ਬਿਜਨੈੱਸ ਡੈਸਕ- ਦੇਸ਼ ਦੀਆਂ ਪ੍ਰਮੁੱਖ ਤਕਨਾਲੋਜੀ ਕੰਪਨੀਆਂ ਟਾਟਾ ਕੰਸਲਟੈਂਸੀ ਸਰਵਿਸੇਜ਼ ਅਤੇ ਇੰਫੋਸਿਸ ਦਾ ਅਕਤੂਬਰ-ਦਸੰਬਰ ਤਿਮਾਹੀ ਦਾ ਨਤੀਜ਼ਾ ਬਾਜ਼ਾਰ ਦੇ ਅਨੁਮਾਨ ਤੋਂ ਬਿਹਤਰ ਰਿਹਾ। ਵਿਪਰੋ ਦਾ ਮੁਨਾਫਾ ਲਗਭਗ ਸਪਾਟ ਰਿਹਾ ਪਰ ਉਸ ਦੀ ਆਮਦਨ 'ਚ ਚੰਗੀ ਮਜ਼ਬੂਤੀ ਦੇਖੀ ਗਈ। ਹਾਲਾਂਕਿ ਆਈ.ਟੀ ਖੇਤਰ 'ਚ ਪ੍ਰਤਿਭਾਸ਼ਾਲੀਆਂ ਦੀ ਮੰਗ ਵਧਣ ਨਾਲ ਪ੍ਰਮੁੱਖ ਆਈ.ਟੀ. ਕੰਪਨੀਆਂ 'ਚ ਕਰਮਚਾਰੀਆਂ ਦੇ ਨੌਕਰੀ ਛੱਡਣ ਦੀ ਦਰ ਉੱਚੀ ਬਣੀ ਹੋਈ ਹੈ।
ਟਾਟਾ ਕੰਸਲਟੈਂਸੀ ਸਰਵਿਸੇਜ਼ (ਟੀ.ਸੀ.ਐੱਸ.) ਦਾ ਏਕੀਕ੍ਰਿਤ ਸ਼ੁੱਧ ਲਾਭ ਦਸੰਬਰ 2021 'ਚ ਹਫਤਾਵਾਰ ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ 'ਚ 12.2 ਫੀਸਦੀ ਵਧ ਕੇ 9.769 ਕਰੋੜ ਰੁਪਏ ਰਿਹਾ। ਕੰਪਨੀ ਨੇ 4,500 ਰੁਪਏ ਪ੍ਰਤੀ ਸ਼ੇਅਰ ਦੇ ਭਾਅ 'ਤੇ 18,000 ਕਰੋੜ ਰੁਪਏ ਦੇ ਸ਼ੇਅਰ ਪੁਨਰਖਰੀਦ ਪ੍ਰੋਗਰਾਮ ਦੀ ਵੀ ਘੋਸ਼ਣਾ ਕੀਤੀ ਹੈ। ਇਸ ਤਰ੍ਹਾਂ ਇੰਫੋਸਿਸ ਦਾ ਏਕੀਕ੍ਰਿਤ ਸ਼ੁੱਧ ਲਾਭ 2021-22 ਲਈ ਆਪਣੇ ਰਾਜਸਵ ਵਾਧੇ ਅਨੁਮਾਨ ਨੂੰ ਵਧਾ ਕੇ 19.5 ਫੀਸਦੀ ਕਰ ਦਿੱਤਾ ਹੈ।
ਟੀ.ਸੀ.ਐੱਸ ਨੇ ਕਿਹਾ ਕਿ ਅਕਤੂਬਰ-ਦਸੰਬਰ ਤਿਮਾਹੀ 'ਚ ਉਸ ਦੀ ਆਮਦਨ 16.3 ਫੀਸਦੀ ਵਧ ਕੇ 48,885 ਕਰੋੜ ਰੁਪਏ ਰਹੀ। ਕੰਪਨੀ ਨੇ ਕਿਹਾ ਕਿ ਨਿਰਦੇਸ਼ਕ ਮੰਡਲ ਨੇ 45,00 ਰੁਪਏ ਪ੍ਰਤੀ ਸ਼ੇਅਰ ਦੇ ਭਾਅ 'ਤੇ 18,000 ਕਰੋੜ ਰੁਪਏ ਮੁੱਲ ਦੇ ਸ਼ੇਅਰ ਪੁਨਰਖਰੀਦ ਦੀ ਸਿਫਾਰਿਸ਼ ਕੀਤੀ ਹੈ। ਟੀ.ਸੀ.