ਮੁੰਬਈ - ਟਾਟਾ ਸੰਨਜ਼ ਦੇ ਸਾਬਕਾ ਚੇਅਰਮੈਨ ਸਾਇਰਸ ਮਿਸਤਰੀ ਇਸ ਦੁਨੀਆ 'ਚ ਨਹੀਂ ਰਹੇ। ਮੁੰਬਈ ਦੇ ਪਾਲਘਰ ਵਿੱਚ ਇੱਕ ਸੜਕ ਹਾਦਸੇ ਵਿੱਚ 54 ਸਾਲਾ ਸਾਇਰਸ ਮਿਸਤਰੀ ਦੀ ਮੌਤ ਹੋ ਗਈ। ਇਸ ਘਟਨਾ ਤੋਂ ਬਾਅਦ ਪੂਰੀ ਇੰਡਸਟਰੀ 'ਚ ਸੋਗ ਦੀ ਲਹਿਰ ਹੈ। ਇਹ ਹਾਦਸਾ ਮੁੰਬਈ ਦੇ ਨਾਲ ਲੱਗਦੇ ਪਾਲਘਰ 'ਚ ਕਾਸਾ ਨੇੜੇ ਮੁੰਬਈ-ਅਹਿਮਦਾਬਾਦ ਹਾਈਵੇਅ 'ਤੇ ਵਾਪਰਿਆ। ਮੁੱਢਲੀ ਜਾਣਕਾਰੀ ਅਨੁਸਾਰ ਮਿਸਤਰੀ ਦੀ ਮਰਸੀਡੀਜ਼ ਕਾਰ ਸੜਕ ਦੇ ਡਿਵਾਈਡਰ ਨਾਲ ਟਕਰਾ ਗਈ। ਕਾਰ ਵਿੱਚ ਕੁੱਲ ਚਾਰ ਲੋਕ ਸਵਾਰ ਸਨ। ਇਸ ਹਾਦਸੇ ਵਿੱਚ ਮਿਸਤਰੀ ਸਮੇਤ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ। ਆਓ ਜਾਣਦੇ ਹਾਂ ਸਾਇਰਸ ਮਿਸਤਰੀ ਨਾਲ ਜੁੜੀਆਂ ਕੁਝ ਮਹੱਤਵਪੂਰਨ ਗੱਲਾਂ...
ਇਹ ਵੀ ਪੜ੍ਹੋ : SuperTech ਵਲੋਂ Twin Tower ਡੇਗੇ ਜਾਣ 'ਤੇ 500 ਕਰੋੜ ਦੇ ਨੁਕਸਾਨ ਦਾ ਦਾਅਵਾ, ਪ੍ਰਗਟਾਈ ਇਹ ਇੱਛਾ
ਦਿਖਾਵੇ ਤੋਂ ਪਰਹੇਜ਼
ਟਾਟਾ ਗਰੁੱਪ ਵਿਚ ਚੇਅਰਮੈਨ ਬਣਾਏ ਜਾਣ ਦੇ ਐਲਾਨ ਤੋਂ ਬਾਅਦ ਦੂਜੇ ਦਿਨ ਜਦੋਂ ਸਾਇਰਸ ਮੁੰਬਈ ਸਥਿਤ ਟਾਟਾ ਹੈੱਡਕੁਆਰਟਰ ਬੰਬੇ ਹਾਊਸ ਪਹੁੰਚੇ ਤਾਂ ਉਨ੍ਹਾਂ ਨੇ ਸਾਦੀ ਪੈਂਟ-ਸ਼ਰਟ ਪਹਿਨੀ ਹੋਈ ਸੀ, ਜਦੋਂ ਕਿ ਉਨ੍ਹਾਂ ਦਾ ਸਵਾਗਤ ਕਰਨ ਵਾਲਿਆਂ ਨੇ ਸੂਟ-ਬੂਟ ਪਹਿਨੇ ਹੋਏ ਸਨ। ਉਸ ਦੀ ਕਮੀਜ਼ ਦੀਆਂ ਬਾਹਾਂ ਮੋੜੀਆਂ ਹੋਈਆਂ ਸਨ ਅਤੇ ਕੁਝ ਬਟਨ ਖੁੱਲ੍ਹੇ ਹੋਏ ਸਨ। ਹਾਲਾਂਕਿ ਸਾਇਰਸ ਲਈ ਬੰਬੇ ਹਾਊਸ ਕੋਈ ਨਵੀਂ ਜਗ੍ਹਾ ਨਹੀਂ ਸੀ, ਪਰ ਟਾਟਾ ਸੰਨਜ਼ ਦੇ ਡਿਪਟੀ ਚੇਅਰਮੈਨ ਵਜੋਂ ਮਿਸਤਰੀ ਦਾ ਪਹਿਲਾ ਕਦਮ ਸੀ।
