ਬਿਜ਼ਨੈੱਸ ਡੈਸਕ- ਐੱਲ.ਜੀ. ਇਲੈਕਟ੍ਰੋਨਿਕਸ ਇੰਡੀਆ ਨੇ ਆਪਣੇ ਪ੍ਰਸਤਾਵਿਤ 15,000 ਕਰੋੜ ਰੁਪਏ ਦੇ ਆਈਪੀਓ ਲਈ ਭਾਰਤੀ ਬਾਜ਼ਾਰ ਰੈਗੁਲੇਟਰ ਸੇਬੀ ਤੋਂ ਮਨਜ਼ੂਰੀ ਪ੍ਰਾਪਤ ਕਰ ਲਈ ਹੈ। ਇਸ ਆਈਪੀਓ ਰਾਹੀਂ ਐੱਲ.ਜੀ. ਇਲੈਕਟ੍ਰੋਨਿਕਸ ਇੰਕ ਆਪਣੇ 15 ਫੀਸਦੀ ਹਿੱਸੇ ਦੇ 10.18 ਕਰੋੜ ਸ਼ੇਅਰ ਵੇਚਣ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਆਈਪੀਓ ਰਾਹੀਂ ਕੰਪਨੀ ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਕਦਮ ਰੱਖਣ ਜਾ ਰਹੀ ਹੈ ਅਤੇ ਇਹ ਦੱਖਣ ਕੋਰੀਆ ਦੀ ਦੂਜੀ ਕੰਪਨੀ ਹੋਵੇਗੀ ਜੋ ਭਾਰਤੀ ਐਕਸਚੇਂਜ 'ਤੇ ਲਿਸਟ ਹੋਵੇਗੀ। ਇਸ ਤੋਂ ਪਹਿਲਾਂ ਅਕਤੂਬਰ 'ਚ ਹੁੰਡਈ ਮੋਟਰ ਇੰਡੀਆ ਨੇ 27,870 ਕਰੋੜ ਰੁਪਏ ਇਕੱਠੇ ਕੀਤੇ ਸਨ, ਜੋ ਹੁਣ ਤਕ ਦਾ ਸਭ ਤੋਂ ਵੱਡਾ ਆਈਪੀਓ ਸੀ।
LG ਇਲੈਕਟ੍ਰੋਨਿਕਸ ਦਾ ਭਾਰਤੀ ਬਾਜ਼ਾਰ 'ਚ ਦਬਦਬਾ
ਐੱਲ.ਜੀ. ਇਲੈਕਟ੍ਰੋਨਿਕਸ ਇੰਡੀਆ ਖਪਤਕਾਰ ਇਲੈਕਟ੍ਰਾਨਿਕਸ ਖੇਤਰ ਵਿੱਚ ਇੱਕ ਪ੍ਰਮੁੱਖ ਖਿਡਾਰੀ ਹੈ। ਕੰਪਨੀ ਦਾ ਭਾਰਤੀ ਬਾਜ਼ਾਰ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਰਹੀ ਹੈ। LG ਦੇ ਰੈਫ੍ਰਿਜਰੇਟਰ, ਵਾਸ਼ਿੰਗ ਮਸ਼ੀਨਾਂ ਅਤੇ ਮਾਈਕ੍ਰੋਵੇਵ ਓਵਨ ਉਤਪਾਦਾਂ ਨੇ ਭਾਰਤੀ ਬਾਜ਼ਾਰ ਵਿੱਚ ਉੱਚ ਸਥਾਨ ਹਾਸਲ ਕਰ ਲਿਆ ਹੈ।
ਇਸ ਤੋਂ ਇਲਾਵਾ ਕੰਪਨੀ ਏਅਰ ਕੰਡੀਸ਼ਨਰ ਸੈਗਮੈਂਟ ਵਿੱਚ ਵੀ ਦੂਜੇ ਸਥਾਨ 'ਤੇ ਹੈ ਅਤੇ ਟੈਲੀਵਿਜ਼ਨ ਸ਼੍ਰੇਣੀ ਵਿੱਚ ਚੋਟੀ ਦੇ ਦੋ ਬ੍ਰਾਂਡਾਂ ਵਿੱਚੋਂ ਇੱਕ ਹੈ। ਕੰਪਨੀ ਨੇ 1997 ਵਿੱਚ ਭਾਰਤ ਵਿੱਚ ਪ੍ਰਵੇਸ਼ ਕੀਤਾ ਅਤੇ ਉਦੋਂ ਤੋਂ ਦੇਸ਼ ਵਿੱਚ ਇੱਕ ਮਜ਼ਬੂਤ ਨਿਰਮਾਣ ਅਧਾਰ ਸਥਾਪਤ ਕੀਤਾ ਹੈ। LG ਕੋਲ ਗ੍ਰੇਟਰ ਨੋਇਡਾ (ਉੱਤਰ ਪ੍ਰਦੇਸ਼) ਅਤੇ ਰੰਜਨਗਾਂਵ (ਪੁਣੇ) ਵਿੱਚ ਦੋ ਪ੍ਰਮੁੱਖ ਉਤਪਾਦਨ ਸਹੂਲਤਾਂ ਹਨ, ਜਿੱਥੇ ਇਹ ਆਪਣੇ ਜ਼ਿਆਦਾਤਰ ਉਤਪਾਦਾਂ ਦਾ ਨਿਰਮਾਣ ਕਰਦੀ ਹੈ। LG ਭਾਰਤ ਵਿੱਚ ਵੇਚੇ ਜਾਣ ਵਾਲੇ ਲਗਭਗ 97-98 ਫੀਸਦੀ ਉਤਪਾਦਾਂ ਦਾ ਨਿਰਮਾਣ ਸਥਾਨਕ ਤੌਰ 'ਤੇ ਕਰਦੀ ਹੈ, ਜੋ ਕਿ ਇਸਦੀ 'ਮੇਕ ਇਨ ਇੰਡੀਆ' ਮੁਹਿੰਮ ਪ੍ਰਤੀ ਡੂੰਘੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।
IPO ਦਾ ਮਹੱਤਵ
ਐੱਲ.ਜੀ. ਇਲੈਕਟ੍ਰੋਨਿਕਸ ਇੰਡੀਆ ਦਾ ਇਹ ਆਈਪੀਓ ਭਾਰਤੀ ਪੂੰਜੀ ਬਾਜ਼ਾਰਾਂ 'ਚ ਇਕ ਮਹੱਤਵਪੂਰਨ ਕਦਮ ਹੈ। ਇਹ ਆਈਪੀਓ ਭਾਰਤੀ ਬਾਜ਼ਾਰ 'ਚ ਵੱਡੇ ਆਕਾਰ ਦੀਆਂ ਪੇਸ਼ਕੜਾਂ ਦੀ ਮਜਬੂਤ ਮੰਗ ਵਿਚਕਾਰ ਆਇਆ ਹੈ। ਇਸਦੇ ਨਾਲ ਹੀ ਇਹ ਭਾਰਤ ਦਾ ਪੰਜਵਾਂ ਸਭ ਤੋਂ ਵੱਡਾ ਆਈਪੀਓ ਹੋ ਸਕਦਾ ਹੈ, ਜੋ ਜੀਵਨ ਬੀਮਾ ਨਿਗਮ, ਹੁੰਡਈ ਮੋਟਰ ਇੰਡੀਆ, ਪੇਟੀਐੱਮ ਅਤੇ ਕੋਲ ਇੰਡੀਆ ਤੋਂ ਬਾਅਦ ਹੋਵੇਗਾ। ਕੰਪਨੀ ਨੇ ਆਪਣੇ ਆਈਪੀਓ ਲਈ ਦਸੰਬਰ 2024 ਦੇ ਪਹਿਲੇ ਹਫਤੇ 'ਚ ਸੇਬੀ ਕੋਲ ਆਪਣਾ ਡਰਾਫਟ ਰੈੱਡ ਹੇਰਿੰਗ ਪ੍ਰੋਸਪੈਕਟਸ (ਡੀਆਰਐੱਚਪੀ) ਦਾਖਲ ਕੀਤਾ ਸੀ। ਇਸ ਤੋਂ ਬਾਅਦ ਕੰਪਨੀ ਦੇ ਨਿਵੇਸ਼ਕਾਂ ਅਤੇ ਭਾਰਤੀ ਸ਼ੇਅਰ ਬਾਜ਼ਾਰ ਦੇ ਸੰਭਾਵਿਤ ਨਿਵੇਸ਼ਕਾਂ ਵਿਚਾਲੇ ਇਸ ਬਾਰੇ ਉਤਸ਼ਾਹ ਬਣਿਆ ਹੋਇਆ ਹੈ।
ਮਾਸੂਮ ਅਗਵਾ ਕਰਨ ਵਾਲੇ ਦਾ ਘੇਰ ਕੇ ਐਨਕਾਊਂਟਰ ਤੇ ਪੰਜਾਬ ਕੈਬਨਿਟ ਦਾ ਵੱਡਾ ਫੈਸਲਾ, ਅੱਜ ਦੀਆਂ ਟੌਪ-10 ਖਬਰਾਂ
NEXT STORY 