ਐੱਸ. ਦੇ ਮੁੱਖ ਕਾਰਜਕਾਰੀ ਅਤੇ ਪ੍ਰਬੰਧ ਨਿਰਦੇਸ਼ਕ ਰਾਜੇਸ਼ ਗੋਪੀਨਾਥਨ ਨੇ ਕਿਹਾ ਕਿ ਅਸੀਂ ਗਾਹਕਾਂ ਦੇ ਨਵੀਨਤਾ ਅਤੇ ਵਿਕਾਸ ਯਾਤਰਾ ਦੀਆਂ ਜ਼ਰੂਰਤਾਂ 'ਤੇ ਗੌਰ ਕਰਦੇ ਹੋਏ ਜ਼ਮਾਨੇ ਦਾ ਪਰਿਚਾਲਨ ਮੰਡਲ ਅਪਣਾਉਣ 'ਚ ਵੀ ਉਸ ਦੀ ਮਦਦ ਕਰ ਰਹੇ ਹਨ। ਇੰਫੋਸਿਸ ਦੀ 31 ਦਸੰਬਰ 2021 ਨੂੰ ਖਤਮ ਤਿਮਾਹੀ 'ਚ ਆਮਦਨ 22.9 ਫੀਸਦੀ ਵਧ ਕੇ 31,867 ਕਰੋੜ ਰੁਪਏ ਰਹੀ। ਇੰਫੋਸਿਸ ਦੇ ਮੁੱਖ ਕਾਰਜਧਿਕਾਰੀ ਅਤੇ ਪ੍ਰਬੰਧ ਨਿਰਦੇਸ਼ਕ ਸਲਿਲ ਪਾਰੇਖ ਨੇ ਕਿਹਾ ਕਿ ਮਜ਼ਬੂਤ ਪ੍ਰਦਰਸ਼ਨ ਅਤੇ ਬਾਜ਼ਾਰ ਹਿੱਸੇਦਾਰੀ ਹਾਸਲ ਕਰਨਾ ਇਸ ਗੱਲ ਦਾ ਪ੍ਰਮਾਣ ਹੈ ਕਿ ਸਾਡੇ ਗਾਹਕਾਂ ਨੂੰ ਉਨ੍ਹਾਂ ਦੇ ਡਿਜੀਟਲ ਪੁਨਰਜੀਵਨ 'ਚ ਮਦਦ ਕਰਨ ਲਈ ਸਾਡੇ 'ਤੇ ਕਿੰਨਾ ਭਰੋਸਾ ਹੈ। ਵਿਪਰੋ ਦਾ ਏਕੀਕ੍ਰਿਤ ਸੁੱਧ ਲਾਭ ਇਸ ਦੌਰਾਨ 2,969 ਕਰੋੜ ਰੁਪਏ 'ਤੇ ਸਥਿਰ ਰਿਹਾ ਹੈ ਪਰ ਪਰਿਚਾਲਨ ਆਮਦਨ 29.6 ਫੀਸਦੀ ਵਧ ਕੇ 20,313.6 ਕਰੋੜ ਰੁਪਏ 'ਤੇ ਪਹੁੰਚ ਗਈ। ਲਗਾਤਾਰ ਪੰਜਵੀਂ ਤਿਮਾਹੀ ਹੈ ਹਾਲਾਂਕਿ ਸਾਡਾ ਪ੍ਰਦਰਸ਼ਨ ਚੰਗਾ ਰਿਹਾ ਹੈ।
ਸਭ ਆਈ.ਟੀ. ਕੰਪਨੀਆਂ ਕਹਿੰਦੀਆਂ ਰਹੀਆਂ ਹਨ ਕਿ ਕਰਮਚਾਰੀਆਂ ਨੂੰ ਕੰਪਨੀ ਛੱਡਣ ਦੀ ਦਰ 'ਚ ਅੱਗੇ ਕਮੀ ਆਵੇਗੀ। ਪਰ ਤਸਵੀਰ ਕੁਝ ਹੋਰ ਹੀ ਬਿਆਨ ਕਰਦੀ ਹੈ। ਤੀਜੀ ਤਿਮਾਹੀ 'ਚ ਇੰਫੋਸਿਸ 'ਚ ਕਰਮਚਾਰੀਆਂ ਦੀ ਕੰਪਨੀ ਛੱਡਣ ਦੀ ਦਰ 25.5 ਫੀਸਦੀ ਰਹੀ ਜੋ ਦੂਜੀ ਤਿਮਾਹੀ 'ਚ 20.1 ਫੀਸਦੀ ਹੈ। ਵਿਪਰੋ ਦੀ ਸਥਿਤੀ ਵੀ ਇਸ ਤੋਂ ਵੱਖਰੀ ਨਹੀਂ ਹੈ। ਵਿਪਰੋ 'ਚ ਕਰਮਚਾਰੀਆਂ ਦੇ ਕੰਪਨੀ ਛੱਡਣ ਦੀ ਦਰ 22.7 ਫੀਸਦੀ ਰਹੀ, ਜੋ ਦੂਜੀ ਤਿਮਾਹੀ 'ਚ 20.5 ਫੀਸਦੀ ਸੀ। ਟੀ.ਸੀ.ਐੱਸ. 'ਚ ਇਹ ਦਰ 15.3 ਫੀਸਦੀ ਰਹੀ ਜੋ ਟਾਪ ਤਿੰਨ ਆਈ.ਟੀ ਕੰਪਨੀਆਂ 'ਚ ਸਭ ਤੋਂ ਘੱਟ ਹਨ।
ਭਾਰੇ ਤੇ ਮਹਿੰਗੇ ਸਿਲੰਡਰ ਤੋਂ ਹੋ ਗਏ ਹੋ ਪਰੇਸ਼ਾਨ ਤਾਂ ਖ਼ਰੀਦੋ ਹਲਕਾ ਤੇ ਸਸਤਾ ਕੰਪੋਜ਼ਿਟ ਸਿਲੰਡਰ, ਜਾਣੋ ਖ਼ਾਸੀਅਤ
NEXT STORY 
