ਨਵੀਂ ਦਿੱਲੀ — ਸ਼ਨੀਵਾਰ ਨੂੰ ਪੇਸ਼ ਬਜਟ ’ਚ ਬਿਨਾਂ ਕੱਟੇ ਸਟੋਨਸ ’ਤੇ ਬੁਨਿਆਦੀ ਕਸਟਮ ਡਿਊਟੀ 0 ਤੋਂ ਵਧਾ ਕੇ 0.5 ਫ਼ੀਸਦੀ ਕਰ ਦਿੱਤੀ ਗਈ ਹੈ। ਇਸ ਕਾਰਣ ਰਤਨ ਜੜੇ ਗਹਿਣੇ ਮਹਿੰਗੇ ਹੋ ਜਾਣਗੇ। ਮਤਲਬ ਖਪਤਕਾਰਾਂ ਨੂੰ ਰੂਬੀ, ਪੰਨਾ ਅਤੇ ਨੀਲਮ ਜੜੇ ਗਹਿਣੇ ਖਰੀਦਣ ਲਈ ਜ਼ਿਆਦਾ ਖਰਚ ਕਰਨਾ ਪਵੇਗਾ।
ਨਾਲ ਹੀ ਰਫ (ਬਿਨਾਂ ਤਰਾਸ਼ੇ ਗਏ) ਕਲਰਡ ਜੈੱਮਸ ਸਟੋਨ, ਰਫ ਸੈਮੀ ਪ੍ਰੀਸ਼ੀਅਸ ਸਟੋਨਸ, ਰਫ ਸਿੰਥੈਟਿਕ ਜੈੱਮ ਸਟੋਨ, ਪਾਲਿਸ਼ਡ ਅਤੇ ਰਫ ਕਿਊਬਿਕ ਜਿਰਕੋਨੀਆ ’ਤੇ ਵੀ ਬੁਨਿਆਦੀ ਕਸਟਮ ਡਿਊਟੀ ਵਧ ਕੇ 0.5 ਫ਼ੀਸਦੀ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਇਨ੍ਹਾਂ ਕੀਮਤੀ ਪੱਥਰਾਂ ’ਤੇ ਕੋਈ ਡਿਊਟੀ ਨਹੀਂ ਲੱਗਦੀ ਸੀ। ਵੱਖ-ਵੱਖ ਤਰ੍ਹਾਂ ਦੇ ਰਤਨਾਂ ’ਤੇ ਕਸਟਮ ਡਿਊਟੀ ਵਧਣ ਨਾਲ ਬਰਾਮਦਕਾਰ ਵੀ ਪ੍ਰਭਾਵਿਤ ਹੋਣਗੇ।
ਸੋਨੇ ਦੇ ਸਿੱਕਿਆਂ ’ਤੇ ਵੀ ਵਧੀ ਇੰਪੋਰਟ ਡਿਊਟੀ
ਇਨ੍ਹਾਂ ਤੋਂ ਇਲਾਵਾ ਸੋਨੇ ਦੇ ਸਿੱਕਿਆਂ ’ਤੇ ਵੀ ਇੰਪੋਰਟ ਡਿਊਟੀ 10 ਤੋਂ ਵਧਾ ਕੇ 12.5 ਫ਼ੀਸਦੀ ਕਰ ਦਿੱਤੀ ਗਈ ਹੈ। ਇਸ ਤੋਂ ਬਾਅਦ ਇਹ ਸੋਨੇ ’ਤੇ ਇੰਪੋਰਟ ਡਿਊਟੀ ਦੇ ਬਰਾਬਰ ਹੋ ਗਈ ਹੈ। ਇਸ ਕਦਮ ਨਾਲ ਘਰੇਲੂ ਬਾਜ਼ਾਰ ’ਚ ਮੈਨੂਫੈਕਚਰਡ ਗੋਲਡ ਕੁਆਇਨਸ ਨੂੰ ਵੀ ਬਰਾਬਰ ਮੌਕਾ ਮਿਲੇਗਾ।
ਬਰਾਮਦਕਾਰਾਂ ਲਈ ਨਿਰਾਸ਼ਾ ਵਾਲਾ ਕਦਮ