ਜ਼ਮੀਨੀ ਸ਼ਖਸੀਅਤ
ਪਿਛਲੇ ਕਈ ਦਹਾਕਿਆਂ ਤੋਂ ਲਾਈਮਲਾਈਟ ਵਿੱਚ ਰਹਿਣ ਦੇ ਬਾਵਜੂਦ, ਰਤਨ ਟਾਟਾ ਦੀ ਸ਼ਖਸੀਅਤ ਇੱਕ ਨੀਵੇਂ ਅਤੇ ਸ਼ਰਮੀਲੇ ਵਿਅਕਤੀ ਦੀ ਹੈ। ਇਸੇ ਤਰ੍ਹਾਂ ਸਾਇਰਸ ਮਿਸਤਰੀ ਨੂੰ ਨੇੜਿਓਂ ਜਾਣਨ ਵਾਲੇ ਕਹਿੰਦੇ ਸਨ ਕਿ ਉਹ ਬਿਲਕੁਲ ਰਤਨ ਟਾਟਾ ਵਰਗੇ ਹੀ ਸਨ। ਦੋਹਾਂ ਦੇ ਸੁਭਾਅ ਅਤੇ ਖਾਸ ਕਰਕੇ ਲੋਕਾਂ ਨੂੰ ਮਿਲਣ ਦੀ ਆਦਤ ਵਿਚ ਕਾਫੀ ਸਮਾਨਤਾ ਸੀ।
ਇਹ ਵੀ ਪੜ੍ਹੋ : Paytm, ਕੈਸ਼ ਫ੍ਰੀ ਅਤੇ ਰੇਜ਼ਰਪੇਅ ਦੇ ਟਿਕਾਣਿਆਂ ’ਤੇ ਛਾਪੇਮਾਰੀ, 17 ਕਰੋੜ ਰੁਪਏ ਜ਼ਬਤ
ਸਭ ਤੋਂ ਵੱਖਰੇ ਅਤੇ ਆਮ
ਮੁੰਬਈ ਦੇ ਕੈਥੇਡ੍ਰਲ ਅਤੇ ਜੌਹਨ ਕੌਨਨ ਸਕੂਲ ਵਿਚ ਪੜ੍ਹਣ ਵਾਲੇ ਮਸ਼ਹੂਰ ਹਸਤੀਆਂ ਦੇ ਬੱਚਿਆਂ ਵਿਚ ਉਹ ਆਸਾਨੀ ਨਾਲ ਪਛਾਣਿਆ ਜਾਂਦਾ ਸੀ। ਉਹ ਚਮਕਦੀ ਕਾਰ ਵਿਚ ਸਕੂਲ ਜਾਂਦਾ ਸੀ ਪਰ ਕਲਾਸ ਵਿਚ ਬਿਲਕੁਲ ਸਾਧਾਰਨ ਵਿਵਹਾਰ ਕਰਦਾ ਸੀ ਅਤੇ ਪੜ੍ਹਾਈ ਦੇ ਪ੍ਰਤੀ ਗੰਭੀਰ ਰਹਿੰਦੇ ਸਨ।
ਰਤਨ ਟਾਟਾ ਦੀ ਪਹਿਲੀ ਪਸੰਦ ਸਨ ਅਨੁਭਵੀ ਸਾਇਰਸ
ਰਤਨ ਟਾਟਾ ਨੇ ਸਾਇਰਸ ਦੀ ਨਿਯੁਕਤੀ 'ਤੇ ਕਿਹਾ ਕਿ ਟਾਟਾ ਸੰਨਜ਼ ਦੇ ਉਪ ਚੇਅਰਮੈਨ ਵਜੋਂ ਸਾਇਰਸ ਪੀ ਮਿਸਤਰੀ ਦੀ ਚੋਣ ਇਕ ਚੰਗਾ ਅਤੇ ਦੂਰਦਰਸ਼ੀ ਫੈਸਲਾ ਹੈ। ਉਹ ਅਗਸਤ 2006 ਤੋਂ ਟਾਟਾ ਸੰਨਜ਼ ਦੇ ਬੋਰਡ ਆਫ਼ ਡਾਇਰੈਕਟਰਜ਼ ਵਿੱਚ ਹੈ ਅਤੇ ਮੈਂ ਉਸਦੇ ਗੁਣਾਂ, ਉਸਦੀ ਭਾਗ ਲੈਣ ਦੀ ਯੋਗਤਾ, ਸੂਝ ਅਤੇ ਨਿਮਰਤਾ ਤੋਂ ਪ੍ਰਭਾਵਿਤ ਹੋਇਆ।
