ 1100 ਯੂਨਿਟ ਲਈ ਬੋਲੀ ਲਗਾਉਣ ਦੇ ਯੋਗ ਹੋਣਗੇ। ਜੇ ਤੁਸੀਂ 100 ਰੁਪਏ ਦੇ ਪ੍ਰਾਈਸ ਬੈਂਡ ਨੂੰ ਵੇਖਦੇ ਹੋ, ਤਾਂ ਤੁਹਾਨੂੰ ਇਸ ਆਈਪੀਓ ਵਿਚ 1.1 ਲੱਖ ਰੁਪਏ ਦਾ ਨਿਵੇਸ਼ ਕਰਨਾ ਪਏਗਾ। ਇਸ ਤੋਂ ਬਾਅਦ 1,100 ਦੇ ਗੁਣਾਂਕ ਵਿਚ ਬੋਲੀ ਲਗਾਈ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ : ਭਾਰਤ ਨਾਲ ਮਿਲ ਕੇ ਕੋਰੋਨਾ ਖ਼ਿਲਾਫ਼ ਜੰਗ ਲੜਣਗੇ ਗੂਗਲ ਅਤੇ ਮਾਈਕ੍ਰੋਸਾਫਟ, 135 ਕਰੋੜ ਰਾਹਤ ਫੰਡ ਦਾ ਕੀਤਾ ਐਲਾਨ
ਲੀਡ ਮੈਨੇਜਰ
ਆਈ.ਸੀ.ਆਈ.ਸੀ.ਆਈ. ਸਿਕਿਓਰਟੀਜ਼, ਐਕਸਿਸ ਕੈਪੀਟਲ, ਐਡਲਨਾਇਸ ਵਿੱਤੀ ਸੇਵਾਵਾਂ ਅਤੇ ਐਚ.ਐਸ.ਬੀ.ਸੀ. ਸਿਕਉਰਟੀਜ਼ ਐਂਡ ਕੈਪੀਟਲ ਮਾਰਕੇਟ (ਇੰਡੀਆ) ਇਸ ਪੇਸ਼ਕਸ਼ ਲਈ ਬੁੱਕ ਰਨਿੰਗ ਲੀਡ ਮੈਨੇਜਰ ਵਜੋਂ ਕੰਮ ਕਰ ਰਹੇ ਹਨ।
ਕ੍ਰੈਡਿਟ ਰੇਟਿੰਗ
ICRA: AAA/Stable
CARE: AAA/Stable
CRISIL : AAA/Stable
ਇਹ ਵੀ ਪੜ੍ਹੋ : ਜਾਣੋ ਮਈ ਮਹੀਨੇ ਵਿਚ ਕਿੰਨੇ ਦਿਨ ਬੰਦ ਰਹਿਣ ਵਾਲੇ ਹਨ ਬੈਂਕ, ਚੈੱਕ ਕਰੋ ਛੁੱਟੀਆਂ ਦੀ ਪੂਰੀ ਸੂਚੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
LPG ਤੋਂ ਲੈ ਕੇ ਬੈਂਕ ਖਾਤਾਧਾਰਕਾਂ ਤੱਕ ਲਈ 1 ਮਈ ਤੋਂ ਬਦਲ ਜਾਣਗੇ ਨਿਯਮ
NEXT STORY 