ਜੈੱਮ ਐਂਡ ਜਿਊਲਰੀ ਐਕਸਪੋਰਟ ਪ੍ਰੋਮੋਸ਼ਨ ਕਾਊਂਸਲ ਦੇ ਚੇਅਰਮੈਨ ਪ੍ਰਮੋਦ ਅਗਰਵਾਲ ਨੇ ਦੱਸਿਆ ਕਿ ਇਹ ਕਦਮ ਬਰਾਮਦਕਾਰਾਂ ਅਤੇ ਰਤਨਾਂ ਦੀ ਕਟਿੰਗ ਅਤੇ ਪਾਲਿਸ਼ਿੰਗ ਟ੍ਰੇਡ ਨੂੰ ਨਿਰਾਸ਼ ਕਰਨ ਵਾਲਾ ਹੈ। ਇੰਪੋਰਟ ਡਿਊਟੀ ’ਚ ਵਾਧਾ ਹੋਣ ਨਾਲ ਇਹ ਸਟੋਨ ਮਹਿੰਗੇ ਹੋ ਜਾਣਗੇ। ਇਨ੍ਹਾਂ ਰਤਨਾਂ ਲਈ ਅਮਰੀਕਾ, ਹਾਂਗਕਾਂਗ ਅਤੇ ਯੂਰਪ ਸਭ ਤੋਂ ਵੱਡੇ ਬਾਜ਼ਾਰ ਹਨ।
ਰਤਨ ਜੜੇ ਗਹਿਣਿਆਂ ਦੀ ਘੱਟ ਸਕਦੀ ਹੈ ਖਪਤ
ਘਰੇਲੂ ਬਾਜ਼ਾਰ ’ਚ ਖਪਤਕਾਰ ਸ਼ੁੱਧ ਸੋਨੇ ਦੇ ਗਹਿਣੇ ਦੇ ਮੁਕਾਬਲੇ ਰਤਨ ਜੜੇ ਗਹਿਣਿਆਂ ਨੂੰ ਤਰਜੀਹ ਦੇ ਰਹੇ ਸਨ ਕਿਉਂਕਿ ਪਿਛਲੇ ਇਕ ਸਾਲ ’ਚ ਸੋਨੇ ਦੀ ਕੀਮਤ 20 ਫ਼ੀਸਦੀ ਤੋਂ ਜ਼ਿਆਦਾ ਵਧ ਗਈ ਹੈ। ਇੰਡੀਆ ਬੁਲੀਅਨ ਐਂਡ ਜਿਊਲਰਸ ਐਸੋਸੀਏਸ਼ਨ ਦੇ ਕੌਮੀ ਸਕੱਤਰ ਸੁਰਿੰਦਰ ਮਹਿਤਾ ਨੇ ਕਿਹਾ ਕਿ ਹੁਣ ਰਤਨ ਜੜੇ ਗਹਿਣਿਆਂ ਦੀ ਖਪਤ ਘਟ ਸਕਦੀ ਹੈ ਕਿਉਂਕਿ ਡਿਊਟੀ ਦੀ ਵਜ੍ਹਾ ਨਾਲ ਇਨ੍ਹਾਂ ਦੇ ਭਾਅ ਵਧ ਜਾਣਗੇ।
ਪਲਾਟੀਨਮ ਅਤੇ ਪੈਲਿਡੀਅਮ ’ਤੇ ਕਸਟਮ ਡਿਊਟੀ ਘਟੀ
ਕਾਊਂਸਲ ਦੇ ਵਾਈਸ ਚੇਅਰਮੈਨ ਕਾਲਿਨ ਸ਼ਾਹ ਨੇ ਦੱਸਿਆ ਕਿ ਸਿਰਫ ਇਕ ਚੰਗੀ ਚੀਜ਼ ਹੋਈ ਹੈ। ਪਲਾਟੀਨਮ ਅਤੇ ਪੈਲਿਡੀਅਮ ’ਤੇ ਕਸਟਮ ਡਿਊਟੀ ਨੂੰ 12.5 ਤੋਂ ਘਟਾ ਕੇ 7.5 ਫ਼ੀਸਦੀ ਕਰ ਦਿੱਤਾ ਗਿਆ ਹੈ। ਰਤਨਾਂ ’ਤੇ ਡਿਊਟੀ ਵਧਣ ਨਾਲ ਨੌਕਰੀਆਂ ਖੁੱਸਣਗੀਆਂ। ਅਸੀਂ ਗੁਆਂਢੀ ਦੇਸ਼ਾਂ ਤੋਂ ਮੁਕਾਬਲੇਬਾਜ਼ੀ ’ਚ ਬਾਜ਼ੀ ਹਾਰ ਜਾਵਾਂਗੇ।
ਸੇਲਰਜ਼ ਦੇ ਸੰਗਠਨਾਂ ਨੂੰ ਰਾਸ ਨਹੀਂ ਆਇਆ ਬਜਟ 2020, ਵਿਰੋਧ ਪ੍ਰਦਰਸ਼ਨ ਕਰਨ ਦੀ ਦਿੱਤੀ ਚਿਤਾਵਨੀ
NEXT STORY