ਇਹ ਵੀ ਪੜ੍ਹੋ : ਗੌਤਮ ਅਡਾਨੀ ਨੂੰ ਮਿਲੇਗਾ USIBC ਦਾ ਗਲੋਬਲ ਲੀਡਰਸ਼ਿਪ ਐਵਾਰਡ
ਸੋਚ-ਵਿਚਾਰ ਦੇ ਬਾਅਦ ਚੁਣਿਆ ਗਿਆ ਸੀ
ਰਤਨ ਟਾਟਾ ਦਾ ਉੱਤਰਾਧਿਕਾਰੀ ਚੁਣਨਾ ਟਾਟਾ ਸੰਨਜ਼ ਲਈ ਔਖਾ ਕੰਮ ਸੀ। ਅਗਸਤ 2010 ਵਿੱਚ, ਰਤਨ ਟਾਟਾ ਦੇ ਉੱਤਰਾਧਿਕਾਰੀ ਦੀ ਖੋਜ ਲਈ ਮੈਂਬਰਾਂ ਦੀ ਇੱਕ ਕਮੇਟੀ ਬਣਾਈ ਗਈ ਸੀ ਅਤੇ ਇਸ ਵਿੱਚ ਖੁਦ ਸਾਇਰਸ ਵੀ ਸ਼ਾਮਲ ਸਨ। ਇਸ ਵਿਚ ਸ਼ਾਮਲ ਮੈਂਬਰਾਂ ਨੇ ਸਹੀ ਵਿਅਕਤੀ ਦੀ ਭਾਲ ਵਿਚ ਦੁਨੀਆ ਭਰ ਦੀ ਯਾਤਰਾ ਕੀਤੀ ਅਤੇ ਦਰਜਨਾਂ ਮੀਟਿੰਗਾਂ ਕੀਤੀਆਂ।
ਰਤਨ ਟਾਟਾ ਦੇ ਸੌਤੇਲੇ ਭਰਾ ਨੋਏਲ ਟਾਟਾ ਉੱਤਰਾਧਿਕਾਰੀ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਸਨ। ਇਸ ਤੋਂ ਇਲਾਵਾ ਇੰਦਰਾ ਨੂਈ ਸਮੇਤ 14 ਹੋਰ ਲੋਕ ਵੀ ਸ਼ਾਮਲ ਸਨ। ਇਨ੍ਹਾਂ ਸਾਰਿਆਂ ਦੀ ਇੰਟਰਵਿਊ ਲਈ ਗਈ। ਉਨ੍ਹਾਂ ਦੇ ਕੰਮ ਕਰਨ ਦੇ ਢੰਗ, ਤਜ਼ਰਬੇ, ਯੋਗਤਾਵਾਂ ਨੂੰ ਪਰਖਿਆ ਗਿਆ ਅਤੇ ਫਿਰ ਉਨ੍ਹਾਂ ਨੂੰ ਵਧੀਆ ਨਤੀਜੇ ਮਿਲੇ ਅਤੇ ਫਿਰ ਸਾਇਰਸ ਨੂੰ ਸਰਬਸੰਮਤੀ ਨਾਲ ਚੁਣਿਆ ਗਿਆ। ਵੈਸੇ, ਸਾਇਰਸ ਰਿਸ਼ਤੇ ਵਿੱਚ ਨੋਏਲ ਟਾਟਾ ਦੇ ਸਾਲੇ ਹਨ।
ਇਹ ਵੀ ਪੜ੍ਹੋ : ਦੇਸ਼ 'ਚ ਘਟਿਆ ਚੀਨੀ ਵਸਤੂਆਂ ਦਾ ਰੁਝਾਨ, ਭਾਰਤ ਦੇਵੇਗਾ ਡਰੈਗਨ ਨੂੰ 75 ਹਜ਼ਾਰ ਕਰੋੜ ਦਾ ਝਟਕਾ!
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
2012 ’ਚ ਸੌਂਪੀ ਗਈ ਸੀ ਸਾਇਰਸ ਮਿਸਤਰੀ ਨੂੰ ਟਾਟਾ ਸੰਜ਼ ਦੀ ਕਮਾਨ, ਵਿਵਾਦਾਂ ਨਾਲ ਰਿਹਾ ਗੂੜ੍ਹਾ ਨਾਤਾ
NEXT STORY 
